Mường La, Sơn La: Shir phaz tos shông cơưv yiêz

          Jiês đêx cuôr yôngz ziv chênhr thâuv hli 8, shông 2017 tưz uô ruôr hiêv hnhar trâu xã Nặm Păm, huyện Mường La, tỉnh Sơn La. Tsêr cơưv Nặm Păm trâus cuôr yôngz tas hur si. Tso tsês têx phêv liv, têx cêr pôngz siêz co, cưk kriê thiêz shux xênhz tsêr cơưv sik đros truôx siêz qir lol trâu shông cơưv yiêz 2017-2018 cxôngx têx luz tsêr cơưv uô, đros co zos sir jos bax trâu têx shông cơưv lơưr co.

          Tuôx txos tsêr cơưv Nặm Păm hâur hnuz no, tsêr cơưv tseiz no  trâus đêx cuôr yôngz nhiv no tâu hlôngr yênhx têx lớp cơưv yiêz, hur si thiêz jông đuô, muôx tâu têx co zos khov txos chinhr quyênx tiv phaz thiêz têx lênhx nênhs jông siêz sâuv tas nro têz qơưk sik côngv tês paz max, thiêz tiv zix zos cưk kriê, shux xênhz li têx sir jos. Têx hnuz no, đros thiêz têx cưk kriê, têx shux xênhz, têx lênhx uô niêv uô txir cux đros cxaz chuôz chiê kho đuô têx lớp cơưv chiê bax trâu shông cơưv yiêz 2018-2019. Tix lâuk Quàng Văn Xuân, shux xênhz li neiev txir nhoz jos Hốc, xã Nặm Păm, huyện Mường La, tỉnh Sơn La shir phaz heik:

           “Cxôngx thâuv têx cưk kriê mul cơưv cxaz lol txơưv vênhv tôngv shux xênhz li niêv txir tuôx tsêr cơưv kho đuô lớp cơưv, qar puôv chiê hur đu. Đrâuv co cur cux vênhv tôngv têx lênhx uô niêv uô txir txơưr chox mê nhuôs tuôx cơưv ntơưr cxix cxuô”.

          Qir lol trâu shông cơưv 2018-2019, tsêr cơưv cấp iz Nặm Păm muôx 20 lớp cơưv, đros tas nro 520 ntâu lênhx shux xênhz, chuôz zênhx hâur tsêr cơưv tsi tâu cxix cxuô, tsêr cơưv tsênhv tâu uô jông mê njik; ntơưv tsêr cơưv Hua Nặm mak têx txiês ntông tưz trâus puôk tsuôx ntâu, tsuv khov têx lênhx uô niêv uô txir paz kho đuô chiê cơưr ntơưr; iz cxiê tsêr cơưv mak tsuv chiê shux xênhz têx lớp cơưv uô cê. Txơưv yuôr ntâu phêv liv, taz sik têx canr bộ cưk kriê tsêr cơưv Nặm Păm thâuv tưs cux sir jos chiê kriê ntơưr trâu shux xênhz jông tiv zix. Pos Lê Thị Thúy, Phưv hiệu trưởng tsêr cơưv cấp iz Nặm păm, huyện Mường La, tỉnh Sơn La puz pâuz:

          “Qir lol trâu shông cơưv yiêz shông no, txơưv cơ sở cxuô zav tsênhv txov nhêv taz sik têx cưk kriê cux moz siêz đros zuk hâux lưv uô, sir jos khưx phưx cxuô phêv liv chiê uô jông jênhv vưv shông cơưv. Txos nhiv no tưz truôx siêz chiê tos iz shông cơưv yiêz 2018-2019”

          Tsi taz tsêr cơưv câpz iz Nặm Păm, txos six hơưv no, têx taz viv tsêr cơưv sâuv thax tsav huyện Mường La cux tưz bax cxix cxuô cơ sở cxuô zav chiê tos shông cơưv yiêz 2018-2019. Zơưv Nguyễn Hữu Niên, Phưv phongx zaoz zux thiêz thox cxov huyện Mường La, tỉnh Sơn La puz pâuz: Đros thiêz têx tsêr cơưv nhoz tox siêz, tiv zix zos têx tsêr cơưv trâus zênhr shar tiv ntux nas mak Phongx zaoz zux thiêz thox cxov huyện tưz chox kriê têx tsêr cơưv đros chinhr quyênx tiv phaz khưx phưx têx tsêr cơưv trâus puôk tsuôx, thôngx cxix vênhv tôngv shux xênhz mul cơưv ntơưr thiêz uô tsưr ziv “ 4 ntơưv qơư” chiê têx shux xênhz tso siêz cơưv ntơưr:

          “Phongx zaoz zux tưz heik trâu Ub huyện cxiv tsa tsưr ziv kriê cxaz trâu canr bộ coar lik cưk kriê, lênhx nênhs uô hâur lưv hâur nganhx lok côngz xưv bax trâu shông cơưv yiêz, lok chuyên môn cux xưk li tas nro têx vênhv thix. Đrâuv co cux chox kriê têx taz viv tsêr cơưv đros chinhr quyênx tiv phaz yax mông, vênhv tôngv tsôngv box kho đuô têx tsêr cơưv trâus zênhr shar tiv ntux nas phưx vưv mê nhuôs tos shông cơưv yiêz. Txos nhiv no tas nro nganhx tưz taz por cxuô theox chênhv trâu shux xênhz tuôx cơưv ntơưr”.

          Hnuz krêz shông cơưv yiêz tưz xar tuôx txos, cưk kriê thiêz shux xênhz thax tsav trâus đêx cuôr yôngz Mường La, tỉnh Sơn La tsênhv sir jos hla đhâu cxuô phêv liv, bax cxuô zav jông tiv zix chiê tos iz shông cơưv yiêz./.

( Trấn Long- Txâur Vax cxeik nhênhv)

Phênhv viv nhuôv zâu

Hêik kriê tir thêir tsik chiê chor nênhs fêv zuôv têx nhuôv nxêik uô đaz uô tuôs (Oz luz suôz)

Chor uô niêv uô txir tsuv kriê mê nhuôv pâuz tir thêir tsik chiê chor nênhs fêv zuôv têx mê nhuôv nxêik uô đaz uô tuôs.

Tsênhz mênhx thiêz uô ntêx hlo zos tsik chiê chor nênhs fêv xuôk thiêz flưk têx mê nhuôv nxêik zâu oz luz tâuz kaz lok zos oz luz poz njas thiêz tsik chiê flưk oz cxêik ndêx puôz, faz xuz ntiês thiêz tsik chiê têx nênhs fêv nưx mê nhuôv luz kror ndâux mak chor nênhs fêv thiêx tsik uô ruôr hiêv txos cxuô lênhx mê nhuôv nxêik li têx qơư mok thiêz tsik trâus kuôz zuôv uô đaz uô tuôs.

Hur tiz si têx kror ndâux, faz xuz ntiês, oz cxêik ndêx puôz thiêz tâuz kaz lok zos poz njas puôr lênhx zos tus nxêik co ntiês tus, têx nênhs txơưr đuô tsik muôx vax huôv flưk txos.

Chênhr zos li hêik ntơư, chor uô niêv uô txir tsuv kriê cxuô lênhx mê nhuôv nxêik sđ pâuz tsênhz têx kror tsik jông hêik co, têx nênhs fêv thiêx tsik uô ruôr hiêv txos cxuô lênhx mê nhuôv nxêik li luz chêr thiêz qơư mok.

Tsuv txar đêz têx nênhs tsik cxênhz jê thiêz têx nênhs zuk tsik pâuz shor zos lênhx tưs; zos muôx yưv têx tsik jông hêik ntơư, chor uô niêv uô txir tsuv kriê mê nhuôv kư thiêz đhiê chênhr cov niêv txir, jêx jos hnor đros chơưv paz.

Tsik cxoz chiê têx nênhs fêv, tsik pâuz tsênhz shor nhoz kror tưs lok hâur zuk tsêr; lar hêik zos thâuv mê nhuôv nhoz hâur tsêr iz lênhs thiêz tsik cxoz chiê mê nhuôv muk uô si iz lênhs trâu cxuô qơư, cxuô chuôz zis hâur jos, zos niêv txir tsik đros muk.

Kriê mê nhuôv shâuv đhiê sêi đrơưv, thâuv muôx yưv têx tsik jông li hêik sau thiêx tsik trâus chor nênhs fêv hâuz nziêk đas, tsik uô ruôr hiêv txos cxuô lênhx mê nhuôv cxêik li têx qơư mok thiêz luz chêr. Iz chas ntơư, chor uô niêv uô txir, tsuv kriê cov  têx mê nhuôv pâuz ndo njôngr niêv thiêz txir li tus số máy hu xor tôngx, thâuv mê trâus njiz phiv têx phiv liv hêik sâu, mê nhuôv thiêx hu tâu trâu niêv thiêz txir pâuz đros chơưv tâu zênhx max, têx nênhs fêv thiêx tsik uô ruôr  hiêv txos mê nhuôv li luz chêr.

Thâuv trâus njiz têx tsik jông li hêik sau, mê nhuôv tsuv hêik kriê ciês trâu niêv thiêz txir lok sik têx nênhs cxênhz jê pâuz chiê đros tir thêir tsik chiê têx nênhs fêv kuôz zuôv uô đaz uô tuôs, uô ruôr hiêv tsik jông txos cxuô lênhx mê nhuôv nxêik li luz chêr./.

(Tsu Vưx cxêik nhênhv-Thanh Thủy)