Cxiv tsa qơư kuô nza, qơư hlơưr nênhs tuôs nhoz TP Sơn La: Muôx ntâu ziv chênhv sik txơưr

Tsôngv fôngx zưs sơưr đơưk hmor yuô! Txix tsênhv tsênhz txix đhâu zuôr xar 20 shông kriz uô, qơư kuô nza pêx xênhv thành phố Sơn La, tỉnh Sơn La ntơưv tổ 2, phường Quyết Tâm zuôr pur têx nza hâur 1-2 shông zuôr txos, ntu đhâu, tỉnh Sơn la tưz kriz uô têx tsưr ziv njuôk shuôk, xêir tsov chiê cxiv uô yiêz qơư kuô nza pêx xênhv TP Sơn La. Taz sik, hâur kriz uô cxiv tsa qơư kuô nza, qơư hlơưr nênhs tuôs ntơưv thax tsav Phiêng Khá, jok Buổn tsênhv trâus sơưr đơưk hêik chuôs tsi liz uz li no, tiv zix zos cán bộ, cưk kriê ntơưr tsêr cơưv Đại học Tây Bắc, viv kror qơư no nhoz jê ciês ntơưv tsêr cơưv ntơưr, uô muôx yưv phiv liv tsik jông trâu kriê thiêz cơưv ntơưr. Zâuv sơưr đơưk đros mnôngs jax sâu đrav kaz chiê pâuz tsênhz đuô.

Dự án qơư kuô nza thành phố Sơn La ntơưv thax tsav Phiêng Khá, jok Buổn, phường Chiềng Cơi, TP Sơn La đar xar muôx 40ha, faz bắc buôs ti trôngz pox jêz; faz nam buôs ti pêx xênhv jok Buổn, phường Chiềng Cơi li đêx ar uô xênhz yar; faz Đông buôs ti qơư por tsês têx vuôz tsuôz jok Khoang (nhiv no tưz tso tsês); faz tây buôs ti trôngz poz jêz thiêz ar quân sự Tiểu đoàn I thiêz kho K4 (Bôc chỉ huy quân sự tỉnh Sơn La). Lơưr lênhx tov Sở cxiv tsa tỉnh Sơn La, kror qơư no lok six đrêiv viv muôx têx trôngz thêir iz ndis, taz por thêir njiê tsik pov thiêz “nhoz jê thax tsav đô thị”. Sir zôngv lơưr ploz tsêr cxiv tsa Việt Nam-Bôv cxiv tsa li ploz tsênhr cxiv tsa mak kror qơư no tax tâu cxix cxuô têx zoz qơưx chiê cxiv uô qơư kuô nza. Zơưv Phan Minh Châu, Phưv giám đốc Sở cxiv tsa tỉnh Sơn La hêik:

“Ar nhoz Sơn la mak phênhv ntâu zos ar tox trôngz, cưx đêx cưx ha, thax tsav cêv kuôk. Pêz tưz muk zok nriêr sêiz shuôk qơư kuô nz lok six phiv liv. Nhoz Mai Sơn pêz xav jênhv tâu pêz kror qơư, taz sik tsik tâu; nhoz Thuận Châu 2 kror qơư, nhoz Chiềng Ngần, thành phố Sơn La 2 kror qơư cux puôr lênhx tax tsik tâu qơư kuô nza li têx zoz qơưx. Nhiv no mak lênhx tưs cux tsik xar uô nênhx nhoz jê qơư kuô nza, trâu têx vuôz tsuôz, mak qơư kuô nza, trâu têx vuôz tsuôz zuôr tso trâu kror tưs?”.

Zơưv Đinh Quang Hưng, Phưv giám đốc Công ty cổ phần yưv pênhr Phúc Lạc Viên-taz viv tâu choz nhênhz chơưv uô cêv kuôk zos qơư kuô nza thành phố Sơn La puz pâuz: Qơư kuô nza thành phố Sơ La tâu cêv kuôk zos qơư kuô nza công viên chiê txi côngv. Tsuv hur si, jông gâux, tsiv gri iz ndis chiv xênhz thiêz zoz zux siêz. Tsưr ziv uô no muôx xuz thơưx ciês nhoz têz qơưk Mỹ. Ntơưv Việt Nam, tưz muôx ntâu tiv phaz cxiv tsa thiêz sir zôngv tsưr ziv uô no li Phú Thọ, Bình Dương, Thanh Hóa, Hà Tĩnh, Hòa Bình…Công nghệ ntơưv qơư hlơưr nênhs tuôs tâu hêik sir zôngv Thụy Điển-zos iz hâur chor têz qơưk huôv tsar, muôx cxiv luôs tsưr ziv lok tênhv qơư siêz tiv zix ntiêx têz li công nghệ ta-bô. Viv li, pêx xênhv tsik cxoz cxơưx txos đror nxê ntưk, têx pa tsik hur thiêz têx phiv liv txơưr đuô thâuv muôz kror qơư hlơưr co lok huôx tôngv.

Lok saz tsêr cơưv Đại học Tây Bắc, thâuv thav txos tsưr ziv cxiv uô qơư kuô nza-qơư hlơưr nênhs tuôs ntơưv Phiêng Khá, jok Buổn, phường Quyết Tâm, TP Sơn La, phênhv ntâu chor cán bộ, cưk kriê puôr lênhx thôngx ziv đros hâux lưv cêv kuôk, cxiv uô qơư kuô nza yiêz. Taz sik, hâux lưv xêir tsov qơư chiê cxiv uô tsuv tâu njuôk xav cov jông, cov uô chak lok tax tâu têx kror lok tênhv qơư, thax tsav thiêz sơưr đơưk siêz xar…Cxiv uô qơư kuô nza-qơư hlơưr nênhs tuôs nhoz ciês iz saz tsêr cơưv Đại học Tây Bắc zuôs uô phiv liv txos tsêr cơưv ntơưr lơưr cêv kuôk tưz tâu UBND tỉnh Sơn la cir tso tơưv tơưv Quyết định số 2145, shông 2004; uô trâu cán bộ, cưk kriê ntơưr, shux xênhz cxơưx hlo txos tsik hur tênhv qơư. Thâuv chor shux xênhz ziv hnuz ziv muôx tsơưs, mak hâux lưv cxiv uô qơư kuô nza muôx đros qơư hlơưr nênhs tuôs zuôr uô phiv liv txos tsêr cơưv li hâux lưv xêir zuôr shux xênhz tuôx cơưv. Thiêz tiv zix, tsêr cơưv tsênhv uô jênhv vưv ntiêx têz, txêik tok thiêz kruôz kriê trâu yênhx puô lênhx shux xênhz têz qơưk Lào. Tiến sỹ Đoàn Đức Lân-Phưv Hiuệ trưởng tsêr cơưv Đại học Tây Bắc puz pâuz:

“Tênhv qơư lơưr tsưr ziv jông mak tsuv tâu ntâuk gri cxuô nro. Tưz tsik zos uô phiv liv txos tênhv qơư li đêx, ar, qiv hơưv lok kỹ thuật, mak tsênhv uô phiv liv txos siêz xar, xar hôiv, zoz zux, tênhv qơư…Sơưr đơưk nhiv kruôr hêik txos tsưr ziv njiê đêz, taz sik co nhiv kruôr zos iz phênhv xưz. Kror no zuôr muôx chor nênhs nhênhz chơưv lok thax tsav chiê ntâuk gri cov huv đros. Thiêz lơưr ploz tsênhr Việt Nam 2008 mak qơư kuô nza tsuv tâu cxiv uô trâu ntơưv kaz lơưr saz chuô yuôz tuôx muk đhâu. Zos cxiv uô trâu hâur qơư muôx chuô yuôz tuôx mak tsik tâu, viv tsêr cơưv Đại học Tây Bắc nhoz đrav kaz qơư muôx chuô yuôz tuôx muk đhâu lơưv”.

Ntơưv hội nghị sik thav xor mông lok dự án qơư kuô nza thành phố Sơn La, zos Thành ủy Sơn La thiêz Đảng ủy tsêr cơưv Đại học Tây Bắc sik côngv sêiz shuôk, tsưr tsix ntơưv tsêr cơưv Đại học Tây Bắc nhiv kruôr no, hlôngr njês muôx nênhs sơưr thơưx chor phường Quyết Tâm, Chiềng Cơi thiêz xar Chiềng Ngần, TP Sơn La puz pâuz, tsư ziv cxiv uô qơư kuô nza thành phố tưz tâu chor xar, phường hêik txos trâu pêx xênhv pâuz thiêz tâu pêx xênhv thôngx ziv siêz. Taz sik, tsênhv tsênhz thâuv njiz phóng viên hnuz 27/11, mak chôngz lênhx pêx xênhv ho hêik txơưr. Pos Nguyễn Thị Bích Thủy, nhoz ntơưv tổ 2, phường Quyết Tâm, TP Sơn La hêik:

“Pêz tsik hnor hêik txos cxiv uô qơư kuô nza, qơư hlơưr nênhs tuôs ntơưv no hlo. Thâuv hnor mông li co mak pêz nriêr pâuz thiêz pov tâu têx phiv liv muôx yưv lok six ntâu, têx pa đuz ndiêz tiv hlơưr xaz, hlơưr têx pav, ntâuz, nênhs tuôs…zuôr uô phiv liv tsik hur txos pêx xênhv luz nênhx”.

Cux ntơưv hội nghị sik thav xor mông no, sơưr đơưk hêik tiêk, Tsêr cơưv Đại học tây Bắc nhoz jê ciês qơư cêv kuôk, ho tsik pâuz txos xor mông no thiêz tsik tâu nus txos têx ziv chênhv, hlôngr njêx muôs Sở cxiv tsa hêik tiêk, lơưr UBND thành phố Sơn La hêik pâuz, hnuz 15/11/2018, Sở tưz muôx ntơưr hu số 137, hu chor tos cik txos tuôx cơưv ntơưv Sở chiê thor ziv chênhv kho đuô, cxaz nzir qơư chiê cêv kuôk qơư kuô nza thành phố Sơn La trâu cêv kuôk tas nro cxiv  luôs qơư kuô nza sâuv thax stav tỉnh Sơn La ntu 2012-2020, njiê zđêz txos shông 2050, taz sik tsêr cơưv Đại học Tây Bắc tsik tso nênhs tuôx dự. Têz lok vênhv thix no, zơưv Nguyễn Triệu Sơn, Phưv Hiệu trưởng tsêr cơưv Đại học Tây Bắc puz pâuz, saz tsêr cơưv txêik tsik tâu ntơưr hu số 137, “Têx jâuv zos tiv ntơưv Bưu điện”, zơưv Sơn hêik.

Tâu pâuz, hâur 1-2 hnuz zuôr txos, Tsêr cơưv Đại học Tây Bắc zuôr tsưr tsix hội nghị cán bộ, cưk kriê ntơưr thiêz hlôngr njêx muôs shux xênhz tas nro tsêr cơưv ntơưr chiê hêik pâuz thiêz thor ziv chênhv lok tsưr ziv cxiv tsa qơư kuô nza thành phố Sơn La ntơưv thax tsav Phiêng Khá, jok Buổn. tas nro têx ziv chênhv zuôr tâu sâu jênhv chiê xa trâu lênhx tov thành phố Sơn La thiêz têx Sở, nganhx cik txos./.

(Thu Thùy-Lik Thox cxêik nhênhv)

PHÊNHV NRIÊR PÂUZ LOK CÊR CHEI (2 suôz)

Nus: Thor puz pâuz, Hội đồng cấp xã li luôs hâux lưv seiz shuôk, thôngz đhâu dự thảo nghị quyết thiêz UB cấp xã li dự thảo cuiz tênhv zos uô têx tul tsi?

          Têz:

          Tiv 1, lok luôk hâux lưv seiz shuôk, thôngz đhâu Hội đồng cấp xã li dự thảo Nghị quyết:

          Lơưr cui tênhv ntơưv Grê 143 Chei tso tơưv ntâu ntơưr quy phạm pháp luật shông 2015 mak Hội đồng cấp xã li Dự thảo nghị quyết tsuv tâu Hội đồng li Ban đros cấp seiz car uô ntêx thâuv muôz trâu Hội đồng px cấp xã. Kênhz tiv zix zos 03 hnuz uô ntêx hnuz krêz jiês khiêz phêv Hội đồng, UB  xa ntơưr, dự thảo nghị quyết thiêz têx ntâuz ntơưr muôx lênhx coaz txos têx teiv plor Hội đồng.

          Hâux lưv seiz shuôk, thôngz đhâu dự thảo nghị quyết ntơưv jiês khiêz phêv Hội đồng tâu uô lơưr tsưr ziv li no: Hlôngr njêx muôk UB heik lok dự thảo nghị quyết; hlôngr njêx muôs Hội đồng tâu pheiz côngz seiz car pov cov seiz car; Hội đồng sik seiz lax thiêz tsa tês thôngz đhâu dự thảo nghị quyết. Dự thảo nghị quyết tâu thôngz đhâu thâuv muôx chôngz đuô iz đraz chor teiv plor Hội đồng tsa tês thôngx ziv. Chủ tịch Hội đồng cir nghị quyết.

          Tiv 2, lok luôk hâux lưv seiz shuôk, thôngz đhâu UB cấp xã li dự thảo cuiz tênhv:

          Lơưr cui tênhv ntơưv Grê 145 Chei tso ntơưv ntâuz ntơưr quy phạm pháp luật shông 2015 mak tsưr tsix, lênhx nênhs tâu pheiz côngz cxiv sâu xa ntâuz ntơưr, dự thảo cuiz tênhv, ntơưr sâu zuôr ziv chênhv thiêz têx ntâuz ntơưr muôx lênhx coaz txos têx lênhx nênhs UB cấp xã kênhz tiv zix 03 hnuz uô ntêx hnuz UB tsưr tsix khiêz phêv.

          Hâux lưv seiz shuôk, thôngz đhâu dự thảo cuiz tênhv ntơưv jiês khiêz phêv UB cấp xã tâu uô lơưr tsưr ziv no: hlôngr njêx muôk tsưr tsix, lênhx nênhs tâu pheiz côngz cxiv sâu heik lok dự thảo cuiz tênhv; UB sik seiz lax thiêz tsa tês thôngz đhâu dự thảo cuiz tênhv. Dự thảo cuiz tênhv tâu thôngz đhâu thâuv muôx iz đraz ntâu tas nro têx lênhx nênhs hâur UB cấp xã tsa tês thôngx ziv. Chủ tịch UB cấp xã cir tso tơưv cuiz tênhv./.

( Tuyết Lan- Txâur Vax cxeik nhênhv)