Sơn La zok nriêr hâux lưv uô trâu yênhx châuv cxênhz lênhx lox tôngv muk uô hâux lưv saz đrâuv luôs 2 chas tỉnh tror lok li chas?

Têx hnuz đhâu, Phù Yên zos iz hâur têx thax tsav qơư muôx lênhx nênhs muk uô hâux lưv txix luôs 2 chas tỉnh tror lok ntâu đuô hur si. Thôngz sâu tsi tâu cxix cxuô, txix hnuz xiêz 05/10 txos nhiv no, chor lưv lươngv tưz lênhk tok muôx 2 cxênhz ntâu lênhx nênhs, phênhv ntâu txix chor tỉnh faz Nam li: Bình Dương, Đồng Nai, TP HCM tror lok hâur thax tsav. Đhâu thâuv lênhk tok, phênhz thiêz qênhz shuôs têx lênhx pêx xênhv, lơưr tâu pheiz thiêz xa, chox muk nhoz trâu têx qơư cêv kuôk nhiêk txơưr nhiêk txix huyện txos têx xã, jêx jok. Zơưv Đào Văn Nguyên, Chủ tịch Ủy ban huyện phù Yên heik pâuz, chor pêx xênhv thiêz nênhs lox tôngv đhâu thâuv nhoz tas six hơưv, hnuz nhôngs cêv kuôk, zuôr tâu kriê lol muk trâu lơưr qơư nhoz chiê  tror sox seiz đas jos cov truôx tuk, tsi muôx moz li chas huôv xênhz. Lok sâuv tsưr ziv taz por luz nênhx trâu têx lênhx nênhs lox tôngv no, huyện zuôr kriê lơưr sir jos khưr huôv tsar uô nox, uô têx liêx têz muôx nhiv no, cux iz zav li yưv pênhr huôv tsar tu zus tsiêx cxu…. Zos têx lênhx lơưr xar tror kaz muk trâu chor thax tsav công nghiệp luôs 2 chas tỉnh chiê uô hâux lưv, viv pêz nhiv no tưz jux juk sưv đros thiêz tir thêir tâu têx caz moz, tsi pov muôx lênhx nênhs trâul moz nzir, huyện zuôr tror muôx têx heik kriê, txuôk đros, taz por chiê lơưr muôx hâux lưv, muôx phênhv sâu tâu:“Chor tỉnh truôx tuk tsi muôx caz moz ntơư, zos lơưr tror xeir zuôr nênhs uô hâux lưv mak tsôngv box zuôr tror muk uô hâux lưv trâu têx tỉnh co, viv thâuv ntơư tsôngv box sơưr đơưk phênhv ntâu cux tưz cxax txâuk 2 côngz yuôx vắc xin phax phôngz moz, lok sik tưz nhoz tas six hơưv, hnuz nhôngs cêv kuôk lơưv. Nhiv no tas nro têz qơưk, trơưk li Thủ tướng chox kriê nhiv kruôr no puôr lênhx xav tinhv li ntơư. Lok sâuv têx tsêr meir, qơư zuôr nênhs uô hâux lưv lơưr muôx txơưx jênhv uô trơưk têx tsưr ziv phax tir thêir moz gênhk trơưk cui tinhv”.

Ntơưv huyện Thuận Châu, hâur 21 cxênhz ntâu lênhx lox tôngv muk uô hâux lưv trâu luôs 2 chas tỉnh, nhiv no zuôr xar 12 cxênhz lênhx tưz tror lok hâur qơư nhoz. Chor nênhs lox tôngv chôngz, taz sik phênhv ntâu lơưr puôr lênhx zos nhoz tox siêz, cơưv tsi tas ntâuz ntơưr, tsi muôx tsưr ziv huôv tsar uô nox, tsuôk zos lav uô têx hâux lưv zôngx ziv, viv li phênhv sâu tâu tsơưs. Lar heik hâur six hơưv đhâu, moz gênhk huôv xênhz phiv liv, nênhs lox tôngv trâul pôngz hâux lưv uô, tsi muôx phênhv sâu viv li luz nênhx njiz trâul ntâu cêr txov. Chiê đơưk tu têx phiv liv no uô ntêx trâu tsôngv pêx xênhv, iz chas thôngz sâu, muôx têx chei paz max trơưk Đảng, têz qơưk têx chei fuô kriê trâu chor nênhs trâul uô ruôr hiêv tiv moz Covid-19; muôx luk hu lơưk têx tsưr tsix, lênhx nênhs sik đros paz nhiêx txiêx,  chuôz zênhx, zav nox uz no….chiê phax tar moz gênhk heik cxuô thiêz sik đros paz max chor nênhs njiz phiv liv tiv moz Covid-19 heik taz, huyện zuôr tror sir jos uô luôs hâux lưv zok nriêr, heik kriê têx nuv uô chiê nênhs lox tôngv muôx hâux lưv uô đhâu thâuv caz moz truôx tuk. Zơưv Đinh Mạnh Hùng, Phưv Chủ tịch Ủy ban huyện Thuận Châu heik pâuz:“Tsi muôx hâux lưv uô, zuôr txov nhêv ntâu đuô pir li thâuv ntêx, viv muk uô jos, iz luz hlik tâu 6-7 tsov đeiv, yưx têx nhiêx nox, nhiêx xênhz huôx uz no cux txuôs tâu 2, 3 tsov đeiv, li ntơư cux nhoz khênhr đuô nhoz hâur tsêr. Thiêz tsôngv box nhoz thax tsav no muk uô jos đrav têx thax tsav công nghiệp faz Nam phênhv ntâu zos muk uô trơưk cheix chiv xưz, txos cheix sâu têx kôngz, uô liêx têz lơưr ho tror lok; sâu kôngz, uô têz tas li siz zâuv tror muk uô jos”.

Thôngz sâu hâur tas nro tỉnh Sơn La, zơưv Nguyễn Mạnh Du, Phưv Giám đốc Sở Lox tôngv-Xaz pênhz thiêz xã hội tỉnh Sơn La heik pâuz, chor nênhs lox tôngv ntơưv qơư muk uô jos trâu luôs 2 chas tỉnh  zos 110 cxênhz lênhx nênhs; nhiv no iz đraz têx lênhx co tưz tror hâur qơư nhoz đhâu moz Covid-19 uô ruôr hiêv. Hâur ntu muôx caz moz tsênhv jux juk tâu tir thêir, Chính phủ cux tưz tso tơưv cui tinhv tax “truôx tuk huv đros, qênhz shuôs jông caz moz Covid-19”, iz chas hux jos đros cxuô thax tsav qơư kriê nênhs lox tôngv moz siêz trâu luôs hâux lưv tu zus tsiêx cxu, tsêz chos têx kôngz lôngk chiê truôx tuk luz nênhx, nhiv no ngênhx Lox tôngv-Xaz pênhz thiêz Xã hội tỉnh cux tsênhv chox kriê cxuô taz viv nhoz hâur tỉnh, lar heik zos Tsênhv qơư dịch vụ hâux lưv uô sir jos txuôk đros têx qơư, công ty, doanh nghiệp đrâuv luôs 2 chas tỉnh xeir zuôr lênhx nênhs uô nuv chiê têx lênhx lox tôngv ntơưv qơư muôx hâux lưv uô, phênhv sâu tâu.

Heik txos tsưr ziv tsuv tuôr tsês nênhs lox tôngv ntơưv qơư, lok sik cxiz lơưr muk uô hâux lưv trâu luôs 2 chas tỉnh, zơưv Nguyễn Mạnh Du heik:“Nhiv no hâur luz six hơưv tỉnh tsi tâu muôx hâux lưv ntâu trâu nênhs lox tôngv uô, chiê lơưr muôx têx tso siêz huôv tsar uô nox nhoz zuk thax tsav qơư, mak uô ntêx tỉnh xav cux tsuv chiê nênhs lox tôngv muk uô hâux lưv trâu luôs 2 chas tỉnh đrâuv. Li ntơư mak nênhs lox tôngv cux paz tsi tâu trâu tỉnh cêr huôv tsar, taz sik xuz thơưx cux đơưk tâu iz phiv liv lok hâux lưv uô thiêz phênhv sâu tâu trâu lơưr. Heik cxuô thâuv tỉnh hu zâuv tsi tâu tâu ntâu doanh nghiệp yưv pênhr huôv tsar uô têx hâux lưv zuôr trâul txos ntâu lênhx nênhs uô nuv; têx hâux lưv uô uz no hâur thax tsav lok cux tsi muôx ntâu mak cux tsuv chiê tsôngv pêx xênhv muk uô hâux lưv trâu luôs 2 chas tỉnh txơưr đuô thiêz”./.

(Thu Thùy-Riê Lâux cxeik, nhênhv)

VAX TSÊR CXUÔ ZAV VÊNHX HUÔV THAX TSAV MÊNHX CXƯX TSƠƯS NÊNHS

Tsaz yênhx têz qơưk li qơư tsov txos lok huôv tsar KTXH thax tsav tsôngv box mênhx cxưx tsơưs nênhs thiêz tox siêz ntu 2021-2030 tưz tâu Côx hôiv thôngz đhâu muôx ziz njiêz coaz tsôngv đros têz qơưk li huôv tsar KTXH. Lơưr co, Tsaz yênhx li njiêz luv muôx 10 dự án, hâur co muôx 6 dự án heik mênhx txos “Tuôr tsês, phuôx huiz têx mênhx cxưx tsơưs nênhs li tsiv grê vênhx huôv jông reik đros huôv tsar ju lix”. Pov cov lok Tsaz yênhx li qơư tsov txos, UB mênhx cxưx cux tso tơưv têx huôx tôngv chiê tuôr tsês, phuôx huiz têx mênhx cxưx tsơưs nênhs li vênhx huôv jông đros co zos cxuôv por tsês têx phongz cxưx pôngz kaz. Tsênhz mênhx hâur co muôx hâux lưv tsưr tsix têx lớp kriê cxaz chuyên môn, nghiệp vụ, kriê vênhx huôv phi vật thể; paz txưv têx dự án hôx phưx, tuôr tsês, phuôx huiz vênhx huôv phi vật thể têx mênhx cxưx tsơưs nênhs njuôs xav zuôr trâus pôngz plox; cxiv tsa têx CLB xênhz huôx vênhx huôv chax chês ntơưv têx jêx jos thax tsav tsôngv box mênhx cxưx tsơưs nênhs; paz txưv yưv pênhr cxiv tsa têx qơư vênhx huôv reik đros ju lix thax tsav tsôngv box mênhx cxưx tsơưs nênhs...Txos nhiv no, ntâu tiv phaz tưz uô jông têx tsưr ziv yax mông, paz pox nhuôs mênhx cxưx tsơưs nênhs cxuôv por tsês jux jus têx cêr uô nênhx, phongz cxưx pôngz kaz hâur uô ntênhs tuôs, nox yôngz cok...uô lav phêv nhiêx txiêx thiêz six hơưv. Pos Pờ Diệu Linh, Phưv Chủ tịch UB huyện Mường Nhé- tỉnh Điện Biên puz pâuz:“Huyện cux muôx lok six ntâu chủ trương chính sách tsov cưv txos tsôngv box mênhx cxưx, paz lok huôv tsar kinh têr, paz lok nôngz tsoz chos, tsiêx tu zus, tiv zix zos đros hâux lưv tuôr tsês vênhx huôv mênhx cxưx, hâux lưv tuôr tsês têx jax cưr cxiêx trâur lâuk cux xưk li hôx phưx têx ntênhs phêv chax chês jông, tuôr tsês tsôngs yo, tsưr ziv uô tsêr cux tâu tsov cưv txos, tas nro têx chuv trương chính sách co tsôngv box jênhv pâuz tâu tsênhz thiêz muôx siêz tuôr tsês zuk vênhx huôv chax chês jông”.

          Ntu zuôr txos, chiê yênhx trus uô tiêr cơ sở cxuô zav lok vênhx huôv thax tsav mênhx cxưx tsơưs nênhs thiêz tox siêz, reik đros hâux lưv huôv tsar KTXH, mak tsuv hlôngr yiêz pox nhuôs li luz nênhx chinhz yênhx; tsov cưv tuôr tsês phuôx huiz côngv thôngx têx mênhx cxưx tsơưs nênhs li vênhx huôv, chêx chôngk cxiv tsa luz nênhx vênhx huôv yiêz, phuôx huiz vênhx huôv chax chês, cxuôv por tsês cêr uô nênhx pôngz kaz, cxiv tsa luz nênhx vav mênhx, hôx phưx ntênhs phêv chax chês jông lơưr tsôngv box li siêz xar njôngr. Đros thiêz côngz xưv tuôr tsês, phuôx huiz tsôngv box têx mênhx cxưx tsơưs nênhs li tsiv grê vênhx huôv chax chês, têx chiz coaz muôx txơưx jênhv tsuv tsov cưv nhênhz chơưv, uô tiêr pháp luật li cui tênhv; chuôz tsar nhênhz chơưv tas nro, cxix cxuô lok tsôngv box têx mênhx cxưx tsơưs nênhs thiêz tox siêz li di sản vênhx huôv. PGS-TS Trần Văn Bình, Tsar Bộ môn Coar lik vênhx huôv têx mênhx cxưx tsơưs nênhs nhoz Việt Nam- Đại học Vênhx huôv puz pâuz:   “Tuôr tsês vênhx huôv chax chês tsi zos tuôr tsês têx jông trơưk ciês li ntu đrav ntêx, mak tuôr tsês têx tsiv grê, têx chiz coaz nhênhz chơưv thiêz têx lênhx nênhs coar lik nhoz tiv phaz tsuv pâuz tâu tul tsi zos tsiv grê, cxôngx co muôz siêz tsiv grê vênhx huôv mênhx cxưx, cxiv tsa tsôngv box li siêz xar, txưv haox lơưr thiêx li muôx siêz tuôr tsês, phuôx huiz têx co”.

          Tsênhz mênhx, uô chính sách mênhx cxưx, tuôr tsês tsiv grê vênhx huôv chax chês zos gôngr phênhv lok hâur thax tsav co heik taz thiêz tas nro têz qơưk heik cxuô li yênhx tix huôv tsar KTXH.

          Đros co zos car chêx têx tsi tâu uô tâu lok cơ sở cxuô zav, li qênhx shênhx tsi tâu muôx txâuk tsêr nhoz, ar nhoz, ar uô kôngz nuv, đêx xênhz huôx, txar qơư nhoz yiêz trâu têx thax tsav txov nhêv, tiv zix zos thax tsav njuôs xav trâus ntux nas ruôr hiêv; huôv tsar tsêz chos kôngz lôngk, jôngr ntông, taz por tsưr ziv uô nox truôx vênhs, muôz siêz tsơưr lươngv lênhx nênhs; tsoz phưz tsôngv box li đas jos./.

(VOV4-Txâur Vax cxeik nhênhv)