Sơn La: Taz por ngaz tuk vêv xênhz zav nox hâur tsiêz trung thu 2017

Muk ndis thành phố Sơn La, zôngx ziv pov tâu chor qơư muôx hax huv muôx ntâu têx hax huv nduôr trung thu jông jav cxuô zav chiê muôs. Đros co, chor qơư muôs huv, siêu thị cux zuôr lok ntâu zav nduôr trung thu, muôx tas nro hâur têz qơưk thiêz đrâuv têz qơưk. Tsuôk siệu thị Hapro Mart, thành phố Sơn La tưz muôx ntâu zav huv zos pêz kror qơư muôx suôz bê lox Kinh Đô, Hữu Nghị, Yến Xào Khánh Hòa li đros muôx 5.000 ntâu zav huv. Pêx xênhv li zoz qơưx sir zôngv nduôr trung thu thiêz zuôr uô huv khơưk muôz trâu nênhs cxênhz jê piz chuôz ndê. Zơưv Bùi Văn Chiến, sêiz car siêu thị Hapro mart, thành phố Sơn La puz pâuz:

“Đros cêr shir phaz tok tsiêz mak zuk cux zuôr chor hax huv tưz muôx suôz bê sâuv ciêz đrôngs lok muôs, xưk li nduôr trung thu Kinh Đô, Hữu Nghị, nduôr trung thu Yến Xào Khánh Hòa, tiv iz zos cux taz por tsơưr lươngv, tiv oz thiêz zos gri muôs cux truôx tuk đhâu cxiê shông”.

Ciêz đrôngs muôs nduôr Trung thu shông no puôr lênhx chuôz ndê ntâu zav thiêz chor nduôr. Chor nduôr tâu uô txix têx qơư muôx suôz bê li: Kinh Đô, Bibica tso tơưv têx hax huv yiêz, jông gâux xưk li nduôr jông tuk njêl, luz pax, tâu nênh sir zôngv njênhs xêir zuôr. Đros co, ciêz đrôngs nduôr Trung thu shông no muôx chôngz nênhs đuô tiv muôs têx hax huv nduôr zuôr saz đrâuv têz qơưk lok, zos chor hax huv nto bô, jông, gri muôs civ. Niêv tix Hoàng Thị Liễu, huyện Thuận Châu, tỉnh Sơn La hêik:

“Kinh Đô chor hax huv shông no mak muôx ntâu zav thiêz taz por tsơưr lươngv. Hêik cxuô mak njiêz xưz tưz jông gâux, muôx lok six ntâu zav nhiêk txơưr lơưv nhiêk”.

Đros ciês đrôngs muôx ntâu txơưr txar li nhiv no, Ban sêiz car ngaz tuk vêv xênhz zav nox tỉnh tưz yênhx lix 3 đoàn qênhx yuôx liên ngành lok ngaz tuk vêv xênhz zav nox hâur jiês tsiêx Trung thu 2017, choz trâu Sở y tế sêiz car, sik côngv đros chor sửo, ngành cuk txos, chiê taz por ngaz tuk vêv xênhz zav nox, phax tar trâus tsơưr tưx, por vêv qênhx liv, đas jos trâu nênhs sir zôngv. Zơưv Nguyễn Trung Khải, Giám đốc sở y tế tỉnh Sơn La puz pâuz:

“Sâuv thax tsav tỉnh nhiv no muôx lok six ntâu chor qơư muôs huv, doanh nghiệp muôs nduôr thiêz uô nduôr, suôz thax, viv li mak côngz xưv no tsuv tâu sir jos uô thiêz tsuv tâu qênhz yuôx cxuô nro sâuv thax tsav tỉnh. Txos nhiv no, lơưr chor đoàn qênhz yuôx liên ngành hêik pâuz mak tsik tâu pov kror tưs uô zuôv”.

Lơưr co, chor đoàn qênhz yuôx liên ngành tưz piz qênhz yuôx tas nro chor hax huv, tsik chiê muôx yưv têx hax huv chuôr, hax huv tsik taz por tsơưr lươngv tâu muôs sâuv ciêz đrôngs. Hâur co tsov cưv txos chor qơư uô nduôr, suôz thax, qênhz yuôx têx zav chiê uô nduôr thax hâur têx qơư uô…Đros co, sir jos uô côngz xưv yax kriê, hêik pâuz pháp luật lok ngaz tuk vêv xênhz zav nox, kruôz kriê chor tsưr tsix, tiz nênhs uô jông lơưr cêr chêi têz qơưk li têx cuiz tênhv hâur uô xênhz yar, kinh doanh. Zơưv Nguyễn Viết thông, phưv chi cục trưởng, chic cục sêiz car ciêz đrôngs tỉnh Sơn La puz pâuz:

“Chi cục tưz chox kriê chor đội sêiz car ciêz đrôngs sir jos sik côngv đros cxuô cấp, cxuô nganhx sâuv thax tsav, chuôz xcaz côngz xưv qênhz yuôx, xưv lik truôx chor hax huv muôl muôs hâur jiês tsiêx Trung thu xưk li nduôr thax, suôz thax, cxuô zav uô si, xưv lik truôx chor nênhs uô cxâuv lơưr cêr chêi têz qơưk”.

Tsiêz Trung thu zos jiês chiê chor ziv chuôz zis sik côngv cêr lov jêv, shir phaz, taz sik cux zos chêix cxơưx txos tsik ngaz tuk vêv xênhz zav nox. Nênhs sir zôngv tsuv uô jông xêir tsov têx nduôr, suôz thax muôx ntơưr lo chiv, têx nduôr, suôz thax zos têx qơư muôx suôz bê uô chiê txar jav tâu têx phiv liv txix chor hax huv tsik taz por tsơưr lươngv sâuv ciêz đrôngs./.

                                   (Hồng Việt-Lok Thox cxêik nhênhv)

PHÊNHV TSÊNHV CHEI THIÊZ LUZ NÊNHX

THEV NHIÊX ZUÔR NTƠƯR BHXH LI CHAS

Têz:

Lok sâuv têx luk nuk tâu cui tinhv tsênhz mênhx ntơưv grê 7 tsưr ziv sâu nhiêx bảo hiểm xã hội, bảo hiểm y tế, bảo hiểm tsi muôx hâux lưv, bảo hiểm trâus moz trâus saz thâuv uô hâux lưv, bảo hiểm têx nuv uô; seiz car têx ntâuz ntơưr Bảo hiểm xã hội, bảo hiểm y tế tso tơưv đros trâu Tổng Giám đốc Bảo hiểm xã hội VN Quyết tinhv số 595/QĐ/BHXH hnuz 14/4/2017. Tsênhz mênhx zos:

1.Gôngr hâur niêx hli.

Niêx luz hlik, gôngr lis yax zos txos hnuz uô kaz hâur hli, taz viv, qơư uô hâux lưv co thêv Bảo hiểm xã hội muôz txix têx lênhx nênhs lox tôngv cxaz chuôz Bảo hiểm xã hội li nhiêx hli lok thêv, iz chas ntơư muôz txix lênhx nênhs lox tôngv li nhiêx hli gôngr bảo hiểm xã hội trơưk cui tinhv,  xa iz tês lok trâu Cơ quan Bảo hiểm xã hội qơư sâu têx nhiêx heik co, krêz ntơưv zênhx hax lok sik têz qơưk tsêr tuôr têx nhiêx txiêx.

2.Gôngr 3 luz hlik lol sik 6 luz hlik iz jiês

Taz viv zos doanh nghiệp, Hợp tác xã, chuôz zis uô lax luôv xiz nênhs, tổ hợp tác uô hâux lưv hâur thax tsav kôngz-jôngr-đêx nuv....tâu nhiêx hli trơưk li têx xiv huv zuk uô tâu, choz zok uô mak gôngr trơưk niêx hli lok sik 3 hlik, 6 hli iz jiês. Thiêz gôngr kênhz yax zos txos hnuz uô kaz hâur hli, taz viv tsuv xa cov txâuk chor nhiêx thêv bảo hiểm ntơư trâu Bảo hiểm xã hội.

3.Gôngr trơưk thax tsav

3.1 Taz viv muôx qơư nhoz chênhr hâur thax tsav tỉnh tưs mak đas cir cxaz chuôz gôngr bảo hiểm xã hội ntơưv thax tsav tỉnh co lơưr bảo hiểm xã tỉnh li phênhz cấp.

3.2 Doanh nghiệp li têx qơư mê uô hâux lưv hâur thax tsav tưs mak gôngr bảo hiểm xã hội ntơưv thax tsac co.

4.Đros thiêz nênhs lox tôngv cui tinhv ntơưv 1.7 grêi 1 grê 4 (Lênhx nênhs muk uô hâux lưv đrâuv luôs 2 chas têz qơưk lơưr hux thôngx), tsưr ziv gôngr zos 3 hlik, 6 hli, 12 luz hlik iz jâuk lok sik gôngr uô ntêx iz jiês  trơưk li six hơưv, hnuz nhôngs muk uô hâux lưv sâu hâur têx ntâuz ntơưr hux thôngx chox lênhx tiz nênhs co muk uô hâux lưv saz đrâuv luôs 2 chas têz qơưk. Nênhs lox tôngv buôk ti trâu cơ quan bảo hiểm xã  hội uô ntêx thâuv zuôr sơưr cêr muk uô hâux lưv saz đrâuv luôs 2 chas têz qơưk, lok sik gôngr đhâu taz viv, tsưr tsix uô hâux lưv têz qơưk chox nênhs lox tôngv muk uô hâux lưv  đrâuv luôs 2 chas têz qơưk.

4.1 Lênhx nênhs tưs gôngr đhâu taz viv, tsưr tsix lês uô têx hâux lưv têz qơưk chox nênhs lox tôngv muk uô hâux lưv saz đrâuv luôs 2 chas têz qơưk mak taz viv, tsưr tsix co sâu, muôz trâu bảo hiểm xã hội thiêz đas cir tsưr ziv gôngr trâu cơ quan bảo hiểm xã hội.

4.2 Lênhx nênhs lox tôngv tưs tâu hux thôngx trơưk six hơưv, hnuz nhôngs uô hâux lưv, lok sik cir hux thôngx uô hâux lưv yiêz ciês hâur têz qơưk lênhk txeil nênhs lox tôngv mak gôngr bảo hiểm xã hội trơưk cui tinhv ntơưv grê no lok sik thêv cov tas trâu cơ quan bảo hiểm xã hội đhâu thâuv tror lok hâur têz qơưk.

5.Đros thiêz nênhs lox tônngv cui tinhv ntơưv 1.8 grêix  1 grê 4 (lênhx nênhs tâu sơưv têx chei li: tuk nênhs lox tôngv co pox niêv lok sik tul txir ntơưv cơ quan hlôngr njêx muôs VN nhoz đrâuv luôs 2 chas têz qơưk) mak gôngr hâur niêx hli, 3 luz hlik lol sik 6 hli iz jiês thôngz đhâu taz viv seiz car canr bôv công chức muôx pox niêv lok sik tul txir chiê thêv trâu têx cuiv nhiêx so lâuk thiêz têx nhiêx paz txơưr đuô.

6.Đros thiêz lênhx nênhs thêv trâu têx ntu, six hơưv tsênhv thêv tsi tâu txâuk tsi tsênhr đhâu 6 hli cui tinhv ntơưv 1.5 grêix 1, grê 5.

6.1 Nênhs lox tôngv thêv iz jâuk trâu têx luz hlik tsênhv yuôr thêv tsi tâu txâuk thôngz đhâu taz viv uô ntêx thâuv zuôr so uô hâux lưv.

6.2 Lênhx nênhs tsênhv six thêv têx nhiêx bảo hiểm xã hội lok sik thêv trâu nênhs lox tôngv co têx nênhs hâur tsêr tuôs, thêv iz jiês trâu têx luz hlik thêv tsi tâu txâuk ntơưv cơ quan bảo hiểm xã hội huyện hâur zuk qơư nhoz./.

(Thanh Thuỷ-Riê Lâux cxeik, nhênhv)