Sóc Trăng: Ntux yiêz lok txos tsôngv box thax tsav qơư nhoz yiêz

Kror pov njôngr xuz thơưx thâuv tuôx txos thax tsav jok Trà Sết, xã Vĩnh Hải, thị xã Vĩnh Châu, tỉnh Sóc Trăng zos 200 luz tsêr tâu cxiv uô jông trơưk iz hax ntêr. Iz chas ntơư zos têx xor tênhv tênhz, cêr muk lok, qơư côngz đêx hur tâu cxiv uô tiêr hur tiz si.

Tok pêz hâur luz tsêr yiêz nhiv kruôr cxiv uô tâu, niêv lâuk Kim Thị Hol shir phaz heik, khov tâu têz qơưs paz uô tsêr, chuôz zis muôx qơư nhoz truôx, nhiv no niêv lâuk 2 niêv txir tsuôk trâu siêz njo uô nox, cxơưx trâu luz nênhx xưz. Niêv lâuk Hol heik, niêv lâuk tuk txir muk uô jos, yuôr nưs iz lênhx hâur nhoz tsêr, zok nriêr ntêk kưx, trâuz trik, njêl chiê muôs, iz hnuz li ntơư cux muôs tâu 200 cxênhz đeiv. Iz đraz shông lok no, niêv lâuk chuôz zis tưz muôx luz nênhx truôx tuk mê njik thiêz cux txuôs tâu mê njik nhiêx zuôr tâu iz luz yêz máy cheix muk lok.

“Đrav ntêx mak nhoz ciês jê ntơưv ntus đêx, tsi muôx ar uô tsêr nhoz lok six txov nhêv. Tâu têz qơưs paz ar, paz uô tsêr nhoz trâu pêz, tưz tsi yuô txov thiêz tsi yuô trâus cxơưx tsav têx nhuôs pôngz đês li thâuv ntêx. Nhiv no tsuôk sir jos trâu siêz njo huôv tsar uô nox, zok nriêr nhiêx zuôr cxur nox, cxơưx trâu têx nhuôs xưz. Hok thâuv ntêx nhoz kuz qơư mak cê cxơưx kho têx vax tsêr, cê cxơưx trâu têx nhuôv, nhiv no tsi trâus cxơưx”.

Cux zos iz hâur têx ziv chuôz zis heir nênhs tsơưs, luz nênhx txov nhêv tâu têz qơưs paz uô tsêr trâu nhoz ntơưv jok Trà Sết, niêv lâuk Thạch Thị Khai heik, 3 shông ntâu cxiv tsa chuôz zis, niêv lâuk 2 niêv txir lav nhoz hnuz đhâu hnuz hmo đhâu hmo hâur luz tsêr đaz pêk tuôs cxiv uô hâur niêv thiêz txir ar têz. Uô luz nênhx txov li ntơư hnuz đhâu hnuz, 2 niêv txir muk zok nriêr cxov njêl, cxov kưx lok muôs chiê muôx nhiêx zôngv hâur niêx hnuz, taz sik cux tsi txâuk, uô nênhx txov nhêv njuôr. Nhiv no tâu lok nhoz ntơưv qơư yiêz, niêv lâuk krêz uô qơư muôs huv, cê seiz jor têx mê nhuôv, cê muôs huv chiê muôx nzir phênhv sâu tâu nhiêx txiêx. Hok niêv lâuk tuk txir mak tsar yêz trâu iz công ty, viv li xuz thơưx niêv lâuk chuôz zis cux tưz truôx tuk. Niêv lâuk Khai tror ndo đuô lok têx hnuz nhôngs nhiv kruôr yeik lok nhoz qơư yiêz li no:

“Lok nhoz qơư yiêz shir phaz cơưs. Xuz thơưx hnor tiêk tâu yeik lok nhoz qơư yiêz, mak zuk txơưv yeik ciês lok, nyei tsav lok tâu pôngz lis, luôs nhoz tas. Thâuv ntơư zuk nhoz uô ntêx sđ, tưz tsi tâu muôx tênhv tênhz tơưk, tsi tâu muôx đêx, 2, 3 hnuz tov kaz thiêx muôx tênhv, muôx đêx, khov têz qơưs paz, zuk luz nênhx thiêx jông li hnuz no”.

Dưv anr truôx tuk qơư nhoz trâu têx chuôz zis tsôngv box heir nênhs tsơưs ntơưv jok Trà Sết, xã Vĩnh Hải muôx zuôr xar 90 ha; hâur ntơư ar nhoz tsav 6 ha ntâu. Đhâu xar muôx 2 shông fuô uô, txos đraz shông 2016 tưz uô tâu tiêr, muôx jông qơư trâu 200 ziv chuôz zis lok nhoz, truôx tuk luz nênhx. Đros ntơư, tênhv tênhz, cêr muk lok, tsêr cơưv ntơưr, qơư y tế, đêx hur phưx vưv tsôngv box xênhz huôx cux muôx cxix cxuô. Dưv anr muôx txix têx pênhr nhiêx T.Ư paz 35 tỷ đeiv, pênhr nhiêx ntơưv qơư zos 25 tỷ đeiv. Nhiv no tưz choz zok qơư nhoz, têx côngz trênhx heik sâuv trâu têx  ziv chuôz zis tâu sơưv têz qơưs tsênhv chei paz lok nhoz.

Pos Nguyễn Thị Mỹ Nhiên, Phưv Chủ tịch UBND thị xã Vĩnh Châu, tỉnh Sóc Trăng heik pâuz, hâux lưv truôx tuk qơư nhoz trâu 200 chuôz zis tsôngv box ntơưv jok Trà Sết muôx liv lok sik jông trâu ntơưv qơư. No zos thax tsav nhoz jê ntus đêx hiêr, chor ziv chuôz zis pluôs ntâu, uô tâu luôs hâux lưv no zuôr paz têx chuôz zis heik sâuv truôx siêz uô nox, sir jos hla đhâu yeiz pluôs, paz taz por txiv ngaz chính trị, truôx tuk XH thiêz huôv tsar kinh tế ntơưv qơư.

“Thax tsav qơư nhoz yiêz Trà Sết uô tâu, paz truôx tuk luz nênhx nox nhoz trâu tsôngv box, thiêz paz thị xã Vĩnh Châu đơưk tâu iz phênhv tưs têx phiv liv, paz tsôngv box pluôs muôx vax tsêr nhoz, muôx ar uô liêx têz…., gôngr pênhv paz cxơưz huôv tsar kinh tế-XH trâu thị xã, lar heik zos thax tsav Vĩnh Hải”.

Iz đraz shông ntâu uô tâu tiêr thiêz muôz lok sir zôngv, dưv anr qơư yiêz Trà Sết, tsênhv paz ntâu ziv chuôz zis pluôs, tsôngv box Khmer truôx tuk luz nênhx nox nhoz. Ntâu lênhx tsôngv box heik pâuz tiêk; no zos shông xuz thơưx lơưr tâu tok thiêz nox tsiêz đros ntâu cêr shir phaz, lov jêv trâu thax tsav qơư nhoz yiêz./.

                                 (TTĐBSCL-Riê Lâux cxeik, nhênhv)

CHUV TÔNGV PHAX TAR YEIZ THIÊZ NO NJIV TRÂU TSIÊX CXU HÂUR CHEIX NTUX NO

          1. Chox kriê phax tar yeiz thiêz no njiv trâu nhux tưv nhux đas.

          - Muôx ntâuz ntơưr chox kriê têx chiz coaz hâur tỉnh muôx huôx tôngv tsênhz mênhx chiê phax tar yeiz thiêz no njiv trâu tsiêx cxu; thôngx cxix heik têx đoanx côngz xưv mul heik kriê, qênhz yuôx luôs hauax lưv phax tar yeiz thiêz no njiv trâu tsiêx cxu. Tiv zix, tsov cưv txos têx tiv phaz nhoz tox siêz, têx qơư muôx tsiêx cxu trâus zênhr shar ntâu tiv yeiz thiêz ntux no njiv.

          - Chuv tôngv zôngv tiv phaz li phênhv cxênhx txuôk chiê phưx vưv phax tar yeiz thiêz no njiv trâu tsiêx cxu; paz txưv chuôz zênhx, nhiêx txiêx trâu têx ziv chuôz zis pluôs, huôv tsar tu zus tsiêx cxu thiêz  chuôz zis tâu sơưv tsênhv chei chiê uô guôx, their guôx zuôr cxaz krâur trâu tsiêx cxu nox.

          - Heik kriê chênhz zênhv phax tar yeiz thiêz no njiv trâu tsiêx cxu têx tiv phaz thiêz cxiv tsa tsưr ziv phax tar thâuv muôx ntux no njiv.

          2. Heik kriê têx tsưr ziv phax tar yeiz thiêz no njiv.

          - Chox kriê têx chiz coaz chuyên môn qênhz yuôx, heik kriê tsôngv box tu zus chuv tôngv cxênhx tsês jâuz krâur trâu nhux tưv nhux đas no hâur têx hnuz muôx ntux no njiv.

          - Tsi so seiz shuôk qiv hơưv nhoz tiv phaz, thôngz xor mông tsi so trâu tsôngv box tu zus, tsuv tsov cưv phax tar ntux no njiv trâu tsiêx cxu.

          - Têx hnuz ntux no njiv, thâuv jêx tưv kis đuô 12 tưv, tsuv yax mông, vênhv tôngv nôngx mênhx tsuv cơư nhux tưv nhux đas trâu hâur têx guôx thiêz their guôx cov jông, uô vêv xênhz guôxtsik uô vuôz tsuôz kiêk nênhs./.

                                                 ( KT- Txâur Vax cxeik nhênhv)