Qơư đrêk qênhz shuôk hax huv ntơưv Lào Cai: Muôx ntâu yêz, phiv liv uô tsik jông côngz xưv phax tar moz

Txix ciês đrâuv trôngx vas muk hâur qơư đrêk yêz qênhz shuôk hax huv, chor yêz đrêk siz txuôk ntêr muk txos ntơưv txox cêr muk chênhr Nội Bài-Lào Cai uô tsik ngaz tuk zoz thôngz. Hâur qơư đrêk mak muôx ntâu yêz đros cxuô nro têx zav hax huv txix cxuô qơư lok li qir zuôv, hóa chất, jâuz, txir, kok tsik tâu phêiz qơư đrêk cov jông. Yêz mak sik txênhz njêis yêv têx hax huv uô tsik ngaz tuk vêv xênhz. Muôx têx thâuv mak yêz thiêx đra tsênhz tâu chiê muk ciês hâur kror qơư no chiê uô hâux lưv uô tsik ngaz tuk trâu cxuô lênhx nênhs nhoz hâur no. Zơưv Ngô Thành Trung, hlôngr njex muôs doanh nghiệp Trung Tín puz pâuz, kror qơư no tsênhv zos Công ty Cổ phần Logistic Việt Trung sêiz car. Zos xưk li thâuv ntêx ntơưv trôngx đriv muôx ntâu qơư đrêk yêz qênhz shuôk hax huv mak txix thâuv muôx caz moz tas nro chor yêz thiêz hax huv tsuôk tâu chiê lok trâu iz kror qơư. Ntơưv iz kror qơư grêiv li co, hok têx yêz txix têx tỉnh lok ntâu mak zuôr uô chak uô tâu truôx jông:

“Vav tiêk Chính quyền sêiz shuôk kriz đar qơư chiê uô tâu jông đuô hâux lưv zuôr muôs tơưv saz đrâuv têz qơưk thiêz tir tar tâu caz moz, hok chiê lok trâu iz kror qơư li nhiv no xưz mak, chor nênhs thiêz têx yêz muôx chôngz mak tưz tsik zos têx hax huv xưz, hâux lưv phax, tar caz moz cux zuôr uô tsik tâu”.

Nhiv no hax huv ntơưv trôngx đriv Lào Cai tsênhv tâu muôs đhâu trôngx đriv lok six truôx jông. Têx hnuz jê lok no, iz hnuz muôx 300 ntâu luz yêz txix Trung Quốc thâux hax huv Việt Nam zuôr lok thiêz hax huv Trung Quốc muôs tơưv saz đrâuv têz qơưk lok trâu Công ty Logistic li kror qơư đrêk. Tiv têz yêz tsik tâu tơưv muk saz đrâuv viv tsuv phax tar caz moz viv li tsuv muôx bâuv li co luz yêz lok ciês hâur kror qơư no chiê njêis yêv têx hax huv, tsik tâu hêik txos yênhx puô lênhx lox tôngv txix cxiê qơư tuôx trâu ntơưv no chiê uô hâux lưv njêis yêv têx hax huv co. Txix ntơưv trôngx vas muk txos trâu hâur yar tiêx, njiê pov tâu ciês chôngz lênhx nênhs tsar yêz thiêz chor nênhs lox tôngv tsik chox đêiv bos kror ndâux lơưr cui tênhv. Lơưr pos Khổng Thị Nhung, hlôngr njêx muôs doanh nghiệp Hoàng Anh, uô ntêx thâuv tsik tâu muôx caz moz doanh nghiệp no zuôr saz đrâuv têz qơưk lok, thâux muk trâu qơư kik muôx nhos 15-20 yêz jâuz txir kok. Taz sik nhiv no iz hnuz mak têx jâuv muk tsik tâu iz luz yêz hlo viv kror qơư no muôx ntâu yêz hênhr lơưv, uô trâu tsuv đrêk yêz tok cê phiv liv txos têx hax huv, cê tas nzir ntâu kror nhiêx txiêx:

“Hax huv Trung Quốc mak tsuv tas 2-3 hnuz thiêz lok tâu txos hâur kror qơư no. Lok txos hâur qơư lok txos 6-7 six tsâuk ntux cux tsênhv tsik tâu njêis yêv têx hax huv, lok six phiv liv. Thâuv yêv têx hax huv tas lơưv muk sâuv cêr cux zuôr tsik jông tas tiv tas 2-3 hnuz muk. Têx jâuz txir kok mak tsik jông tas hur si, lênhx tưs cux phiv liv hur si mak tsik pâuz uô li chak”.

Đros muôx ntâu yêz, Công ty Logistic Việt Trung kror qơư đrêk yêz cux tsuv sir jos uô hâux lưv. Thâuv qơư yar tiêx bê tông tưz tas, ntâu luz yêz tsuv đrêk trâu kror yar tiêx ar, yar ntux mak pâus ar, lok nas mok gok nhav jơưk. Tsik tâu hêik txos phênhv ntâu qơư đrêk no tsik muôx thêir vor cov taz por trâu têx hax huv li zav nox, txir ntông trâu chor hnuz yar ntux cuz sor zuôr txos.

Tâu pâuz, iz ndis trôngx đriv Kim Thành tsênhv yuôr pêz kror qơư đrêk yêz lox txơưr muôx 1 kror qơư tez qơưk zos Tsênhv qơư dịch vụ qơư kinh têr Lào Cai sêiz car thiêz 2 kror zos Công ty Cổ phần Logistic Kim Thành thiêz Công ty TNHH Thương mại Tổng hợp Nghĩa Anh sêiz car. Chor qơư đrêk yêz hax huv no uô ntêx thâuv tsik tâu muôx caz moz cux tsênhv chiê yêz lok đrêk; muôx qơư tưz zênhx uô tas nro zos tiêx bê tông, muôx trur vor cxuô nro thiêz bax cxix cxuô tsưr ziv phax tar caz moz taz sik tas nro xưk tsênhv trâus tsês khôngz uô tuôr xuôv ntâu kror./.

                              (An Kiên-Lik Thox cxêik nhênhv)

PHÊNHV NRIÊR PÂUZ LOK CÊR CHEI PHÁP LUẬT

Lav heik tiêk nhiêx txiêx shâuv tsar yêz chuôz ndê chiê đas ntâu lênhx nênhs tuôx cơưv shâuv

Iz hâur têx kror yiêz ntơưv Thông tư 38/2019/TT-BGTVT hlôngr trâu thông tư 12/2017/TT-BGTVT cui tênhv lok thox cxov, thik chiê cungz ntơưr tso chei tsar yêz cêr ar cxaz nzir cui tênhv zôngv công nghệ li thox cxov, thik tsar yêz đhâu ca-bin, phần mềm uô uô ntêx, seiz car trực tuyến cơưv lý thuyết thiêz thik tsar yêz đros qơư tsov txos zos chuôz tsar, muôz siêz tsơưr lươngv thox cxov. Hâux lưv no six hơưv đhâu, muôx xor mông heik tiêk, nhiêx txiêx thik tsar yêz shông 2020 zuôr ndê txos 30 tsov đeiv viv muôx cxaz njiêz luv thox cxov, cơ sở cxuô zav chiê seiz car cơưv thiêz thik. Thông tư 38 lok thox cxov cungz ntơưr tso chei tsar yêz cxaz nzir ntâu cui tênh yiêz li muôx cxaz 2 môn cơưv zos yưr lir qênhx shênhx muôx yưv sâuv phần mềm thiêz shâuv tsar yêz sâuv yêz. Têx yêz shâuv tsar muôx ntâu jax thik, ntâu txox cêr njuôs xav zuôr njiz trâus thâuv tsar tiês. Six hơưv cơưv shâuv zos 3 six uô ntêx thâuv tsar mul sâuv cêr. Tsưr ziv thik tsar yêz yiêz zos thik chei, thik siv sâuv phần mềm, thik muk sâuv cêr, zos thik tsi tax mak zuôr tsi tâu thik tsar yêz sâuv yêz.

Nhạc cắt

          Iz hlôngr yiêz tsuv tsov cưv pir đros thiêz tsaz yênhx thox cxov kuz zos môn nênhs tsar yêz li shưz xar thiêz vênhx huôv zaoz thôngz tâu hlôngr yênhx Shưz xar, vênhx huôv zaoz thôngz thiêz phax tar chơưr, bia li txux hiêv thâuv cxaz chuôz zaoz thôngz. Hâur co, njiêz luv “Phax tar chơưr, bia li txux hiêv thâuv cxaz chuôz zaoz thôngz” tsav 2 six hơưv. Đrâuv co, cxôngx hnuz xiêz 1/6/2020, ntơưr tso chei tsar yêz cungz yiêz zuôr muôx mã chiê nhênhv, giải mã sei xor mông sik côngv đros cxix luôk xor mông coar lik, muôx mã số qơư thox cxov tsar yêz. Li ntơưv, chiz coaz coar lik têz qơưk zuôr zôngx ziv thôngz sâu tâu học viên li têx jiês thiêz kror uô cxâuv lơưr yênhx qơư thox cxov tsar yêz./.

(Thanh Thủy-Txâur Vax cxeik nhênhv)