Vênhx huôv cxuô mênhx cxưx

Zơưv A Djoa, nhoz jok 3, xã Tân Cảnh (huyện Đak Tô, Kon Tum), puz pâuz, yênhx hnuz pox nhuôs Sê-đăng tsik so sik njiz, sik thav uô cê thâuv tưz so nhoz tsêr, thâuv muk uô liêx têz, muk hâur jôngr lok sik thâuv tưz muôx njil kâus chơưr thiêz thâuv đhâu iz hnuz uô lox tôngv…Luz nênhx mak zuôr txar jav tsik tâu têx thâuv hêik luk lox, zâu, siz char, siz chês, têx thâuv car tsik tâu zuk tuk khênhx mak zuôr uô trâu luôs lưv tuk pôngz siêz. Txos thâuv hmo ntux, lok sik tsiv lok thiêx xar tâu tiêk: zuk têx luk tưz hêik muôx njil hnhar trâu têx fôngx zưs, jêx jok lơưv…Zơưv A Djoa, piêr:

“Lơưr pêz li phôngx cxưx mak lo luk thor lok six zov chênhr, tưz chêv, hêik hnhar trâu lưv tuk lơưv mak tsuv pâuz thor luôs, zos tsik thor mak lơưr zuôr xar tsik jông lok zuk, tiv tưz muôx têx luk hêik tsik jông trâu lơưr”.

Lơưr nênhs Sê-đăng li phôngx cxưx thor txiv mak tsuv tâu uô thâuv têik cik sơưr nzor, muôx lâul jok sêiz shuôk, đros phênhz mak thiêx tâu. Pos Y Ui, nhoz jok Têa Djê Krâm, xã Đak Rơnga, huyện Đak To, Kon Tum puz pâuz:

“Lơưr phôngx cxưx cxôngx nzor, hâur jok muôx têx kror tứ tsik siz huv mak tsuv tuôx siz thor thâuv têik cik sơưr nzor. Nênhs uô zuôv tsuv tuôx thor nênhs trâus zuk hêik siêz hêik kik co uô ntêx thâuv sơưr nzor. Lơưr gra chơưr, lok sik kêiz tuôx thor cov lênhx nênhs co jav txiv”.

Hêik lok nênhs Sê-đăng li phôngx cxưx sik thor thâuv têik cik sơưr nzor, zơưv A Luô, lâul jok Kon Pâu, jok Kon Wang, xã Ea Yiêng (Krông Pach, Đắc Lắc) hêik tiêk: Thâuv têik cik sơưr nzor zos six hơưv jông tiv zix trâu siz thor cov jav txiv têx kror tsik jông, tsik zos. Thâuv co zos thâuv sơưr đơưk tsênhv xar tâu thôngz cxuô kror tiv zix thiêz thiêx txar jav tâu siêz cuz hêik tơưv têx kror tsik jông, tsik huv siêz lox đuô…Zơưv A Khao, nhoz jok Ea Mao, xã Ea Yiêng (huyện Krông Pach, tỉnh Đắc Lắc) hêik:

“Nhiv kruôr đhâu cur chaz chor nhux đas lox cơưv hâur guôx, tsik uô jông shuôk trôngx vas tsik jông, iz tuk nhux tưv điv muk nox Buô Ngok chor poz cưk tas muôx oz pêz thiêr. Têik cik sơưr nzor hnuz tov kaz cur tưz muk thor Buô Ngok. Thâuv pâuz zuk tsik zos cxoz txưv tso nhux no thiêz muôx siêz tuôx thor mak Buô Ngok tưz jông siêz thiêz tsik cov cur thêv. Buô Ngok cov cur uô jông sêiz shuôk nhux jông đuô xưz”.

Nhiv no, nênhs Sê-đăng lu nênhx cxuô zav cux hlôngr yiêz đuô, sik njiz sik thav đros ntâu zav mênhx cxưx sik txơưr, viv li phôngx cxưx sk thor trâu thâuv têik cik sơưr nzor tâu tuôr tsês tsik cxix cxuô li thâuv ntêx. Taz sik kror phôngx cxưx jông co mak pox nhuôs cux tuôr tsês tâu. Co zos hêik trâu nênhs uô zuôv tsuv pâuz zuk kror zuôv thiêz kho cov jông. Nênhs trâus hêik tsik jông mak cux tsik tsês hâur siêz têx kror co mak tsuv jav txiv trâu sơưr đơưk…Zơưv A Thin, nhoz jok Têa Rơxá, xã Đak Trâm, huyện Đak Tô, tỉnh Kon Tum, piêr:

“Zos muôx uô zuôv mak tsuv tâu thor txiv, chiê tsik muôx yưv têx phiv liv lox. Co zos sơưr đơưk li txơưx jênhv. Nênhs mak zuôr nhoz iz lênhs tsik tâu, tsuv nhoz đros sơưr đơưk, muôx sik paz. Têx  uô niêv txir tsuv kruôz kriê trâu têx tuz nhuôs; cxuô lênhx nênhs zênhx muôx txơưx jênhv tuôr chiê cêr coangz siv jông hâur chuôz zis thiêz jêx jok”.

Nênhs Sê-đăng li phôngx cxưx sik thor thâu têik cik sơưr nzor thâuv muôx têx uô zuôv, zos paz hêik sơưr đơưk pâuz tâu txos zuk kror zuôv thiêz uô jông xar, pâuz sik paz, jav txiv chiê sik đros uô nênhx-Co zos hêir nênhs Sê-đăng nhoz Tây Nguyễn li iz kror vênhx huôv jông hâur luz nênhx./.

(TTTN-Lik Thox cxêik nhênhv)

Điện Biên: Tsuv đros paz hêir nênhs Lok tsuôk nhoz Na Sang II têx luôs hâux lưv ntok ntâuz

Tsưr ziv ntok ntâuz zos hêir nênhs Lok Tsuôk nhoz Điện Biên iz luôs hâux lưv uô muôx đros đrêiv hâur luz nênhx đhâu ntâu tiêv lok. Taz sik hâur ntu têz qơưs hlôngr yiêz nhiv no, hâur ciêz đrôngl muôx ntâu zav ntâuz, tsôngk trik yo jông jav, chuôs li hêir nênhs Lok tsuôk luôs hâux lưv ntok ntâuz tưz trâus plox lơưv jux juk; viv zos têx ntâuz ntok uô tâu ntơư muôs tsik tâu grê siêz.

          Chênhr zos li hêik ntơư, luôs hâux lưv tuôr tsês chiê hêir nênhs Lok Tsuôk sauv thax tsav tỉnh Điện Biên têx txux chi, cêr nênhx vênhx huôv jông tsik chiê plox, zos iz luôs hâux lưv zov chênhr tsuv uô cov tâu truôx. Xav hâur shông 2004, cơ quan sik côngv đros Nhật Bản (JiCa) tưz đros ủy Ban tỉnh Điện Biên huôv tsar luôs hâux lưv ntok ntâuz trâu ntơưv jos Na Sang II. Txix ntơư, hợp tác xã ntok ntâuz Na Sang tưz cxiv tsa tâu muôx 30 lênhx nênhs uô thiêz txix ntơư txos trâu nhiv no, hêir nênhs Lok tsuôk têx ntâuz ntok uô tâu ntơư tưz muôx muôs trâu cxuô thax tsav qơư.

          Lò Thị Viên, phưv sêiz car hợp tác xã ntok ntâuz Na Sang II, tsik so muk trâu cxuô jêx jos chiê yax kriê zaz zâuv tsôngv px sđ tsuv huôk njôngr six hơưv hnuz nhôngl ntok ntâuz thiêz zos lênhx nênhs zok nriêr qơư muôs.

          Băng: “Cur lok six nhiêv ntok zav ntâuz no thiêz cur truôx siêz zok nriêr qơư muôs têx ntâuz ntok tâu ntơư. Nhiv no cux huôv tsar uô tâu truôx jux juk”.

          Hêir nênhs Lok Tsuôk tsưr ziv ntok ntâuz tưz tror huôv tsar tâu truôx jux juk. Taz sik, têx qơư huôv tsar uô ntơư tsênhv tsik tâu kriz uô ntâu thiêz phênhv ntâu zos tsôngv px sđ ntok ntâuz trâu thâuv luz chêix khưr tsêz chos kôngz lôngk tas. Đros ntơư, têx qơư huôv tsar uô ntok ntâuz cux li qơư muôs tsik tâu truôx pês tsơưs. Zơưv Nguyễn Văn Đóa, Bí thư Đảng ủy xã Núa Ngam, huyện Điện Biên hêik pâuz:

          Băng: “Px mak cux tsik zôngx ziv gra têx ntâuz ntơư chox muk muôs trâu ciêz đrôngl. Viv li, chor nênhs ntok ntâuz tsuv huôv tsar uô txuôk đros cxuô cấp cxuô ngênhx đros zok nriêr qơư muôs têx hax huv px uô tâuntơư”.

          Hêir nênhs Lok tsuôk têx ntâuz ntok tâu cux txêix pax jông jav txơưr tsik thôngx chor. Ntơư zos txêix uô cxuô zav pax muôx đros đrêiv hâur luz nênhx thiêz iz thênhv jux juk uô trâu cxuô hêir nênhs txơửr đuô sâuv thax tsav pâuz txos cux li paz phênhv trâu chor ntok ntâuz sâu tâu nhiêx txiêx chox lok cxiv kho chuôz zis, muôx luz nênhx tsâu sor./.

                                         (Tsu cxêik nhênhv-Hữu Lợi-CQTT Tây Bắc)