Têx uô cxâuv hâur tsưr tsix thik THPT nhoz Sơn La: Tsôngv box thôngx ziv đros hâux lưv tsi tâu tâu seiz shuôk, bo xeir têx cán bộ muôx lênhx coaz

          Zơưv Sòi Bá Nhện, 74 shông nhoz jos Bó Hốc, xã Quang Huy, huyện Phù Yên (Sơn La), zos kuz Chủ tịch UB xã puz pâuz: Hâux lưv uô cxâuv hâur tsưr tsix thik THPT shông 2018 nhoz Sơn La zos iz hâux lưv lok six qiv siêz. Qiv viv thôngz đhâu hâux lưv no, pov tsênhv muôx ntâu cán bộ, đảng viên viv zuk li liv zix mak uô zênhr shar txos tập thể; viv zuk li liv zix mak muôz nhiêx txiêx xiêz chiê chuôz ndê điểm thik, zuôr điểm trâu zuk mê nhuôs, chiê tâu muk cơưv têx tsêr cơưv nto bê li công an, quân đội....Hâux lưv no uô zênhr shar txos têx shux xênhz zos mê nhuôs chuôz zis pluôk , shux xênhz nhoz thax tav txov nhêv, tox siêz đêz đrôngs:

          “Hâux lưv no tsôngv box lok six thôngx ziv. Sơưr đơưs puôr lênhx heik tiêk muôz nhiêx txiêx zuôr điểm li no mak mê nhuôs shux xênhz pluôk thâuv tưs thiêx li tâu muk cơưv Đại học.Nênhs uô hâux nov, muôx qênhx lơưr tưz muôz nhiêx txiêx zuôr điểm trâu mê nhuôs muk cơưv đại học, zos lơưr tsênhv tâu uô nov lox thiêz mak nyei lơưr ziv muôx têx hâux lưv uô cxâuv zov chênhr đuô”

          Niêv lâuk Nguyễn Thị Hồng Phương, iz lênhx tsôngv box nhoz đrôngs Sơn La cux heik li no:

          “Tsi taz cur xưz mak têx lênhx nênhs cur pâuz cux jông siêz đros hâux lưv tso tsês tsi tâu seiz shuôk, bo xeir têx cán bộ lênhs tov muôx lênhx coaz txos hâux lưv uô cxâuv hâur tsưr tsix thik THPT shông 2018 nhiv kuôr đhâu. Viv hâux lưv uô cxâuv co tsi taz uô zênhr shar txos têx mê nhuôs shux xênhz nhoz tox siêz, thax tsav txov nhêv, shux xênhz mênhx cxưx tsơưs nênhs, ziv chuôz zis pluôk; mak tsênhv uô xã hội tsi njênhs txos tsơưr lươngv zaoz zux lơưv thiêz...Chênhr viv li, hâux lưv tỉnh tsi tâu tâu seiz shuôk, bo xeir têx cán bộ lênhs tov muôx lênhx coaz txos jiês uô cxâuv tsưr tsix thik THPT 2018 nhiv kruôr đhâu cur pov tsôngv box lok six thôngx ziv”.

          Hâur txuz uô cxâuv jiês thik THPT nhoz Sơn La shông 2018, lơưr thôngz sâu muôx txos 21 hâur tas nro 44 lênhx shux xênhz tâu chuôz ndê điểm zos têx cán bộ, lênhs tov têx Sở ban nganhx tiv phaz nhoz tỉnh Sơn La li têx mê nhuôs. Hâur co, shux xênhz muôx số báo danh 14000430 muôx txir zos cán bộ Công an tỉnh, niêv zos cán bộ tsêr cơưv cxênhx 1 thiêz cxênhx 2 Quyết Tâm, đrôngs Sơn La tâu chuôz ndê 25 điểm; shux xênhz muôx số báo danh 14000764 muôx txir zos Cục trưởng Cục thôngz sâu tỉnh Sơn La tâu chuôz ndê 23,35 điểm; shux xênhz muôx số báo danh 14000279 muôx txir zos Cục trưởng Cục thuế tỉnh Sơn La, niêv zos Phưv chánh văn phongx tỉnh ủy tâu chuôz ndê 12 điểm. Muôx ntâu lênhx shux xênhz txơưr muôx txir zos Phưv giám đốc Sở zaoz zux thiêz thox cxov tỉnh, Phưv chủ tịch huyện, thành phố; cán bộ tsêr kho moz huyện; Bộ chỉ huiz bộ đội pênhz phax tỉnh; hạt qênhz jôngr huyện; công an huyện; công an tỉnh...tâu chuôz ndê điểm cxôngx 3 txos 16,25 điểm.

          Suôv câuv jiês qênhz yuôx ntu 1, tưz muôx yênhx châuv lênhx shux xênhz chuôz ndê điểm thik trâus têx tsêr cơưv Đại học li Đại học Ngoại thương, Đại học y Hà nội, Đại học Kinh tế quốc dân, Học viện Cảnh sát nhân dân...tso tror lok tsêr. Hâur co, têx tsêr cơưv Công an muôx txos 25 lênhx shux xênhz trâus tso tror lok tsêr./.

                                             (Thu Thùy- Txâur Vax cxeik nhênhv)

Piêr pâuz lok tsaz yênhx tsưr ziv têz qơưk txo grêk cêr pluôs truôx đrênhk ntu 2016-2020 

Hnuz 2/9/2016, Thủ tướng Chính phủ tưz cir cuêz tênhv số 177/QĐ-TTg tso tơưv tsaznhx tsưr ziv têz qơưk thiv pluôs truôx đrênhk ntu 2016-2020. Tsaz yênhx hnuz no, pêz zuôr tror xa trâu pox nhuôs sơưr đơưk têx tsênhv njiêz hâur cuêz tênhv no, đros têx xor mông lok chor tsưr ziv chiê uô tsaz yênhx.

Nus: Têx tsưr ziv chiê uô tsaz yênhx tsưr ziv têz qơưk txo grêk cêr yêiz pluôs truôx đrênhk ntu 2016-2020 zos têx tsưr ziv tưs?

Têz: Têx tsưr ziv uô tsaz yênhx zos:

a) Yax kriê: Sir jos yax kriê tsưr ziv txo grêk cêr yêiz pluôs txos trâu cxuô cấp, cxuô nganhx, cxuô cxênhx nênhs thiêz nênhs pluôs chiê hlôngr yiêz jênhv pâuz lok txo grêk yêiz pluôs, uô trâu nênhs pluôs sir jos hâur luz nênhx, txêik jênhv thiêz sir zôngv thiêz huôv tsar truôx têz qơưk têx nhiêx txiêx muôz paz chiê hla đhâu cêr pluôs, sir jos uô bluô nux; tso tơưv tsaz yênhx sik tưr “tas nro têz qơưk côngv têk viv nênhs pluôs”; hênhr kruôk doanh nghiệp, chor nênhs paz lok pênhr jos, têx tsưr ziv uô tâu truôx hâur côngz xưv txo grêk yêiz pluôs truôx đrênhk.

b) Lok tsưr ziv huiz tôngv pênhr: Kriz uô txix ntâu kror lok pênhr nhiêx chiê kriz uô tsaz yênhx, taz por huiz tôngv tâu cxix cxuô, ndar six hơưv huv li cui tênhv; chuôz cxaz huiz tôngv pênhr txix nhiêx txiêx tiv phaz thiêz doanh nghiệp têx phênhv paz huv chêi thiêz hêik chor tsưr tsix thiêz tiz nênhs hâur thiêz đrâuv têz qơưk paz; pêx xênhv, nênhs tâu sơưv li li têx sik côngv đros paz.

c) Kriz đar sik côngv đros ntiêx têz: Hâur ntu cxiv tsa thiêz kriz uô tsaz yênhx tsuv sir jos sik côngv đros chor tsưr tsix ntiêx têz, tas nro cxuô kror, oz tos thiêz têx tsưr tsix phi chính phủ chiê sik phêiz kênh xor mông, tsưr ziv kỹ thuật thiêz pênhr jos chiê kriz uô yênhx côngz tsaz yênhx.

d) Uô uô cê têx tsênhv chêi paz txo grêk yêiz pluôs đros trâu têx tsênhv chêi lơưr cxuô thax tsav qơư nhoz đros chor dự án hâur tsaz yênhx tsưr ziv têz qơưk txo grêk yêiz pluôs truôx đrênhk nhoz chor huyện pluôs, xar pluôs, jêx jok txov nhêv tiv zix.

đ) Luôs hâux lưv uô:

- Sir zôngv tsưr ziv uô jông đros thiêz iz cxiê dự án yưv pênhr zâu, zôngx ziv uô, têz qơưk tsuôk paz iz phênhv pênhr đros trâu pêx xênhv sik côngv paz, px đros sêiz kaz uô;

- Uô lơưr tsưr ziv paz tas nro lok nhiêx txiêx, choz trâu cxuô tsênhv qơư huôv tsar uô hâur ntu cxiv tsa, uô tsaz yênhx. Cxơưz cxiz thiêz kriz đar paz muôx hâux lưv uô trâu lox tôngv zos chuôz zis pluôs, zuôr xar pluôs, nhiv kruôr hla đhâu chuôz zis pluôs thiêz pêx xênhv sâuv thax tsav thôngz đhâu chor dự án cxiv uô cêr, vax tsêr cxuô zav, dự án paz huôv tsar uô kôngz lôngk, hlôngr yiêz ntâu tsưr ziv uô nox thiêz kriz uô đêz đar têx tsưr ziv txo grêk yêiz pluôs sâuv thax tsav./.

(Bích Thủy-Lik Thox cxêik nhênhv)