Jax sâu thưr 4.30.11.2016:

CÊR FÔNGX ZƯS JÔNG SƠN LA- BẮC LAOX

          Tsêr cơưv đại học Tây bắc nhiv no muôx 460 lênhx shux xênhz zos hêir nênhs Laox tsênhv cơưv têx chuyên ngênhx thiêz luk Việt Nam. Tsêr cơưv thâuv tưs cux tsov cưv txos cxuô lênhx shux xênhz Laox lok hâux lưv cơưv ntơưr, muôz siêz pênhr xưv heik lul Việt Nam. Đros trâu luôs hâux lưv xêir tsov têx cưk kriê muôx tsưr ziv txux chi siêz chiê kriê ntơưr trâu têx shux xênhz no; đros ntơư, tsêr cơưv tsênhv yax six tsưr tsix têx huôx tôngv vênhx huôv, vênhx ziv, tưr thik nriêr pâuz lok lul Việt Nam trâu têx lênhx shux xênhz nênhs Laox. Khov co, têx shux xênhz Laox tưz tso siêz cơưv ntơưr, xênhz huôx đros shux xênhz Việt Nam. Cưk kriê Lê Thị Hà, khoa Ngữ Văn, tsêr cơưv đại học Tây Bắc puz pâuz:

          “Têx cưk kriê tưz chuv tôngv sik thav đros têx shux xênhz chiê sik pheiz kênh luz nênhx chênhz yênhx đhâu co paz têx shux xênhz txơưx sâu, txơưx nhênhv ntơưr jông đuô. Thôngx cxix pêz têx shux xênhz sik côngv đros têx shux xênhz Việt Nam hâur lớp, hâur khoa xênhz huôx thiêz cơưv ntơưr”.

          Têx shux xênhz hêir nênhs Laox tâu tso nhoz hâur tsêr cơưv li têx tsêr tsês trâu shux xênhz, tsi tsuv thêv nhiêx phí lok qơư nhoz thiêz tâu sơưv ntâu tsênhv chêi txơưr. Thâuv tưs txos trâu tsiêz Việt Nam- Laox, tsêr cơưv cux tsưr tsix chiê shuv xênhz Laox-VN sik côngv nthuôr uô cêr lov jêv. Shux xênhz 2 têz qơưk Việt Nam-Laox sik đros nhoz uô nênhx thiêz cơưv ntơưr li cưr tix niêv txir xênhz zus hâur iz chuôz zis. Shux xênhz Phon Thíp Kẹo Mạ Ni Kon, lớp K54, đại học coar lik kinh doanh, tsêr cơưv đại học Tây Bắc puz pâuz:

          “Tâu cơưv hâur tsêr cơưv đại học Tây Bắc cur njiz lok six ntâu phêv liv thâuv heik lul Việt, têx lul heik hâur chuyên nganhx. Taz sik tâu têx cưk kriê thiêz fôngx zưs Việt Nam paz max cur tưz truôx siêz đuô hâur cơưv ntơưr”.

          Tsêr cơưv cao đẳng Sơn La tưz kriê ntơưr trâu cxuô lênhx shux xênhz hêir nênhs Laox tâu 15 shông lol no. Txos nhiv no tsêr cơưv tưz tok jênhv thiêz kriê lul Việt Nam trâu 1000 lênhx shux xênhz nhoz 8 tỉnh Bắc Lào; hâur co zuôr xar 500 lênhx shux xênhz cơưv chuyên ngênhx ntơưv tsêr cơưv. Tsêr cơưv tưz yênhx lix chi hội huôv tsar cêr fôngx zưs jông Việt Nam- Laox txix shông 2013, cxôngx co txos nhiv no têx shux xênhz hêir nênhs Laox tuôx cơuv ntơưr ntơưv tỉnh Sơn La ziv hnuz ziv chôngz. Zơưv Nguyễn Văn Minh, Hiệu phó tsêr cơưv cao đẳng Sơn La puz pâuz:

          “Tsêr cơưv uô cxix cxuô têx tsênhv chei zos tỉnh cui tênhv, taz por trâu têx shux xênhz lok luz nênhx chênhz yênhx, qơư nox nhoz hâur six hơưv nhoz thiêz cơưv ntơưr ntơưv tsêr cơưv. Thâuv tưs cux muôz têx theox chênhv jông tiv zix chiê têx shux xênhz cơưv têx yênhx tưv chuyên nganhx jông đuô”.

          Cxôngx shông 2001 txos nhiv no, tưz muôx 1000 ntâu lênhx cán bộ, shux xênhz têx tỉnh Bắc Laox cơưv têx khoa chuyên ngênhx, nhoz têx tsêr cơưv chính trị tỉnh Sơn La, tsêr cơưv đại học Tây Bắc, Cao đẳng y tế, cao đẳng Sơn La, Trung cấp vênhx huôv nghệ thuật ntơưv tỉnh Sơn La. No zos 8 tỉnh Bắc Laox li têx cán bộ zuôr paz phênhv trâu hâux lưv cxiv tsa têz qơưk Laox ziv hnuz ziv huôv tsar, truôx tuk.

          Luôs hâux lưv kriê cơưv txux chi trâu cxuô lênhx nênhs hâur tỉnh Sơn La thiêz têx tỉnh Bắc Laox zos iz luôs hâux lưv jông, txuôk đros Việt Nam- Laox tiêv tiêv truôx tul./.

                                     (Hồng Việt- Txâur Vax cxeik nhênhv)

Phênhv thưr 4, hnuz 30/11/2016:

Nus thiêz têz lok moz tuôs têk tuôs tơư thiêz yuôx vắc xin tir thêir moz tuôs têk tuôs tơư

     1, Moz tuôs têk tuôs tơư zos li chas?

     -Moz tuôs têk tuôs tơư zos zav caz moz polio uô muôx yưv; đhâu caz moz gas muk trâu hâur lênhx nênhs ntơư têx lênhs nyar, zuôr uô moz trâu tus nênhs co tuôs têk tuôs tơư lok sik tuôs iz chê.

     2, Caz moz tuôs têk tuôs tơư cik txix li chas?

    -Caz moz tuôs têk tuôs tơư cik txix iz lênhx trâu iz lênhx, đhâu nox jâuz mor.

     -Zav caz moz ntơư zôngx ziv siz cik; lar hêik zos têx mê nhuôv zâu nhoz uô cê hâur ziv chuôz zis lok sik nhoz đros chor nênhs muôx caz moz hâur chêr.

     3, Tsuv uô li chas thiêx tir thêir tâu caz moz tuôs têk tuôs tơư?

     -Ntơư zos tsuv hâuk lok sik cxax yuôx vắc xin tir thêir caz moz tuôs têk tuôs tơư.

    4, Tiv li chas ho hâuk yuôx tir thêir caz moz tuôs têk tuôs tơư?

     -Ntơưv VN, tưz tir thêir tâu txix hâur shông 2000; taz sik, zav caz moz ntơư cux tsênhv muôx yưv trâu ntơưv  iz cxiê têz qơưs sâuv ntiêx têz; chênhr zos li hêik ntơư, luôs hâux lưv hâuk yuôx thiêz cxax yuôx tir thêir caz moz tuôs têk tuôs tơư zos iz luôs hâux lưv zov chênhr tsuv uô cov tâu truôx.

    6, Muôx zav yuôx vắc xin tưs tir thêir tâu caz moz tuôs têk tuôs tơư?

     -Muôx 2 zav yuôx vắc xin tir thêir tâu caz moz tuôs têk tuôs tơư.

Zav yuôx vắc xin hâuk OPV, uô txo grêk tsơưs caz moz tuôs têk tuôs tơư hâur lênhx nênhs luz chêr.

    -Yuôx vắc xin IPV, uô trâu lênhx nênhs luz chêr tir thêir tâu caz moz tuôs têk tuôs tơư.

     7,  Nhuôv zâu tsênhv taz tov hâuk yuôx vắc xin tOPV ho hlôngr hâuk yuôx vắc xin bOPV pok uô ruôr hiêv li chas?

     Oz zav yuôx vắc xin OPV puôr lênhx tsik muôx yưv li chas? Zav yuôx vắc xin bOPV cux iz zav li yuôx vắc xin tOPV.

Hnuz nhôngs cxax yuôx vắc xin bOPVcux iz zav li cxax yuôx vắc xin tOPV.

      -Cxax jiês 1 thâuv mê nhuôv muôx oz luz hli

      -Cxax jiês 2 thauav mê nhuôv muôx 3 luz hli

      -Cxax jiês 3 thâuv mê nhuôv muôx 4 luz hli.

Chênhr zos li hêik ntơư, zos mê tsênhv taz tov hâuk yuôx vắc xin tOPV ho hâuk nzir yuôx vắc xin bOPV cux tâu.

     Trơưk li tsưr tsix y tế ntiêx têz, hur si cxuô luz têz qơưs sir zôngv yuôx vắc xin tOPV, tâu hlôngr sir zôngv zav yuôx vắc xin bOPV txix hli 5 shông 2016 thiêz xav txos trâu nhiv no, hur cxuô luz têz qơưs cux uô trơưk; hâur ntơư muôx VN./.

                 (Tsu cxêik nhênhv-Hồng Việt, TTTB)