Thành phố Sơn La- Njuôk xav ntâu vênhx huôv mênhx cxưx Thái trâus pôngz plox

          “Jos Lầu nhoz ciês hâur niêv đrôngs taz sik nhiv no tsi yuôr têx tsêr lơưx hâur jos thiêz. Cur pov lok six qiv siêz”.

          “Đros thiêz zuk cxênhx nênhs mak cux tâu nox nhoz sâuv tsêr lơưx. Txos nhiv no mak têx luz tsêr lơưx tsi yuôr lơưv thiêz, lok six khưr xiv viv tsêr lơưx reik đros thiêz tsôngv box Thái li vênhx huôv chax chês”.

          Trơưk li niêv lâuk Quàng Thị Xuân, nhoz jos Lầu, phường Chiềng Lề thiêz tix lâuk Lò Minh Dương, nhoz jos Cá, phường Chiềng An, TP Sơn La. Kror mak zôngx ziv pov zos nhoz ntâu jêx jos ntơưv TP Sơn La nhiv no muôx ntâu hlôngr yiêz, tsi pov yuôr têx luz tsêr lơưx chax chês lơưv thiêz, mak hlôngr co zos têx tsêr cxiv thưx chiz xưk li nênhs Choz tsiz têx tsêr nhoz.

          Pir li nhoz jos Bó, phường Chiềng An. Jos muôx 300 ntâu ziv chuôz zis mak tsuôk yuôr muôx nhos 10 ziv chuôz zis nhoz tsêr lơưx. Ntơưv jos Cá, cux nhoz phường Chiềng An nhiv no tsuôk yuôr iz luz tsêr lơưx. Lok sik li ntơưv jos Lầu, phường Chiềng Lề, cux muôx zuôr xar 300 ziv chuôz zis mak phênhv ntâu zos tsôngv box Thái nhoz uô nênhx taz sik nhiv no tsi muôx chuôz zis tưs nhoz tsêr lơưx, phênhv ntâu zos nhoz tsêr cxiv uô li niêv đrôngs nhoz tiêx đras. Lơưr tsar jos Lầu Tòng Ngọc Hoa thiêz Bí thư cux zos Tsar jos Bó Lường Văn Đích: Qir tiv tsênhv zos viv cêr huôv tsar cxuô, ar têz tsơưs lơưv ntâu, pox nhuôs cux tsuv uô tsêr nhoz cov huv đros thiêz zôngx ziv xênhz huôx. Đrâuv co, têx tsêr lơưx thâuv ntêx tưz trâus puôk tsuôx ntâu, xar uô tâu tsêr yiêz hlôngr trâu mak tsuv zuôr trâus lok six ntâu ntông, mak ntông nhiv no yuôr tsi ntâu thiêz tsi tâu ntor: Niêv đrôngs huôv tsar uô ar têz greiv lơưv ntâu. Nhoz pêz jos mak tsi yuôr tsêr lơưx lơưv thiêz. Pox nhuôs nhiv no puôr lênhx nhoz tsêr cxiv xưz”.

          “ Tsi muôx ntôn mak uô tsi tâu tsêr lơưx. Viv li tsuv uô tsêr cxiv thưx chiz chiê nhoz”.

          NJuôs xav mênhx cxưx li luk heik, ntơưr sâu, tsôngs yo mênhx cxưx zuôr trâus pôngz plox cux uô ntâu lênhx tsôngv box lok six cxơưx, hâur co muôx tsôngv box Thái nhoz TP Sơn La.

          Li tsôngs yo mênhx cxưx Thái muôx tiêz, yo, fuôv (đros pox niêv) yo tsâuk gax thiêz fuôv ntông (đros txir nênhx) jông thiêz muôx ziz njiêz li ntơư, taz sik nhiv no tsuôk yuôr pox niêv Thái zos tuôr tsês tâu, chor txir nênhx, hluôk nênhs nhoz ntâu jêx jos Thái mak phênhv ntâu tsi hnhar zuk mênhx cxưx li tsôngs yo. Zơưv Lù Tiến Quân, nhoz jos Bó, thiêz tix lâuk Lò Minh Dương nhoz jos Cá pheiz kênh: Tsôngs yo mênhx cxưx, đros txir nênhx nênhs Thái li trik yo mak tsuôk li tsi zôngv txos thiêz. Tsuôk zôngv hâur têx thâuv zuôr trâus hnhar thiêz tsuôk muôx pox niêv hnhar”.

          “Txir nênhx mênhx cxưx Thái li luz yo ntêr nhiv no tuôr tsês tsi tâu. Pox nhuôs hâur têx hnuz ntênhs, hnuz tsiêz, nox tsêr yiêz mak tsuôk muôx tsưr tsêr thiêx li hnhar xưz”.

          Luk heik, ntơưr sâu mênhx cxưx Thái cux li ntơưv thâuv nhiv no nênhs Thái sâuv thax tsav TP Sơn La muôx ntâu cxênhx nênhs tsu pâuz ntơưr Thái. Cxênhx hluôk nênhs, tiv zix zos shux xênhz mênhx cxưx Thái cấp 1, cấp 2 mak phênhv ntâu tsi pâuz luk Thái. Shux xênhz Quàng Thị Tố Nga, mênhx cxưx Thái, cơưv lớp 8 tsêr cơưv Lê Quý Đôn puz pâuz: Cur thiêz ntâu lênhx fôngx zưs tsi pâuz ntơưr Thái tsi txơưx heik luk Thái viv tsi tâu têx pos, têx niêv kriê: Cur thiêz ntâu lênhx fôngx zưs hâur jos tsi txơưx heik luk Thái, viv phênhv ntâu pêz heik luk choz tsiz. Cur niêv cur txir cux tsuôk heik luk choz tsiz”./.

(B.Thủy, L.Hạnh-Txâur Vax cxeik nhênhv)

Uô li chak chiê cxiv tsa đrôngl Sơn La huôv tsar truôx cxuô hêir nênhs thax tsav têx txux chi, vênhx huôv jông

          Tsâuk ntux mo thưr 7 thiêz hnuz ciêz tưs cux li, cxuô lênhx hâur qơư huôv tsar, khơưk tsês hêir nênhs poz ziz nhoz jos Hìn, phươngx Chiềng An, đrôngl Sơn La cux chêx chôngk trâu tsêr vênhx huôv jos chiê tror cơưv shâuv nthuôr uô cêr lov jêv đhiê pax vuôs đros trâu hêir nênhs poz ziz têx suôz sênhr cưr cxiêx. Pos Lò Xuân Hưởng, sêiz car qơư nthuôr uô cêr lov jêv, hêik cưr cxiêx jos hìn cux hêik pâuz tiêk: Uô trơưk thành phố luôs hâux lưv heik khơưk tsês cxuô hêir nênhs têx txux chi, vênhx huôv jông cov muôx đros đrêiv hâur luz nênhx. Chênhr zos li hêik ntơư, txix hli 10 shông 2020, jos Hìn tưz cxiv tsa tâu qơư nthuôr uô cêr lov jêv, hêik cưr cxiêx, đhiê pax vuôs, muôx 85 lênhx đros khơưk tsês thiêz huôv tsar têx txux chi, vênhx huôv jông co. “Lớp kriê cơưv hêir nênhs poz ziz ntơưr sâu, txos nhiv no cux tsênhv kriê cơưv cov cxuô lênhx sđ nhênhv thiêz sâu tâu ntơưr poz ziz. Têx txux chi, vênhx huôv jông zos chor lâuk kriê trâu chor hluôk cơưv shâuv, tuôr cov tâu truôx zuk hêir nêhnhss têx vênhx huôv jông tsik chiê pôngz plox”

Luz tsêr tok kruô, qơư so hâur côngv thôngx hâur jos Bó, phươngx Chiềng An, tưz yênhx iz qơư trâu tsôngv kruô tuôx ndis uô si, sêiz shuôk têz qơưs tuôx so. Hâur oz luz tsêr tok kruô co cux muôx hêir nênhs poz ziz têx tsôngk tiêz, tsôngk yo, cxuô chuôz zênhx sir zôngv cxôngx nzor. Zơưv Lù Tiến Quân shir phaz lul hêik: “Cur xar njôngr tiêk, tuôr cov tâu truôx zuk hêir nênhs têx txux chi, vênhx huôv jông cxôngx nzor cov muôx đros đrêiv hâur luz nênhx, cov tsôngv kruô ndis shuôk têz qơưs pâuz txos”

Jos Hìn qơư tsês chiê hêir nênhs poz ziz têx txux chi, vênhx huôv jông thiêz zơưv Tiến Quân tsêr tok kruô, zos oz kror qơư, tâu hâu nov thành phố Sơn La moz siêz txos, tsik chiê cxuô hêir nênhs têx txux chi, vênhx huôv jông trâus pôngz plox.

Txix têx luôs hâux lưv uô muôx liv ntơư, hâu nov thành phố tưz paz 7 chuôz zis huôv tsar uô du lix côngv thôngx chiê tsôngv kruô ndis shuôk têz qơưs tuôx so thiêz cxiv tsa tâu ntâu paz tuz nxêik hluôk nthuôr uô cêr lov jêv, đhiê pax vuôs. Đros ntơư, cux tsiv uô zuk hêir nênhs poz ziz cxuô zav nox cxôngx nzor li grêix kra kruôr….Zơưv Tòng Ngọc Hoa, tsar jos Lầu, đrôngl Sơn La shir phaz lul hêik: “Luôs hâux lưv tso tơưv zos iz xã tsiv uô iz zav hax huv, pêz luz jos cux đros uô oz zav hax huv zos grêix tưv kra kruôr thiêz hnhur nzưv grêis. Oz zav nox no cux tâu côngk nhav zos oz zav nox kaz”

Luôs hâux lưv khơưk tsês chiê thiêz huôv tsar cxuô hêir nênhs têx txux chi, vênhx huôv jông tsik chiê pôngz plox nhoz thax tsav faz Bắc hâur ntu 2020-2025, tưz tso tơưv cxuô faz tsưr ziv uô tsênhz mênhx trơưk li thành phố Nghị quyết 19. Hâur ntơư, sir jos cxiv tsa cov tâu 11 kror qơư khơưk tsês thiêz huôv tsar hêir nênhs poz ziz têx txux chi, vênhx huôv jông cxôngx nzor, paz phênhv trâu thành phố Sơn La uô tiêr luôs hâux lưv cxiv tsa chênhz tsav đrôngl jông jav, huv đros. Zơưv Trần Công Chính, phưv chủ tịch uỷ Ban thành phố Sơn La hêik pâuz nzir: “Pêz tror sir jos cxiv tsa thiêz huôv tsar truôxễcuô paz tuz nxêik hluôk nthuôr uô cêr lov jêv nhoz têx jêx jos. Kror tiv oz, cxiv tsa qơư tsês chiê hêir nênhs poz ziz têx vênhx huôv jông cxôngr nzor; kror tiv 3 chêx chôngk cxiv tsa chuôz zis, jêx jos vênhx huôv”

Chiê cxiv tsa đrôngl thành phố Sơn La huôv tsar truôx cxuô hêir nênhs thax tsav faz Bắc têx vênhx huôv, txux chi jông, tsênhv yuôr ntâu luôs hâux lưv tsuv tâu uô thiêz hâu nov ntơưv qơư tsuv moz siêz txos./.

Tsu cxêik nhênhv-Lường Hạnh