Tsưr ziv yiêz tưr thik cơưv tiêr ntơưr lớp 12, tsês trâu thax tsav tỉnh tox siêz Sơn La

Thâuv nriêr pâuz lok tsưr ziv yiêz tưr thik cơưv tiêr ntơưr lớp 12 cux tâu thik, taz sik tsuôk chiê côngk nhav cơưv tas ntơưr lớp 12 xưz, hlôngr viv cê cơưv tas ntơưr cê xeir zuôr muk cơưv Đại học xưk li têx shông uô ntêx. Yuôr xeir zuôr muk cơưv đại học mak zuôr tâu choz trâu têx tsêr cơưv đại học chiê lơưr bax thiêz thik trơưk li chei zoz zux đại học, Lò Mai Linh, shux xênhz lớp 12, tsêr cơưv cxênhx 3 Mường Bú, huyện Mường La, tỉnh Sơn La nưk lok six cxơưx. Linh thiêz chor fôngx zưs lơưr xar tiêk, shông no cux zuôr jông xưk li cxiê shông, thik tas ntơưr lớp 12 muôx têx zuôr tâu xeir zuôr muk cơưv đại học. Nhiv no ho tsuv tưr thik 2 jiês, zuôr phiv liv đuô. Lar heik zos hâur six hơưv đhâu, ntâu lênhx fôngx zưs nhoz têx jêx jok đêz cơưv tsi tâu đhâu mạng, viv tsi muôx têx chuôz zênhx uz no lok cơưv, lok seiz, têx txux chi tưz tsi ndo kaz tas iz đraz:

“Cur pov tưz txo grêk tsơưs têx ntâuz ntơưr cơưv lơưv, taz sik hâur ntu so ntơưr ntêr, cơưv đhâu oleine mak tsuôk zos têx lênhx fôngx zưs nhoz hâur đrôngs thiêz têx lênhx moz siêz txos cêr cơưv txux thiêx cơưv tâu xưz, yuôr lok six ntâu lênhx nhoz thax tsav tox siêz đêz đrôngs, lơưr tsuv muk paz niêv txir uô liêx têz, cơưv tsi tâu đhâu mạng mak lok six phiv liv cơưk”.

Cưk kriê Trần Thị Nhung, tsêr cơưv cxênhx 3 Mường Bú, huyện Mường La, tỉnh Sơn La heik:  Đros thiêz tsưr ziv txo grêk tsơưs têx ntâuz ntơưr cơưv, mak jiês thik shông no tsi cxoz muôz uô 2 ntuk thik. Zos tsuôk phưx vưv trâu thik cơưv tiêr ntơưr lớp 12 xưz, hok xeir zuôr muk cơưv đại học mak ntơư zos têx tsêr cơưv đại học tưx tso shux xênhz tưr thik, shux xênhz zuôr đhâu 2 jiês thik hlôngr iz jiês li têx shông uô ntêx. Txơưv zôngx ziv lok sik nhuôz cux zos nzir iz jiês tưr thik thiêz uô trâu shux xênhz, shux xênhz li niêv txir cxơưx xưz. Iz chas ntơư nhoz tox siêz, cêr mul lok phiv liv, luz six hơưv tưr thik ntơưr ho zos luz cheix ntux nas. Lar heik, đros thiêz ntâu lênhx shux xênhz nhoz têx jêx jok đêz, tsuôk xar cov đhâu 12 shông cơưv muôx tâu đeiv ntơưr côngk nhav cơưv tiêr ntơưr chiê lok đros chuôz zis huôv tsar uô nox lok sik muk cơưv tsưr ziv uô hâux lưv.

Cưk kriê Trần Thị Nhung cux heik li no, zôngx ziv yax trâu têx nhuôs shux xênhz zos têx txux chi tưr thik phênhv ntâu 90% nhoz hâur học kỳ 1 thiêz 10% nhoz học kỳ 2. Taz sik thâuv tror tuôx tsêr cơưv, cơưv ntơưr, six hơưv chiê tror seiz đuô, cơưv đuô têx txux chi zuôr lok six phiv liv, viv shux xênhz tox siêz cơưv tsi tâu đhâu hâur mạng internet, phênhv ntâu six hơưv, hnuz nhôngs chor shux xênhz so ntơưr nhoz hâur tsêr zos muk uô liêx têz paz niêv txir:

“Têx shux xênhz đas cir muk cơưv đại học mak tsuv thik 2 jiês, viv li zuôr lok six phiv liv. Xưk li shông 2018, 2019 mak tsuôk tưr thik iz jiês xưz, taz sik nhiv no iz chas thik cơưv tiêr ntơưr lớp 12, mak shux xênhz tsuv tror bax thik mul cơưv đại học thiêz. Hlôngr uô li no mak phiv liv đuô lok six ntâu”.

Cưk kriê Phạm Văn Long, thơưx seiz car tsêr cơưv cxênhx 3 Mường Bú, huyện Mường La heik pâuz, zos Bộ Zoz zux thiêz thox cxov choz trâu Sở tsưr tsix jiês tưr thik ntơưr no thiêz Bộ zos lênhx buôk ti chox kriê tso tơưv têx jax thik, mak tsuv muôx tsưr ziv kriê li chas cov shux xênhz jênhv pâuz ntâu đuô têx ntơưr cơưv, jax thik zôngx ziv đuô pir li shông 2019 thiêz têx shông uô ntêx, thiêx tso siêz trâu shux xênhz tưr thik tâu ntơưr.

Lok sâuv six hơưv tưr thik, thik txix hnuz xiêz 8-11/8 tsi muôx đaz tsi heik txos, taz sik mê njik sei trâu têx tsêr cơưv lok sâuv hâux lưv xeir zuôr shux xênhz tuôx cơưv hâur shông yiêz xưz:

“Uô li lok têx ntâuz ntơưr mak phênhv ntâu tror kriê trâu chor nhuôs shux xênhz 90% hâur học kỳ 1 thiêz 10% hâur học kỳ 2, taz sik viv so ntơưr phax tar moz ntêr hênhr, shux xênhz tox siêz cơưv tsi tâu têx ntơưr đhâu mạng internet xưk li têx lênhx nhoz tiêx đras, viv li tsi tiêk nhoz Mường Bú li njiz trâul têx phiv liv li heik sâuv, mak hur tiz si têx tsêr cơưv cxênhx 3 hâur thax tsav xã cux zuôr jông xưk li no hur si, zôngx ziv phênhv ntâu zos têx tsêr cơưv hâur đrôngs thiêz chor tsêr cơưv nhoz hâur tsênhv qơư huyện. Chênhr zos li heik no pêz vav chiê siêz tiêk, Bộ têx jax thik zuôr uô li chas chiê fiv đros trâu phênhv ntâu thax tsav txov nhêv li têx txux chi tsưr ziv cơưv”.

Trơưk li ntâu lênhx cưk kriê ntơưr chor tsêr cơưv cxênhx 3 hâur têx xã ntơưv tỉnh Sơn La tsưr ziv, hâux lưv choz trâu tas nro cưk kriê ntơưr ntơưv thax tsav qơư seiz thik thiêz chấm thik cux zos iz kro yiêz, taz sik ho phiv liv iz kro trâu tox siêz thiêz. Cưk kriê, kriê jax tưs, thâuv thik jax co tsi tâu uô lênhx seiz tưr thik. Têx li no zuôr uô phiv liv trâu ngênhx, tsuv tso thiêz xeir luôs lưv tus txơưr đuô tuôx seiz thik, muôx têx zuôr tsi txâuk nênhs uô têx hâux lưv co./.

                              (Thanh Thủy-Riê Lâux cxeik, nhênhv)

NJIÊZ LUV

THÔNGZ YAX LUZ HLIK HUÔX TÔNGV VIVNGAZ TUK ZAV NOX SHÔNG 2020

Nam: Lênhx nênhs li qênhx liv zos tâu zôngv têx zav nox ngaz tuk. Chiê por vêv đas jos nênhs Việt Nam, nênhs tsiv uô, muôv muôs tsuv:

Nữ: Tsuv uô jông pháp luật li cui tênhv lok ngaz tuk zav nox.

Nam: Chuôz tsar zôngv têx công nghệ yiêz 4.0 hâur tsiv uô kôngz nuv.

Nữ: Zôngv têx zav uô zav nox ntơưv têx qơư pâuz tsênhz mênhx, trơưk tsưr ziv. Tsi tsiv uô, muôs zav nox chuôr, tsi txâuk tsơưr lươngv, tsi taz por.

Nam: Têx tsưr tsix jix vuv heik kriê zav nox tsuv uô jông cui tênhv lok heik kriê zav nox.

Nữ: Têx tsưr tsix muôx txơưx jênhv chuv tôngv qênhz yuôx, seiz car yưr lir txos qơư têx lênhx nênhs uô cxâuv hâur tsiv uô, muôv muôs, heik kriê têx zav nox.

Nam: Nênhs sir zôngv tsi zôngv têx zav nox tsi pâuz tsênhz qơư tsiv uô.

Nữ: Tsuv sêiz shuôk jông têx xor mông heik kriê tsi zos li tsênhv tsênhz, xưk li hêik têx yuô paz đas jos zos yuôx kho moz.

Nam: Viv côngv thôngx li đas jos, huôv tsar KTXH li: uô jông chinhr sách pháp luật hâur tsiv uô, muôv muôs thiêz heik kriê zav nox.

Nhạc cắt

Nữ: Nhiv no, chiê gôngr phênhv phax tar moz lok cêr uô pa Covid-19, pêz tsuv uô cxix cxuô Bộ y tế li têx heik kriê. Đrâuv co, nênhs sir zôngv tsuv uô jông têx tsưr ziv taz por zav nox li:

Nam: Thâuv mul zuôr zav nox tsuv:

Nữ: Sir zôngv lôngx têk, chox đeiv bos kror ndâux; tsi zuôr greix tsiêx cxu tưz trâus tsư puk. Jav đêz têx qơư tso têx vuôz tsuôz kiês nênhs thiêz đêx kiês nênhs hâur ciêz; Tsi zôngv greix tsiêx cxu tưz tuôs tiv moz viv lok six riêz nênhs. Zôngv yuôx phongx nzuôr tês thâuv cor têx tsiêx cxu, greix nhôngs chiê tsi chox caz moz lok tsêr.

Nam: Tsiv uô zav nox hâur tsêr

Nữ: Zôngv ntâuz their xuz ntiês, zôngv lôngx têk, chox đeiv bos kror ndâux thâuv uô zav nox.

Zôngv triêv thiêz los chav txơưr thâuv uô zav nox chiê caz moz tsi cik cxôngx zav nox nhôngs trâu zav nox tưz tâu uô siêr.

          Zôngv yuôx phongx nzuôr tês thiêz zôngv đêx hur chiê nzuôr têx caz moz por tsês thâuv cor têx zav nox nhôngs lok sik uô ntêx thâuv cor zav nox uô siêr.

          Uô têx zav greix, kê siêr jông thâuv nox chiê taz por tsi yuôr caz moz cik moz.

          Nam: Nox hâuk taz por vêv xênhz:

          Nữ: Thâuv tưs cux tsuv nox siêr, hâuk bâu chiê tsi trâus cik moz đhâu têx zav nox; tsi zôngv uô cê trơưs, điêr, chuôz zênhx tso têx zav nox đros lênhx nênhs txơưr thâuv nox hâuk./.

(Bích Thủy-Txâur Vax cxeik nhênhv)