Jax sâu thưr 7.29.4.2017:

NJÊS UÔ KÂUZ- NÊNHS TÀY LI ZAV NOX KAZ

***

          Njês trôi (nênhs Tày hu uô pa-ban) phênhv ntâu muôx nhoz têx tul đêx nhoz 2 xã Lục Hồn thiêz Húc Động. Zav njês no tâu tsôngv box nhoz no ntâus grê tsi taz kaz, ntâu lênhx nênhs nhiêv nox mak tsênhv lok six pưr trâu đas jos. Pos Vi Thị Nũi, xã Lục Hồn pheiz kênh lok zav nox no:

          “ Zav nox no zos pêz li iz zav nox shưv jê cxôngx nzor lơưv. Njês trôi uô kâuz mak lok six kaz. Kruô nhoz đêz tuôx lơưr lok six nhiêv. Muôx têx kruô tuôx uô si mak lênhx tưs cux xar nox zav nox no”.

          Njês uô kâuz tâu uô cxôngx njês trôi, njêr, mor txiêk thiêz blôngx txir yuôz thox. Lơưr tsôngv box Tày nhoz no li chênhz zênhv, njês kâuz zos xar uô tâu kaz mak tsuv xeir zav njês trôi nhoz pêv têx tul đêx. Njês no nox kaz thiêz tsi yuô tsư nhôngs.

          Thâuv uô hur, zôngv fuôv so cov njês kruôr, cxôngr thiêz đhâu co chox njiêz mul jơưr uô cov siêr, tsês cov mor txiêk. Mor txiêk zos iz kror cuiz tênhv zav nox no kaz lok sik tsi kaz. Njês tâu juôx njêr, muôz shơư đros mor txiêk. Thâuv muôz sik shơư uô cê tas muôz tso hâur hưx thiêz zôngv blôngx txir yuôz thox njơưk thiêz muôz hâu vor cov ntuv. Pos Vi Thị Nhàn pheiz kênh chênhz zênhv:

          “ Thâuv vâuv cov kâuz tsuv muôz luz teik tso tror kuôr chiê njês tsi trâus lưx. Hâux lưv vâuv kâuz pôngz 7 txos 15 hnuz lok sik ntêr đuô thiêz, seiz lơưr qiv hơưv cuz sor thiêz lênhx nênhs li siêz nhiêv nox hâuk”.

          Lơưr tsôngv box hâur jos mul seiz têz qơưk jông jav, tsôngv kruô tsênhv tâu seiz hâux lưv ntês njês trôi sâuv têx tul đêx nhoz no, tsưr ziv uô njês kâuz. Zơưv Nguyễn Văn Thắng, tuôx cxôngx Hải Phòng shir phaz thâuv tuôx uô côngz xưv thiêz tâu pov tsôngv box nhoz no ntês njês lol uô zav nox nto bê no:

          “ Cur tưz tâu nox đhâu zav nox no thâuv uô côngz xưv ntơưv Bình Liêu. Cur pov lok six kaz. Cxôngx co, jiês tưs lol no cur cux hu cxaz zav nox no chiê nox. Jiês no, tâu đros ntês njês thiêz uô zav nox no cur lok six jông siêz”.

          Njês kâuz zos zav nox khênhr tâu nênhs Tày zôngv chiê tiêv kruô thâuv tuôx chuôz zis tsav uô si. Thâuv muôz njês lol, njês đơưz thiêz tsư kaz. Zav nox no tâu nox đros thiêz lôngx xôngz ciz, njư cuô txoz, njuôs kâuz mak kaz tiv zix.

          Njês kâuz zos zav nox kaz mak lênhx tưs tưz muôx iz jiês tâu nox zuôr ndo njôngr txos. Zos muôx six hơưv tuôx txos Bình Liêu, tâu nriêr pâuz tsôngv box nhoz no li phongz cxưx jông, tsôngv kruô tsuv iz jiês nox zav nox kaz nto bê no./.

(TTT-Txâur Vax cxeik nhênhv)