Jax sâu hnuz 29/9/2015:

Tỉnh tox siêz Sơn la tsênhv muôx yưv chor nênhs fêv đas nziêk lênhx nênhs muôs

 

 

Viv trâus đas nziêk, Quàng Thị Oan, hêir nênhs poz ziz, xênhz zus shông 1998, nhoz jos Sàng, xã Muổi Nọi, huyện Thuận Châu, tỉnh Sơn La, niêv hluôk Oan tưz trâus Quàng Văn Định cux zos hêir nênhs poz ziz, nhoz xã Chiềng En, huyện Sông Mã, tỉnh Sơn La, hâuz nziêk đas  chiê muk uô hâux lưv trâu têz qơưs Suôr thiêz sâu tâu 7-8 triệu nhiêx iz luz hli. Thâuv tsênhv taz tov muk txos trâu Laox cai, tưz tênhv chor nênhs nhoz têz qơưs Suôr tuôx tok chiê chox niêv hluôk Oan chêix gox hla đêx đhâu đriv têz muk trâu têz qơưs Suôr. Thâuv muk txos trâu Suôr têz qơưs, iz hnuz hlôngr đuô iz kror qơưs nhoz, tsik trơưk li Định hêik thiêz têx hnuz muk đros nzuôr faz ntiv, têx hnuz ho muk qêz tsêr; iz hnuz tsuôk tâu nox iz pluôs mor thiêz sâu tsi tâu iz đêiv nhiêx hlo. Taz sik, niêv hluôk Oan hmôngr jông, ho tâu iz lênhx nênhs siêz jông paz kriê cêr khiêr tror lok trâu VN. Chênhr zos li hêik ntơư, niêv hluôk Oan tsik tâu trâus muôs trâu têx tsêr muôs chêr. Niêv hluôk Oan hêik pâuz:

Băng: “Cur nyêik cơưs li, txix nhiv no muk zos pov tus tưs cur tsik pâuz tsênhz mak cur zênhx tsik njênhs thiêz zênhx tsik trâus nziêk đas iz jiês li lơưv”.

Quàng Thị Oan zos iz lênhx hmôngr jông khiêr tâu tror lok tsêr. Muôx chôngz lênhx ntâu tus tưz trâus nziêki đas chox muk muôs trâu têz qơưs suôr txos trâu nhiv no cux zênhx tsik hnor mông, shor nhoz trâu thax tsav qơư tưs. Trơưk li công an tỉnh Sơn La qênhz đhâu; xav txos trâu nhiv no, hur si tỉnh muôx xar 200 lênhx pox niêv trâus plox tsik muôx njêx muôs nhoz trâu tsênhv qơư jêx jos thiêz zênhx tsik hnor mông li chas hlo; xav chor nxêik vir ndâuk ntơư tsuv trâus nziêk đas chox muk muôs trâu têz qơưs Suôr. Pir li tus muôv Quàng Thị Thế, xênhz zus shông 1996, zos Quàng Thị Thởi tus niêv hluôk, hêir nênhs poz ziz nhoz jos Co Cại, xã Muổi Nọi, huyện Thuận Châu trâus chor nênhs fêv hâuz nziêk đas muk uô nox trâu têz qơưs Suôr txix shông 2013 txos trâu nhiv no cux tsik hnor mông li chas hlo. Quàng Thị Thởi hêik pâuz:

Băng: “Xar nriêr cov tâu cur tus niêv hluôk tror lok, viv cur ziv chuôz zis sđ ndo hênhr; viv nưs tưz muk tâu  xar 3 shông lơưv thiêz txix thâuv muk txos trâu nhiv no zênhx tsik hnor mông shor nhoz kror tưs, cur ziv chuôz zis xar njôngr hâu nov sđ đros chơưv paz cov tâu cur tus niêv hluôk hêik sâu”.

Ntơưv tỉnh Sơn la, Chor nênhs fêv hâuz nziês đas lênhx nênhs chox muk muôs, muôx pox niêv txir nênhs hur tiz si. Muôx iz cxiê zos chor pox niêv hâur ntu đrav ntêx trâus nziêk đas chox muk muôs trâu têz qơưs Suôr chiê muôs chêr, nhiv no ho tror lok đas nziês têx nxêik nhoz jêx jos tox siêz chox muk muôs trâu têz qơưs Suôr. Ntơư zos hâuz nziêk đas chor nxêik muôx cêr txov nhêv, zos hêir nênhs tsơưs chiê chox muk zok nriêr hâux lưv uô cov sâu tâu nhiêx txiêx ntâu, taz sik ho chox muk muôs trâu têz qơưs Suôr. Xav zơưv Quàng Văn Định, nhoz xã Chiềng En, huyện Sông Mã, tỉnh Sơn la tưz nziêk đas tâu xar muôx 10 lênhx nxêik chox muk muôs trâu têz qơưs Suôr; iz tus nxêik zos muôs grê nhiêx 5 triệu đêiv. Nguyễn Văn Thành, phó trưởng phôngx công an qênhz yuôx chor nênhs fêv công an tỉnh Sơn la hêik pâuz:

Băng: “Haur thax tsav tỉnh Sơn La nhiv no tsênhv yuôr chôngz lênhx ntaua tus pox niêv thiêz nhuôv zâu trâus muôs nhoz trâu têz qơưs Suôr; taz sik tsik pâuz tsênhz qơư nhoz, chơưv paz tsik tâu. Iz cxiê ho tsik pâuz tsênhz tus đas nziêk zuk ntơư, cux tsik pov kaz qênhz yuôx kror tưs hlo”.

Tsik so zok nriêr cxuô faz tsưr ziv tir thêir thiêz yơưz phơưz chor nenhs fêv hâuz nziêk đas lênhx nênhs muôs, txix hauar shôngk shông 2015 txos trâu nhiv no công an tỉnh Sơn la tưz yơưz phươz tâu 5 txuz, cxov tâu 9 lênhx, đas nziêk tâu 21 lênhx pox niêv chox muk muôs trau têz qơưs Suôr. Bộ tuz lênhv Biên phôngx tỉnh cux cxov tâu 5 lênhx thiêz chơưv paz tâu 7 lênhx pox niêv choz zok tror trâu ziv chuôz zis. Zươv Nguyễn Văn Đức, Chính uỷ Bộ tuz lênhv Biên phôngx tỉnh Sơn la hêik pâuz nzir:

Băng: “Pêz xav tâu truôx cxuô faz tsưr ziv zok nriêr thiêz tir thêir chor nênhs fêv nziêk đas lênhx nênhs muôs muk lok đhâu trôngx đriv. Lar hêik zos pêz tưz đros cxuô cấp ngênhx, cxuô lực lươngx tsưr tsix muôz chor nênhs fêv đas nziêk lênhx nênhs muôs chox lok tik cêr cxâuv zos đrêivchêi têz qơưs tso tơưv, cov tsôngv px sđ đros pov đros pâuz chor nênhs fêv ntơư tsik chiê uô ruôr hiêv txos sđ”.

Chiê tir thêir cov tâu truôx đuô chor nênhs fêv đas nziêk lênhx nênhs muôs hâur thax tsav tox siêz tỉnh Sơn La, cxuô lực lươngx thiêz px sđ tsuv sik côngv thiêz sir jos đuô lok luôs hâux lưv tir thêir thiêz yơưz phơưz zok nriêr chor nênhs fêv hêik sâu, tsik chiê uô ruôr hiêv txos tsôngv px sđ luz nênhx./.

                                                               (Chẻo Thu-Bích Thuỷ)

 

 

 

 

 

Phênhv “Nôngx mênhx zuôr tsuv pâuz” hnuz 29/9/2015

                                          

Tsôngv pox nhuôs sơưr đơưk hmor yuô. Chiê hlôngr yiêz nôngz yik hov zâu txix 25-30 cir chox lok tu zus cov lox thiêz huôv tsar tu zus nhux tưv nhux đas, muôx phênhv sâu tâu trâu pêx xênhv. Huyện Đồng Văn tưz uô tsưr ziv hlôngr yiêz huôv tsar tu zus yik cov lox đuô.

Hlôngr yiêz tsưr ziv tu zus yik

Huyện Đồng Văn (Hà Giang) côngv đros tsênhv qơư nôngz tsoz chos thiêz tsiêx cxu Phó Bảng xêir 42 tuk nôngz yik tsênhv huôv tsar tu zus trâu cxuô xã, thị trấn hâur thax tsav huyện thiêz 4 tuk lâus yik txuôv ntơưv tsênhv qơư tu zus yik, thỏ Sơn Tây, Hà Nội chox lok huôv tsar tu zus trâu tsênhv qơư tsoz chos Phó Bảng. Lơưr phongx kôngz nuv thiêz huôv tsar tox siêz huyện Đồng Văn, chor yik nôngz tâu tu zus zos đrêiv tsưr ziv kriê,  viv li tưz sưv thax tsav qơư tu zus thiêz hloz jông. Đhâu thâuv chor yik nôngz zus mê nhuôs, chor mâuv yik txuôv zuôr paz tâu trâu pêx xênhv chiê hlôngr yiêz huôv tsar tu zus yik. Trơưk li njuôk xav, đhâu hlôngr yiêz nôngz yik tu zus, iz tus yik tưz lox hnhar muôx 45-60 cir, tsar ndê oz jiês pir liv nhiv no.

Nhạc ngắn

Tsôngv pox nhuôs hmor yuô. Đros siêz xar sir jos cov hla đhâu cêr pluôs, tix lâus Hoàng Seo Quáng, nhoz jok Sấn Pản, xã Nậm Chảy, huyện Mường Khương tuôx trâu jok Bản Lầu kuôk qơư nhoz muôx 10 cêik cêr har jôngr chiê nriêr pâuz lok tsưr ziv chos txir pôngr lux, chos  tsơưz mô.

Hoàng Seo Quáng uô bluô nux txix chos  tsơưz mô

Tix lâus Quáng tưz xêir tsơưz mô zos zav tsoz chos siv uô ntêx thâuv zuôr kriz đar qơư chos. Chuôs li hnuz tưs tix lâus Quáng cux tsês six hơưv chiê qênhz yuôx, suôr yênhx hâur pâuk tsơưz, thâuv pov muôx yưv li chak mak hu tênhv nus chor nênhs muôx tsưr ziv chos tsơưz uô ntêx nhoz xã Bản Lầu thiêz khov trâu cán bộ cxơưz cxiz uô kôngz thiêx tso siêz. Khov muôx cán bộ cxơưz cxiz uô kông paz max kriê tsưr ziv chos, sêiz shuôk; viv li, hâur iz shông ntâu tix lâus Quáng chor tsơưz hâur jiês sâu chiv xuz thơưx tưz tax tâu tsơưr lươngv siêz. Txos nhiv no, tix lâus chos muôx 1 hec ta ntâu tsươz tsênhv taz tov huôv lox jông. Iz shông, tsơưz mô tsênhv paz muôx nzir phênhv sâu tâu muôx 80 triệu đêiv thâuv tưz xav tas cxuô zav. Tix lâus Quáng tsênhv sir jos huôv tsar kinh tế tu zus 3 tuk tưv, 2 tuk nhux đas thiêz tu zus yênhx châuv kêiz ok đros trâu khơưz pak zus njêk. Iz shông, ciês phênhv sâu tâu txix chuôz zis li têx poz cưk cux tâu muôx 50 txos 60 triệu đêiv. Kinh tế huôv tsar truôx đrênhk, tix lâus Quáng muôx txâuk nhiêx txiêx cxiv uô vax tsêr, zuôr cxuô zav chuôz zênhx sir zôngv hâur chuôz zis, tiv zix zos tsoz phưz tu zus 2 tuk mê nhuôs.

Phênhv “Nôngx mênhx zuôr tsuv pâuz” ciêz no, zos Đaix TNVN côngv đros tsênhv qơư cxơưz cxiz uô kôngz têz qơưk uô./.

                                    (VOV4-Ly cxêik-nhênhv)