Tsôngv box thax tsav tox siêz Yên Bái gra têx fov  Hmôngz tuôx trâu

têz qơưs tsês chiê

Tsôngv pêx xênhv heir nênhs tsơưs nhoz thax tsav tox siêz Yên Bái, têx fov zok tuô tsiêx kuk tưz muôx thâuv nzor lok thiêz zos iz zav chuôz zênhx sưv đros trâu lơưr luz nênhx hâur niêx hnuz. Zơưv Triệu Văn Đức, nhoz xã Nậm Mười, huyện Văn Chấn heik pâuz:

“Trơưk li têx lâuk iz txưv heik kriê tsês trâu chor tuz mak puôr lênhx muôx iz traz fov chiê tâu gra tâus cêr uô luôs, zok tuô têx tsiêx kuk nox uô ruôr hiêv têx kôngz. Muôx têx traz fov mak tưz zôngv tâu ntêr đhâu 3, 4 tiêv nênhs lok, cux muôx ntâu lênhx nênhs tsênhv por hưv tsês chiê tâu seiz đaz muôs, viv co zos têx lâuk li chuôz zênhx”.

Đros co cux muôx ntâu txuz pôngz siêz, viv chor fov heik co uô muôx yưv nhoz trâu iz cxiê jêx jok thax tsav tox siêz, chênhr li ntơư, ntâu shông đhâu, têx lưv lươngv muôx vax huôv tỉnh Yên Bái tưz sir jos vênhv tôngv tsôngv px gra têx fov, chuôz zênhx zôngx ziv tơưs cuz co tuôx trâu hâu nov muôx vax huôv khơưk tsês.

Taz sik, đhâu ciês ntơư chuôs li tsi pov muôx chor fov Hmôngz co mak ho muôx yưv têx fov pêx xênhv tưx uô, txix muôz têx car đêx, têx chuôz zênhx zôngx ziv zok nriêr tâu ntơư chiê uô yênhx têx traz fov. Ntơư zos têx fov pa, tuô bi. Tix lâus Hoàng Văn Tuyển, nhoz xã Ngòi A, huyện Văn yên heik:

“Têx zav chuôz zênhx muôz lok uô chor fov no zos iz tus car thôngz tsuôs đêx lok sik têx car đêx mê...., ntơư zos têx zav zôngx ziv zok nriêr tâu. Lênhx nênhs tưs uô tâu sei mak pôngz nhos 40 phênhz xưz tưz uô tâu iz traz chox lok tuô nôngs”.

Txơưv tiêk uô zôngx ziv taz sik chor fov heik co tuô tâu têx tsiêx kuk, uô tsiêx trâul moz, uô tsi truôx tuk hâur thax tsav. Txix têx li heik no, Công an cxuô huyện, thị xã, TP tưz hêik trâu hâu nov ntơưv qơư yax kriê px gra têx fov, chuôz zênhx zôngx ziv tơưs cuz ntơư tuôx khơưk tsês trâu iz kro qơư. Iz chas co, lưv lươngv công an hâur thax tsav cxuô xã tsênhv “muk iz chuôz zis jux juk” chiê yax kriê, vênhv tôngv px gra têx fov ntơư tuôx khơưk tsês chiê, bax đros yơưz phơưz, heik trâu têx hloz pâuz lok chor nênhs uô cxâuv chei..... Tsưr tsix trâu px sđ sik đros cir ntơưr nhav, chos luk tsi muôx têx zav chuôz zênhx li heik sâuv, tsi đros luôs lưv tus zuôr muôs zax zênhz, sir zôngv têx fov, chuôz zênhx zôngx ziv tơưs cuz tsi trơưk chei. Đại úy Hoàng Vũ Trung, Đội tsar Đội Cảnh sát seiz car lok têx tsi truôx tuk hâur XH, Công an huyện Văn Yên, tỉnh Yên Bái heik pâuz:

“Ntâu lênhx px nhoz thax tsav tox siêz đêz đrôngs mul lok phiv liv, cux xưk li têx triêv fov, chuôz zênhx paz por hưv px, lơưr muôz jêik tsês pêv têx liêx têz, viv li heik cov lơưr gra tuôx khơưk tsês trâu iz qơư cux lok six phiv liv. Iz chas co, viv nhiv no têz qơưk huôv tsar, px zôngx ziv zok zuôr tâu têx chuôz zênhx sâuv mạng chiê tsiv uô fov lok sik têx zav chuôz zênhx txơưr đuô”.

Đhâu 4 luz hlik fuô uô luôs hâux lưv heik sâuv (qir txix hli 3, uô suôx câuv trâu hli 12/2020), lưv lươngv Công an cxuô cấp nhoz Yên Bái tưz sâu tsês tâu zuôr xar 400 traz fov, têx chuôz zênhx zôngx ziv tơưs cuz...., hâur co xar muôx 200 traz fov tưx uô. Đhâu ntơư paz tuôr truôx qênhx shênhx txiv ngaz, truôx tuk XH hâur thax tsav. Trung tá Đặng Văn Chữ-Phưv tsar phongx Cảnh sát seiz car hành chính lok truôx tuk XH, Công an tỉnh Yên Bái heik:

“Hâur six hơưv zuôr txos mak taz viv tror vênhv tôngv, sâu tsês thiêz phax tar têx tsi jông, uô li chas cov por hưv tâu jông, truôx tuk trâu đại hội đảng cxuô cấp, lar heik zos Đại hội đảng tas nro têz qơưk jiês tiv 13”.

Vênhv tôngv tsôngv px gra têx fov tuôx khơưk tsês trâu iz kro qơư , sir jos sơưr tơưv txênhz, phax tar têx tsi jông li: Zuôr muôs, sir zôngv fov, chuôz zênhx zôngx ziv tơưs cuz, iz chas ntơư têx lênhx uô ntêx nyuôs zos công an, cxuô lênhx px  cux tsuv jênhv pâuz tsênhz têx riêz nênhs txix sir zôngv fov chiê tsôngv px tưx gra têx chuôz zênhx co chox tuôx trâu têz qơưs tsês chiê, paz por hưv truôx tuk jêx jok, qơư nhoz./.

(Tuấn Xuân-Riê Lâux cxeik-Lik Thox nhênhv)