Hli 7 sâuv têz qơưk lix xưv Điện Biên

Qơư nza Liệt sĩ têz qơưk A1 ntơưv thành phố Điện Biên Phủ (tỉnh Điện Biên) têx hnuz no muôx ntâu lênhx nênhs tuôx hlơưr shaz ndo txos têx liệt sĩ zênhz shông tâu tas siv nênhx viv têz qơưk li tiêx tul. Hli 7 zos luz hli cxuô lênhx nênhs nhoz cxuô qơư sâuv thôngz têz qơưk lok no chiê hlơưr shaz ndo txos têx cxênhx nênhs tov ntêx li côngz lox. Qơư nza muôx tas nro 644 luz nza, taz sik têx liệt sĩ zênhz shông li têx luz nza tâu sâu bê, qơư nhoz thiêz hnuz tâu tas siv nênhx mak muôx tsi ntâu. Co zos têx cêr pôngz siêz đros chuôz zis têx lênhx zênhz shôngx liệt sĩ hâur jiês tsav txênhz Điện Biên Phủ viv txos nhiv no zuk lênhx nênhs cxênhz jê tâu tas siv nênhx thâuv tir ntâus tros cux tsênhv tsi tâu xav tênhv tâu.

Cưk kriê Lường Thị Xuyến, cưk kriê tsêr cơưv THCS xã Núa Ngam, huyện Điện Biên tuôx hlơưr shaz ntơưv no pheiz kênh: iz jiês jiês tuôx hlơưr shaz trâu têx zênhz shôngx liệt sỹ zos iz jiês cur muôx cxaz đas jos sir jos đuô hâur luz nênhx, côngz xưv, cxôngx co truôx siêz cxiv kho têz qơưk ziv hnuz ziv bluô nux, tsiv nhos đros cxênhx nênhs tov ntêx li têx côngz lox:

“Shông tưs cur cux tuôx hlơưr shaz, iz jiês tuôx cur cux lok six ndo txos têx zênhz shôngx liệt sỹ tâu tas siv nênhx viv têz qơưk. Cux zos iz lênhx tuz nhuôs sâuv têz qơưk lix xưv, tâu pâuz txos VN li lix xưv tơưv txênhz por vêv têz qơưk chiê muôx tâu luz nênhx hôx fênhx li nhiv no, cur xav tênhv zuk tsuv sir jos uô tas zuk txơưx jênhv chiê tsiv nhos đros cxênhx nênhs tov tnêx li têx côngz lox”.

Zơưv Nguyễn Như Màu, tsôngv box phường Him Lam, thành phố Điện Biên Phuv heik:

“Shông tưs hâur tuêv dân phố cux puôr lênhx tsưr tsix chiê tsôngv box thiêz tuz nhuôs muk hlơưr shaz ndot xos têx lênhx zênhz shôngx liệt sỹ. Chiê têx mê nhuôs ndo njôngr têx cxênhx nênhs tov ntêx li têx sir jos tơưv txênhz chiê muôx tâu luz nênhx tiêx tul, shir phaz li nhiv no”.

Ntơưv Điện Biên muôx 5 qơư nza liệt sỹ zos A1, Him Lam, Tông Khao, Độc Lấp thiêz qơư nza hluôk nênhs yungz phongz, muôx 6 cxênhz luz nza zos têx zênhz shôngx liệt sỹ tâu tas siv nênhx hâur cxiv tơưv txênhz Điện Biên Phuv, cxaz chuôz paz têz qơưk Lào tơưv txênhz tir ntâus tros thiêz hâur cxiv tsa côngz tsinhx Đại thủy nông Nậm Rốm. Phênhv ntâu txos nhiv no têx luz nza puôr lênhx tsi tâu xav tênhv tâu tsênhz mênhx têx lênhx nênhs li bê thiêz qơư nhoz.

Hâur têx hnuz no tsi taz muôx têx bộ đội lâuk thâuv ntêx tuôx hlơưr sha ndo txos đồng đội mak tsênhv muôx têx liệt sĩ li lênhx nênhs cxênhz jê sir jos nriêr têx xor mông lok zuk lênhx nênhs cxênhz jê. Txơưv tưz tâu tiêx tul ntêr, taz sik têx cêr pôngz siêz mak tsênhv yuôr ntâu. Lơưr li kror jông siêz nhiv no tsuôk zos tsi taz hâur hli 7 mak hnuz tưs têx nza liệt sỹ nhoz no cux tâu tsoz phưz jông.

Zơưv Nguyễn Ngọc Vĩnh, quân nhân so lâuk nhoz uô nênhx sâuv thax tsav TP Điện Biên Phuv heik:

“Iz jiês pov têx luz nza tsi tâu muôx bê cur thâuv tưs cux lok six qiv siêz, ndo txos têx đồng đội tưz tâu tas siv nênhx. Hnuz no tuôx hlơưr shaz, tas nro têz qơưk, tas nro mênhx cxưx thâuv tưs cux ndo njôngr tsoz phưz têx qơư nza, ndo txos têx zênhz shôngx tâu tas siv nênhx viv mênhx cxưx”.

Điện Biên, têz qơưk muôx yênhx vanv lênhx liệt sĩ tâu tas siv nênhx, têx hnuz hâur hli 7 no xar njôngr tos ntâu lênhx nênhs tuôx hlơưr shaz, tiv zix zos cxênhx hluôk nênhs, thâuv tưs cux ndo njôngr txos lix xưv mênhx cxưx, lok têz qơưk zênhz shôngx, njênhs njôngr, sik côngv siêz, côngv đas jos chiê tror huôv tsar KTXH, cxiv tsa têz qơưk ziv hnuz ziv bluô nux./.

(Vũ Lợi- Txâur Vax cxeik nhênhv)

Phax tar txiêz nanv trâus saz nhoz nhuôs zâu: tsưr ziv phax tar trâus ntos

Ntos zuôr uô muôx yưv têx phiv liv tsik jông, têx thâuv tsênhv zuôr phiv liv ntâu txos têx nhuôs li đas jos cxuô zav thiêz txo siêz.

Nữ: Qir tiv:

Nam:- Tiv nhuôs zâu tsênhv tsik tâu pâuz thiêz tsik tâu muôx txux chi, xưk li têx zav chuôz zênhx, têx zav uô si tsês sâuv têx qơư siêz; jâuv sâuv têx kror trêi…Đhiê txix sâuv qơư siêz lok (li txix têx trôngx, tos…); Đhiê uô si, siz châuv, ndê ntông, ndê ntêir…

- Tiv nênhs lâul tsik uô jông sêiz shuôk têx mê nhuôs cov huv đros chiê chor nhuôs ntos txix sâuv txax lok uô phiv liv txos tâuz hâu, poz cxa đraz kâuv; tiv puôs  mê nhuôs tsik truôx plav têk uô mê nhuôs trâus saz tâuz hâu lok sik nzênh lênhs têx têk tơư…

- Tiv tênhv qơư muôx ntâu kror phiv liv, li tsêr yôngx siêz, têx ntêir uô tsik huv li ploz tsênhr…

Nhạc cắt

Nữ: Tsưr ziv phax tar:

Nam: Chor chuôz zis muôx mê nhuôv txix 0-3 shông, niêv txix tsuv uô têx hâux lưv đrav kaz:

- Sêiz jos chor mê nhuôs cov jông zos kror tsưr ziv uô jông tiv zix

- Sir zôngv qơư trâu têx mê nhuôs nhoz muôx ntus xor thêir cov jông, tiv zix zos thâuv zuk muôx hâux lưv sêiz  jor tsik tâu mê nhuôs.

- Tsik uô têx zav zuôr zôngx ziv uô phiv liv txos têx mê nhuôs xưk li muôz mê nhuôs đhiê pax pơưk…

- Uô têx thênhv ntêir cov zôngx ziv trâu mê nhuôv muk lok.

- Uô qơư thêir (ntơưv têx ntêir, têx qơư muôx tsas siêz), lôngx têx kuôr hlâu thêir kror trêi, uô kror trôngx thêir ntơưv têx ntêir muk lok cov ngaz tuk

- Tsik so uô cov plas tsêr, tsêr đa đêx, yar tiêx…(têx qơư nhuôs zâu nhoz uô si) kruôr krơưr, tsik bluô…

Nữ: Chor chuôz zis muôx mê nhuôs 4-8 shông; niêv txir tsuv uô nzir têx hâux lưv li đrav kaz:

Nam: - Tsik chiê mê nhuôs têx zav chuôz zênhx uz no trâu ntơưv têx qơư siêz hênhr mê nhuôs muôz tsik tâu.

- Taz por têx qơư mê nhuôs nhoz uô si (tiv zix zos têx ntêir…) tsuv muôx txâuk pov cêr.

- Tsik cxơưz cxiz têx mê nhuôs ndê muk trâu têx qơư tsik ngaz tuk li ndê ntông, ndêx tênhv, trur tsêr…

- Kruôz kriê trâu mê nhuôs txar đêz têx qơư phiv liv: đhiê sâuv têx qơư siêz lok, uô si đhiê siz châuv ntơưv têx qơư phiv liv, têx zav uô si tsik jông…

- Kruôz kriê trâu nhuôs zâu pâuz tsưr ziv phax txar trâus ntos thâuv muk trâu têx qơư phiv liv lok sik zôngv têx zav chuôz zênhx uô trâu zuk zôngx ziv ntos…

Nữ: Chor chuôz zis muôx mê nhuôs txix 9-15 shông, niêv txir tsuv uô têx hâux lưv muôx li đrav kaz:

Nam: Sik thav đros mê nhuôs lok têx phiv liv zuôr uô trâu mê nhuôs ntos thiêz tsưr ziv phax txar jav, tiv zix zos chor nhuôs tsuv sêiz jor têx mê nhuôs zâu đuô./.

(Thu Thùy-Lik Thox cxêik nhênhv)