Ntux yiêz nhoz tox siêz Co Mạ

Tix lâus Jôngr Nhiêx Xênhv Vax, nhoz jok Co Mạ shir phaz lul hêik txos zuk chuôz zis têx uô tâu hâur shông: Đhâu pêz shông chos thiêz tsoz phưz, txos nhiv no chuôz zis 3 ha txir tuôz ziz tưz piz txix txir thiêz sâu đê muôs tâu muôx 15 triêu đêiv. Đros co, chuôz zos chor nhux zus muôx 10 tuk cux tưz jông muôs thiêz shông no chuôz zis cux tưz muôs 2 tuk tâu xar muôx 60 triệu đêiv. đros têx phênhv sâu txơưr đuô txix kok ntông, poz cưk blêx đros kêiz ol cux tưz paz trâu chuôz zis muôx tâu phênhv sâu 100 triệu đêiv ntâu. Viv li shông no chuôz zis zuôr nox tsiêz lox đuô cxiê shông:

Cux xưk li tix lâus Jôngr Nhiêx Xênhv Vax, niêv tix Mai Xênhv Zax ziv chuôz zis, nhoz jok Pha Khoang, xar Co Mạ cux lok six shir phaz viv shông no niêv tix chuôz zis cux tâu sâu tâu muôx 20 triệu đêiv ntâu txix muôs txir lưk kâuz hmaz. Đrâuv huôv tsar chos txir lưk kâuz hmoz, niêv tix chuôz zis tsênhv chos nzir poz cưk txuôv muôx 20 cir nôngz, sâu tâu lok muôx 10 tấn ntâu poz cưk thiêz muôs tâu xar muôx 40 triệu đêiv. Đros tu zus nzir tsiêx cxu muôs, shông no niêv tix chuôz zis cux sâu tâu xar muôx 100 triệu đêiv. Shir phaz đuô zos shông no niêv tâu hlôngr njêx muôs pox niêv txơưx uô kinh têr xar muk Dự Đại hôiv têiv plor cxuô mênhx cxưx tsơưs nênhs huyện thiêz tỉnh. Niêv tix Mai Xênhv Zax hêik:

Xar Co Mạ kuôk tsênhv qơư huyện Thuận Châu 43 cêik cêr. Xar muôx 20 jêx jok, 1.300 ntâu ziv chuôz zis, 7.000 ntâu lênhx nênhs zos 3 mênhx cxưx Hmôngz, Thái, Khơ Mú sik đros uô nênhx nhoz, hâur co mênhx cxưx Hmôngz muôx 81% dân số. Khov muôx Đảng, têz qơưk, chính quyền tiv phaz li têx paz, đros pox nhuôs li sir jos, chor chuôz zis nhoz ntơưv no tưz muôz têx zav zuz nôngz yiêz lok chos thiêz tu zus li: Txir đuôx, txir khơưz, txir tuôz ziz, tu zus nhux đas…Khov co pox nhuôs luz nênhx ziv hnuz zv tâu gra siêz đuô, chuôz zis pluôs thiêz zuôr xar pluôs tâu txo grêk tsơưs đuô pir li ntu đrav ntêx.

Piz hla trâu shông yiêz no, đros tsưr ziv tsik chiê lênhx nênhs tưs tsik muôx tsiêz nox, chính quyền tiv phaz tưz tso nênhs muk sêiz nus, khơưk muôz huv tsiêz trâu chor chuôz zis tâu sơưv cêr chêi, chuôz zis pluôs, nênhs lâul tsik muôx qơư khov vav. Xar cux tưz muôx tsưr ziv tsưr tsix ntuôr uô lov jêv chêix ntux yiêz trâu pox nhuôs sơưr đơưk hâur xar li: Uô vênhx huôv vênhx nghệ, ntâuk tux luz, sik truz hluô, bos krỏ rmuôs cxov ol, ntâuk poz, lêiv poz, sik tưr tuôr nduôr….Tưz tsik zos pox nhuôs nhoz hâur xar xưz mak têx xar iz ndis hâur tỉnh thiêz têx tỉnh txơưr li Điện Biên; Yên Bái; Lào Cai cux tuôx đros pox nhuôs côngv cêr lov jêv hur si. Zơưv Yênhx Xênhv Vix, Chủ tịch xar Co Mạ, huyện Thuận Châu, tỉnh Sơn La puz pâuz:“Shông no Đảng ủy, Ủy ban cux tưz thôngx ziv tsưr tsix uô vênhx huôv, vênhx nghệ hơưv Đảng, shông yiêz trâu pox nhuôs sâuv thax tsav xar Co Mạ. No cux zos jiês chiê pox nhuôs cxuô mênhx cxưx nhoz cxuô xar sâuv thax tsav huyện tuôx uô vênhx nghệ trâu tsôngv pox nhuôs sơưr đơưk sêiz thiêz cux zos jiês chiê tuôr chiê têx vênhx huôv mênhx cxưx jông”.

Iz chêix ntux yiêz tưz tror lok txos thax tsav tox siêz Co Mạ. Nhoz ntơưv o, pox nhuôs sơưr đơưk tsênhv sik đros côngv siêz cxiv tsa jêx jok cov ziv hnuz ziv tsâu sor đuô./.

(Ly Chia-Lik Thox cxêik nhênhv)