Nriêr tsik tâu qơư muôs txir tuôz ziz nhoz tox siêz Sơn La

Jok tox siêz Nậm Nghiệp, xar Ngọc Chiến, huyện Mường La, tỉnh Sơn La hâur têx hnuz no tưz zos kaz chiv, taz sik chor txir tuôz ziz cux tsênhv yuôr lok six ntâu pêv têx têz. Tsik xưk li têx shông uô ntêx, txos hli 8, hli 9 pox nhuôs tưz sâu đê muôs tas.

Niêv tix Kháng Thị Mai nhoz jok Nậm Nghiệp hêik pâuz: tsoz txir tuôz ziz tưz muôx nhoz ntơưv jok txix pêz fâuv nênhs, khov ar huv đros, chor txir tuôz ziz ntơưv no thâuv siêr mak muôx njil liêz, nox mak gis, muôx cuô ntâu, muôx njil kâuz đros kaz jiz, tsik so tâu chor nênhs uô lax luôv nhoz têx tỉnh Lào Cai, Yên Bái thiêz têz qơưk Trung Quốc tuôx sâu zuôr.

Đhâu xar muôx 10 shông huôv tsar, txos nhiv no chuôz zis muôx 10 héc ta chos txir tuôz ziz, phênhv sâu yênhx shông tâu xar muôx 100 triệu đêiv, txix co chuôz zis tưz muôx txâuk nhiêx cxiv uô tâu vax tsêr, zuôr tâu yêz, txoz cxơưx trâu têx tuz nhuôs muk cơưv ntơưr cxix cxuô… tso siêz huôv tsar kinh têr txix tsoz txir tuôz ziz:“Chuôz zis li phênhv sâu yênhx shông mak khov tas nro trâu chor txir tuôz ziz no, tưz paz trâu chuôz zis zuôr tâu yêz mêir, txoz cxơưx trâu têx tuz nhuôs muk cơưv ntơưr cux zos txix chor txir tuôz ziz no. Nhiv no chuôz zis tsênhv kriz đar nzir thax tsav chos txir tuôz ziz, sir jos cov chos tâu muôs 10 héc ta hâur ntu zuôr txos”.

Nhoz siêz xar muôx 2.000 thiêr pir đros ntus đêx hiêr, jok Nậm Nghiệp muôx huôz tsâuk yênhx shông, huv đros chiê chos thiêz huôv tsar chor txir tuôz ziz. Đuô thiêz, tâu Đảng, Têz qơưk paz, txix 20 héc ta txir tuôz ziz xuz thơưx, txos nhiv no jok Nậm Nghiệp tưz huôv tsar chos nzir muôx 300 héc ta txir tuôz ziz đros gri muôs truôx tuk ntâu shông uô ntêx txix 10-15 cxênhz đêiv iz cir.

Taz sik, 2 shông tror lok no, gri muôs txir tuôz ziz tsik so grêk kik, shông no tiv phiv liv txix moz Covid-19, đros trâu cêr muk lok phiv liv, txơưv tiêk gri txir tuôz ziz grêk kik txos muôx 3 cxênhz đêiv iz cir, taz sik cux tsik muôx nênhs tuôs sâu zuôr, pox nhuôs cux thâux xa tsik tâu chor txir co muk muôs, viv li chor txir tuôz ziz siêr tas lok cux tsik muôx nênhs sâu đê, chiê chor txir co jênhs pôngz tas trâu hâur têx hâur pâuk ntông. Zơưv Vạng Xênhv Thox, tsar jok Nậm Nghiệp hêik:“Nhiv no pox nhuôs hâur jok vav tiêk têz qơưk zuôr muôx tsưr ziv paz trâu chor txir tuôz ziz no; tiv oz zos vav tiêk Đảng, Têz qơưk paz uô cêr muk lok cov jông, viv nhiv no cêr mak đaz tuôs thiêz phiv liv ntâu txos trâu pox nhuôs li muk lok”.

Huyện Mường La, tỉnh Sơn La muôx 2.200 ntâu héc ta chos txir tuôz ziz, phênhv ntâu zos ntơưv têx xar tox siêz, hâur co muôx 1.600  ntâu héc ta tưz txi txir, sâu đê tâu muôx 6.800 tấn. Huyện li hâux lưv sâu zuôr muôs chor txir tuôz ziz co tsênhv njiz ntâu kror phiv liv, tiv zix zos ntơưv têx xar tox siêz, viv huôz chuô txiêk thiêz nông ntâu, viv li lax jiêz kruôr thiêz tsês chiê tâu ciês ntơưv qơư. Tas nro huyện cux tsuôk muôx 2 kror qơư txiêk chiê tsês chiê đhâu sâu tas, hâux lưv sâu zuôr muôs chor txir tuôz ziz cux khov ntâu trâu chor nênhs uô lax luôv đros gri muôs tsik truôx tuk.

  Zơưv Nguyễn Văn Tâm, Phưv Chủ tịch UBND huyện Mường La, tỉnh Sơn La puz pâuz: đros têx phiv liv hâur sâu zuôr muôs chor txir tuôz ziz, huyện tưz sir jos sik côngv đros chor hợp tác xar, doanh nghiệp hâur thiêz đrâuv tỉnh zok nriêr qơư muôs. Thôngx cxix paz trâu chor hợp tác xã, têx qơư kinh doanh kôngz nuv nhiêx txiêx cxiv uô qơư chiê sâu zuôr tsês chiê têx hax huv kôngz nuv co; nriêr tsưr ziv uô chor txir tuôz ziz co yênhx têx cuô đêx hâuk chiê paz trâu pêx xênhv muôx nzir phênhv sâu…Taz sik, tiv phiv liv txix moz Covid-19 viv li hâux lưv sâu zuôr muôs cux tsênhv njiz trâus ntâu kror phiv liv: “Đros thax tsav tox siêz, hâur ntu muôx moz Covid-19 li nhiv no, huyện cux tưz chox kriê sik côngv đros chor doanh nghiệp kruôz kriê pox nhuôs sơưr đơưk tsâu chơưr, vâuv chor txir tuôz ziz, đhâu co txix chor chơưr tsâu txir tuôz ziz thiêz têx hax huv txix vâuv txir tuôz ziz mak chor doanh nghiệp zuôr thâux xa, uô trâu ntu 2022 thiêz têx shông lơưr co; co cux zos tsưr ziv pak đơưk kho têx phiv liv hâur ntu no chiê paz thâux xa muôs tâu chor txir tuôz ziz co muk trâu cxuô thax tsav qơư”./.

(Trấn Long-Lik Thox cxêik nhênhv)

Lênhx nênhs hâur chuôz zis tsuv uô truôx cxuô faz tsưr ziv phax tir thêir moz Covid-19 hâur ntu yiêz nhiv no

Chox ntâuz bos kror ndâux thâuv muk uô cxuô zav hâux lưv

Tsi so muôz xaz phôngx lok sik têx cuô đêx yuôx nzuôr têk; lar heik zos thâuv zuôr muk uô hâux lưv trâu saz đrâuv thiêz thâuv tror lok tsêr.

Tsơưs muk lol trâu uz trâu no zos tsi zov chênhr; tsi siz zâuv nhoz chôngz lênhx uô cê; iz tus nhoz kuôk cêv iz tus đêz iz thiêr ntơưv têx qơư muôx chôngz lênhx nênhs muk lok đhâu.

Vêv xênhz, qêz suô qơư nhoz, vax tsêr cov đu lus; nzuôr so têx tưx têik, chuôz zênhx uz no hur si. Lar heik zos têx qơư, chuôz zênhx khênhr tuôr cor txos li: Ntus kror trôngx, qơư tso tênhv tênhz….., iz hnuz nzuôr so iz jiês.

Khơưk sâu têx kiêk nênhs, vuôz tsuôz xênhz huôx hâur niêx hnuz por tsês trâu iz kro qơư trơưk cui tinhv.

Hâur chuôz zis li tsêr nhoz muk lok tsuv tu, nzuôr đu lul, krêz têx kror trôngx, kror trêi cov lax chuô nziês.

Heik trâu têx qơư y tế pâuz lok zuk đas jos thiêz piêr kriê, sox seiz đas jos đhâu krêz hâur ntâuz ntơưr thâuv chuôz zis muôx nênhs lâul, nênhs hnuz nhôngk siêz, nênhs khênhr muôx têx moz gênhk uô cuz uô no, hnôngk, uô tsi yuô tâuk pa.

Đhok uô trơưk têx heik kriê li: BlueZone, krêz heik pâuz lol zuk đas jos (NCOVI) sâuv meir hu xor tôngx.

Tsi nti kâuz ndâus, hnôngk kênhr; tsi muôz têx kiêk nênhs vuôz tsuôz, ntâuz bos kror ndâux por tsês trâu uz trâu no. Thâuv hnôngk, cxav tsuv muôz têk thêir kror ndâux, kror njưs.

Seiz njuôk shuôs tsi so đas jos hâur niêx hnuz, heik zênhx max trâu têx qơư y tế pâuz lok chor nênhs moz uô cuz uô no, hnôngk, uô tsi yuô tâuk pa.

Thâuv muôx kruô tuôx nhoz so hâur chuôz zis li tsêr, chuôz zis tsuv hêik trâu tsar jok, công an hâur jok pâuz.

Nhạc cắt

Sơưr đơưk tsuv ndo njôngr uô jông trơưk cxuô faz tsưr ziv phax tir thêir moz Covid-19 thiêz uô truôx luôs hâux lưv huôv tsar uô nox, cê tir thêir tâu caz moz gênhk./.

                                      (Bích Thủy BT-Riê Lâux cxeik, nhênhv)