Têx tsưr ziv phax tir thêir nhiês zuôr muôs uô luôv zax zênhz nhoz thax tsav Tây Bắc  têz qơưk

Qir txix têx lênhx nênhs zuôr muôs, uô luôv zax zênhz tsi trơưk chei phiv liv hâur thax tsav, bôv đôiv pênhz phax tỉnh Điện Biên tưz cxiv tsa ntâu faz tsưr ziv tsênhv tsênhz, chox kriê têx lưv lươngv cxơưz tiês luôs hâux lưv qênhz shuôs, hux jos đros cxuô lưv lươngv muôx vax huôv, hâu nov têx thax tsav qơư tsưr tsix ntâu jiês cơưv, vênhv tôngv, cxiv tsa phôngz yaox tsôngv box sđ sik đros txưx phưv đriv têz, ndêx cxok kuôk cêv ntus đriv thiêz tuôr truôx txiv ngaz ngaz tuk. Cxơưz tiês uô jông hâux lưv fuô kriê trâu tsôngv px lok sâuv sik đros yơưz vơưz têx lênhx tiz nênhs uô cxâuv chei hâur thax tsav ntus đriv. Lar heik ntâu cuz nxor, phiv liv lok zax zênhz trơưk 2 saz đriv têz Việt-Lào li: Na Ư, Pa Thơm, Mường Nhà, Mường Lói, Thanh Hưng, Thanh Luông hâur huyện Điện Biên lok sik Phìn Hồ, huyện Nậm Pồ tưz tâu qênhz yuôx, tuôr truôx. Đại úy Đào Văn Kế, Đội tsar Đội vênhv tôngv tsôngv box sđ, zênhx pênhz phax trôngx đriv ntiêx têz Tây Trang, seiz car thax tsav xã Na Ư heik:

“Pêz tsưr ziv zos uô sưv jông thiêz muôz tâu cêr njênhs njôngr trâu sđ, txix ntơư yax kriê  thiêx tâu trơưk tsưr ziv. Viv li hâur six hơưv đhâu, qênhx shênhx nhiês zuôr muôs, uô luôv zax zênhz hâur thax tsav xã Na Ư tưz tâu txo grêk lok six ntâu. Tsôngv box sđ tưz pâuz tâu têx tsi jông, txix ntơư tso tsês cêr nhiês zuôr muôs, uô luôv zax zênhz, iz cxiê lênhx trâus muôx zênhk zax zênhz cux tưz chiv chir muk chiv zênhk zênhz. Pêz chor canr bôv pênhz phax cux paz tsôngv box lok sâuv huôv tsar uô nox, kriê lơưr tsưr ziv tu zus tsiêx cxu, uô blêx liêx, txix ntơư cux paz tâu trâu tsôngv box sđ hlôngr yiêz tsưr ziv, siêz xar, tsi đros luôs cor, tsi đros luôs zuôr muôs têx zax zênhz”.

Lưv lươngv pênhz phax nhoz hâur thax tsav tưz seiz kaz jông ntơưv qơư, đros đreiv tsôngv box sđ uô nox uô hâuk, uô têx nuv uz no....., txix ntơư pâuz tâu qênhx shênhx, txo grêk tsơưs tâu têx txuz zuôr muôs, uô luôv zax zênhz tsi trơưk chei. No cux tâu seiz zos tsưr ziv jông yax thâuv qir uô luôs hâux lưv heik tsôngv box sđ sik đros phax tar zax zênhz. Tix lâus Por Xênhv Lik, tsar jok Na Ư, xã Na Ư, huyện Điện Biên, tỉnh Điện Biên heik:

“Zos lênhx tsar jok mak zuk thâuv tưs sir jos yax kriê thiêz vênhv tôngv tsôngv cưr tix nênhx tsa sđ, têx chuôz xênhv, chor nênhs hâur tsêr, têx mê tuz mê nhuôv cov tsi cxoz cor txos têx zax zênhz, ntơư zos iz kro tsi jông, tsi tâu đros luôs cor, luôs siv...... Heik cxuô, zax zênhz hâur thax tsav no cux tsi tâu tâu tas, taz sik pir li đrav ntêx mak tưz txo grêk tsơưs iz phênhv tưs”.

Iz chas luôs hâux lưv vênhv tôngv, yax kriê trâu tsôngv box sđ lok zax zênhz li têx tsi jông, hâux lưv sơưr tơưv txênhz tir thêir têx lênhx tiz nênhs nhiês zuôr muôs, uô luôv zax zênhz nhoz têx trôngx đriv zos iz hâur têx luôs hâux lưv zov chênhr. Viv nhoz têx thax tsav no, chor nênhs zuôr muôs, uô luôv zax zênhz khênhr liv zôngv têx cêr mê lus mul lok đhâu, thax tsav phiv liv nhiês jêik gra, fax thâux têx zax zênhz tsi trơưk chei lok hâur thax tsav. Trung Tá Phương Công quý, Chỉ huy tsar Zênhx pênhz phax trôngx đriv ntiêx têz Tây Trang heik:

“Pêz xav tinhv uô truôx luôs hâux lưv qênhz shuôs njôngr 2 saz đriv têz, têx nênhs fêv, nênhs uô têx nuv tsi trơưk chei, lar heik zos têx qơư, têx txuz lơưr nhiês zuôr muôs, thâux gra zax zênhz tsi trơưk chei lok hâur VN, hux jos truôx đros cấp ủy hâu nov ntơưv qơư thiêz têx lưv lươngv nhoz hâur thax tsav uô jông hâux lưv yax kriê trâu tsôngv box cxuô heir nênhs, gra siêz tsưr ziv chênhr phax, hux jos truôx đros bôv đôiv pênhz phax tir thêir têx lênhx tiz nênhs fêv uô cxâuv chei têz qơưk, lar heik zos chor nênhs nhiês zuôr muôs, uô luôv zax zênhz”.

Hâur shông 2017, lưv  lươngv phax tar zax zênhz tỉnh Điện Biên, hâur ntơư uô ntêx nyuôs muôx lưv lươngv pênhz phax tưz krêz uô ntâu jiês sơưr tơưv txênhz, tir thêir têx lênhx nênhs zuôr muôs zax zênhz tsi trơưk chei, tsi so tso lưv lươngv muk trâu têx thax tsav cuz nxor, phiv liv, lar heik zos têx suôv qơư nhoz jê đriv têz chiê qênhz yuôx, ruôr por tsês têx cêr nhiês zuôr muôs, uô luôv zax zênhz. Đhâu ntơư tưz zênhx max phax tar tâu têx txuz zuôr muôs, thâux gra zax zênhz tsi trơưk chei, ruôr por tsês ntâu txuz nhiês zuôr muôs, uô luôv zax zênhz lox txix thax tsav ntus đriv lok hâur thax tsav. Taz sik tiv têx zax zênhz lok six muôx grik, têx txuz plâuz, têx zax zênhz thâux gra ntâu tsi trơưk chei ziv hnuz ziv tsar ndê ntâu. Txix ciês hâur shông 2017 txos nhiv no, tưz muôx yênhx châuv lênhx nênhs zuôr muôs, uô luôv zax zênhz trâus ntêk tâu, 100 ntâu cir zax zênhz cxuô zav thiêz 300 cxênhz ntâu njiêr yuôx shơư zênhz đros trâu ntâu chuôz zênhx txơưr đuô tưz trâus sâu tsês. Chiê tir thêir tâu têx li heik sâuv, uô jông luôs hâux lưv sơưr tơưv txênhz phax tar têx nênhs zuôr muôs, uô luôv zax zênhz tsi trơưk chei hâur thax tsav, hâur six hơưv zuôr txos, Đại tá Kruô Xênhv Vưx, Phưv Chỉ huy tsar Bộ chỉ huy Bôv đôiv pênhz phax tỉnh Điện Biên heik:

“Nhiv no têx lênhx nênhs zuôr muôs, uô luôv zax zênhz ntơư lơưr lok six txơưx jêik, viv li chiê qênhz pov tâu chor nênhs co, phax tar, ruôr tâu por tsês mak tsuv đhâu iz ntuk ntêr qênhz yuôx shuôs, xav jênhv têx txuz plâuz co. Chiê luôs hâux lưv no uô tâu trơưk tsưr ziv, hâur six hơưv zuôr txos, bôv đôiv pênhz phax tỉnh Điện Biên zuôr chox kriê têx lưv lươngv phax tar zax zênhz thiêz nênhs fêv sir jos uô luôs hâux lưv qênhz shuôs hâur thax tsav, saz đrâuv đriv têz, qênhz pov têx txuz, chor nênhs co li tsưr ziv nhiês zuôr muôs, thâux gra li chas chiê pâuz tsênhz, phax tir thêir tâu têx nênhs zuôr muôs, uô luôv zax zênhz tsi trơưk chei đhâu ntus đriv”./.

(Hữu Lợi-Riê Lâux cxeik, nhênhv)

Agribank Sơn La kriz uô đề án qơư uô ntâuz ntơưr muôz nhiêx txêik txix yêz ô tô

Hâux lưv kriz uô qơư uô ntâuz ntơưr muôz nhiêx txêik txix yêz ô tô zuôr paz txo grêk hâux lưv, têx phiv liv côngz xưv trâu cán bộ, giao dịch viên; phưx vưv jông đuô tsôngv kruô li zoz qơưx, huiz tôngv tâu têx pênhr tsik zôngv đaz tsi hâur pêx xênhv, sik côngv truôx Agribank nhoz cấp ủy, chính quyền tiv phaz. Lok saz tsôngv kruô, txo grêk tâu nhiêx txiêx, six hơưv muk lok, taz por ngaz tuk lok nhiêx txiêx, cxuô zav, tâu buôs ti têx dịch vụ hâur zênhx hangx chiê huôv star kinh tế, paz thiv pluôs, gra siêz phênhv sâu.

Ntơưv qơư uô ntâuz ntơưr txêik nhiêx xã Tân Lập nhiv no tsênhv muôx 800 ntâu lênhx nênhs muôx coangz siv đros Agribank. Hâux lưv yênhx lix qơư uô ntâuz ntơưr txêik nhiêx txix yêz ô tô ntơưv no zuôr paz tsôngv kruô cxênhx txuôs muôx 2,7 tiv đêiv nhiêx trox yêz muk lok sâuv ntu cêr 80 cêik cêr thiêz six hơưv uô nox. Tix lâus Hà Văn Nhay, xã Tân Lập, huyện Mộc Châu, tỉnh Sơn La puz pâuz:

“Đros zos saz kruô mak pêz lok six jông siêz. Viv no zos tsưr ziv xuz thơưx thiêz lok six sêi. Pêz nhiv kruôr ntâuz ntơưr sêi, zôngx ziv thiêz tsuôk oz pêz phênhz xưz mak pêz thâu tâu nhiêx ciês, cxênhx txuôs tâu six hơưv thiêz lok tsêr pêz uô tâu têx hâux lưv txơưr đuô hâur chuôz zis”.

Agribank Sơn La nhoz sâuv thax tsav huôx tôngv nhiêx txiêx, zoz thôngz muk lok phiv liv, hâur co nhiêx muôz txêik zuôr xar 13.000 tiv đêiv, chor kruô muôx 46.000 ntâu. Hâur co, nhiêx muôx txêik trâu kôngz nuv jêx jok tsav muôx 90% ntâu, tsav 50% nênhs txêik. Taz sik, pênhr jos tsênhv tsơưs, fênhx phêiz iz lênhx cán bộ tsênhv sêiz car zuôr xar 400 lênhx kruô đros nhiêx txêik muôx 100 ntâu tiv đêiv iz lênhx cán bộ. Muôx têx cán bộ ntơưv thax tsav jêx jok tsênhv sêiz car txix 800 txos 1.000 lênhx kruô. Đros co, tsôngv kruô buôs ti tâu pênhr nhiêx njiz phiv liv tiv thax tsav đar thiêz cêr muk lok… Viv li hâux lưv kriz uô qơư uô ntâuz ntơưr txix yêz ô tô zuôr paz txo grêk têx phiv liv, hâux lưv uô, paz tsả rtov zôngx ziv trâu tas nro Agribank thiêz tsôngv kruô. Zơưv Phạm Văn Hoa, giám đốc Agribank, chi nhánh tỉnh Sơn La puz pâuz:

“Nhiv no muôx chuôz zênhx thiêz tênhv qơư xưk li nhiv no mak tsuv chuôz cxaz đuôz thiêz chiê kriz nzir ntâu qơư uô ntâuz ntơưr muôz nhiêx txiêk chiê paz tsar tov txo grêk têx hâux lưv trâu cán bộ thiêz tiv zix zos paz tsar tov zôngx ziv trâu pox nhuôs cxuô mênhx cxưx tox siêz buôs ti tâu pênhr hâur zênhx hangx kôngz nuv ziv hnuz ziv zôngx ziv đuô, paz tsar tov zôngx ziv trâu pox nhuôs uô bluô nux sâuv zuk qơư nhoz”.

Hâur chor hnuz xuz thơưx, Agribank chi nhánh Sơn La tưz uô ntâuz tơưr txêik nhiêx trâu zuôr xar 500 lênhx kruô, paz muôx phênhv sâu 5 tiv đêiv. Taz viv tsênhv tror sir jos yax kriê thiêz kriz uô huôx tôngv uô ntâuz ntơưr txêik nhiêx đros tsôngv kruô txix yêz ô tô, hêik pâuz txix video lok dịch vụ đros têx kror liv trâu tsôngv kruô hâur qênhx shênhx uô hâux lưv./.

(Hoàng Long-Lik Thox cxêik nhênhv)