Công ty đêx tênhv Sơn La chuv tôngv phax tar ntux nas

          Shông tưs, công ty đêx tênhv Sơn La cux heik kriê, yax mông tsưr ziv phax tax ntux nas txos chinhr quyênx thiêz tsôngv box têx tiv phaz. Thôngx cxix tsưr tsix cir ntơưr sik côngv hâur công ty thiêz Ban chỉ huiz phax tar ntux nas thiêz nriêr chơưv nanv têx tỉnh Sơn La, Điện Biên, Lai Châu lok hâux lưv seiz car pas đêx tênhv...

          Đros thiêz thax tsav kis tsêr meir đêx tênhv Sơn La, Lai Châu, Công ty tưz cxiv tsa thiêz chox lol huôx tôngv cxix luôk canhv tôngv qơư kis tsêr meir đêx tênhv 2 tỉnh đros zuôr xar 20 cxix luôk loa canhv pov, 20 ntâu fiêx canhv pov thiêz yax six zôngv fuôx gox muk qơư kis tsêr meir chiê thôngz pov ciês sâuv loa trâu tsôngv box nhoz buôk pas đêx pâuz qênhx shênhx. Thôngx cxix seiz car cxix luôk thôngz xor mông, loa nta suôz, meir cxeik đruôz phưx vưv côngz xưv phax tar ntux nas thiêz nriêr chơưv nanv cov thâuv tưs cux huôx tôngv jông thơưk hnuz thơưk hmo. Tix lâuk Mai Đức Tiệp, seiz car qơư huôx tôngv Công ty đêx tênhv Sơn La heik: “Cxix luôk canhv pov no tâu chiv chir huôx tôngv ntơưv tsêr meir, thâuv mak pêz tso tênhv tuêv meir xuz thơưx, pir li tso đêx lok sik tso tênhv ntâu tuêv meir uô cê, tuô ntâu tuêv meir uô cê mak pêz zuôr uô xor mông chiv chir tso cxôngx tsênhv qơư zos nênhs thơưx seiz car uô”.

          Cxôngx ciês hâur cheix ntux lol nas shông no, Công ty đêx tênhv Sơn La tưz yax mông njiêz luv por vêv thax tsav pas đêx tênhv thiêz thax tsav qơư kis côngz tsinhx đêx tênhv Sơn La, Lai Châu đros njiêz luv “ Phax tar têx tsi jông muôx yưv muôx lênhx coaz txos đêx trâu mê nhuôs, shux xênhz hâur cheix ntux nas” ntơưv huyện Mường La, tỉnh Sơn La thiêz huyện Nậm Nhùn, tỉnh Lai Châu. Đhâu co, gôngr phênhv muôz siêz tsôngv box thax tsav qơư kis tsêr meir đêx tênhv li siêz xar hâur hâux lưv chuv tôngv tir tar đros qênhx shênhx ntux nas, pos Nguyễn Thị Tươi, nhoz jos Búng, xã Tạ Bú, huyện Mường La, thax tsav qơư kis tsêr meir Sơn La heik: “Pov canhv pov li ntơư mak zuk tsuôk pâuz mnôngs thiêz zuôr chênhz zênhv, tsov cưv đuô, tso đêx mak cux tsi car muk ntơưv ntus đêx nzuôr tês tơư. Nyar ntux cuz sor mak muk đa đêx thâuv zar hnuz keix cxôngx 5 txos 6 six, hnor canhv pov mak nyei, khiêr tas mul sâuv ntus đêx xưz”.

          Chiê chuv tôngv tir tar đros qênhx shênhx qiv hơưv txơưr txar shông no, Công ty đêx tênhv Sơn La cux yax six muk qênhz yuôx niêv pas đêx tênhv Sơn La thiêz Lai Châu, tiv zix zos ntơưv têx qơư muôx chôngz tsôngv box nhoz uô nênhx, têx qơư njuôs xav muôx ar poz nhoz 2 saz ntus pas đêx thiêz yax mông txos tsôngv box nhoz buôk pas đêx uô trơưk pháp luật li têx cui tênhv đros qơư por vêv pas đêx. Zơưv Nguyễn Hữu Đức, Phưv giám đốc Công ty đêx tênhv Sơn La puz pâuz: “Têx cxix luôk no chiê paz pox nhuôs jênhv pâuz tâu six hơưv pêz tso tuêv meir huôx tôngv, tiv zix zos thâuv tso đêx. Thâuv pox nhuôs jênhv tâu xor mông, thâuv pox nhuôs tsênhv ntês shuôz njês lok sik tu zus shuôz njês lok uô hâux lưv sâuv niêv pas đêx mak tsir zênhx mul đhâu qơư riêz nênhs; thiêz chiê taz por lênhx nênhs, tsôngv box hâur thax tsav li chuôz zênhx chuôz tas”./.

                                       (Trấn Long-Txâur Vax cxeik nhênhv)

Nghệ An: Shux xênhz nhoz suôv qơư khưr uô blêx sơưr tiv iz hâur têx shux xênhz khối A1

Lương xênhz zus hâur iz chuôz zis muôx 3 cưr tix, nuk muôs, zos chuôz zis pluôs hâur jok 2, xã Văn Thành, huyện Yên Thành, tỉnh Nghệ An. Chênhr viv li hâur têx shông cơưv phưv thôngz, Lương tưz uô txâuk cxuô zav nuv hâur khưr uô liêx têz. Ntâu cêr txov thiêz phiv liv thâuv tưs tưz txos Lương sik đros paz niêv thiêz txir uô. Tix lâus Đào Văn Tâm, shux xênhz Đào Văn Lương lênhx txir heik, txơưv chuôz zis txov nhêv thiêz pluôs, taz sik tix lâus Tâm 2 niêv txir cux sir jos txoz cxơưx chiê trâu 3 lênhx nhuôs muk cơưv txux thiêz lênhx nhuôv tưs cux zos shux xênhz cơưv coz: “Txơưv tiêk chuôz zis zuôr txov nhêv luôx tưs, ưz 2 niêv txir sik đros txoz cxơưx chiê têx nhuôs tâu muk đros luôs cơưv ntâuz cơưv ntơưr, chiê zar tov kaz no chor nhuôs luz nênhx tsi trâus txov li niêv thiêz txir”.

Shông cơưv lớp 10, Đào Văn Lương tưz tưr thik tâu tiv iz jax luk Anh cấp tsêr cơưv, shông cơưv lớp 11 thik tâu sơưr tiv iz shux xênhz cơưv coz cấp tỉnh jax Vật Lý, tâu Chủ tịch Ủy ban tỉnh Nghệ An muôz ntơưr kruôs thiêz tâu tsưr tsix “Khoa học thiêz zoz zux siz chuôs njiz VN” muôz học bổng Vallet; Hâur têx jiês tưr thik shux xênhz cơưv coz cấp huyện, cấp tỉnh, Đào Văn lương puôr lênhx tưr thik tâu jông hur si. Nguyễn Như Tuấn, lênhx fôngx zưs cơưv uô cê iz lớp đros Đào Văn Lương hâur têx shông cơưv cxênhx 3 heik: “Txix shông cơưv lớp 11 txos shông lớp 12, cur tâu jâuv jê đros Lương, mak Lương paz cur lok six ntâu, lar heik zos jax Vật Lý. Thiêz hâur lớp mak pêz sđ puôr lênhx siz thôngx siêz jông thiêz Lương chênhr zos tsov iêr chi cax chiê pêz cơưv shâuv, uô trơưk”.

Yuôr lênhx cưk kriê Trần Văn Tuân-kriê jax Vật Lý, tsêr cơưv cxênhx 3 Phan Đăng Lưu, lênhx cưk kriê thâuv tưs tưz nhoz jê thiêz đros đreiv Lương hâur cêr cơưv txux mak heil li no: “Iz chas six hơưv cơưv hâur tsêr cơưv, Đào Văn Lương khênhr lok tsêr chiv chir cơưv xưz, tưz tsi cơưv nzir kror tưs saz đrâuv hlo. Hâur six hơưv cơưv ntơưr mak Lương muôx luz nênhx txov nhêv chênhr viv li chor cưk kriê ntơưr thâuv tưs tưz muôz jông six hơưv trâu Lương; Iz zav li txo grêk tsơưs têx nhiêx khiêz cơưv nzir, muôz ntơưr cơưv, ntơưr sâu puz trâu Lương”.

Hâur jiês thik cơưv tiêr ntơưr lớp 12 thôngz têz qơưk shông 2019, Đào Văn Lương tưr thik tâu 28,3 điểm khối A1, hâur co jax xav fax 9,6 điểm, Vật Lý 9,5 điểm, luk Anh 9,2 điểm, nhoz hâur paz 20 lênhx shux xênhz Khối A1 tưr thik tâu điểm siêz yax hâur hur si têz qơưk. Jiês thik nhiv kruôr đhâu ntơư, Lương tưz đas cir muk cơưv khoa Khoa học meir tính, tsêr cơưv Đại học Bách khoa Hà Nội, đros thiêz tsưr ziv, siêz xar njôngr cov yênhx iz lênhx pâuz thôngz pâuz cxuô lok têx meir tính. Lương heik: “Cur tsưr ziv, siêz xar, zar tov kaz no yênhx iz lênhx pâuz cxuô pâuz thôngz lok meir tính. Cur xar uô têx li: Xar tsưr ziv cxiv uô têx meir tính trơưk zuk tsưr ziv thiêz cur zuôr sir jos cơưv cov uô tâu tsưr ziv ntơư”.

Vav chiê siêz tiêk, Đào Văn Lương zuôr muôx six hơưv, hnuz nhôngs  cơưv shâuv, uô tâu zuk tsưr ziv, siêz xar co; Txơưv tiêk, têx uô tâu hnuz no đros thiêz Lương tsuôk zos nhiv kruôr qir hâur cêr cơưv đại học, zuôr tsênhv yuôr lok six ntâu phiv liv njiz trâus trâu têx six hơưv, hnuz nhôngs tov kaz./.

                              (Quốc Khánh VOV1-Riê Lâux cxeik, nhênhv)