Yên Bái uô jông luôs hâux lưv tir thêir nas chuô chiê têx yêz muk lol đhâu zôngx ziv hâur chêix ntux nas

Thax tsav faz Tây, tỉnh Yên Bái muôx chor huyện: Trạm Tấu, Mù Cang Chải, Văn Chấn thiêz thị xã Nghĩa Lộ. Têx cêr muk lol nhoz chor huyện no phênhv ntâu muk đhâu têx ntar trôngz siêz thiêz tox nxaz, tsi truôx tuk, thâuv muôx ntux nas lox khênhr trâul đêx cuôr yôngz, tox xưz poz uô cxuz têx cêr, tsi jông muk lol….. Chênhr viv li, taz viv seiz car têx cêr co tưz đros hâu nov cxuô thax tsav qơư cxiv uô tsưr ziv, bax têx chuôz zênhx, meir uz no trâu yênhx taz viv nhoz têx cêr muk lol heik sâuv. Lar heik zos ntơưv têx ntu cêr lox zôngx ziv trâul xưz poz li: Ntu txix cêik cêr 348-cêik cêr 356 (đơưv trôngz Lũng Pô) txox cêr lox sôr 37; cêr muk lol hâur tỉnh 174 txix Văn Chấn muk trâu Trạm Tấu. Zơưv Nguyễn Văn Hoàn, Phưv Giám đốc Công ty cxiv tsa cêr ar sôr 1-Yên Bái, taz viv seiz car, cxiv kho têx cêr muk lol faz Tây tỉnh Yên Bái heik pâuz: “Têx ntu cêr khênhr trâul xưz poz, taz viv tưz bax muôx hur si têx chuôz zênhx, yêz, meir uz no nhoz ntơưv têx ntu cêr co; iz chas ntơư taz viv cux muôx canr bôv tsi so muk qênhz shuôs têx cêr, zos ntu tưs tsi jông, zôngx ziv trâul xưz poz…., zuôr heik ciês trâu Ban taz por zoz thôngz công ty chiê zênhx max heik trâu chor hloz, muôx tsưr ziv cxiv kho sei”.

          Zos taz viv tâu choz seiz car, cxiv kho têx cêr muk lol faz Đông hâur tỉnh Yên Bái, muôx: Huyện Văn Yên, Lục Yên, Trấn Yên, Yên Bình thiêz TP Yên Bái, iz chas têx jông iz zav li chor cêr muk lol nhoz faz Tây heik sâuv, têx cêr no tsênhv tsi so trâul đêx ngaz tiv đêx Liêz thiêz đêx Chảy huôv lox, pur tuôx. Iz chas co têx txox cêr nor cux muôx yêz muk lol ntâu đuô pir li chor cêr nhoz tox siêz. Zơưv Nguyễn Đắc Quyền, Phưv Giám đốc Công ty huôv tsar cxiv tsa thiêz muôv muôs sôr 909-taz viv tâu choz seiz car têx cêr muk lol faz Đông tỉnh Yên Bái heik pâuz: Taz viv tưz yênhx lix Ban seiz car phax tar ntux uô ruôr hiêv thiêz taz por têx cêr muk lol tâu thôngz, txix ntơư phênhz côngz 5 paz qênhz shuôs, car seiz yênhx ntu, yênhx txox cêr muk lol: “Luôs hâux lưv ntơưv qơư, taz viv tưz fuô uô qênhz yuôx, thoz huk têx cưs đês, ntus cêr cov đêx ntưk tâuk, tsi muôx đêx tênhr…. Lok sâuv tsưr ziv, taz viv tưz bax tâu jông, zos thâuv tưs muôx yưv têx tsi jông li: Đêx ngaz cêr uz no…. mak zênhx cxiv kho, thoz huk tâu. Đros trâu têx li heik co, taz viv cxiv uô têx cêr lus muk lol đhâu têx ntu khênhr trâul xưz poz, đêx ngaz chiê taz por tsôngv box sđ zôngx ziv muk lol đhâu”.

Đros trâu muôx 8.800 ntâu cêik cêr ar, hâur co muôx 80 ntâu cêik muk chênhr, zuôr xar 400 cêik cêr lox, yuôr đuô li zos têx cêr muk lol hâur tỉnh, hâur huyện thiêz xã….. chiê taz por muk tâu thôngz hâur cheix ntux nas, Sở zoz thôngz tỉnh Yên Bái tưz chox kriê, hux jos đros cxuô thax tsav qơư, taz viv cik txos bax têx chuôz zênhx, yêz, cxiv uô tsưr ziv phênhz cêr, khưx phưx têx tsi jông tiv ntux nas uô. Zơưv Bùi Danh Tú, Phưv Giám đốc Sở zoz thôngz tỉnh Yên Bái heik: “Hur tiz si cxuô cêr muk lol puôr lênhx têx ntu trâul tsi jông, puôk tsuôx, hâur co muôx cêr lox, cêr muk lol hâur tỉnh, hâur huyện, xã thiêz jêx jok hur si. Chênhr viv li, Sở zoz thôngz tưz xav tinhv 5 qơư chiê tso têx meir câuk ar, chuôz zênhx, yêz lox, tơưz hlâu, trox yêz, poz jêz….,nhoz trơưr ntơưv têx qơư co, thiêz puôr lênhx choz trâu têx taz viv seiz car chiê thâuv tưs muôx yưv têx tsi jông li: Cêr trâul xưz poz, lok sik ar poz jêz xưz lok cxuz…chiê zênhx max cxiv kho, thoz huk cov lênhx nênhs thiêz yêz muk lol tâu đhâu sei”.

Cxix luôs zoz thôngz cêr ar nhoz Yên Bái tưz tâu yưv pênhr cxiv tsa, kho đuô jông muk lol chiê huôv tsar kinh tế XH ntơưv qơư. Taz sik, tiv phênhv ntâu têx cêr no tưz sir zôngv, muk lol tâu ntâu shông, iz cxiê txox cêr cxiv uô tsi yuô tâu jông thiêz truôx, yêz muk lol ntâu…..tưz uô iz cxiê ntu trâul puôk tsuôx, tsi jông tas. Chênhr viv li, ngênhx zoz thôngz Yên Bái tưz bax uô jông cxuô faz tsưr ziv cxiv uô, kho đuô têx ntu cêr li heik sâuv chiê taz por yêz muk lol thôngz hâur cheix ntux nas chuô./.

                               (Thừa Xuân-Riê Lâux cxeik, nhênhv)

Zơưv Xiêr Por Xênhv Zax uô bluô nux cxôngx tu zus tsiêx cxu lơưr saz hax huv

Xênhz zus thiêz hloz lox sâuv têz qơưk tox siêz tsênhv yuôr ntâu txov nhêv, zơưv Xiêr Por Xênhv Zax pâuz tsênhz luz nênhx yeiz pluôs thâuv txos cheix chos kôngz lôngk. Nhoz uô nênhx ntơưv thax tsav phênhv ntâu zos trôngz poz jêz, zơưv Por thâuv tưs cux xar tsưr ziv chiê paz chuôz zis hla đhâu luz nênhx yeiz pluôs.

Nhạc cắt

Zơưv Por nriêr muk txos têx ziv chuôz zis uô nox uô hâuk yênhx côngz chiê nriêr pâuz, cơưv shâuv chênhz zênhv. Shông 2014, zơưv cuiz tênhv txeik Zênhx hangx chính sách xã hội 60 tsov đeiv chiê yưv pênhr tu zus nhux đas zuôr greix. Zơưv muôz 45 tsov đeiv zuôr 3 tul nhuôv nhux lok tu zus. Chor nhiêx tsênhv yuôr zơưv tsês chiê cxiv uô guôx thiêz chos zuôr xar 0,5 hecta tâux nxư uô jâuz puz nhux. Đhâu zuôr xar 1 shôngk, zơưv Por muôs paz nhux tâu 110 tsov đeiv. Cxôngx chor nhiêx txiêx muôs nhux, zơưv Por thêv tas nux grê txeik zênhx hangx. Chor nhiêx txiêx tsênhv yuôr zơưv tror zuôr nhuôv nhux lok chiê tu zus. Txos nhiv no, chuôz zis paz nhux thâuv tưs cux muôx 15-20 tul.

Nhạc cắt

Zơưv Por pheiz kênh, cur tsi so nriêr pâuz, cơưv shâuv chênhz zênhv cxôngx têx trâur nuv tu zus yênhx côngz thiêz cơưv cxaz sâuv têx ntâuz ntơưr; sir jos cxaz chuôz têx lớp kriê cxaz lok tsưr ziv tu zus thiêz phax tar moz trâu paz tsiêx cxu zos tiv phaz tsưr tsix. Chiê tu zus nhux hloz lox sei, tsuv taz por puz nox txâuk jâuz thiêz krâur. Đrâuv co, tsuv chuv tôngv cxax yuôx phax têx zav moz thiêz uô vêv xênhz guôx tu zus cov hur si, cheix ntux sor mak lax khiêv, cheix ntux no mak sor si.

Nhạc cắt

Tâu pâuz, đrâuv tu zus nhux, zơưv Por chuôz zis tsênhv zus buô đuz thiêz têx zav keiz ok li keiz đuz greis, ok, zax zuôv....chos cxaz 2,5 hecta poz cưk chiê muôz siêz phênhv sâu trâu chuôz zis.

          Thâuv tâu nus lok phênhv sâu, zơưv Por puz pâuz, chuôz zis khênhr zus nhux đas tâu 3-4 luz hlik txơưv muôs, iz jiês muôs cxôngx 4-5 tul đros grê muôs fênhx pheiz 30-35 tsov đeiv iz tul. Muôx têx tul hênhr nhux lox, muôs tâu 40 tsov đeiv ntâu. Tas nro phênhv sâu cxôngx muôs nhux iz shôngk tâu muôx nhos 600-650 tsov đeiv, tsi xav têx nhiêx txiêx tưz yưv zơưv Por sâu liv tâu muôx nhos 350 tsov đeiv.

Nhạc cắt

Zơưv Hoàng Văn Chất, Chủ tịch UB xã Xín Cái, huyện Mèo Vạc, tỉnh Hà Giang puz pâuz: Chuôz zis zơưv Xiêr Por Xênhv Zax zos iz chuôz zis jông txơưx uô nox uô hâuk, cxuôv yeiz thiv pluôs, sir jos uô bluô nux cxôngx trâur nuv tu zus nhux đas lơưr saz hax huv đreik đros chos tâux nxư.

Nhạc cắt

Chox luk: Phênhv “Nôngx mênhx zuôr tsuv pâuz” hnuz no zos Đeix nta suôz VN thax tsav faz Bắc đros tsênhv qơư cxiz kôngz têz qơưk uô./.

(Tsu Vưx-Txâur Vax cxeik nhênhv)