TUZ LÊNHV SIK ĐROS CÔNGV ĐAS JOS PAZ TSÔNGV BOX THAX TSAV NTUS ĐRIV CXUÔV YEIZ THIV PLUÔS

          Niêv lâuk Vì Thị Xướng chuôz zis nhoz jos Nà Dạ, xã Chiềng On, huyện Yên Châu, tỉnh Sơn La zos iz hâur têx ziv chuôz zis pluôs hâur xã. Tul txir pôngz nzor, yuôr niêv lâuk oz niêv tuz xưz viv li luz nênhx txov nhêv njuôr, yax six trâus yeiz pluôs. Khov tâu paz txưv iz lu hlik 10 cir cxur, cxôngx Zênhx pênhz phax 461 Chiềng On li tsaz yênhx “ Huz cxur jông siêz” mak niêv lâuk oz niêv tuz tưz muôx nox, tsi tsuv trâus yeiz li thâuv ntêx lơưv thiêz. Niêv lâuk Vì Thị Xướng pheiz kênh:

          “Cur oz niêv tuz lok six txov nhêv, tsi muôx liêx têz chiê uô, shông tưs cux trâus yeiz. Cur chuôz zis uô tsâus têx tuz lênhv bộ đội ntâu hênhr tưz paz max cur mê nhuôs tâu cơưv ntơưr, muôz cxur trâu cur oz niêv tuz nox”.

          Cux zos ziv chuôz zis pluôs, tix lâuk Sồng Lao Chồng, nhoz jos Keo Đồn, xã Chiềng On, huyện Yên Châu ho tâu têx tuz lênhv Zênhx pênhz phax 461 khơưk muôz yik cxôngx taz viv li tsaz yênhx “ Zênhx hangx yik” chiê tix lâuk Chồng chuôz zis huôv tsar tu zus muôx cxaz phênhv sâu. Nhiv no, gơưv yik taz viv choz trâu tix lâuk chuôz zis tưz qir sha nhuôs. Tix lâuk Chồng shir phaz heik:

          Zênhx pênhz phax 461 Chiềng On, Yên Châu coar lik zuôr xar 30 cei cêr ntus đriv đros têx tỉnh Bắc Lào, đros 18 tul ndêx đriv têz; coar lik 2 xã ntus đriv zos xã Phiêng Khoài thiêz xã Chiềng on, huyện Yên Châu. Hâur têx shôngk đhâu, đrâuv yax mông, vênhv tôngv tsôngv box têx mênhx cxưx têx xã ntus đriv sik côngv tês, uô jông Đangv li chủ trương, têz qơưk li cêr chei, taz viv tsênhv muôx têx hâux lưv uô tsênhv tsênhz, reik đros têx phongz yaox nhoz tiv phaz chiê paz pox nhuôs ntux đriv huôv tsar kinh têr, hla đhâu luz nênhx yeiz pluôs. Têx tsaz yênhx li : “ Huz cxur jông siêz”; “ Zênhx hangx yik”; “ Paz max shux xênhz mul cơưv ntơưr”...Tas nro têx tsaz yênhx co puôr lênhx tâu têx canr bôv, chiến sĩ nhoz zênhx pênhz phax muôz cxôngx nhiêx shar lok sik zuk li nhiêx nox hâur taz viv chiê uô.

          Tsuôk xav hâur tsêz no, taz viv tưz khơưk muôz 4 gơưv yik uô nôngz trâu 4 ziv chuôz zis tu zus tsiv grê zuôr xar 23 tsov đeiv. Cxôngx huz cxur jông siêz taz viv tưz cxênhx txuôk tâu zuôr xar 500 cir cxur paz txưv trâu 31 ziv chuôz zis sâuv thax tsav xã Chiềng On. Đrâuv co, taz viv tsênhv jênhv paz txưv 2 tul mê nhuôs shux xênhz zos mê nhuôs mênhx cxưx tsơưs nênhs muôx luz nênhx txov nhêv tiv zix sâuv thax tsav iz lênhx 500 cxênhz iz luz hlik txos thâuv cơưv tas tsaz yênhx trung học phổ thôngz. Têx hâux lưv uô tâu tsênhv tsênhz co tưz gôngr phênhv tsi mê lol hâux lưv txu grês ziv chuôz zis pluôs, sir jos chiê tsi yuôr ziv chuôz zis trâus yeiz nhoz sâuv thax tsav ntus đriv mak zênhx pênhz phax coar lik. Cxôngx co vênhv tôngv pox nhuôs sir jos cxaz chuôz phongz yaox tas nro tsôngv box por vêv txiv ngaz ntus đriv. Tix lâuk Hà Văn Nguyện, Chính trị viên phưv Zênhx pênhz phax 461 Chiềng on puz pâuz:

          “Six hơưv zuôr txos pêz tror uô tsaz yênhx no. No zos tsaz yênhx lok six muôx ziz njiêz đros tsôngv box nhoz ntus đriv, cux xưk li uô jông tuz lênhv pênhz phax li cêr coaz siv tsov cưv txos pox nhuôs nhoz ntus đriv”.

          Nhoz thax tsav ntus đriv Tây Bắc pêz têz qơưk, têx lênhx tuz lênhv bộ đội pênhz phax Sơn La tsênhv đros tsôngv box têx jêx jos ntus đriv chuôz tsar niêv sik côngv jông cxiv tsa têz qơưk, por vêv tsưr qênhx, txiv ngaz ntus đriv têz qơưk./.

( Lik Thox- Txâur Vax cxeik nhênhv)

Têiv plor côx hôiv chox cử tri li ntâu siêz xar tuôx trâu jiês cơưv tiv 3, côx hôiv khoar 14

Jiês cơưv no tâu cơưv ciês đhâu jiês cơưv Trung ương 5 suôv câuv đros tso tơưv 3 Nghị quyết zov chênhr trâu têz qơưk li huôv tsar kinh tế xã hội thiêz sêiz shuôk xưv lik canr bôv. Njiz cử tri, têiv plor Nguyễn Quang Tuấn, đoanx têiv plor côx hôiv thành phố Hà Nội puz pâuz, thôngz đhâu têiv plor côx hôiv, cử tri thành phố xa txo jiês cơưv tiv 3, côx hôiv khoar 14 ntâu tsênhv njiêz lox thiê cik txos pêx xênhv. Co zos qênhx shênhx zôngv nhiêx mriêr hâux lưv uô, ndê thênhv siêz đuô, hlôngr đuô hành chính, txo grêk nênhs uô hâux lưv… Đros cử tri tas nro têz qơưk, cử tri thành phố Hà Nội cux lok six tsov cưv txos chor tsênhv njiêz lok phax tar nox nhiêx têz qơưk thiêz sâu tsês têx kror co. Têiv plor Nguyễn Quang Tuấn hêik:

“Cử tri vav tiêk tâu côx hôiv mnôngs thiêz muôx têx tsênhv chêi. Chuôs li têx co zos hêik txos nox nhiêx têz qơưk thiêz sâu tsês têx co. Xưk tưz pâuz thâuv ntêx no muôx ntâu txuz anr nox nhiêx têz qơưk tâu cêir chêx taz sik chor nhiêx sâu tâu txix nox nhiêx têz qơưk co tsuôk sâu tâu muôx 8% lok six tsơưs pir li kror pôngz plox”.

Zos jiês cơưv thâuv iz đraz shông, viv li ntơưv jiês cơưv no, côx hôiv zuôr tsês ntâu six hơưv trâu côngz xưv cxiv tsa pháp luật. Côx hôiv njuôk xav zuôr sêiz shuôk, thôngz đhâu 13 dự án luật, 05 dự thảo Nghị quyết thiêz tso ziv chênhv trâu 5 sự án luật txơưr đuô. Têiv plor Phạm Tất Thắng, đoanx Vĩnh Long hêik tiêk: Qênhx shênhx nox nhiêx têz qơưk tsênhv muôx qir tiv txix luật phax tar nox nhiêx têz qơưk nhiv no li cuiz tênhv tsik tâu truôx. Co zos txơưv tưz cuiz tênhv lok six tsênhv mênhx chor nênhs tsuv hêik pâuz lok têx zuk muôx, phênhv sâu hâur ntu uô ntâuz ntơưr ứng cử,đề cử thiêz hêik pâuz têx zav muôx yênhx shông ntơưv têx cơ quan, taz viv. Taz sik kror no tsênhv zos uô cov muôx xưz. Viv li, tsuv hlôngr yiêz đuô luật phax tar nox nhiêx têz qơưk nhiv no muôx:

“Cur pov mak hêik pâuz cux tsik muôx kruôz kriê tsênhz mênhx thiêz tsik muôx zoz qơưx cov qênhz shuôk tâu tsênhz kror co. hêik pâuz co cux zos chiv chir hêik thiêz tsik muôx qênhz yuôx, sox sêiz thiêz tsik muôx cuiz tênhv tsênhz mênhx chiê xưv lik, sir zôngv kror hêik pâuz co trâu hâur phax tar nox nhiêx têz qơưk”.

Ntơưv jiês cơưv no, Côx hôiv cox njuôk xav tsês muôx 6 hnuz ntâu  chiê sêiz shuôk, sêiz lax thiêz cuêz tênhv lok têx vênhv thix li Chính phủ têx hêik pâuz ntâuk gri cxaz nzir chêx cur uô lơưr huôv tsar kinh tế-xã hội thiêz nhiêx txiêx têz qơưk shông 2016; qênhx shênhx uô lơưr tsưr ziv huôv tsar kinh tế-xã hội thiêz nhiêx txiêx têz qơưk chor hli hâur shôngk shông 2017; tso tơưv ntâuk gri nhiêx txiêx têz qơưk shông 2015; kror hlôngr tsênhv njiêz pâux nzir, paz, qơư nhoz yiêz yênhx dự án zâu chiê kriz uô Dự án qơư tsar yêz za ntiêx têz Long Thành. Tsov cưv tiv zix txos Côx hôiv sêiz kaz thênhv siêz li hêik pâuz uô lơưr tsênhv chêi, pháp luật lok ngaz tuk zav nox ntu 2011-2016, têiv plor Đôn Tuấn Phong, Đoanx An giang hêik tiêk:

“Tsov cưv txos têx vênhv thix cử tri hêik đhau chor jiês njiz. Tiv zix, đros thiêz tiêx đras niêv đêx Cửu Long thiêz tỉnh An Giang. Co zos vênhv thix ngaz tuk zav nox, no zos vênhv thix truz ntêr, pêx xênhv muôx tâu zav nox ngaz tuk. Cur pâuz jiês no côx hôiv muôx hêik pâuz sêiz kaz thênhv siêz lok ngaz tuk zav nox ntu 2011-2016, vav tiêk zuôr muôx ntâu xor mông hêik trâu cử tri pâuz”.

Đhâu njiz cử tri, chor têiv plor côx hôic xux hêik tiêk: Cử tri tsov cưv ntâu txos tênhv qơư uô nênhx nhoz thiêz tênhv qơư uô xênhz yar kôngz nuv. Viv tsik hur txix chor qơư công nghiệp uô trâu ntâu qơư uô kôngz nuv uô tsik tâu. Qênhx shênhx uô suôz jêz tsik zos chêi cux muôx tsik so. Đros co, zos sâu tâu kôngz lông sik pôngz gri, kôngz lôngk uô tsik tâu sik gri siêz cux tsênhv muôx, jê tiv zix zos gri grêix buô hâur têz qơưk grêk kik, uô pôngz plox trâu nênhs tu zus. Têiv plor Ngô Sách Thực, đoanx Bắc Giang hêik ziv chênhv:

“Tâu chêix pôngz gri, qir tiv, pêx xênhv li ziv chênhv siêz xar lok six zos taz sik pêz pov nhiv no mak tsuv hlôngr yiêz đuô lok kho đuô uô kôngz nuv. No zos kror mak pêz six uô xênhz yar ziv chuôz zis li nhiv no mak tưz tsik zos buô, têx txir, kok xưz mak tsênhv zuôr muôx nhoz têx kror txơưr đuô thiêz”.

Têx xor xưv tưz muôx, têx vênhv thix cik txos ciês cử tri luz nênhx tâu têiv plor chox tuôx ntơưv qơư cơưv côx hôiv. Vav tiêk chor têiv plor côx hôiv zuôr uô tas siêz viv pêx xênhv, paz uô trâu cơ quan pêx xênhv xêir zos qơư pêx xênhv zuôr njênhs tâu thiêz tso siêz./.

(TTT-Lik Thox cxêik nhênhv)