Jax sâu thưr 6, hnuz 29/7/2016:

Điện Biên: ndo côngz pâux txiêx njis, tsoz phưz têx lênhx nênhs muôx côngz têz qơưs

Zos lênhx tuz lênhv trâus moz trâus saz hov 2, shông no tưz xar muôx 70 shông, taz  sik zơưv Ngần Trọng Xuyến, nhoz Đội 25, xã Thanh Nưa, huyện Điện Biên cux tsênhv ndo njôngr, muôx đas jos uô nox. Hâur luz tsêr vor vuôk cxiv uô tâu jông, tror piêr, heik txos thâuv ntu uô tuz lênhv tir ntâuk trok châuz, zơưv lok shir phaz thâuv tâu gôngr zuk đas jos, tsưr  ziv paz tsưx phưv têz qơưs. Đhâu 5 jiês uô ntơưr thor, zơưv tâu sơưr cêr muk uô tuz lênhv thiêz cơưv shâuv txux chi , tsưr ziv uô nuv nhoz taz viv D27 hâur quân khu Tây Bắc. Đhâu ntơư, zơưv đros têx tuz lênhv, fôngx zưs muk trâu Điện Biên, tâu tso nhoz hâur đội 6, têx lênhx txưv zênhv VN muk paz têz qơưs Lào tir ntâuk trok châuz. Đhâu thâuv têz qơưs Lào tiêx tuk, zơưv lok VN, tror uô tuz lênhv tsưx phưv têz qơưs, txos shông 1985 li tâu  so tror lok ntơưv qơư…. Têx shông txuôk lơưr co, luz nênhx lok six txov nhêv, tsuv cxơưx trâu 5 lênhx nhuôv cêr nox nhoz, cơưv txux, yênhx nênhs, taz sik kror uô trâu zơưv jông siêz thiêz shir phaz zos thâuv tưs chuôz zis cux tâu cxuô cấp hâu nov, têx tsưr tsix đoanx thêv thiêz tsôngv box sđ hâur jok moz siêz, txoz cxơưx paz. Hnuz tsiêz, hnuz ntênhs, lar heik zos thâuv txos chiv nhênhv Hnuz xaz pênhz thik xênhz 27/7, zơưv puôr lênhx tâu sđ tuôx seiz shuôs, muôz huv puz; têx tuz nhuôs mak lơưr tuôx đros qêz suô têx vax tsêr, lok sik paz uô têx nuv uz no….Txix huyện phênhv “nhiêx cuiv ndo côngz pâux txiêx njis” zơưv tsênhv tâu kêr txeik 5 tsov đeiv pênhr nhiêx zuôr iz gơưv nôngz nhux lok zus thiêz. Đhâu thâuv tu zus, nhux huôv vav ntâu, zơưv tưz muôz têx tuk muôs zuôr nhiêx chiê cxiv kho vax tsêr cov jông nhoz, xưk luôs. Zơưv Xuyến heik:

“ Cur uô tsâuk ntâu txos Đảng, têz qơưs tưz muôx têx chei paz trâu pêz đhâu thâuv uô tiêr hâux lưv tsưx phưv têz qơưs tror lok ntơưv qơư. Ciês têx nhiêx ndo côngz pâux txiêx njis tưz paz cur chuôz zis lok six ntâu. Txix phênhv cuiv nhiêx no, pêz muôx nzir six hơưv huôv tsar uô nox, sir jos hla đhâu têx cêr txov”.

Cux muôx jiês tâu đros tir ntâuk trok châuz hâur têx qơư tsav trok, hâur ntơư, muôx 16 shông ntâu buôk ti đros têx tuz lênhv VN muk paz têz qơưs Lào tir ntâuk trok châuz, nhoz hnuz nhôngs tưz lâuk, đas jos ntâuk tas li no, lênhx bôv đôiv lâuk Phạm Văn chiêm nhiv no tsênhv uô nênhx nhoz khor kho, shir phaz lus đros têx tuz nhuôs ntơưv Đội 18, xã Thanh Nưa, huyện Điện Biên. Heik lok zuk têx cêr uô nênhx đros têx nhuôs hâur ntu nhiv no, zơưv cux heik tơưv cêr shir phaz, jông siêz thâuv tâu têz qơưs, côngv thôngx sđ moz siêz, đros txoz cxơưx txos. 2, 3 shông đrav ntêx, zơưv tsênhv tâu paz 30 ntâu tsov đeiv txix huyện thiêz tỉnh chor nhiêx ndo côngz pâux txiêx njis chiê uô tsêr nhoz, paz chuôz zis tso siêz huôv tsar uô nox uô hnar. Zơưv Phạm Văn Chiêm heik:

“ Uô ntêx, cur thor uô tsâuk ntâu txos hâu nov cxuô cấp tưz muôx têx chei, cêr moz siêz txos, paz trâu pêz têx tuz lênhv trâus moz trâus saz thâuv ntu tir ntâuk trok châuz. Lar heik zos hâur six hơưv chiv nhênhv hnuz   xaz pênhz thik xênhz 27/7, shông tưs têx đôngx chir cux tsưr tsix tuôx seiz shuôs, muôz huv puz, iz chas ntơư nuk seiz chuôz zis muôx nuv đaz tsi uô chiê paz, li: qêz suô tos vax tos tsêr, đros luôx têx njưs liês, ntus têz…. Pêz uô tsâuk lok six ntâu txos têx tsưr tsix, tưz txoz cxơưx, moz siêz txos pêz têx tuz lênhv lâuk”.

Điện Biên nhiv no muôx 15.500 lênhx nênhs muôx côngz trâu têz qơưs thiêz chuôz zis tâu sơưv têz qơưs têx chei paz. Têx shông đhâu, tỉnh thâuv tưs cux sir jos uô jông luôs hâux lưv “ ndo côngz pâux txiêx njis”. Ciês shông 2015, iz chas uô jông lơưr têx chei muôz nhiêx paz trâu têx lênhx nênhs muôx côngz têz qơưs hâur niêx hli, tỉnh tsênhv tsưr tsix seiz njuôk shuôs, kho moz trâu zuôr xar 500 lênhx nênhs muôx côngz trâu têz qơưs…. Lar heik, tas nro tỉnh tưz hu zâuv cxuô cơ quan, tsưr tsix, xiz nênhs siz chos gôngr paz nhiêx trâu “ cuiv ndo côngz pâux txiêx njis” tâu muôx 3 tỷ 300 tsov đeiv ntâu. Nhiv no, tỉnh tsênhv tror yax kriê, hu zâuv sđ siz chos paz nhiêx trâu “ cuiv ndo côngz pâux txiêx njis”, chiê muôx nzir nhiêx txiêx uô tsaz yênhx cxiv uô yiêz, kho đuô têx tsêr nhoz trâu zuôr xar 1.800 chuôz zis muôx côngz têz qơưs thiêz nênhs muôx côngz trâu têz qơưs tsênhv uô nênhx nhoz tax hâur têx tsêr đaz tuôs, tsi jông. Zơưv Trần Thanh Nghị, Giám đốc Sở Lox tôngv, xaz pênhz thiêz XH tỉnh heik pâuz:

“ Nhiv kruôr đhâu, pêz cux muôx luk hu lơưk, uô li chas chiê tror tôngv zênhx, cxiz têx tập thể, xiz nênhs, lar heik zos têx doanh nghiệp uô tâu nox ndê têk đros gôngr paz trâu cuiv ndo côngz pâux txiêx njis, chiê uô li chas tror paz cxiv uô, kho đuô têx tsêr nhoz trâu chor nênhs muôx côngz têz qơưs, 2 zos paz pênhr trâu lơưr kêr txeik thiêz paz cxơưz têx ziv chuôz zis muôx côngz têz qơưs, tâu sơưv têz qơưs têx chei paz tsênhv muôx luz nênhx txov nhêv cov lơưr muôx luz nênhx truôx tuk xưk sđ”.

Cux lơưr zơưv Nghị, txơưv tsênhv pluôs, taz sik tỉnh Điện Biên thâuv tưs cux xav tinhv: tsi tiêk uô hâur iz, iz jiês, iz ntênhs chiv nhênhv, mak luôs hâux lưv uô ndo côngz pâux txiêx njis, tsoz phưz têx lênhx tâu tas siv nênhx, gôngr đas jos, trox nya viv têz qơưs, viv tsôngv lax px zuôr tror tâu tỉnh uô tsi so thiêz ntêr viv no zos têx nuv uô muôx liv, zos tsôngv box nênhs VN têx cêr nênhx jông thâuk ntêx./.

( Thu Thùy-Riê lâux cxeik, nhênhv) 

Phênhv thưr 6, hnuz 29/7/2016:

Ntâuk tsiv niêv txir chiê txênhz niêv txir chuôz zênhx chuôz tav, tsuv trâus bluô li chas?

Nus: Viv muôx luk tsik siz huv lok siz phêiz niêv thiêz txir têx chuôz zênhx chuôz tav; li ntơư, cur tus tix lâus tsik so hêv, uô vax huôv trâu niêv, thiêz txir, châuv trơưk niêv thiêz txir tsik puz nhoz hâur niêv thiêz txir tsêr. Chênhr zos li hêik ntơư, cur tus tix lâus tsuv trâus bluô li chas?

Têz: Ntu 1 grê 42 chêi tir thêir ntâuk tsiv hâur ziv chuôz zis shông 2007 quy tênhv: Lênhx nênhs uô cxâuv chêi tir thêir ntâuk tsiv hâur ziv chuôz zis, zos ntâuk tsiv trâus hnhar cux tâu tik cêr cxâuv hnhar zos đrêiv chêi têz qơưs tso tơưv.

Chênhr zos li hêik ntơư, zos cox tus tix lâus ntâuk tsiv hâur ziv chuôz zis hnhar cux trâus tik cêr cxâuv hnhar zos đrêiv chêi têz qơưs tso tơưv.

Zos cox tus tix lâus ntâuk tsiv siz, tsuv trâus bluô trơưk li quy tênhv ntơưv grê 57, Nghị định số 167/2013/NĐ-CP hnuz 12/11/2013 ntơưv Chính phủ quy tênhv bluô chor nênhs ntâuk tsiv hâur ziv chuôz zis cux muôx li đrav kaz:

1, Bluô nhiêx txix iz puô cxênhz txos 3 puô cxênhz đêiv.

2, Bluô nhiêx txix 3 puô cxênhz txos 5 puô cxênhz đêiv, zos hêv ntâuk tsiv hâur ziv chuôz zis.

*, Zos xav hur si têx luôs hâux lưv cox tus tix lâus uô hêv niêv thiêz txir, pos zơưs, mê tuz mê nhuôv, lênhx nênhs tu zus lox hloz, trâus cox tus tix lâus ntâuk tsiv hâur ziv chuôz zis, cox tus tix lâus tsuv trâus tik cêr cxâuv hnhar trơưk li grê 151 chêi têz qơưs tso tơưv shông  1999 tâu cxiv kho đuô cxaz nzir shông 2009./.

                           (Tsu cxêik, nhênhv-Thanh Thủy)