Tsôngv box têx mênhx cxưx Tây Bắc đros Đại hội Đảng tas nro têz qơưk jiês tiv 13

          Đại hội Đảng tas nro têz qơưk jiês tiv 13 zaz zâuv chôngz tsôngv box têx mênhx cxưx Tây Bắc li tsov cưv, hâur co muôx tsôngv box mênhx cxưx Cho.

          Zơưv Chẻo A Ngải, Bí thư Đảng ủy xã Phăng Xô Lin, huyện Sìn Hồ, tỉnh Lai Châu puz pâuz: Ntơưv têx jêx jos, têx phongz yaox tưr thik uô lox tôngv xênhz yar tâu phuôx tôngv đêz đar chiê pox nhuôs uô têx hâux lưv tsênhv tsênhz tax yênhx tix hơưv Đại hội Đảng tas nro têz qơưk jiês tiv 13. Zơưv xar njôngr li no: “Pêz jông siêz thiêz thâuv tưs cux njênhs njôngr tiêk Đại hội Đảng jiês no zuôr xeir tâu têx lênhx nênhs lênhs tov muôx txâuk pênhr xưv, txux chi chiê cxiv tsa têz qơưk hlôngr yiêz. Xã Phăng Xô Lin huyện Sìn Hồ, tỉnh Lai Châu zos xã thax tsav II txov nhêv, chor ziv chuôz zis pluôs tsênhv siêz tiv tsi muôx hâux lưv uô. Pêz njênhs njôngr Đảng, têz qơưk zuôr muôx chế độ chính sách chiê cxơưz cxiz paz hâux lưv uô trâu tsôngv box tiv phaz. Muôx têx chính sách jông chiê sâu zuôr pox nhuôs li xiv huv kôngz nuv. Lok huôv tsar đảng viên, pêz xar njôngr Đảng, chính phuv tror tsov cưv đuô thiêz txos hâux lưv huôv tsar đảng viên zos nênhs mênhx cxưx tsơưs nênhs, hâur co tiv zix zos đảng viên pox niêv”.

          Pox nhuôs lênhx tưs cux lok six njênhs njôngr lok Đại hội jiês no zuôr bo xeir tâu têx lênhx nênhs jông, muôx txâuk pênhr xưv, txux chi lok hâur Ban Chấp hành Trung ương khóa yiêz chiê tror lênhs tov têz qơưk ziv hnuz ziv huôv tsar, tsôngv box têx mênhx cxưx nhoz tox siêz luz nênhx ziv tâu hlôngr yiêz jông. Tix lâuk Triệu Quý Liềm, Bí thư Chi bộ jos Suối Lìn, xã Vân Hồ, huyện Vân Hồ, tỉnh Sơn La thiêz pos Triệu Thị Bình, kuz teiv plor côx hôiv khóa 11, 12 nhiv no zos Tsar ban mênhx cxưx HĐ pêx xênhv tỉnh Yên Bái heik: “Uô tsâus Đảng, têz qơưk six hơưv đhâu tưz muôx ntâu chủ trương, cêr chei trâu thax tsav tsôngv box mênhx cxưx tsơưs nênhs. Pêz njênhs njôngr Đại hội jiês no tror bo xeir tâu têx lênhx nênhs muôx txâuk pênhr xưv, txux chi chiê lênhs tov têz qơưk ziv hnuz ziv huôv tsar, tror muôx ntâu chủ trương, cêr chei paz tsôngv box hlôngr yiêz tsoz chos, tsiêx tu zus, sâu zuôr xiv huv trâu tsôngv box nôngx mênhx, tiv zix zos đros tsôngv box mênhx cxưx tsơưs nênhs. Viv tsênhz mênhx nhiv no ntâu xiv huv pox nhuôs uô tâu lax nriêr tâu qơư muôs ngaz tul. Tiv oz zos xar njôngr Đảng, têz qơưk tror muôx chính sách BHYT chiê pox nhuôs muôx moz gênhs tâu muk seiz njuôs thiêz kho moz, viv nhiv no pox nhuôs nhoz tox siêz luz nênhx tsênhv txov nhêv lok cxuô zav”.

          “Nhiv no Đảng thiêz têz qơưk tưz muôx ntâu chính sách huôv tsar thax tsav tsôngv box mênhx cxưx tsơưs nênhs, taz sik tsênhz mênhx nhiv no, chor ziv chuôz zis pluôs tsênhv tsav siêz, tiv zix zos nhoz tox siêz. Li tỉnh Yên Bái muôx 30 mênhx cxưx, huôv tsar lok kinh têr kis. Viv li, xar njôngr Đảng, têz qơưk tror muôx ntâu chính sách paz txưv uô kôngz nuv, paz hâux lưv uô trâu pox nhuôs ngaz tul luz nênhx”.

          Cxơưx lok qênhx shênhx iz cxiê vênhx huôv mênhx cxưx tsênhv jux jus trâus pôngz plox, iz cxiê pưv phênhv hluôk nênhs tsi moz siêz txos zuk vênhx huôv mênhx cxưx trâur lâuk, pos Triệu Thị Nhậy, kuz teiv plor côx hôiv khóa 9, nghệ nhân ưu tú, nhiv no nhoz uô nênhx ntơưv xã Phúc Lợi, huyện Lục Yên, tỉnh Yên Bái xar li no: “Xar njôngr Đảng, têz qơưk tror muôx ntâu chính sách tuôr tsês vênhx huôv mênhx cxưx, tiv zix zos tsôngs yo, cưr cxiêx trâur lâuk. Viv tsênhz mênhx nhiv no cxênhx hluôk tsi moz siêz txos zuk mênhx cxưx li vênhx huôv thiêz. Zos iz lênhx nênhs tuôr tsês vênhx huôv mênhx cxưx cur xar njôngr muôx têx chủ trương thâuv krêz uô txos thax tsav tsôngv box mênhx cxưx tsơưs nênhs tsuv muôx tsưr ziv uô tsênhz mênhx chiê uô cov muôx chêx cuk”./.

                                                                            (PVCT Dao-Txâur Vax cxeik nhênhv)

Lok vax huôv tự do hội họp, yênhx lix hôiv

Ntơưv Việt Nam, txơưv tiêk txos nhiv no pêz tsik tâu muôx Chêi lok tự do yênhx lix hôiv taz sik hâur Hiến Pháp pêz têz qơưk li Grê 25 tso tơưv shông 2013 tưz khav tênhv: “Công dân muôx vax huôv tự do ngôn luận, tự do pov chir, nriêr pâuz xor mông, hôiv họp, yênhx lix hôiv, biểu tình. Uô têx co trơưk Chêi têz qơưk cui tênhv”.

Uô jông sêiz, pêz pov tâu tiêk, tự do hôiv họp, yênhx lix hôiv zos iz hâur pêx xênhv têx vax huôv, tâu cui tênhv tsênhz mênhx hâur Hiến Pháp shông 2013. Co tưz puz pov tiêk Đảng, Côx hôiv thiêz Chính phủ tsik so moz siêz txos thiêz taz por trâu cxuô lênhx nênhs puôr lênhx zuôr uô tâu tas zuk têx vax huôv. Taz por vax huôv tự do hôiv họp, tự do yênhx lix hôiv tsênhv tâu uô siz bâus nhoz tas nro côngv thôngx cxuô mênhx cxux tsơưs nênhs.

Ntơưv Sơn La, tỉnh muôs 70% ntâu dân số zos tsôngv box mênhx cxưx tsơưs nênhs, kror tự do hôiv họp thiêz yênhx lix hôiv têx shông đhâu tâu khav tênhv zos taz por. Kror co hêik tơưv thâuv sâuv thax tsav muôx yênhx châuv hôiv tâu yênhx lix li Hôiv nênhs kuz qơư nhoz ntơưv Thái Bình; Hôiv nênhs kuz qơư nhoz ntơưv Hưng Yên; Hôiv muk uô tuz lênhv shông 1999 lok sik têx hôiv tâu tsưr tsix jông, muôx chêi xưk li Hôiv Quân uô ntêx hlo thiêz nênhs nhênhz chơưv quân sự Việt Nam ntơưv Lào tỉnh Sơn La…

Tiv zix, đros jiês cách mạng công nghệ tiv 4 (Jiês cách mạng 4.0), yênhx puô hôiv, paz nênhs tâu pêx xênhv yênhx lix sâuv têx mạng xar hôiv li zalo, faceboock, youtuber chiê zaz zâuv chor thành viên trâu hâur hôiv đros têx tsưr ziv tsênhv tsênhz. Chor paz, hôiv no zuôr ndê muôx yênhx châuv cxênhz lênhx nênhs xưk li Hôiv Hêir nênhs Thái Sơn La nhoz Hà Nội, Hôiv nênhs Cho sik côngv txix têx vênhx huôv…

Njiê lok mênhx cxưx tsơưs nênhs li vax huôv hâur tự do yênhx lix hôiv, lơưr zơưv Hà Văn Quý, nênhs Thái nhoz jok Hoa, xar Tân Lập, huyện Mộc Châu, tỉnh Sơn La khav tênhv: zơưv tsik pov muôx têx phiv liv tưs lok hâux lưv yênhx lix hôiv, paz nênhs zos chor hôiv tâu yênhx lix huv trơưk Hiến Pháp, chêi têz qơưk Việt Nam. Zơưv Quý cux hêik pâuz, hêir nênhs Thái hêik taz, côngv thôngx chor mênhx cxưx tsơưs nênhs hêik cxuô tsik so uô nênhx nhoz hâur têx jêx jok, ciês têx jêx jok co tưz zênhx zos chor paz nênhs lơưv, txix ntêr lok no zênhx tâu têz qơưk paz, por vêv, taz por têx vax huôv công dân, vax huôv lênhx nênhs. Zơưv Quý hêik: “Đros hêir nênhs Thái ntơưv cur qơư nhoz xar yênhx lix hôiv mak cux tsik muôx nênhs txưr, yênhx lix cux tâu taz sik cxoz uô cxâuv chêi têz qơưk. Cux tsik muôx lênhx tưs yênhx lix hôiv mak chính quyền ho txưr. Tsuôk zos tiêk yênhx lix hôiv tưs cux tsuv tsênhz mênhx, muôx chêi thiêz tsik uô cxâuv chêi têz qơưk”.

Đhâu nriêr pâuz, nhoz chor tsưr tsix Hôiv tâu chiv chir yênhx lix, nênhs cxaz chuôz zuôr hêik tơưv tâuk zuk siêz xar khov lơưr chêi hâur hôiv tưz tâu tas nro chor thành viên thôngz đhâu thiêz tsik uô cxâuv chêi têz qơưk Việt Nam.

Đros mênhx cxưx tsơưs nênhs li vax huôv hôiv họp, cux zuôr hêik tâu txos li zơưv Tuôv Xênhv Shôngx-hêir nênhr Hmôngz nhoz jok Pha Luông, xar Chiềng Sơn, huyện Mộc Châu, tỉnh Sơn La li jax pêv.

Zơưv Tuôv khav tênhv, zơưv cux tsik pov chính quyền ntơưv qơư muôx têx kror txưr tưs zos pêx xênhv chiv chir hôiv họp. Jok Pha Luông muôx 88 ziv chuôz zis, 550 ntâu lênhx nênhs đros muôx 2 chuôz xênhv chênhr zos chuôz xênhv Shôngx thiêz chuôz xênhv Zax. Tas nro cxuô lênhx nênhs hâur chuôz xênhv tâu hôiv họp, hêik tơưv zuk siêz xar. Zơưv Tuôv Xênhv Shôngx puz pâuz: “Cur chuôz xênhv mak 1 hli, 2 hli cơưv iz jiês. Cơưv mak zuk chiv chir cơưv zuk xưz, muôx têx phiv liv tưs mak hêik tơưv trâu sơưr đơưk pâuz, lok sik uô jông lơưv mak chiê li. Zuk tsưr tsix tâu chuôz xênhv lơưv mak tso siêz cơưv xưz. Thâuv tưs tsuv cơưv mak hu tas nro chor chuôz zis iz zis iz txos oz lênhx tuôx cơưv xưz. Kror co zos lơưr zuk, xar cơưv trâu hnuz tưs mak cơưv xưz”.

Đhâu zơưv Tuôv Xênhv Shôngx têx luk thav co puz pov tiêk, chor hôiv, paz nênhs nhoz têx jêx jok mênhx cxưx tsơưs nênhs cux tsênhv muôx thiêz tâu chêi cơưv. Lơưr tsik trâus chính quyền ntơưv qơư txưr. Zơưv Tuôv tsênhv hêik tiêk, zơưv tsênhv tsik so cxaz chuôz hêik ntơưv chor jiês cơưv zos xar, huyện tsưr tsix. Zơưv Tuôv tsênhv tsik pâuz ntơưr viv li têx luk hêik tâu sâu tsês uô ntêx trâu chor nênhs hêik têx ziv chênhv (zos hêik trơưk chor nênhs sâu tơưv siêz xar) zuôr tsik trơưk li zơưv Tuôv têx luk hêik, siêz xar. Li co, zơưv hêik li chak, xar li chak cux tsik hêik trơưk luôs têx hlo. Li co, vax huôv tự do tâu hêik tơưv zuk siêz xar ntơưv têx jiês cơưv cux tâu uô jông.

Pêz têz qơưk txơưv tsik tâu tso tơưv chêi lok tự do hôiv họp, yênhx lix hôiv taz sik hâur Việt Nam li cxiv luôs chính trị nhiv no muôx chor tsưr tsix li: Mật trận têz qơưk, muôx Hôiv đôngx nhân dân, muôx chính quyền ntơưv qơư thiêz Chêi siz pênhr. No chênhr zos têx kror qơư chiê pêx xênhv hêik tơưv tâu zuk siêz xar; hêik tơưv têx kror phiv liv, tsik jông hâur xar hôiv; thôngx cxix cux zos qơư zov chênhr chiê pêx xênhv cxaz chuôz hêik têx ziv chênhv chiê paz trâu têz qơưk.

Nhiv no, ntơưv việt Nam, chor hôiv huôv tsar ntâu thiêz sik txơưr lok ntâu kror. Iz zav li Hôiv liên hiệp pox niêv Việt Nam (xar muôx 17 triệu lênhx nênhs, shông 2017), Tổng liên đoàn Lox tôngv Việt Nam (6,4 triệu lênhx nênhs, shông 2017), Hôiv Nôngx mênhx Việt Nam (xar muôx 10 triệu lênhx nênhs, shông 2018)…/.

                                                                                              (Hoàng Thái VOV4-Lik Thox cxêik nhênhv)