Nhiêx đơưz hâur nênhs Poz Ziz faz Bắc li luz nênhx

Nhiêx đơưz lơưr luk Poz Ziz hu cxuô uô “Ngân”. Txơưv tiêk nhiêx đơưz zos zav jông, tsiv grê, taz sik nênhs Poz Ziz lok six tsơưs zôngv txos têx nhiêx đơưz zuôr muôs hax huv; phênhv ntâu zos zôngv chiê chox uô jông jav, uô huv fix chuôv, muôz puz trâu têx mê tuz mê nhuôv, nênhs cxênhz jê. Tsôngv box khênhr chox sơư nhiêx lok sik tôngx nhiêx ntơưv chax đaz, ntơưv têk chiê phax tar moz.... Zơưv Tòng Văn Hịa, lênhx txir nênhz nhoz jok mòng, xã Hua La, TP Sơn La, tỉnh Sơn La heik pâuz:

“Nhiêx đơưz zos zav muôx grik jông, thiêz XH thâuv ntêx cux khênhr muôz têx nhiêx siz pâur, zuôr muôs, taz sik tsi zos lênhx tưs cux muôx. Nhiv no, txơưv tiêk tsơưs zôngv txos têx nhiêx đơưz chiê muôz pâur, zuôr muôs hax huv, taz sik tưz zos nhiêx đơưz muôx grik txix thâuv ntêx lok, viv li chuôz zis tưs cux xar cov muôx nhiêx đơưz hâur tsêr xưk li têx huv zuk muôx tsês chiê, iz zav li huv chiê por hưv đas jos, vax tsêr cov sđ nox nhoz luôs nxi, tsi muôx moz gênhs.... Thâuv têx nhuôs zâu trâus muôx moz, uô khâuz thuôs mak lơưr tsôngv box tsưr ziv cux khênhr muôz têx hox nhiêx đơưz lok car mê nhuôv cov tuk moz thiv”.

Trơưk li tsôngv box Poz Ziz phôngz cxưx cêr nênhx, thâuv tuk tuz muk zuôr nhaz, iz chas txoz cxơưx, bax pluôk nox yôngz tov tos niêv têik zơưv txir tsêr mak tos pox zơưv tsuv gra đros têx hox nhiêx đơưz chiê krưr trâu niêv têik, zơưv txir. Chênhr viv li thâuv ntêx, chuôz zis tưs muôx ntâu huv tâu uô txix têx nhiêx đơưz gra tuôx puz tuk nhaz, lênhx nhaz niêv thiêz txir ndax hnuz nox yôngz mak tâu seiz co zos chuôz zis muôx, bluô nux. Thiêz zav huv no tâu seiz zos zav huv lok six jông thiêz muôx grik, thâuv lênhx nhaz niêv lok sik txir pur 120 shông, tâu tas siv nênhx cux zuôr tâu gra đros muk. Tsôngv box tsi tiêk seiz hloz, zôngv txos têx nhiêx đơưz thâuv tsênhv uô nênhx nhoz, mak thâuv tâu tas siv nênhx cux zuôr trâul txos têx nhiêx đơưz co chiê uô lơưr zuk heir nênhs cêr chei đaz kruôs. Zơưv Tòng Văn Hịa, heik pâuz nzir:

“Trơưk li phôngz cxưx cêr nênhx, nênhs Poz Ziz muk zuôr pox niêv, tos tuz tsuv bax têx zuôr trâul txos li: Hmur nhiêx reik sâuv plâuz hâu...chiê kơưk zir tưk trâu tuk nhaz. Iz chas ntơư, tsênhv tsuv muôx têx tôngx nhiêx chox ntơưv têk, gơưv mflêiz nhiêx, chuôz zis muôx mê njik mal muôz puz nzir luz xâur nhiêx, lok sik sơư nhiêx siê ntơưv đuôr trâu tuk nhaz. Hok têx huv muôz trâu niêv têik thiêz zơưv txir cux tsuv zos nhiêx đơưz. Têx chei no cux seiz yênhx thax tsav, suôv qơư, muôx kênh qơư mak 5 đeiv, 2 hox, muôx têx qơư mak 3 đeiv, 2 hox, taz sik zos tsi muôx cux tsuv nriêr cov tâu”.

Nhiêx đơưz cux zos zav uô trâu lênhx pox niêv heir nênhs Poz Ziz đuz jông gâux, khax jav. Muôx têx heik txos tuk hmur nhiêx reik sâuv plâuz hâu chiê zôngv thâuv “Kơưk zir tưk” trâu sâuv tiêx tâuz hâu chiê pâuz tâu tiêk, no zos lênhx pox niêv nênhs Poz Ziz tưz muôx txir; hax nhiêk khơưv, nhiêx đơưz trâu lênhx pox niêv luz yo hnar; mflêiz, tôngx têk nhiêx, lok sik sơư nhiêx chox chax đaz..... Lar heik, lênhx nxeik nênhs Poz Ziz ziv khax, jông jav đuô zos thâuv siê têx sơư nhiêx ntơưv đuôr, đros trâu hnar chêr tsôngk yo tiêz yiêz hâur têx hnuz ntênhs, hnuz tsiêz, nthuôr uô cêr lov jêv. Niêv lâuk Quàng Thị Lợi, nhoz jok Giẳng Lắc, phường Quyết Thắng, TP Sơn La heik:

“Pêz têx pox niêv vir ndâuk Poz Ziz tsuv muôx tôngx têk, mflêiz nhiêx, hmur reik plâuz hâu nhiêx thâuv kơưk zir tưk, lar heik zos thâuv muk nox hâuk lov jêv, mak tsuv muôx têx sơư nhiêx siê ntơưv đuôr. Zos tsi muôx sơư siê thâuv muk heik gâux, cưr cxiêx, uô lov jêv mak cux muk siz kêr siê. Sơư mak cux tsuv muôx 4-5 txox thiêx jông, thiêx trơưk li nênhs Poz Ziz phôngz cxưx, cêr nênhx”.

XH ziv hnuz ziv huôv tsar, hâur têx ciêz đrôngs ziv hnuz ziv  muôx ntâu têx zav jông, nhiêx cuz tsiv grê..... Taz sik đros thiêz tsôngv box Poz Ziz Tây Bắc, nhiêx đơưz cux tsênhv muôx grik li kuz thiêz thâuv tưs tưz zuôr tsuv muôx hâur tsôngv box luz nênhx./.

(Đức Anh-Riê Lâux cxeik, nhênhv)

Huôv tsar du lix côngv thôngx ntơưv Lạng Sơn

Nhiv no, du lịch vênhx huôv côngv thôngx tâu sêiz zos tsưr ziv uô du lịch sưv jê, truôx nhoz ntâu tiv phaz. Ntơưv Lạng Sơn, oz zav du lịch côngv thôngx tưz tâu uô muôx chêx cur zos jok Du lịch côngv thôngx Quỳnh Sơn, huyện Bắc Sơn thiêz du lịch côngv thôngx Hữu Liên, huyện Hữu Lũng. Têx tsưr ziv uô no tưz paz muôx tâu chêx cur tsênhv tsênhz, tưz tsik zos phuôx huiz tâu cxuô mênhx cxưx li têx vênhx huôv tiv phaz mak tsênhv paz thiv pluôs, gra siêz pêx xênhv luz nênhx. Cxaz chuôz du lịch côngv thôngx, zơưv Dương Công Chài, nhoz Quỳnh Sơn, huyện Bắc Sơn hêik:

“Đhâu oz pêz shông uô du lịch côngv thôngx, cur chuôz zis zos iz hâur 5 ziv chuôz zis uô tsưr ziv no. Kror uô tâu xuz thơưx zos phênhv sâu trâu chuôz zis, hlôngr yiêz luz nênhx, tiv oz zos paz muôx hâux lưv uô trâu hluôk nênhs hâur xar, jêx jok”.

Đhâu xar muôx 9 shông kriz uô tsưr ziv du lịch côngv thôngx ntơưv xar Quỳnh Sơn, huyện Bắc Sơn, jok du lịch côngv thôngx Quỳnh Sơn tưz muôx 8 chuôz zis cxiv uô Homestay tax ploz tsênhr txêik tok kruô. Hâux lưv tuôr chiê, phuôx huiz chor tsêr lơưx nhoz tiv phaz, thôngx cxix nriêr pâuz, cxiv uô đuô chor chuôz zênhx uô xênhz yar, xênhz huôx, têx hâux lưv uô cxôngx nzor tưz tax tâu tsôngv kruô li zoz qơưx tuôx ndis shuôk, nriêr pâuz thiêz uô si. Xav luz đraz iz shông, jok Du lịch côngv thôngx Quỳnh Sơn, huyện Bắc Sơn tok xar muôx 10.000 lênhx kruô tuôx ndis shuôk uô si. Iz lênhx kruô tuôx txix Hồng Kông lok six jông siêz shir phaz thâuv tuôx txos jok Du lịch Quỳnh Sơn hêik:

“Pêz tuôx ntơưv no tâu muôx 2 hnuz lơưv, tuôx ntơưv no mak lok six jông, nênhs nhoz no cux jông. Hnuz no mak pêz zuôr chêix yêz tuôv muk đhâu txox cêr đaz tuôs taz sik cxuô zav nhoz no mak lok six jông, pêz lok six nhiêv, pêz cux lok six jông siêz thiêz shir phaz đros tox trôngz cxuô zav thiêz lênhx nênhs nhoz ntơưv no”.

Chiê jêx jok huôv tsar truôx du lix côngv thôngx, tỉnh Lạng Sơn tưz yưv pênhr huôv tsar du lix ndis shuôk trôngz jôngr ntông, du lịch vênhx huôv côngv thôngx đros hâux lưv cxiv tsa cxuô zav. Thôngx cxix, Lạng Sơn cux huôv tsar uô huv đros hâur thax tsav, gra siêz tsơưr lươngv pênhr jos ntơưv tiv phaz. Pos Trần Thị Bích Hạnh, Giám đốc tsênhv qơư paz thơưz xor mông du lịch tỉnh Lạng Sơn puz pâuz:

“Lơưr liês Quỳnh Sơn nhoz Bắc Sơn, Hữu Liên nhoz Hữu Lũng, nhiv no pêz tsênhv trrr yưv pênhr uô siv ntơưv xar Vũ Lăng, huyện Bắc Sơn thiêz ntu zuôr txos, pêz zuôr tror tsov cưv thiêz kriê pêx xênhv chiê uô chak cov uô tâu jong tsưr ziv uô du lịch côngv thôngx no”.

Têx tox trôngz, hâur pêk thax tsav jông jav, têx vênhx huôv jông muôx nhoz têz qơưk Xứ Lạng zos tsar tov chiê Lạng Sơn huôv tsar duk lịch truôx đrênhk. Taz sik, têx tsar tov no tsuv tâu uô jông thiêz tsuv muôx têx chêi huv đros chiê huôv tsar, paz uô trâu du lịch zos iz nganhx kinh têr hênhr ntơưv tiv phaz./.

(TTĐB-Lik Thox cxêik nhênhv)