Sơn La: Chôngz lênhx shux xênhz thik tưr tâu cơưv tiêr ntơưv cxênhx pêz shông 2021 zos muôx chor cưk kriê ntơưr tox siêz sir jos đros paz kriê ntơưr trâu shux xênhz

“Jiês thik tưr cơưv tiêr ntơưr cur cux tax tâu điểm siêz thiêz no cux zos kror zuk tưz sir jos uô cov tas nro zuk têx đas jos, txux chi lơưv”.

“Thâuv pâuz tâu tiêk 100% chor shux xênhz thik tưr tâu cơưv tiêr ntơưr, pêz chor cuô muôs tưz ntưk pôngz ciês, viv co zos cưk kriê ntơưr li cêr shir phaz thiêz tso siêz. Kror no mak cux tsik pâuz zuôr hêik li chak hlo”.

Cêr shir phaz, tso siêz muôx đros đrêiv tas nro chor cxưk kriê ntơưr thiêz shux xênhz tsêr cơưv cxênhx pêz tox siêz Tông Lệnh, huyện Thuận Châu, tỉnh Sơn La đhâu ciês thâuv pâuz tâu chor điểm thik tưr tâu cơưv tiêr ntơưr cxênhx pêz shông 2021. 372 lênhx shux xênhz zos tuz nhuôs tsôngv box mênhx cxưx tsơưs nênhs nhoz ntâu xar tox siêz hâur thax tsav dự jiês thik tưr puôr lênhx thik tâu ntơưr tas hur si. Lò Thị Phương, shux xênhz lớp 12A hâur tsêr cơưv, zos shux xênhz hâur chuôz zis pluôs nhoz jok Mảy, xar Chiềng Pấc, huyện Thuận Châu thik tưr tâu điểm xav kror luz đraz tâu muôx 8,54 shir phaz hêik:

“Tưz tsik zos pêz sir jos xưz, mak muôx chor cưk kriê ntơưr sir jos paz kruôz kriê trâu pêz chiê pêz uô thiêz tax tâu chor điểm thik cov siêz tiv zix. Chiê tsik uô trâu chor cưk kriê pôngz siêz, cur zuôr sir jos cơưv chiê zos yênhx iz lênhx nênhs jông”.

Lơưr cưk kriê ntơưr Nguyễn Quang Hòa, Phưv hiệu trưởng tsêr cơưv Cxênhx pêz Tông Lệnh: Shông no zos shông tiv oz, tsêr cơưv muôx 100% shux xênhz thik tưr tâu cơưv tiêr ntơưr cxênhx pêz. No  cux hêik tơưv tiêk zos muôx têx tsưr ziv uô jông thiêz zos hâur tsưr tsix kriê nzir ntơưr, txux chi trâu chor shux xênhz hâur tsêr cơưv, tiv zix zos chor lớp kriê nzir trâu chor shux xênhz cơưv pâuz tsik tâu cxix cxuô têx ntâuz ntơưr, txux chi tsênhv kik zuôr thik tưr tsik tâu. Chor cưk kriê ntơưr li têx sir jos yênhx hnuz hmo chiê kriê nzir ntơưr trâu chor shux xênhz co tưz paz trâu chor shux xênhz thik tưr tâu ntơưr siêz đuô:

“Hâur 372 lênhx shux xênhz cơưv lớp 12 thik tưr cơưv tiêr ntơưr nhiv kruôr đhâu mak muôx 186 lênhx muôx luz nênhx txov nhêv thiêz muôx chôngz lênhx shux xênhz tsênhv cơưv pâuz tsik tâu tas têx ntơưr. Pêz tưz tso tơưv tsưr ziv chiê kriê trâu chor shux xênhz, muôz phêiz shux xênhz chiê kriê cov huv đros trâu têx tsưr ziv thiêz txux chi cơưv. Muôx chôngz lênhx shux xênh zos trơưk chor điểm tưz tâu hêik pâuz mak têx jâuv zuôr tâu muk cơưv têx tsêr cơưv đại học”.

Sơn La zos tỉnh tox siêz muôx chôngz têx tuz nhuôs tsôngv box mênhx cxưx tsơưs nênhs nhoz tox siêz, thax tsav đêz đrôngs, luz nênhx kinh têr tsênhv txov nhêv, jênhv pâuz tsênhv kik. Shông 2019, chor shux xênhz thik tưr tâu cơưv tiêr ntơưr cxênhx pêz tỉnh Sơn La tsuôk tax tâu muôx 71,97%; shông 2020 zos 95,7%. Uô ntêx thâuv zuôr piz thik tưr shông no, chor shux xênhz cơưv ntơưr pâuz tsik tâu cxix cxuô lớp 12 muôx lok six chôngz, shux xênhz muôx chor điểm thik tưr kik tsav muôx 56%, zuôr xar 1.200 lênhx shux xênhz zuôr thik tưr tsik tâu. Thiêz txos nhiv no chor shux xênhz thik tưr tâu cơưv tiêr ntơưr tưz ndê muôx 98,34%. Đros co, điểm xav luz đraz thik tưr tâu cơưv tiêr ntơưr cxênhx pêz tas nro tỉnh tâu muôx 6,04, ndê 3 thênhv pir li shông uô ntêx. No zos iz kror jông.

Lơưr pos Điêu Thị Dân, Phưv Giám đốc Sở Zoz zux tỉnh Sơn La: Muôx lok six ntâu qir tiv paz trâu chor shux xênhz thik tưr tâu li no, co zos muôx tas nro cxiv luôs chinhr trị chox kriê thiêz sir jos đros uô; tas nro nganhx tưz xav jênhv tâu jông côngz xưv kriê, cơưv ntơưr thiêz kriê nzir ntơưr cov truôx jông thiêz paz muôx nzir chor shux xênhz thik tưr tâu cơưv tiêr ntơưr cov truôx thiêz chuôz ndê; tsêx trung chox kriê lok têx côngz xưv kriê ntơưr, tsưr tsix kriê nzir ntơưr trâu lớp 12 txix ciês thâuv hâur shôngk shông cơưv, muôx qênhz yuôx, ntâuk gri thiêz thik tưr siv lơưr yênhx hli chiê njuôk xav trâu chor shux xênhz; đros co zos chor tsêr cơưv li têx tsưr ziv uô chiê muôx tâu tsưr ziv kriê nzir, cxaz nzir txux chi trâu chor shux xênhz….100% chor tsêr cơưv tưz txưr tsix thiêz hêik chor cưk kriê ntơưr sir jos đros kriê nzir ntâuz ntơưr, txux chi trâu shux xênhz, tiv zix zos chor shux xênhz tsênhv cơưv pâuz tsik tâu cxix cxuô têx ntơưr. Chôngz lênhx cưk kriê ntơưr tưz sir jos, txơưv tiêk tsêr nhoz đêz, ntux yar, ntux nas, đruôz hnuz, hmo ntux lok cux sir jos tuôx kriê nzir ntâuz ntơưr trâu chor shux xênhz. Cux lơưr pos Điêu Thị Dân: Thik tưr tâu mak cux zos txix ntâu qir tiv, hâur co muôx chor cưk kriê ntơưr cxuô tsêr cơưv tưz sir jos chiê paz trâu chor shux xênhz:

“Chor shux xênhz thik tưr tâu li no mak cux tsuv hêik txos chor nênhs sêiz car, cưk kriê ntơưr têx tsêr cơưv cxênhx pêz sâuv thax tsav tỉnh li têx sir jos, paz trâu chor shux xênhz. Chor cưk kriê ntơưr tưz sir jos kriz uô têx tsưr ziv chiê kriê nzir ntâuz ntơưr, txux chi trâu chor shux xênhz, tas nro viv chor shux xênhz hur si”./.

(Thủy-Anh-Lik Thox cxêik nhênhv)

 Sor siêz hâur têx luz tsêr jông siêz nhoz Bảo Thắng (Lào Cai)

   Pos Nguyễn Thị Phễu- niêv liệt sĩ Lưu Văn Dương, nhoz thax tsav qơư Phú Cường, thị trấn Phố Lu, huyện Bảo Thắng, tỉnh Lào Cai tưz muôx nuz nhôngs siêz, tsêr nhoz ho trâus puôk tsuôx ntâu. Hâur shôngk shông 2021, pos tâu paz txưv 50 tsov đeiv cxôngx Cuiv “Ndo txiêx pâux njik” cấp tỉnh chiê cxiv uô tsêr yiêz. Krêz côngz uô cxôngx hâur hlik hli 3, txos nhiv no, luz tsêr cấp 4 3 qar đar 130 yiv ndis tưz xar cxiv uô tâu tiêr. Pos Phễu shir phaz heik:

          “Têx shôngk đhâu chính quyênx lok six tsov cưv, nhiv no tâu paz uô tsêr yiêz mak cur lok six shir phaz. Uô tsâus Đangv, têz qơưk lok six ntâu”.

          Đros jênhv paz txưv 50 tsov đeiv cxôngx Cuiv “Ndo txiêx pâux njik”, lênhx bộ đội lâuk trâus moz gênhs tiv tir ntâus tros châuz Phạm Văn Phong li luz tsêr cấp 4 3 qar đar 100 yiv ndis nhoz jos Cóc Mằn, xã Xuân Quang, huyện Bảo Thắng nhiv no tưz tsênhv ciêr chênhr tâu uô tiêr. Luz tsêr tưz paz tôngv vênhx chinhz yênhx trâu zơưv chuôz zis lok six ntâu. Pos Nguyễn Thị Hồi, zơưv Phạm Văn Phong pox niêv puz pâuz:

          “Cur tul txir mak tsi muôx đas jos, nhiv no tsênhv kho moz ntơưv tsêr kho moz 500 txax. Tâu paz txưv nhiêx txiêx uô tsêr nhoz, cur chuôz zis lok six shir phaz thiêz thor uô tsâus ntâu txos têx cấp chinhr quyênx”.

          Cxôngx shông 2014 txos nhiv no, huyện Bảo Thắng tưz qênhz yuôx, paz txưv uô yiêz, kho đuô tsêr nhoz trâu zuôr xar 500 ziv chuôz zis nênhs muôx côngz, nênhs muôx côngz đros cơưx mênhv li nênhs cxênhz jê. Hâur shông 2021, huyện njuôs xav zuôr vênhv tôngv paz 600 tsov đeiv, uô tiêr hâux lưv kho đuô, cxiv yiêz cxaz 25 luz tsêr jông siêz. Zơưv Lê Quốc Phú, Tsar phongx lox tôngv, thương binh thiêz xã hội huyện Bảo Thắng puz pâuz:

          “Đrâuv paz txưv uô tsêr nhoz mak huyện yax six muk seiz nus hâur têx hnuz ntênhs, hnuz tsiêz, tiv zix zos car chêx cxix cxuô têx chế độ, chính sách muôx lênhx coaz txos nênhs muôx côngz li chính sách paz txưv iz jiês, paz txưv yax six, paz txưv uô đaz kruô....”

          Nhiv no, huyện Bảo Thắng tsênhv coar lik 2 cxênhz ntâu lênhx nênhs muôx côngz. Đrâuv tsoz phưz chính sách, têx cấp ủy, chính quyênx ntơưv Bảo Thắng tsênhv chuôz tsar yax mông muôz siêz jênhv pâuz, tiv zix zos trâu cxênhx hluôk nênhs hâur phuôx huiz cêr chax chês ndo txiêx pâux njik; vênhv tôngv xã hội paz têx chuôz zis nênhs muôx côngz txov nhêv, tsi muôx qơư khov vav, cxơưz tiês huôv tsar kinh têr chiê ngaz tul luz nênhx./.

(An Kiên-Vân Anh-Txâur Vax cxeik nhênhv)