Phax tar nênhs phamv cxâuv zax zênhz-cơưv shâuv txix Nghệ An

Kaz shông tsêiz no, sâuv txox cêr 7A ntu đhâu xar Nam Sơn, huyện Đô Lương, tỉnh Nghệ An, lưx lươngv phax tar nênhx phamv cxâuv zax zênhz Công an Nghệ An tưz cxov tâu Phạm Văn Tùng, 28 shông, nhoz ntơưv xar Phú Thành, huyện Yên Thành, Nghệ An tsênhv thâux gra zax zênhz. Thâuv trâus cxov tâu, Tùng tưz zôngv triêv chiê ntâuk, taz sik cux trâus cxov. Têx sâu tâu zos iz luz yêz mêir, 20 thôngx zênhz đơưz, 1 cir zênhz poz jêz thiêz 12.000 njiêr yuôx shơư zax zênhz, 1 traz triêv. Kriz đar qênhz yuôx, lưx lươngv muôx vax cxov tâu nzir oz lênhx nênhs zos Lò Văn Sao, 35 shông, nhoz ntơưv jok Mét, xar Lục Dạ, huyện Con Cuông, Nghệ An thiêz Phạm Văn Hùng, 48 shông nhoz ntơưv xar Phú Thành, huyện Yên Thành, Nghệ An, zos chor nênhs fêv zuôr muôs zax zênhz txix Lào lok. Co tsuôk zos iz hâur yênhx cxênhz txuz nênhs fêv nhiês zuôr muôs zax zênhz mak lưx lươngv muôx vax huôv Nghệ An yơưz phơưz tâu hâur iz shông. Lơưr Thiếu tá Nguyễn Quế Thái, Đội trưởng đội 3, Phongx cảnh sát phax tar zax zênhz Công an Nghệ An puz pâuz, hâur shông 2018 no chor nênhs fêv nhiês zuôr muôs zax zênhz tưz tror lok trâu thax tsav Nghệ An chôngz đuô thiêz đros têx tsưr ziv yiêz phiv liv đuô. Xar yơưz phơưz thiêz cxov cov tâu yênhx côngz chor nênhs fêv hêik sâu, cxuô lưx lươngv muôx vax huôv tsuv khov trâu pêx xênhv.

“Muôx têx kror mak tsuv muôx pêx xênhv paz li chor nênhs nhoz iz ndis lênhx nênhs tsuv zok cxov luz tsêr mak lênhx tưs cux paz. Txix têx kror li hu nênhs tuôx paz jênhv, hêik pâuz, chôngz lênhx nênhs tưz tso têx hâux lưv tsês chiê tuôx thiêz cux tsik cxơưx đaz tsi hlo, lok sik xưk li muôx têx chuôz zis zuk thor nhoz hâur tsêr chiê sox sêiz chor nênhs fêv co li muk lok, tsưr tsêr tsênhv cxơưx trâu zuk nox, têx jiês sơưr đơưk tsênhv nox hâur chuôz zis co txix 3 txos 4 hnuz”.

Hâur 3 luz hli hâur shôngk shông 2018 no, Nghệ An tưz yơưz phơưz tâu 284 txuz, cxov tâu 335 lênhx nênhs, sâu tâu ntâu zav cik txos. Thiếu tá Nguyễn Quế Thái puz pâuz, chor nênhs fêv hêik ntơư, phênhv ntâu zos nênhs Nghệ An muk nhoz tsik trơưk chêi saz têz qơưk Lào, txuôk đros chor nênhs fêv hâur têz qơưk thiêz saz đrâuv têz qơưk. Txix Nghệ An, nênhs phamv cxâuv zuôr zax zênhz muk trâu têx thành phố lox hâur thôngz têz qơưk thiêz muk trâu luz têz qơưk tiv 3. Đros qênhx shênhx no, Công an Nghệ An tưz sik côngv đros bôv đội pênhz phax Nghệ An sâuv tas nro cxuô qơư, sir jos tsav txênhz tir thêir chor nênhs fêv nhiês zuôr muôs zax zênhz, xav tas nro têx tsưr ziv tir tar sik côngv đros chor cơ quan muôx vax huôv hâur têz qơưk saz đrâur ruôr tâu ciês thâuv lơưr tsik tâu gra zax zênhz lok hâur zuk têz qơưk. Thượng tá Trần Đình Khương, Phưv trưởng phongx CSGT Nghệ An puz pâuz:

“Chiê taz por jông tsav txênhz phax tar nênhs phamv cxâuv zax zênhz mak pêz tsuv sik côngv truôx đros chor cơ quan cik txos, thôngx cxix sir zôngv têx tsưr ziv uô hâux lưv nriêr pâuz tsênhv chor nênhs phamv cxâuv li huôx tôngv sâuv têx cêr muk lok chiê sik côngv đros chor cơ quan txơưx jênhv sâuv thax tsav chiê taz por tir tar thiêz zok cxov chor nênhs phamv cxâuv zax zênhz tâu jông thiêz muôx chêx cur đuô”.

Tỉnh Nghệ An li têx tsưr ziv uô tâu truôx tưz pov tâu tiêk: Côngz xưv tsav txênhz phax tar zax zênhz tưz tsik zos Công an, Bôv đội pênhz phax li luôs hâux lưv mak tsuv tas nro cxiv luôs chính trị thiêz cxuô nganhx, tiv phaz sik đros uô. Côngz xưv co tsik zos zuôr uô hâur iz hnuz, oz hnuz mak tsuv tâu uô hâur iz ntu ntêr thiêz tsuv khov txos tas nro pêx xênhv, sơưr đơưk li tsưr ziv paz./.

(BTS-Lik thox cxêik nhênhv)

PHÊNHV NRIÊR PÂUZ LOK CHEI TÊZ QƠƯK

Chei buôk ti xor mông cui tinhv tsôngv box tâu buô ti têx mông tưs, têx xor mông tưs tsôngv box sđ tsi tâu buôk ti, têx mông tsôngv box tâu vax huôv buôk ti?

Grê 5 chei buôk ti têx mông cui tinhv têx xor mông tsôngv box tâu buôk ti:

Tsôngv box sđ tâu buôk ti, tâu pâuz cơ quan têz qơưk têx mông, yưx chor mông tsi tâu buôk ti cui tinhv ntơưv grê 6 hâur chei no; tâu vax huôv buôk ti têx mông cui tinhv ntơưv grê 7 hâur chei no.

Grê 6 chei buôk ti têx mông cui tinhv têx mông mak tsôngv box tsi tâu buôk ti, tsi tâu pâuz:

Têx mông tsôngv box tsi tâu buôk ti, tsi tâu pâuz zos têx mông muôx tsênhv njiêz zov chênhr hâur chính trị, côx phax, txiv ngaz têz qơưk , kinh tế, khoa học, công nghệ.....trơưk cui tinhv chei têz qơưk.

Zos têx mông jêik co tưz tâu têz qơưk tso chei mak tsôngv box sđ thiêx tâu buôk ti thiêz pâuz trơưk li chei no cui tinhv.

Têx mông zos chiê sđ buôk ti thiêz pâuz zuôr uô tsi jông txos têz qơưk, txos Côx phax, cêr coaz siv fôngx zưs đros luôs 2 chas têz qơưk sâuv ntiêx têz, truôx tuk XH, đas jos côngv thôngx; uô ruôr hiêv txos lênhx tiz nênhs txo siê, luz nênhx nox nhoz lok sik luôs lưv tuk têx chuôz zênhx uz no......

Grê 7 Chei buôk ti têx mông cui tinhv chor xor mông tsôngv box sđ tâu vâx huôv buôk ti thiêz pâuz:

Têx mông cik txos lok sâuv uô lax luôv tâu pâuz, zos lênhx tsưr qơư uô lax luôv zuôr muôs xiv huv co tso chei.

Mông cik txos luôs lưv tuk luz nênhx, têx lênhx tiz nênhs tưs li têx tuk tsi tâu buôk ti thiêz pâuz thâuv tưz tâu tuk nênhs ntơư jông siêz thôngx ziv tso chei; têx mông cik txos chuôz zis tâu buôk ti thiêz pâuz thâuv tưz tâu chor nênhs hâur chuôz zis thôngx ziv tso chei.

Tsôngv box tâu buôk ti têx mông li chas?

Tsôngv box muôx vax huôv tâu buôk ti têx mông trơưk Hiến pháp shông 2013 li cui tinhv. Cơ quan lês uô têx hâux lưv têz qơưk muôx txơưx jênhv taz por vax huôv buôk ti têx mông ntơư. Taz sik vax huôv buôk ti têx xor mông tsi zos tiêk thâuv tưs cux tâu vax huôv buôk ti thiêz pâuz tas hur si, viv li, hâur uô lơưr têx chei, vax huôv tâu buôk ti xor mông no tsôngv box sđ thiêz cơ quan lês uô hâux lưv têz qơưk puôr lênhx tâu chei buôk ti thiêz pâuz iz phênhv tưs têx mông xưz, tsi tâu cxoz txưv côngz têx mông co tsi trơưk chei, tsi cxix cxuô, uô tuôr thênhv luôs hâux lưv côngz têx xor mông; uô ruôr hiêv; uô chuôr têx mông; côngz lok sik sir zôngv têx mông chiê uô tsi jông txos têz qơưk VN, uô ruôr hiêv txos tsênhv cheik sik thôngx siêz, cxiz siz ntâuk tsiv.....; côngz lok sik zôngv têx mông ntơư heik tsi jông txos lưv tuk; uô ruôr hiêv, tsi jông xiz nênhs, cơ quan, tsưr tsix têx chuôz zênhx uz no....../.

(Tuyết Lan-Riê Lâux cxeik, nhênhv)