Jax thưr 6, hnuz 30/10/2015
Lào Cai: Uô jông hâux lưv yax kriê chêi
tsar yêz muk lok tâus cêr trâu cxuô luz tsêr cơưv
Nhiv no, hâur thax tsav TP Lào Cai muôx hur si 25
cxênhz lênhx shux xênhz cxuô cấp cơưv, iz chas ntơư, chor nênhs cheix yêz muk
lok tâus cêr zos shux xênhz hâur TP Lào Cai tsi zos tsơưs. Hâur chor nênhs ntơư
muôx tsi tsơưs lênhx zos shux xênhz uô cxâuv têx chei zoz thôngz thâuv cheix
yêz muk lok tâus cêr. Chênhr viv li, txix ciês hâur shôngk shông cơưv yiêz,
Công an TP Lào Cai tưz đros têx tsêr cơưv hâur thax tsav tsưr tsix yax kriê lok
sâuv ngaz tuk zoz thôngz chiê gra siêz shux xênhz txux chi, tsưr ziv jênhv pâuz
thâuv tsênhv cơưv ntơưr hâur têx tsêr cơưv.
Txix têx jiês xênhz huôx đros ntâu jax tsưr ziv li:
Tsưr tsix thik lok sâuv chei ngaz tuk zoz thôngz, sik njiz sik thav đros têx
lênhx cảnh sát zoz thôngz, reik đros trâu têx chei ngaz tuk zoz thôngz li cui
tinhv, lưv lươngv cảnh sát zoz thôngz Công an TP Lào Cai tưz fuô kriê tsênhz
mênhx têx chei, cui tinhv ngaz tuk zoz thôngz txos trâu hur si têx shux xênhz,
paz chor nhuôs shux xênhz pâuz tâu txos têx muôv liv thâuv cheix yêz ntông câuk
mov bảo hiểm; cui tinhv thâuv muk tơư hla đhâu cêr; yênhx tsưr ziv vênhx huôv
zoz thôngz sâuv têx cêr thiêz thâuv cheix yêz muk lok tâus cêr…. Vi Thị Dương,
shux xênhz lớp 9A, tsêr cơưv cấp 2 Tả Phời, TP Lào Cai, tỉnh lào Cai heik:
Băng: “ Thôngz đhâu têx jiês yax kriê no, cur tưz pâz
nzir têx chei, cui tinhv thâuv cheix yêz muk lok tâus cêr thiêz cur cux zuôr
ndo njôngr uô lơưr têx chei, cui tinhv lok truôx tuk zoz thôngz thâuv cheix yêz
muk lok tâus cêr”.
Luôs hâux lưv yax mông, fuô kriê têx chei truôx tuk
zoz thôngz tsi tiêk tâu chor cảnh sát zoz thôngz Công an TP Lào Cai moz siêz
fuô uô ntơưv têx tsêr cơưv tsênhv qơư, mak tsênhv tâu uô txos trâu hur si cxuô
tsêr cơưv hâur thax tsav tox siêz đêz đrôngs, thax tsav txov nhêv hâur TP.
Thôngz đhâu têx lênhx shux xênhz, luôs hâux lưv uô no tsênhv tâu kriê txos trâu
têx lênhx cưk kriê ntơưr, chor uô niêv uô txir, zos têx lênhx zuôr trâus gra
siêz txux chi, tsưr ziv jênhv pâuz thâuv cheix yêz muk lok tâus cêr chiê têx
shux xênhz, zuk mê nhuôv cơưv shâuv, uô trơưk. Trung tá Vũ Thị Hải Yến, phưv
Tsar công an TP Lào Cai heik pâuz:
Băng: “ Pêz chor
Công an TP tsênhv sir jos fuô uô trâu têx tsêr cơưv, lar heik zos thax tsav tox
siêz đêz đrôngs, thax tsav tsôngv box heir nênhs tsơưs. Tsưr ziv zos fuô kriê
lok sâuv truôx tuk zoz thôngz. Lar heik, kriê vênhx huôv zoz thôngz txos trâu
cxuô tsêr cơưv, shux xênhz têx lênhx niêv txir zuôr zos têx lênhx buôk ti đros
yax kriê lok têz qơưs têx chei, cui
tinhv cheix yêz muk lok tâus cêr”.
Luôs hâux lưv sik paz tsưr tsix fuô kriê têz qơưs têx
chei cheix yêz muk lok tâus cêr nhoz lưv lươngv cảnh sát công an TP Lào Cai
thiêz têx tsêr cơưv hâur thax tsav tưz paz gra siêz sơưr đơưk txux chi, tsưr
ziv jênhv pâuz lok truôx tuk zoz thôngz trâu canr bôv, cưk kriê ntơưr, shux
xênhz têx lênhx niêv txir thiêz chor nhuôs shux xênhz, cux li txo grêk tsơưs
têx tsi jông uô yêz siz yar siz đrâus tâus cêr thâuv cheix yêz muk lok./.
(An
Kiên-Riê Lâux cxeik, nhênhv)
Phênhv “Chêi
têz qơưs” hnuz 30/10/2015:
Nus muôz
nhiêx trâu chor ziv chuôz zis zuôr pluôs kir txêik
1, Nus: Têz qơưs uô trơưk tsênhv chêi muôz nhiêx trâu
chor ziv chuôz zis zuôr pluôs kir txêik zos li chas?
Têz: Grê 1, quyết tênhv số 15/2013/QĐ-TTg quy tênhv:
tsêr nhiêx xã hội tsuv tâu muôz nhiêx trâu chor ziv chuôz zis zuôr pluôs kir
txêik chiê huôv tsar uô kôngz lôngk, zuôr muôs hax huv, paz phênhv txo grêk
yêiz pluôs truôx đrênhk.
2, Nus: Li chas oz ziv chuôz zis zuôr pluôs:
Têz: Grê 1, quyết tênhv số 09/2011/QĐ-TTg hnuz
30/1/2011 ntơưv thủ tướng Chính phủ quy tênhv lok ziv chuôz zis pluôs, ziv
chuôz zis zuôr pluôs, uô hâur ntu 2011-2015.
-Ziv chuôz zis zuôr pluôs nhoz thax tsav tox siêz, iz
lênhx sâu tâu txix 401 cxênhz txos 520 cxênhz đêiv nhiêx hâur iz luz hli.
-ziv chuôz zis zuôr pluôs nhoz đrôngl thành phố, iz
lênhx sâu tâu 501 cxênhz txos 650 cxênhz đêiv nhiêx hâur iz luz hli.
3, Nus: Muôz nhiêx trâu chor ziv chuôz zis zuôr pluôs,
tâu quy tênhv li chas?
Têz: Trơưk li quy tênhv ntơưv grê 2, quyết tênhv số
15/2013/QĐ-TTg, muôz nhiêx trâu chor ziv chuôz zis zuôr pluôs kir txêik, cux
zos tsêr nhiêx xã hội sik đros ziv chuôz zis ntơư saz lax cov thôngz uô hâur
xuô ntu.
4, Nus: Kir txêik zuôr nhiêx nju thiêz hnuz nhôngl kir
txêik trâu ziv chuôz zis zuôr pluôs tâu quy tênhv li chas?
Têz: Trơưk li grê 3, grê 4 quy tênhv số
15/2013/QĐ-TTg, muôz nhiêx trâu ziv chuôz zis zuôr pluôs kir txêik zuôr nhiêx
nju tâu quy tênhv li đrav kaz:
-Nhiêx nju kir txêik bâuv li 130%, muôz trâu chor ziv
chuôz zis zuôr pluôs kir txêik hâur cxuô ntu.
-Nhiêx nju kir txêik tsik thêv, đhâu hnuz nhôngl bâuv
li 130% muôz nhiêx kir txêik.
-Hnuz nhôngl kir txêik ntêr lok zos lur, cux zâuk ziv
chuôz zis ntơư đros tsêr nhiêx xã hội sik saz lax uô cov huv đros./.
(Tsu cxêik-nhênhv-Thanh thuỷ)
Viết bình luận