Lai Châu tsov cưv cxax yuôx vắc xin phax phôngz moz Covid-19 trâu chor nênhs uô hâux lưv phax tir thêir moz

Tsênhv qơư seiz njuôk shuôs  moz gênhs tỉnh Lai Châu zos qơư uô luôs hâux lưv cxax 60 hưx yuôx vắc xin xuz thơưx trâu canr bôv, têx lênhx cưk yuôx, bác sĩ. No zos chor nênhs tsov cưv tâu cxax uô ntêx lơưr Chính phủ Nghị quyết 21. Chiê taz por truôx tuk, hâux lưv cxax yuôx phax phôngz moz tâu  uô jông trơưk li cui tinhv, 10 lênhx nênhs cxax iz jiês tax txos thâuv tas six hơưv, hnuz nhôngs sox seiz đhâu cxax yuôx tas li tror tâu cxax đuô. Zơưv Lê Huy Anh, iz hâur têx lênhx tâu cxax yuôx vắc xin xuz thơưx hâur jiês no heik:

“Đhâu thâuv cxax cux tsi pov uô li chas hlo. Đhâu cxax tas, txos nhiv no cur cux iz zav li kuz thâuv tsi tâu tâu cxax ntơư xưz. Zos têx lênhx uô hâux lưv phax tir thêir moz Covid-19, pêz cux xav tinhv zuk zos lênhx buôk ti uô hâux lưv, cux tsi xar li chas thâuv qênhz yuôx, seiz njuôk shuôs chor nênhs moz”.

Bác sĩ Ngô Doãn Toàn, Tsar khoa phax tar têx moz txơưx siz cik, Tsênhv qơư qênhz njuôk shuôs moz gênhs tỉnh Lai Châu heik pâuz: Đhâu thâuv txeik tâu chor yuôx vắc xin xa tuôx, tso trâu hâur cxaz txix hnuz xiêz 9/4, taz viv tưz kriê cơưv shâuv txux chi tsưr ziv uô hâux lưv, cxax yuôx uz no.... trâu hur si chor canr bôv cxaz chuôz cxax yuôx phax phôngz moz. Hâux lưv cxax yuôx vắc xin phax phôngz moz Covid-19 hnuz no cux tâu uô ntov jông txix  thâuv lênhk tok heik kriê, txos trâu njuôk shuôs đas jos uô ntêx thâuv zuôr cxax....

“Chiê taz por truôx tuk trâu hâux lưv cxax yuôx phax phôngz moz, pêz cux tưz qênhz njuôk shuôs. Chor nênhs txâuk đas jos cxax, pêz mav tror cxax; hok têx lênhx tsi txâuk đas jos, pêz heik kriê cov tror muk tsêr thiêz muôx seiz njuôk shuôs moz hur si seiz zuôr jông cxax lok tsi jông. Thâuv cxax tas, pêz tso chor nênhs cxax yuôx co lơưr nhoz lơưr iz qar tsêr chiê sox seiz đas jos đhâu cxax tas ntơư muôx nhos 30 phênhz, zos tsi pov muôx li chas yưv siv, pêz thiêx tso muk tsêr thiêz tror sox seiz, njuôk shuôs đas jos hâur tsêr nzir 7 hnuz thiêz”.

Hâur 2.300 hưx yuôx vắc xin cxax phax phôngz moz Covid-19 tâu muôz jiês iz hâur shông 2021, tỉnh Lai Châu zuôr cxax uô ntêx trâu chor  nênhs uô hâux lưv phax tir thêir têx moz gênhs li: Canr bôv y tế, tuz lênhv pênhz phax, Công an, tuz lênhv; hâur co, ciês chor tuz lênhv pênhz phax tsênhv uô hâux lưv nhoz têx thax tsav đriv têz mak zuôr tâu cxax iz cxênhz hưx yuôx.

Bác sĩ chuyên khoa I Vũ Mạnh Hùng, Phưv Giám đốc Tsênhv qơư qênhz njuôk shuôs moz gênhs tỉnh Lai Châu heik pâuz: Chiê taz por truôx tuk thiêz zênhx max zuôr chênhz zênhv lok têx uô tsi tâu, tsi jông muôx yưv hâur luz six hơưv no, jiês cxax xuz thơưx nor zuôr tâu uô 3 jiês, ntơưv 28 qơư, txix hnuz 22/4 txos tas hnuz xiêz 10/5 zuôr txos:

“Sở Y tế cux tưz tso 2 đoanx muk seiz kaz uô ntêx thâuv zuôr cxax nhoz cxuô nro têx huyện, TP. Hâux lưv truôx tuk, uô ntêx thâuv zuôr cxax, pêz tưz sâu bê chor nênhs tâu cxax ntơư tsi chênhr đhâu 100 lênhx ntơưv iz qơư cxax. Chor nênhs uô hâux lưv phax tir thêir moz, têx tuz lênhv, công an phênhv ntâu zos nhoz ntus đriv; chênhr viv li chiê cxax yuôx phax phôngz moz trâu têx lênhx li heik co njiz tsi tsơưs têx phiv liv. Taz sik pêz cux tưz đros chor cưk yuôx tuz lênhv phênhz uô têx qơư cxax, trôngx cxax cov fiv đros”.

Chiê taz por truôx tuk trâu chor nênhs cxax yuôx vắc xin phax phôngz moz Covid-19 hâur jiês iz no, iz chas chox kriê hux jos truôx, tỉnh Lai Châu cux heik cxuô cấp, ngênhx uô lơưr jông Bộ Y tế cui tinhv lok cxax yuôx phax phôngz moz, muôz jông six hơưv trâu chor nênhs cxax, lar heik zos lưv lươngv tuz lênhv pênhz phax tsênhv uô hâux lưv nhoz thax tsav ntus đriv tsơưs muk lol./.

(Khắc Kiên-Riê Lâux cxeik, nhênhv)

Lò Văn Cường-lênhx hluôk nênhs moz siêz xar tơưv uô ntâu hax huv jông paz trâu pêx xênhv Sơn La

Thav txos luz mêir ntâuk blêx zâu uô tâu 3 kror hâux lưv hâur chuôz zis, niêv tix Tòng Thị Hoa nhoz tiểu khu Hua Ít, thị trấn Ít Ong, huyện Mường La shir phaz hlo. Thâuv ntêx tsik tâu muôx luz mêir no, niêv tix chuôz zis chor liêx tsuv muôx txix 2-3 lênhx nênhs sir jos ntâuk blêx, tas yênhx hnuz thiêx ntâuk tiêr, phiv liv thiêz tas ntâu six hơưv.

Txix shông 2018, thâuv zuôr tâu luz mêir ntâuk blêx uô tau 3 kror hâux lưv zos Lò Văn Cường xar tơưv uô lok zôngv, chuôz zis tưz tsik tas ntâu six hơưv chiê ntâuk blêx lơưv. Chuôz zis li 1.000 ntâu thiêr ndis liêx tsuôk sâu tas muôx iz six hơưv xưz tưz tiêr lơưv. Shir phaz đuô zos iz luz mêir ntâuk blêx mak muôx gri zos 20 triệu đêiv, taz sik luz mêir ntâuk blêx Lò Văn Cường xar tơưv uô no tsuôk muôx gri muôs zos 3,5 triệu đêiv xưz. Gri kik, zôngx ziv thâux muk lok trâu hâur têx liêx-luz mêir no oz pêz shông tror lok no tưz paz lok six ntâu trâu chor chuôz zis nhoz Ít Ong thâuv txos chêix blêx liêx siêr:

“Thâuv sir zôngv luz mêir no mak cux zôngx ziv thiêz lok six jông, viv luz mêir no cux ntâuk tâu blêx sêi thiêz tsik tas ntâu six hơưv chiê nzuôv blêx…ntâuk tas mak zuôr ntiv  tâu trâu ciês hâur hnaz chiê thâux lok tsêr xưz”.

Đros Lò Văn Cường muk hâur qơư uô, tsênhv tsênhz mak zos chuôz zis iz qar tsêr, pov muôx lok six ntâu cxuô zav chuôz zênhx, cxuô zav mêir. Cường puz pâuz: thâuv cơưv tiêr ntơưr cxênhx pêz, Cường tưz tsik thik tưr muk cơưv chor tsêr cơưv đại học, mak đăngk cir chiê muk uô tuz lênhv nganhx Công an.

Shông 2016, uô tiêr hâux lưv tror lok tsêr, zênhx muôx siêz nhiêv xar zos yênhx lênhx kỹ sư cơ khí, ho pov tâu pox nhuôs njiz phiv liv ntâu hâur khưr uô nox, tsơưr lươngv ho tsik siêz, Cường tưz muôx tsưr ziv xar tơưv uô têx mêir chiê phưx vưv trâu uô kôngz nuv, paz txo grêk tsơưs six hơưv thiêz chor nênhs uô, paz trâu pox nhuôs tsik tas ntâu đas jos uô:

“Xuz thơưx uô mak njiz lok six ntâu phiv liv, tiv zix zos nhiêx txiêx, đuô thiêz nhiv kruôr kriz uô xưz mak chuôz zis cux tsik tâu thôngx ziv đros paz, chor mêir lok tsuôk hlê tas ho tror muôz đhok trâu, muôx têx luz mêir yiêz lok cux uô puôk tsuôx tas viv li phiv liv txos ntâu kror hênhr”.

Chiê muôx cxuô zav lok uô, đrâuv chor nhiêx cxênhx tsês tâu, Cường tưz txêik zênhx hangx 100 triệu đêiv chiê zuôr cxuô zav mêir li mêir hav, mêir tho, mêir txiêr…; đhâu iz ntu sir jos uô, Cường tưz xar tơưv thiêz uô tâu lok six ntâu zav mêir jông, li: Mêir xưv lik têx vuôz tsuôz nhựa thiêz têx hnaz tax zôngv chiê uô yênhx têx zav tơưl chis, hlôngr trâu trox yêz meir; mêir ntâuk blêx hov zâu uô tâu pêz kror hâux lưv; mêir phênhz têx txir mận zâu; mêir uô zav nox hâur tu  zus….

“Chor mêir muôs sâuv ciêz đrôngs mak tsik huv đros trâu luz nênhx nhoz ntơưv no viv li cur xar tơưv tsưr ziv uô, hlôngr yiêz đuô cov huv đros. Thâuv tsênhv xar uô luz mêir no mak ho xar txos uô têx zav mêir txơưr đuô viv li hâur ntu đhâu mak tưz uô tâu lok six ntâu zav mêir”.

Hâur 3 shông ntâu đhâu, Cường tưz muôs tâu muôx 300 ntâu luz mêir cxuô zav; iz luz mêir puôr lênhx muôx gri muôs kik đuô txix 5 txos 10 triệu đêiv pir li chor mêir txơưr muôx sâuv ciêz đrôngs. Chor nênhs zuôr Cường têx mêir tưz tsik zos nênhs nhoz huyện Mường La xưz mak tsênhv zos chor nênhs nhoz têx huyện txơưr hâur  tỉnh li Mộc Châu, Phù Yên, Mai Sơn…tuôx zuôr chox muk zôngv thiêz. Lò Văn Cường puz pâuz nzir:

“Hâur ntu zuôr txos cur zuôr tror xar tơưv thiêz uô nzir ntâu zav mêir, kho đuô têx mêir cov jông đuô thiêz nhiêx txiêx kik đuô cov huv đros trâu têx đêx ar nhoz thax tsav tox siêz Tây Bắc. đros coi zuôr sir jos uô cov chor mêir muôx gri muôs fênhx zis đuô thiêz huv đros đuô chiê paz trâu pox nhuôs sơưr đơưk”./.

(Trấn Long-Lik Thox cxêik nhênhv)