Phênhv thưr 5, hnuz 29/12/2016:

Pos Tươi chos txir thênhx caz uô bluô nux

      Xênhz zus trâu ziv chuôz zis khưr uô kôngz lôngk, lox hloz tiêr nênhx cxiv tsa ziv chuôz zis, pos Đỗ Thị Tươi nhoz jos Văn Yên, xã Mường Thải, huyện phù Yên, tỉnh Sơn La, thâuv tưs cux xar tsưr ziv huôv tsar cêr uô nox cov hla đhâu cêr yêiz pluôs, muôx txâuk nhiêx txiêx trâu tuz nxêik muk cơưv txux chi. Shông 2010, pos tươi tưz muôz 200 triệu nhiêx chox lok huôv tsar chos 600 tsoz txir thênhx caz Vinh. Txos trâu nhiv no, pos tưz kriz đar têz chos tâu 1.300 tsoz txir thênhx caz Vinh thiêz txir caz nzưr liêz plơưr đros trâu huôv tsar tu zus buô thiêz tsêz chos kôngz lôngk; hâur iz shông pos Tươi sâu tâu lok 300 triệu nhiêx.

      “Hâur ntu đrav ntêx cur ziv chuôz zis puôr lênhx chos poz cưk hur tiz si thiêz tsêz chos blêx; taz sik hnor fuô hâur Đêix mak thax tsav ar no, zôngx ziv chos txir thênhx caz; li ntơư cux thiêx muôz pênhr nhiêx muk zuôr zuz chox lok chos. Iz chas ntơư, cur cux chos poz cưk trâu kêiz buô nox, cov muôx phênhv sâu tâu cxaz nzir nhiêx”.

       Đros trâu huôv tsar cêr uô nox trâu ziv chuôz zis, pos Tươi cux tsênhv yax kriê tsôngv pox niêv vir ndâuk hâur jos Văn Yên siz chos huôv tsar cêr uô nox cov tâu truôx thiêz pos cux kriê tsưr ziv huôv tsar tsêz chos kôngz lôngk, huôv tsar cêr uo nox trâu tsôngv pox niêv vir ndâuk, sik chos côngv têk uô cov muk đhâu yêiz pluôs. Pos Lại Thị Hằng, Chi hội trưởng chi hội pox niêv vir ndâuk jos Văn Yên, xã Mường Thải, huyện Phù Yên hêik pâuz:

      “Pos Tươi ziv chuôz zis têx qơư chos txir thênhx caz đros trâu huôv tsar tu zus tsiêx cxu, chos cxuô zav jâuz muôs trâu tuz luôv ciêz đrôngl, sâu tâu nhiêx txiêx. Ntâu lênhx tsôngv pox niêv vir ndâuk cux cơưv shâuv uô trơưk pos Tươi têx tsưr ziv huôv tsar cêr uô nox ntơư thiêz pov njôngr sđ muôx luz nênhx tsâu sor jux juk”.

      Hâur luôs hâux lưv huôv tsar Hội pox niêv vir ndâuk hâur jos, Pos Tươi cux tâu cxuô cấp kruôk txos thiêz pos ziv chuôz zis, thâuv tưs cux paz mê njik nhiêx đros cxiv uo têx côngz trênhx hâur jos. Pos Tươi hêik pâuz nzir:

      “Zuk zos iz lênhx pox niêv hâur ziv chuôz zis, zuk tsuv cxươx uô cxuô zav hâur chuôz zis, cxươx txos tuz cxêik. Zos iz lênhx pox niêv, cur cux đros hội côngz xưv muk phêiz kênh tsưr ziv uô nox trâu cxuô lênhx pox niêv vir ndâuk sđ”.

     Pos Đỗ Thị Tươi, zos iz lênhx uô ntêx nyuôk huôv tsar cêr uô nox, paz phênhv cxiv kho thax tsav jêx jos ziv hnuz ziv hlôngr yiêz px muôx luz nênhx tsâu sor./.

                                            (Tsu cxêik nhênhv-Thanh Thuỷ)