Lào Cai: Jâuz krưr txơưr chiv-tsưr ziv uô paz hla đhâu cêr pluôs muôx chêx cur nhoz Si Ma Cai

Têx hnuz no, thâuv têx jâuz krưr nhoz qơư kik nhiv kruôr piz tsez chos mak ntâu ziv chuôz zis nhoz huyện Si Ma Cai, tỉnh Lào Cai li chor jâuz krưr txơưr chiv tưz jông sâu. Nhoz qơư tox siêz no, jâuz krưr tsik tas zưs đêx, tsuôs yuôx tuôx caz hmoz, tsuôk tas đas jos tsoz phưz, taz sik tsoz jâuz tưs cux krưr lox jông, hnhar cir. Nhiv kruôr zos hâur chêix chiv sâu, tix lâus Lìu Seo Thống, jok Say Sán Phìn, xar Mản Thẩn, huyện Si Ma Cai li têz chos jâuz tưz paz sâu tâu muôx 10 triệu đêiv. Ntu uô ntêx thâuv gri siêz mak muôs tâu 15 cxênhz đêiv iz cir, nhiv no cux muôs tâu 10 cxênhz đêiv iz cir. Xar muôx iz vạn luz jâuz thiêz muôx doanh nghiệp tênhv oz pêz hnuz zuôr chox yêz lox tuôx sâu zuôr tas hur si. Tix lâus Thống hêik:

“Thâuv ntêx cur chuôz zis chos poz cưk, nhiv no hlôngr chos jâuz krưr. Chos jâuz krưr mak zôngx ziv đuô thiêz tsik yuôx khưr pir li chos poz cưk, gri muôs cux siêz đuô”.

Lơưr zơưv Viên Đình Hiệp, Trươgr phongx Kông nuv huyện Si Ma Cai, jâuz krưr txơưr chiv tâu chos ntơưv Si Ma Cai cux ntêr lok lơưv, taz sik chos tsơưs, tsuôk txâuk muôs hâur huyện. Oz pêz shông lok no, jênhv pâuz tâu qiv hơưv đêx ar cux li ciêz đrôngs, zoz qơưx nhoz qơư kik ntâu, huyện Si Ma Cai tưz vênhv tôngv ntâu pênhr jos sik txơưr chiê paz nôngz, hêik pox nhuôs hlôngr chos jâuz krưr. Nhiv no, thax tsav chos jâuz krưr txơưr chiv tas nro huyện muôx 30 ntâu hec ta, đros muôx nhos 140 ziv chuôz zis cxaz chuôz chos, iz shông chos oz chiv, qơư muôs cux truôx tuk.

“Lơưr pêz qênhz yuôx mak thax tsav chos cux tsênhv yuôr, zuôr chos tâu muôx 100-200 hec ta. Ntu zuôr txos huyện zuôr tsêx trung têx pênhr jos chiê tror yưv pênhr, huôv tsar zav tsoz chos no. Zos sir zôngv tâu kror liv lok qiv hơưv, đêx ar mak no cux zos iz tsưr ziv uô paz cxuôv yêiz, thiv pluôs trâu pêx xênhv tox siêz nhoz thax tsav”.

Lơưr njuôk xav, pox nhuôs Si Ma Cai li iz hec ta jâuz krưr txơưr chiv paz muôx tâu phênhv sâu tsơưs cux zos 150 triệu đêiv, siêz đuô 6-7 jiês chos blêx, poz cưk. Taz sik, tiv pêx xênhv nhoz tox siêz li tsưr ziv uô nox tsêhv kik, phênhv ntâu zos khov trâu ntux, pox nhuôs cux tsik pâuz njuôk xav thiêz tsik xar hlôngr uô lơưr tsưr ziv yiêz, viv li chính quyền tiv phaz tsuv tsov cưv đuô chiê paz trâu tsôngv box nhoz no pâuz tâu txos tsưr ziv uô muôx chêx cur, gra siêz uo xênhz yar./.

(An Kiên-Lik Thox cxêik nhênhv)

CHIỀNG BAN- JOS ĐANGV VIÊN CXUÔV CÊR YEIZ PLUÔS

          Têx đangv viên nhoz Chiềng Ban, huyện Mai Sơn, tỉnh Sơn La li siêz sir jos hâur hlôngr yiêz kinh têr, cxuôv yeiz thiv pluôs tsi taz tâu heik tơưv xưz mak tsênhv tso pov cxôngx têx hâux lưv uô tsênhv tsênhz.

          Zơưv Lò Văn Hộn, nhoz jos Huổi Khoang, xã Chiềng Ban nhiv no tưz muôx 80 shông hnuz nhôngs, 60 shông nhoz hâur Đangv. Zơưv heik: Shông 1956 xã Chiềng Ban tâu yênhx lix đros cxuô cêr phêv liv nhoz têx thax tsav tox siêz thâuv têz qơưk tâu tiêx tul, ar têz nxaz. Têx shôngk co, chinhr quyênx thiêz tsôngv box nhoz no sir jos nriêr tsưr ziv chiê hla đhâu cêr yeiz pluôs cxôngx chos poz cưk, chos kok ntông, kuôr njuôs…taz sik têx dự án no puôr lênhx tsi chox lol chêx cuk kinh têr li siêz xar. Txos shông 1994, Chiềng Ban thiêx li chox tsoz cà phê, yuôx zêx ( cà phê nôngz Arabica) lol chos siv ntơưv xã đros thiêz zuôr xar 100 hecta, thiêz huôv tsar ntâu đuô lok têx shông tov kaz. Chuôz zis zơưv Hộn cux zos iz hâur têx ziv chuôz zis uô ntêx hlôngr chiê chos cà phê. Đros thiêz 2 hecta cà phê, côngv đros chos blêx, tu zus, chos jâuz, zus njês, tsi xav têx pênhr nhiêx tưz yưv, chuôz zis cux sâu tâu 200 tsov đeiv ntâu iz shôngk. Tsi taz hla đhâu cêr pluôs, chuôz zis cux bluô nux jux jus. Cxiv tâu tsêr yiêz, zuôr yêz ô tô phưx vưv mul lol. Lơưr zơưv Lò Văn Hộn: Đảng viên mak tsi cxoz txov nhêv.

          “ Xar muôx luz nênhx jông đuô, tsuv sir jos uô nox uô hâuk. Nhoz uô nênhx zos chiê gôngr côngv trâu chuôz zis thiêz xã hội, sir jos uô bluô nux. Cur xar li co xưz: iz lênhx đangv viên, tưz zos đangv viên mak zuk tsuv zos lênhx nênhs uô ntêx nyuôk chiê cxuô lênhx nênhs uô lơưr”.

          Đros siêz xar li đangv viên lâuk Lò Văn Hộn, đangv viên Lương Đức Hòa, nhoz chi bộ jos Hoa Mai, xã Chiềng Ban tưz nriêr cxuô tsưr ziv chiê uô bluô nux trâu chuôz zis. Cxôngx tu zus tsâus, zus nhux đas zuôr greix thiêz chos kuôr njuôs cux cxênhx tsês tâu mê njik, shông 2000 thiêz 2,3 tov kaz no, tix lâuk chuôz zis hlôngr 8 cxênhz yiv ndis mênhv chêx ar chos poz cưk, kuôr njuôs tsi jông chiê chos cà phê. Đhâu ntâu shông chos cà phê, đros thiêz phênhv sâu tâu siêz đuô, đhâu seiz shuôk niêv ciêz li zoz qơưx lok jâuz hur, tix lâuk ho hlôngr 5000 yiv ndis ar chos cà phê trâus zênhr shar tiv đâuk tê chiê chos jâuz, lưk, tâuz zax. Têx phênhv sâu cxôngx uô xênhz yar kôngz nuv, iz shông tix lâuk chuôz zis cux sâu tâu 300 tsov đeiv, shông sâu tâu ntâu mak cux zos 600-700 tsov đeiv.

          “ Zos đangv viên zuk tsuv sir jos trâu zuk trâu chuôz zis. Tsôngv box mak sik zâuv sik đros uô chiê hla đhâu cêr pluôs. Cur cux heik pox nhuôs uô kôngz nuv tsuv gruôs thiêz sir jos uô”.

          Đros hâux lưv heik kriê Nghị quyết chi bộ, đros tsưr ziv xar tơưv, tsưr ziv uô jông, cơưv shâuv lênhx nênhs uô ntêx nyuôk uô tâu hâux lưv jông, txos nhiv no Chi bộ jos Hoa Mai tưz muôx 11/12 đangv viên bluô nux. Đros zơưv Đặng Đình Thị- phưv bí thư Chi bộ jos Hoa Ban li trâur nuv muôx 1 hecta chos txir thênhx caz, 1 hecta chos tâux tu zus nhux đas sha nhuôs, nhux đas zuôr greix đros thiêz jix vuv chos jâuz hur cungz trâu têx tiv phaz hâur tỉnh paz zơưv chuôz zis muôx phênhv sâu fênhx pheiz iz shông 600-700 tsov đeiv. Zơưv Đặng Đình Thị heik:

          “ Nghị quyết chi bộ zos đangv viên tsi cxoz pluôs. Heik hâur chi bộ đangv viên tsuv uô ntêx nyuôk uô nox uô hâuk chiê tsôngv box cơưv shâuv uô lơưr. Tsi bluô nux mak cux tsuv muôx luz nênhx jông đuô jux jus. Co zos Chi bộ li tsưr ziv lênhs tov”.

          Đảng bộ xã Chiềng Ban muôx 30 chi bộ, đros 28 chi bộ jêx jos thiêz 2 chi bộ tsêr cơưv ntơưr, 336 lênhx đangv viên. Txos nhiv no, chor ziv chuôz zis đangv viên bluô nux tưz tsav txos 70-80%. Lơưr đồng chí Phạm Văn Khánh, Bí thư Đảng ủy xã Chiềng Ban, cux zos iz chuôz zis uô ntêx nyuôk hâur huôv tsar kinh têr nhoz hâur xã: Đảng bộ, chính quyênx xã thâuv tưs cux xav tênhv hâux lưv cxơưz tiês hlôngr yiêz kinh têr, cxuôv yeiz thiv pluôs zos iz jênhv vưv coaz tsôngv. Lơưr co, đros hâux lưv tso tơưv Nghị quyết hâur yênhx six cxiv, Đảng bộ tưz chox kriê txos qơư têx tsưr ziv uô tsênhv tsênhz, huiz tôngv tas nro cấp ủy, chinhr quyênx, têx đoanx thể ban nganhx sik đros uô. Đangv ủy thiêz têx Chi bộ pheiz côngz đangv viên muôx chênhz zênhv, phưv txơưx, paz max têx ziv chuôz zis pluôs. Iz tsưr tsix, đoanx thể chêx chôngk đros zuk hội viên huôv tsar tsiv uô xênhz yar. Têx chi bộ cam kết, cux xưk li hâux lưv têx đ/c đangv viên cxôngx BCH Đảng ủy xã txos têx chi bộ li phuôx huiz siêz xar uô ntêx nyuôk:

          “ Đros tsưr ziv lênhs tov, cur xar heik kriê tsôngv box uô, cán bộ tsuv zos lênhx nênhs uô ntêx nyuôk. Hlôngr yiêz tsoz chos, tsiêx tu zus, cán bộ đangv viên tsuv uô uô ntêx, đhâu co heik kriê, vênhv tôngv tsôngv box uô lơưr chiê muôx phênhv sâu siêz đuô”./.

( B.Thủy- Lik Thox- Txâur Vax cxeik nhênhv)