Tsôngv pêx xênhv Yên Bái tsik sir zôngv vuôk luôx tsik hlơưr

Shông 2016,  công ty cxiv uô côngz trênhx Tài Đức  nhoz huyện Văn Trấn, tỉnh Yên Bái tưz muôz 14 tỷ ntâu đêiv nhiêx zuôr máy, chuôz zênhx thiêz cxiv uô tsêr puôz vuôk luôx tsik hlơưr, zos cxiv uô tâu 13 triệu đêiv vuôk luôx hâur iz shông. Ntơư zos iz zav vuôk luôx uô yiêz thiêz tâu xav zos zav vuôk luôx puôz uô tâu truôx, huv đros tênhx qơư, zos muozz hmôngr poz jêz shơư tor xi măng puôz uô thiêz sor hâur chêix ntux no, lax hâur chêix ntux sor thiêz chor vuôk luôx co tsik thơưv đêx. Taz sik, đhâu 4 shông cxiv uô, tsêr máy tsuôk zos uô puôz tâu 35%, grê nhiêx tsuôk tâu iz tỷ đêiv. Zơưv Nguyễn Trung Khoảng, sêiz car công ty cxiv uô côngz trênhx Tài Đức hêik pâuz:

          Băng: “Pêz cux tso tơưv luôs hâux lưv chiê muôs chor vuôk luôx co fênhx zis mê njik trâu  đoanx viên coong đoanx thiêz cxuô chuôz zis pluôs nhoz iz thax tsav ntơư”

          Đros ntơư cux muôx công ty Vĩnh Thành nhoz huyện Văn Bình, hâur shông 2015, công ty no cux muôz 10 ntâu đêiv nhiêx zuôr máy, chuôz zênhx thiêz cxiv uô tsêr puôz vuôk luôx tsik hlơưr trơưk li hâu nov tỉnh Yên Bái tso tơưv. Luz tsêr máy no puôz uô 5 triệu đêiv vuôk luôx hâur iz shông thiêz ntơư zos iz zav vuôk luôx uô yiêz thiêz thâuv qir uô, công ty tưz hêik kriê tsôngv px pâuz lok zav vuôk luôx no chiê sir zôngv cxiv uô vax tsêr, grê muôs tov thơưx. Zơưv Phạm Hữu Việt, thơưx sêiz car công ty Vĩnh Thành hêik pâuz:

          Băng: “Chor vuôk luôx pêz uô tâu no tưz tâu cơ quan muôx vax huôv qênhz  yuôx tsênhz mênhx thiêz tâu tso chêi  cxiv uô puôz vuôk luôx, uô huv đros”

          Txơưv tiêk, têx tsêr máy cxiv uô puôz zav vuôk luôx tsik hlơưr hêik sâu tưz piêr kriê têx vuôk luôx tsik hlơưr co trâu tsôngv px sđ pâuz chiê zuôr cxiv uô vax tsêr; taz sik tsôngv px sđ cux xar tiêk, tsav zav vuôk luôx co tsik khor, cxiv uô tsêr tsik truôx. Zơưv Nguyễn Ngọc Viên, zos iz chuôz zis tsênhv taz tov cxiv uô tsêr nhoz đrôngl Yên Bái hêik pâuz;

          Băng: “Cur cux tsik pâuz zav vuôk luôx tsik hlơưr co shor pok truôx, tsik chuôz car zuôr chox lok cxiv uô tsêr. Nhiv no uô tsêr cux zos zuôr chor vuôk luôx hlơưr chox lok puôz uô tsêr thiêx truôx”

          Chênhr zos hêik ntơư, zơưv Nguyễn Lâm Thắng, Giám đốc sở cxiv uô côngz trênhx tỉnh Yên Bái hêik pâuz nzir tiêk: Hâur thax tsav tỉnh mak nhiv no tsênhv muôx 11 doanh nghiệp thiêz 122 thax tsav qơư puôz uô vuôk luôx tsik hlơưr thiêz puôz tâu 88 triệu đêiv vuôk luôx hâur iz shông. Đhâu qênhz yuôx, sêiz njuôk shuôk, chor vuôk luôx tsik hlơưr co, cux zos iz zav vuôk luôx truôx khor.

          Băng: “Hur si chor vuôk luôx puôz uô tsik hlơưr hâur thax tsav tỉnh Yên Bái, puôr lênhx tâu têx cơ quan muôx vax huôv tỉnh Yên Bái muôz ntâuz ntơưr cxiv uô zos đrêiv chêi tso tơưv thiêz huv đros. Chênhr zos li hêik ntơư, zos tsôngv px zuôr zav vuôk luôx tsik hlơưr co chox muk puôz cxiv uô vax tsêr cux tso siêz, tsik cxoz cxơưx”./.

                                          (Tsu cxêik nhênhv-Thừa Xuân-VOVTB)

Ninh Thuận: Jok txir kaz blôngx đơưz lok zos txir nho Thái An-Qơư jông trâu tsôngv kruô tuôx ndis shuôs uô si

Jok Thái An nhiv no muôx nhos 540 chuôz zis chos txir kaz blôngx đơưz lok zos txir nho, đros thiêz 182 ha. Têx shông jê lok no, iz chas têx tsoz chos txir kaz blôngx đơưz gra lok phênhv sâu tâu siêz, tsôngv box Thái An qir huôv tsar uô nzir trâur nuv tu jông têx vax txir ntông co chiê trâu tsôngv kruô sđ tuôx ndis seiz uô si đros trâu muôs têx txir.

Chiê bax phưx vưv tsôngv kruô tuôx ndis shuôs uô si, tix lâus Nguyễn Thanh Hưng nhoz jok Thái An tsênhv tiz jông tu 1.080 xưv phaz têz txir kaz blôngx đơưz tsênhv siêr, qêz suô đu lus têx hâur pâuk ntông, phênhz qơư chiê tsôngv kruô tuôx seiz vax txir uô si tsi zuôr nhiêx thiêz nox siv têx txir ntơưv vax. Tix lâus Nguyễn Thanh Hưng heik pâuz nzir:

“Uô ntêx thâuv chor txir heik sâuv siêr mak zul cux bax trôngx tos, têx chơưr txir kaz blôngx đơưz, jiz txir  thâuv kruô tuôx mak zul tok kruô, hok grê muôs mak zul cux muôs iz zav li cxiê hnuz ntơư, kriê kruô cêr muk ndis seiz, cxeik đuôz tsi zuôr nhiêx thiêz uô ntêx thâuv têx txir zuôr siêr, zuk cux tsi tsuôs yuôx tuô caz”.

Tsưr ziv ndis seiz vax txir kaz blôngx đơưz ntơưv jok Thái An nhiv no muôx nhos 50 chuôz zis cxaz chuôz, iz hnuz hu zâuv muôx yênhx châuv lênhx kruô tuôx ndis shuôs uô si. Pâuz tâu tsôngv kruô sđ têx tsưr ziv, siêz xar nox siv têx txir kaz, hur ciês ntơưv vax hâur six hơưv ntênhs hội kruôl txos chor nênhs chos txir kaz blôngx đơưz thiêz tsoz chos txir kaz blôngx đơưz ntơưv qơư zuôr txos no, têx lênhx nênhs chos  zav tsoz chos co uô lơưr cui tinhv tsiv uô, tu jông têx txir, uô ntâu zav xiv huv txix chor txir no li: Chơưr, txir kaz blôngx đơưz kra kruôr....thiêz gra siêz tsơưr lươngv lês uô têx hâux lưv phưx vưv tsôngv kruô. Pos Phạm Thị Xuân nhoz xã Vĩnh Hải, huyện Ninh Hải heik:

“Chơưr mak thâuv zuk đê tâu têx txir siêr lok tso hâur thôngz, nquôr suz thax iz jâuk trâu, muôz tsâu 3-4 luz hlik, zuk mav muôz chor cuô tsi trâu hâur hưx jông li no. Hok chor fuôk mal zuk muôz lok nhox iz hnuz iz hmo, tsi têx buôk por tsês hur si, tas nro cux zos txix suz thaz thiêz têx txir no lok, uô li no nưk muôx nưk cuô tuôx”.

Jok txir kaz blôngx đơưz lok zos txir nho Thái An nhiv no tưz cxiv uô tâu qơư, suôz bê trâu tỉnh Ninh Thuận ju lix têx txir ntông. Tsôngv kruô tuôx ndis seiz uô ntơưv jok no ziv hnuz ziv chôngz lênhx, lar heik zos hâur kaz ciêz, six hơưv so ntênhs, cheix so sor. Chiê taz por tênhx qơư ju lix sưv jông, truôx tuk, six hơưv đhâu, cấp ủy, hâu nov ntơưv qơư tưz tsưr tsix cơưv, kriê cxaz têx txux chi tsưr ziv yuôr trâus lok chox kriê tsôngv kruô cêr ndis shuôs têx vax txir ntông uô si, phưx vưv kruô nox nhoz, mul lok thiêz tror cxơưz tiês yax kriê têx chuôz zis tsôngv box uô lơưr tsưr ziv uô lax luôv tsi zuôr nhiêx trâu tsôngv kruô ndis shuôs ntux seiz têz qơưk, thiêz tsi tâu truz, chaz , zuôv tsôngv kruô zuôr têx xiv huv lok sik muôs grê siêz. Zơưv Nguyễn Văn Lâm,, Bí thư Đảng ủy xã Vĩnh Hải heik:

“Bax tok kruô tuôx ndis seiz têz qơưk uô si ntơưv qơư hâur six hơưv ntênhs hội chơưr txir kaz blôngx đơưz lok zos txir nho, xã vênhv tôngv iz cxiê  chuôz zis muôx têx txir ntông co tsênhv siêr jông hux jos đros ntơưv qơư phưx vưv jông tsôngv kruô thâuv lơưr tuôx ndis shuôs uô si txos têx vax txir ntông. Iz chas ntơư, muôx luk hu lơưk tsôngv box sđ sik đros jông siêz, shir phaz lus lênhk tol tsôngv kruô tuôx ndis shuôs têz qơưk uô si hâur six hơưv zuôr txos, uô li chas cov tsôngv kruô ziv hnuz ziv tuôx chôngz thiêz kruôs, nhiêv txos têx jông ntơưv qơư”./.

(CTV VOVHCM-Riê Lâux cxeik, nhênhv)