Hluôk nênhs Sơn La sik côngv tês cxiv tsa nôngx cxênhz yiêz

          Shông 2015, Chiềng Xôm zos xã xuz thơưx nhoz Thành phố Sơn La, tỉnh Sơn La tâu côngz jênhv tax ploz tsênhr nôngx cxênhz yiêz. Chêx cuk no muôx lưx lươngv đoàn viên, hluôk nênhs têx mênhx cxưx hâur xã li gôngr côngv lox. Thâuv co, cxôngx hluôk nênhs li đas jos, cêr moz siêz, têx đoàn viên, hluôk nênhs tá snro xã tưz sir jos cxaz chuôz cxiv tsa cơ sở cxuô zav; gôngr hnuz côngz, đas jos uô cêr bê tông mul lol hâur têx xã, jêx jos; vênhv tôngv tsôngv box gôngr 10 cxênhz ntâu yiv ndis ar, uô guôx cơư tsiêx cxu đêz tsêr nhoz....Ntâu lênhx đoàn viên cux sir jos uô ntêx nyuôk hâur huôv tsar kinh têr, chox lol phênhv sâu cxôngx 100 txos 200 tsov đeiv iz shông. Tiv zix li đoàn viên Quàng Văn Chung trâur nuv chos pax; đoàn viên Tòng Văn Bình li trâur nuv tu zus buô thiêz chos ntông nox txir sâuv ar têz nxaz, đoàn viên Tòng Văn Mạnh li trâur nuv tu zus njês uô jix vuv...Đoàn viên Quàng Thị Thanh, nhoz jos Hụm, xã Chiềng Xôm, thành phố Sơn La đros trâur nuv tsêr so ju lix côngv thôngx tso lol phênhv sâu 100 tsov đeiv ntâu iz shôngk heik:

          “ Đhâu nriêr pâuz cur jênhv pov huôv tsar tsêr nhoz lơưr ju lix côngv thôngx zuôr paz chuôz cxaz phênhv sâu trâu chuôz zis, gôngr phênhv tuôr truôx cêr nênhx vênhx huôv mênhx cxưx, tuôr jông vêv xênhz tênhx qơư hâur ploz tsênhr cxiv tsa nôngx cxênhz yiêz. Qir thơưx cux muôx kruô nhoz jê tuôx heik uô mor nox, yuôr so mak shông no chôngz đuô, ntâu lênhx nênhs pâuz txos đuô, muôx phênhv sâu cux ngaz tul thiêz siêz đuô lok six ntâu”.

          Yuôr niêv lâuk Lò Thị Hương, Bí thư đoàn xã Chiềng Xôm thành phố Sơn La tỉnh Sơn La mak puz pâuz:

          “ Txos shông 2015, xã Chiềng Xôm tưz tâu côngz jênhv zos xã xuz thơưx nhoz tỉnh Sơn La tax ploz tsênhr nôngx cxênhz, pêz lok six shông thiêz chêx cuk co. Pêz zuôr tror sir jos chiê gôngr phênhv muôz siêz thiêz tuôr truôx têx ploz tsênhr lok cxiv tsa nôngx cxênhz yiêz”.

          Tix lâuk Lò Văn Luân, Phưv bí thư Thường trực đảng ủy xã Chiềng Xôm cux sâu jênhv:

          “ Hâur phongz yaox cxiv tsa nôngx cxênhz yiêz xưk li têx phongz yaox hluôk nênhs uô nox uô hâuk, hluôk nênhs por vêv têz qơưk, phongz yaox por vêv tênhx qơư thiêz tiv zix zos cxaz chuôz tsaz yênhx tơưk pov cêr jêx jos...iz cxiê huôx tôngv txơưr mak hluôk nênhs zos lưx lươngv uô ntêx nyuôk. Hâur six hơưv krêz uô cxiv tsa nôngx cxênhz yiêz mak hluôk nênhs li pưs txux lok six coaz tsôngv thiêz tâu cấp ủy, chinhr quyênx xã Chiềng Xôm ntâus grê siêz”.

          Đros thiêz đoanx xã Chiềng Xôm, têx shôngk đhâu, đoàn viên hluôk nênhs nhoz têx cấp bộ Đoanx tỉnh Sơn La cux tưz sir jos côngv tês yênhx lưx lươngv uô ntêx nyuôk hâur cxiv tsa nôngx cxênhz yiêz. Hâur shông 2017 nhiv kruôr, tas nro tỉnh tưz muôx 6 cxênhz 600 jiês đoàn viên hluôk nênhs cxaz chuôz uô 25 cei cêr zaoz thôngz nôngx cxênhz; 7000 ntâu đoàn viên hluôk nênhs cxaz chuôz kho đuô 800 cei cêr zaoz thôngz nôngx cxênhz jêx jos nhoz têx tiv phaz, ntâu lênhx đoàn viên hluôk nênhs sir jos uô ntêx nyuôk hâur huôv tsar kinh têr, tso lol phênhv sâu yênhx puôk tsov đeiv iz shông...Đhâu co, gôngr phênhv paz Sơn La muôx cxaz 8 xã tax ploz tsênhr nôngx cxênhz yiêz, chox tas nro chor xã tax ploz tsênhr hâur tỉnh ndê txos 16 xã. Tix lâuk Nguyễn Duy Dũng, Phưv Bí thư tỉnh đoàn Sơn La puz pâuz:

          “ Shông 2018, Ban thường vụ tỉnh đoàn chêx chôngk lok hâux lưv yax mông txos chôngz canr bộ, đoàn viên lok phongz yaox hluôk nênhs Sơn La tưr thik, sik côngv tês cxiv tsa nôngx cxênhz thiêz, niêv đrôngs vav mênhx. Chêx chôngk têx hâux lưv tsênhv tsênhz, huv đros hluôk nênhs li đas jos li zaoz thôngz, tênhx qơư, đêx liv, tiv zix zos yax mông, vênhv tôngv chiê đoàn viên hluôk nênhs tâu txeik pênhr tsov cưv cxôngx zênhx hangx tsênhv chei xã hội”.

          Têx hnuz no, hluôk nênhs Sơn La tsênhv sir jos gôngr côngv hnuz côngz, đas jos chiê uô tâu ntâu côngz tsinhx, hâux lưv jông tsênhv tsênhz, muôx ziz njiêz chiê hơưv tos chiv nhênhv 87 shông Hnuz yênhx lix Đoanx hluôk nênhs Cộng sản Hồ Chí Minh./.

(Trấn Long- Txâur Vax cxeik nhênhv)

Sâu tâu nhiêx tiv txix chos tsoz chos txir  lưk jôngr tơưr njuôz

Thâuv ntêx, zơưv Huỳnh Văn Quận ziv chuôz zis muôx iz vax chos ntâu zav txir ntông đar muôx 1,5 ha, taz sik qơư muôs tsik truôx, sâu tâu nhiêx txiêx tsươs. Txix shông 1998, pov chos tsoz chos txir lưk jôngr tơưr njuôz zuôr sâu tâu nhiêx txiêx ntâu, zơưv Quận thiêx muk zuôr 150 tsoz zuz txir lưk jôngr tươr njuôz lok chos siv shơư hâur vax txir lưv tsiz. Tsoz chos txir lưk jôngr tơưr njuôz piz hloz lox thiêz txi ndư txir. Txix co, zơưv Huỳnh Văn Quận tror uô nzir zuz, chos tas nro chuôz zis li têx ar têz. Thâuv tsoz txir lưk jôngr piz txir txir truôx, zơưv hlôngr tas nro chor txir lưv tsiz chiê chos txir lưk jôngr tơưr njuôz.

Hâur têx shông jê lok no, muôx têx thâuv mak txir lưk jôngr tươr njuôz muôs tâu grê siêz, gri ndê txos 50 cxênhz đêiv iz cir, viv li zơưv Huỳnh Văn Quận li vax txir lưk jôngr tơưr njuôz sâu tâu đuô têx zav tsoz chos txơưr. Muôx tâu pênhr, zơưv tưz muôz nzir 1,5 ha ar chiê chos nzir txir lưk jôngr tơưr njuôz ndê muôx 3 ha. No zos thax tsav qươ chos ntâu txir lưk jôngr tơưr njuôz ntươv tỉnh Bến Tre. Nhiv no, zơưv Huỳnh Văn Quận li oz luz vax chos txir lưk jôngr tơưr njuôz hloz lox jông, tsoz chos tưz muôx 20 shông, taz sik cux tsênhv njuôz xiêz. Iz shông, chuôz zis sâu tâu muôx 50 ntâu tấn txir lưk jôngr, nhiêx liv sâu tâu 1 tiv đêiv ntâu iz shông. Lơưr zơưv Huỳnh Văn Quận, cux xưk li chor ntông nox txir txơưr đuô, chos txir lưk jôngr tơưr njuôz tsuv sir zôngv kỹ thuật tu tsưx phưv, tiv zix zos uô trươk tsưr ziv Viet Gap chiê paz muôx tâu hax huv hur thiêx muôs tâu gri siêz:

“Chos txir lưk jôngr tơưr njuôz zov chênhr tiv zix lơưr cur pâuz mak  tiv iz zos ar. Xar uô cov tâu trươk tsưr ziv siêz xar, thâuv chos tsuv uô jông lơưr tsưr zuv tsoz phưz, zuôv qir. Tsuv sir zôngv qir hữu cơ ntâu đuô, tsuôs yuôx vi sinh, qir zuôv trâu blôngx chiê tsoz chos lox jông, txir txir lox, jông gâux”.

Huỳnh Văn Quận li vax txir lưk jôngr tơưr njuôz tâu đhok car đêx zưs tas nro cxuô tsoz chos hâur vax; viv li paz txo grêk đas jos zưs đêx, txuôs tâu đêx thiêz muôx đêx txâuk trâu tsoz chos. Hâur ntu đhâu lok no, zơưv cux huôv tsar uô lơưr tsưr ziv VietGap li: tso njâuv đax trâu hâur vax, sir zôngv qir hữu cơ…viv li luz vax txir lưk jôngr muôx tsơưr lươngv siêz, chor txir jông gâux đuô, muôs tâu gri siêz đuô txix 10-15%.

Zơưv Nguyễn Hữu Nghĩa, Chủ tịch Hôiv nôngx mênhx xã Giao Long, huyện Châu Thành, tỉnh Bến Tre puz pâuz, zơưv Huỳnh Văn Quận nhiv no zos iz lênhx hâur hợp tác xã txir lưk jôngr tơưr njuôz xã Giao Long. Zơưv tâu hôiv nôngx mênhx tỉnh Bến tre xêir tsov zos iz hâur 7 lênhx nênhs txươx uô nox hâur tỉnh.

“Zơưv Huỳnh Văn Quận zos iz lênhx nênhs txơưx uô nox nhoz pêz xar. Hâur ntu đhâu, phuôx tôngv phongz yaox sik tưr huôv tsar cêr uô nox, tix lâus Quận tâu xêir tsov zos lênhx nênhs txơưx uô nox nhoz cấp tỉnh. Thôngx cxix hâur tỉnh Bến Tre li têx hax huv chênhr. Đros thax tsav uô muôx 3 ha, đros phênhv sâu yênhx shông txix nhiêx txiêx zos iz tiv đêiv ntâu. Pêz tiv phaz cơưv shâuv chiê uô đêz đar”.

Txix yêiz pluôs, khov tsoz txir lưk jôngr tơưr njuôz tưz paz trâu zơưv Huỳnh Văn Quận li chuôz zis muôx luz nênhx hlôngr yiêz ntâu thiêz bluô nux. Txơưv nhiv no tưz muôx phênhv sâu zos 1 tiv đêiv ntâu iz shông, taz sik zơưv Quận cux tsênhv njênhs njôngr tiêk, zuôr huôv tsar tsưr ziv chos nzir txir lưk jôngr tơưr njuôz chiê tror uô bluô nux ciês sâuv zuk qơư nhoz:

“Nhiv no mak cux xar huôv tsar nzir taz sik tsuv sêz qênhx shênhx li chak tso. Zuk chor txirlưk jôngr muôx 3 ha xav mak cux tsik ntâu luôx tưs; taz sik cux tsik zos tsơưs, zos tiêk muôx nhiêx txiêx mak cur tsênhv xar zuôr nzir ar. Cur tưz nhoz hâur hợp tác xã, bax uô lơưr VietGap, tov kaz no paz uô trâu chor txir kaz thiêz ngaz tuk đuô”.

Iz chas huôv tsar chos tsoz chos txir lưk jôngr tơưr njuôz paz phênhv sâu tâu ntâu nhiêx txiêx trâu chuôz zis, zơưv Huỳnh Văn Quận tsênhv paz trâu chôngz lênhx nênhs txơưr đuô nhoz  ntươv qươ đros kriz uô tsưr ziv chos cxuô zav ntông nox txir. Zơưv puz pâuz, pêx xênhv nhiv no zos sir jos khưr uô nox, pâuz sir zôngv khoa học kỹ thuật huôv tsar uô, cux zênhx uô tâu yênhx côngz. Hâur co, tsoz chos txir lưk jôngr tơưr njuôz tsênhv tâu sơưr đơưk khov vav nhoz thax tsav no, têx jiês cux zuôr paz trâu pêx xênhv txo grêk tâu cêr yêiz pluôs, muôx luz nênhx bluô nux./.

(TTĐBSCL-Lik Thox cxêik nhênhv)