Nghị quyết 128- paz cxơưz cxiz trâu kinh têr Sơn La thiêz cxuô tsênhv qơư faz Bắc huôv tsar

Pov cov ntơưv jiês khiêz phêv kaz shôngk shông Hội Đôngx tỉnh Sơn La tsưr tsix hâur hnuz nhôngs nhiv kruôr đhâu tsik ntêr lok no tso pov, shông 2021, tas nro phênhv sâu sâuv thax tsav tỉnh njuôs xav tax tâu 16 cxênhz tỷ đeiv ntâu, tax zuôr xar 118%  trơưk li Hội Đôngx luôs hâux lưv choz zok; GRDP fênhx pheiz lênhx nênhs tax 45 tsov đeiv ntâu iz lênhx nênhs iz shôngk (chuôz ndê 1,1 tsov đeiv pir đros shông 2020); sâu nhiêx txiêx sâuv thax tsav njuôs xav tax 4 cxênhz 250 tỷ đeiv, bâuv 120% phênhv Trung ương choz. Tiv zix, côngz xưv cxơưz cxiz muôv muôs, sik côngv, sâu zuôr thiêz muôs tơưv hax huv saz đrâuv têz qơưk tâu cxơưz tiês uô, đros 17 xiv huv kôngz nuv tâu muôs tơưv thiêz heik kriê trâu 21 niêv ciêz têx têz qơưk thiêz thax tsav (chuôz ndê 5 têz qơưk pir đros shông 2020); tsiv grê hax huv muôs tơưv tax 160 tsov USD, chuôz ndê 42% pir đros tsêz no...

          Lơưr zơưv Nguyễn Quốc Khánh, Chủ tịch Hiệp hội doanh nghiệp tỉnh Sơn La, đrâuv tas nro tiv phaz li sir jos, hâur co muôx côngv thôngx doanh nghiệp sâuv thax tsav, chêx cuk no tax tâu khov muôx Chính phuv li Nghị quyết 128 tưz krêz thôngz ntâu luôk hâux lưv:

          “Nghị quyết 128 tsênhz tsênhz tâu uô jông hâur luz nênhx thiêz tâu côngv thôngx doanh nghiệp lok six thôngx ziv. Tiv zix, iz cxiê vênhv thix li vênhv teiv, ju lux, jix vuv ntu đhâu njiz lok six ntâu phêv liv, taz sik nhiv no tưz muôx têx hôx phưx jông. Lơưr Cục thôngz sâu li số laov shông no, txơưv tsênhv lok six phêv liv, taz sik tỉnh Sơn La zuôr tror uô jông tsưr ziv tso tơưv”.

          Thâuv Nghị quyết 128 tâu tso tơưv cux zos thâuv Sơn La txos ntu sâu txir cà phê- tỉnh li iz hâur têx xiv huv tsênhv. Khov co, xiv huv no tâu muôs zôngx ziv đuô pir đros têx xiv huv txơưr li txir trâuv nhux, txir khơưz, txir thanh long... sâu 2,3 luz hlik uô ntêx co. Zơưv Lường Văn Nhại, nhoz jos Nhộp, xã Chiềng Bôm, huyện Thuận Châu heik:

          “Cà phê nhôngs đê lok muôs ciês tâu. Zos six fênhx muôs tâu li no mak tsôngv box lok six tso siêz thiêz shir phaz”.

          Đros nganhx ju lix, Nghị quyết 128 tso tơưv tsênhz tsênhz paz trâu nganhx lok six ntâu thâuv 2 shôngk đhâu, moz Covid-19 huôv xênhz tưz uô huôx tôngv ndis shuôk uô si tsuôk li cơư trôngx.

          Tix lâuk Là Văn Phong, Chủ tịch Hội đồng quản trị, Giám đốc Công ty cổ phần ju lix Quỳnh Nhai Travel puz pâuz, zos xưk li thâuv ntêx mak iz shông công ty tos thiêz phưx vưv muôx nhos 10-20 cxênhz jiês kruô tuôx ndis shuôk uô si, mak 2 shông đhâu, kruô tuôx ndis shuôk uô si tsuôk tax 10-15%, phênhv sâu cux txu grês ntâu.

          Chiê txu grês têx phêv liv tiv caz moz Covid-19 huôv xênhz, tsuv cơư trôngx phax tar moz, ntu đhâu, Quỳnh Nhai Travel tưz kho đuô qơư ju lix, têx yêz fuôx gox, tsoz phưz tsôngv kruô, cxiv tsa têx xiv huv jông. Nhiv no, tas nro xã hội hlôngr trâu iz ntu yiêz, tir thêir tâu caz moz Covid-19, paz chiê Quỳnh Nhai Travel yênhx trus hôx phưx thiêz huôv tsar, heik kriê têx têz qơưk jông jav nhoz Tây Bắc txos cxuô lênhx nênhs pâuz:

          “ Thâuv muôx chủ trương yiêz cê kinh doanh, cê phax tar moz, pêz công ty tưz tror krêz trôngx. Thiêz zaz zâuv kruô tuôx ndis shuôk thâuv tror huôx tôngv, pêz cux tưz muôx têx xiv huv jix vuv yiêz, li muk ndis shuôk uô si sâuv yêz gox đêx thâuv hmo ntux. No zos iz hâur têx tsưr ziv ndis shuôk uô si xuz thơưx tâu uô sâuv pas đêx tênhv Sơn La”.

          Txơưv lênhx nênhs trâus moz Covid-19 chuôz ndê pir đros ntu đrav ntêx, taz sik Chính Phuv li nghị quyết 128 tưz uô tâu ntâu kror jông paz cxơưz cxiz kinh têr tror huôv tsar./.

(Thu Thùy-Txâur Vax cxeik nhênhv)

Sir jos phax tar no trâu lênhx nênhs, tsoz chos, tsiêx tu zus

Nữ: Tsênhz tiês têx shông đhâu tso pov, no njiv hênhr tsi tiêk uô ruôr hiêv ntâu txos tsôngv pêx xênhv đas jos, lar heik zos têx nênhs lâul hnuz nhôngs siêz, nhuôs zâu, têx lênhx khênhr muôx iz cxiê zav moz gênhk, tsênhv uô ruôr hiêv txos tu zus thiêz têx kôngz lôngk.

Nam: Iz chas co, cux tsênhv muôx iz cxiê lênhx pêx xênhv, ziv chuôz zis tso siêz, tsi muôx têx tsưr ziv chiê phax tir thêir. Chênhr viv li, lok six zôngx ziv uô muôx têx tsi jông, trâul ruôr hiêv lox, uô hiêv txos tsôngv pêx xênhv li luz nênhx nox nhoz, cêr uô nox uô hnar.

Nữ: Thâuv muôx ntux no njiv, têx lênhx lâul nênhs, nhuôs zâu  khênhr muk nhoz tsêr kho moz chôngz lênhx, phênhv ntâu zos cik txos têx moz li: Moz njưk, moz lênhs plơưr. Hok lol sâuv cêr uô nox mak ntâu liêx têz kôngz trâul kruôr njưk tuôs tas tiv lok đâuk tê. Hâur tu zus tsiêx cxu, ntâu tus nhux tưv trâul tuôs no viv ntâu ziv chuôz zis khênhr cor cav tso têx nhux tưv lak yar, tsi chaz, lơưr lok tsêr, tsi muôx qơư cơư, muôx tsi txâuk jâuz krâur puz thâuv têx hnuz ntux no njiv…..

Nam: Chênhr zos li heik co, chiê bax phax tar no tâu trơưk tsưr ziv thâuv ntux txơưr txar, no njiv ntêr hnuz, cxuô ngênhx muôx vax huôv thiêz hâu nov cxuô cấp ntơưv qơư, lar heik zos ntơưv têx thax tsav tox siêz đêz đrôngs tsuv zênhx max heik trâu tsôngv pêx xênhv pâuz lok têx tsi jông, trâul ruôr hiêv tiv no njiv uô.

Nữ: Tsuv heik, kriê tsôngv pêx xênhv têx tsưr ziv phax tar no trâu lênhx nênhs cux iz zav li têx tsiêx cxu, tsoz chos. Xor thêir têx vax tsêr cov ntov tsi yâu chuô txiêk, trâur tơưk ntê, hnar tsôngk tril yo sor…. Têx lênhx lâul nênhs, nhuôs zâu tsơưs muk lol đrâuv têx jôngr hâur têx hnuz ntux no njiv, lar heik zos thâuv hmo ntux. Tsi tso têx tsiêx lak yar hâur chor hnuz no njiv hênhr, xor thêir qơư cơư tsiêx cov ntov, chuô txiêk thiêx tsi yâu, taz por muôx txâuk jâuz, krâur trâu tsiêx cxu nox thâuv ntux no njiv. Thâuv têx tsoz chos, kôngz lôngk trâul ntux no uô ruôr hiêv, tsuv muôx tsưr ziv zênhx max chiê hlôngr uô đuô lưv zav kôngz cov huv đros trâu ntơưv qơư, tsi chiê trâul ruôr hiêv lox, uô tsi jông txos têx kôngz, phênhv sâu tâu….

Nhạc cắt

Nam: Sơưr đơưk tsuv uô lơưr jông têx tsưr ziv kriê lok phax tar no trâu lênhx nênhs, tsoz chos, tsiêx tu zus chiê txo grêk tsơưs têx trâul uô ruôr hiêv./.

(NNVN-Riê Lâux cxeik, nhênhv)