Lào Cai: Nghị quyết 406 txos đros huôx tôngv tsiv uô kinh doanh

          Chủ tịch UB tỉnh Lào Cai nhiv kruôr cir Cuiz tênhv tso tơưv bê têx thax tsav cấp huyện trâus zênhr shar tiv moz Covid-19 hâur quý III, quý IV shông 2021. Lơưr pos Dương Thị Thu Hằng, Cục tsar cục nhiêx sê tỉnh Lào Cai, no zuôr zos hâur pâus chiê nganhx nhiêx sê xav tênhv têx ziv chuôz zis muôv muôs, lênhx nênhs muôv muôs tsi tsuv khiêz nhiêx sê lơưr UB thường vụ Côx hôiv khóa XV li Nghị quyết 406:

          “Lào Cai zos 100% têx thax tsav puôr lênhx tâu côngz fur, shông no moz huôv xênhz têx ziv chuôz zis muôv muôs tsi tâu li niêx shông, phênhv ntâu tas nro puôr lênhx tsi tsuv khiêz nhiêx sê quý III, quý IV. Lok số laov mak tsuv seiz shuôk, viv nhiv no tsuv tos txos hli 1 shông zuôr txos seiz tsênhz mênhx zos hor ntâu”.

          Đros têx lênhx nênhs txơưr, Cục nhiêx sê tỉnh Lào Cai cux tưz tso tơưv thôngz pov trâu têx doanh nghiệp, tsưr tsix thôngz xor mông, uô ntâuz ntơưr thix ziv chiê tâu car chêx lơưr cui tênhv.

          Taz sik, tsi zos doanh nghiệp tưs cux tâu sơưv chính sách no. Li hâux lưv tsi tsuv khiêz nhiêx sê lok phênhv sâu đros doanh nghiệp, taz sik têx taz viv tưs uô tâu nox sâu tâu liv thiêx tsuv khiêz nhiêx sê, taz sik shông 2021, têx doanh nghiệp no yuôr tsi ntâu:

          “Txơưv chính sách zos tsov txos doanh nghiệp, taz sik cux tsi muôx txux zôngv đros têx doanh nghiệp uô hâux lưv muk lok, thiêz phênhv ntâu doanh nghiệp hâur ntu moz Covid-19 huôv xênhz no, viv tsi muôx kruô mak tsi muôx phênhv sâu, muôx kruô mak cux tsi muôx liv”.

          Yuôr lơưr zơưv Nguyễn Huy Long, Chủ tịch Hiệp hội doanh nghiệp tỉnh Lào Cai, đrâuv hâux lưv zuôr trâus muôx cxaz chính sách paz txưv doanh nghiệp muôx phênhv sâu taz sik tsi muôx liv, trung ương tsuv nhênhz chơưv txu grês hâux lưv paz txưv, viv Nghị quyết 406 tsuôk muôx cơ chế txu tsi tsuv khiêz lok sik txu grês phênhv khiêz nhiêx sê đros doanh nghiệp li phênhv sâu, muôx phênhv sâu txix 200 tỷ iz shôngk tror zar hâur:

          “Doanh nghiệp zâu thiêx li tâu sơưv, taz sik doanh nghiệp lox mak hax huv yuôr ntâu, tsuv xa muk muôs viv tsês ntêr mak tas six hơưv zôngv, muôx têx grê txu grês kis muôx phênhv sâu 200 tỷ đeiv ntâu taz sik liv zix sâu tâu mak tsi muôx”.

          Đros hâux lưv txu grês nhiêx sê giá trị gia tăng, ziv chênhv doanh nghiệp ntơưv Lào Cai xar tiêk, txơưv phênhv ntâu nhiêx sê no zos têx doanh nghiệp khiêz trâu têz qơưk, taz sik tsênhz mênhx mak lênhx nênhs khiêz nhiêx sê zos nênhs sir zôngv. Viv li, zos tas nro nênhs sir zôngv puôr lênhx tso pov txơưx jênhv đros xã hội, teix qênhx liv trâu zuk thôngz đhâu hâux lưv zuôr ntơưr muôv muôs hax huv thâuv muôv muôs hax huv mak chính sách no zuôr muôx txux zôngv cxơưz cxiz niêv ciêz lok six lox, viv grê xiv huv cux txu grês. Taz sik, nênhs sir zôngv nhoz Việt Nam muôx tsi ntâu lênhx nênhs muôx cêr cor cav li ntơưv, viv li chính sách no zuôr lax phuôx huiz tâu./.

(An Kiên-Txâur Vax cxeik nhênhv)