Jax sâu hnuz 30/12/2015:

Công an Yên Bái hlôngr yiêz luôs hâux lưv uô ntơưr chứng minh thư

 

 

Chiê tsôngv px nhoz thax tsav tox siêz tỉnh Yên bái tsik muk lok ntâu jiês uô ntơưr chứng minh thư, cán bộ công an phôngx cảnh sát sêiz car  uô ntơưr chứng minh thư tỉnh Yên Bái, tưx uô hâux lưv nzir hnuz thưr 7 hâur yênhx ciêz thiêz cxaz nzir hnuz tok txêik px tuôx hlôngr uô đuô ntơưr chứng minh thư trâu ntơưv công an cxuô huyện, thị xã thiêz thành phố; đhâu ntơư tưz truz lur hnuz nhôngl, tsuôk zos 5 hnuz tưz uô tiêr ntơưr chứng minh thư muôz trâu px. Lar hêik zos ntơưv qơư công an tỉnh uô ntơưr chứng minh thư mak tuôx uô hnuz tưs, zênhx uô tâu tiêr hnuz ntơư muôz trâu px. Lý Thị Dê, xã chế Cu Nha, huyện Mù Cang Chải, tỉnh Yên Bái hêik:

Băng: “Cur vax tsêr nhoz đêz hênhr, muk lok tsuv zôngv ntơưr chứng minh thư; li ntơư, cur thiêx tuôx trâu công an tỉnh uô ntơưr chứng minh thư”.

Nhiv no, phôngx cảnh sát sêiz car chor nênhs fêv hâur xã hội, công an tỉnh Yên Bái, thâuv tưs cux muôx 5 kror qơư nhoz trâu cxuô huyện, chiê tok txêik px cxuô tsênhv qơư tuôx uô ntơưr chứng minh thư. Iz chas ntơư, đơn vị số 1, zos chor muk tsik so trâu cxuô thax tsav qơư, jêx jos, xã nhoz tox siêz đêz đrôngl, chiê uô ntơưr chứng minh thư trâu chor lâuk thiêz chor nênhs muôx cêr txov nhêv, tsik muôx nhiêx txiêx muk uô ntơưr chứng minh thư trâu hâur huyện. Zơưv Zax A Giao, nhoz xã bản Mù, huyện Trạm Tấu, tỉnh Yên Bái hêik pâuz nzir:

Băng: “Uô tâu ntơưr chứng minh thư, cur jông siêz hênhr; cur tưz xar muk uô thâuv nzor, taz sik, ziv chuôz zis muôx cêr txov nhêv, thiêx tsik tâu muk uô ntơưr chứng minh thư. Nhiv no, muôx chor txir nzơưv công an tuôx paz ntơưr chứng minh thư trâu pêz mak jông siêz cơưs”.

Chiê uô cov tâu tiêr luôs hâux lưv  zok muôz, phôngx cảnh sát sêiz car chor nênhs fêv hâur xã hội tưz choz zok ntơưr chứng minh thư txos trâu cxuô lênhx px, paz phênhv txo grêk tsơưs phiv liv muk lok trâu px. Trung ts Lê Tuấn Anh, phó trưởng phôngx cảnh sát sêiz car chor nênhs fêv hâur xã hội tỉnh Yên Bái hêik pâuz:

Băng: “Luôs hâux lưv hâur đơn vị tưz sik thav đros chor thơưx sêiz car chiê truz lur hnuz nhôngl uô ntơưr chứng minh thư trâu px. Đhâu ntơư, cxuô lênhx cán bộ công an tỉnh tưz gra siêz tsưr ziv uô tiêr cxuô luôs hauax lưv zok muôz thiêz tâu tsôngv px sđ jông siêz, njênhs njôngr uô trơưk. Hâur shông 2015, công an tỉnh Yên Bái tưz uô tiêr ntơưr chứng minh thư yiêz trâu,  60 cxênhz lênhx px. Đhâu ntơư, tưz yơưz pov 14 txuz uô cxauv chêi têz qơưs thiêz bluô tâu 30 triệu nhiêx nộp trâu têz qơưs”.

Iz chas hlôngr yiêz luôs hâux lưv uô ntơưr chứng minh thư, phôngx cảnh sát công an tỉnh Yên Bái, sêiz car chor nênhs fêv hâur xã hội, cux tsênhv yax kriê txux chi, tsưr ziv trâu cán bộ công an tỉnh, cov ziv hnuz ziv uô tâu truôx đuô cxuô luôs hâux lưv zok muôz, tsik chiê têx nênhs fêv uô ruôr hiêv txos tsôngv px jêx jos sđ luz nênhx, nox nhoz muk lok hauar yênhx hnuz./.

                                                                   (Tuấn+Xuân, Tây Bắc)

 

 

 

 

 

 

 

 

Phênhv “Đas jos” thưr 4 hnuz 30/12/2015

Chơưv kho khrâuk jix poz cxa chax đraz kâuv

 

 

Chiê cuêz tênhv tâu tsưr ziv chơưv kho khrâuk jix poz cxa chax đraz kâuv, chor nênhs kho moz tsuv njuôk shuôk tsênhz poz cxa chax đraz kâuv trâus jix khrâuk li chak. Đros têx kror zuk njiê pov tâu, bác sỹ zuôr cov nênhs moz cxêik X-quang. Khov trâu phim X-quang, lơưr zuôr xav jênhv tâu kror trâus jix co lox lok zâu. Khov lơưr kror trâus jix, khrâuk co mak bác sĩ zuôr hêik tsưr ziv kho li chak cov huv. Zos tiêk trâus khrâuk, jix lox thiêz huôv sêi, chor bác sĩ zuôr tsuv fêik kho.

Chor tsưr ziv phax tar khrâuk jix poz cxax chax đraz kâuv

Hlôngr yiêz tsar tov vêv xênhz tsêr cơưv tơưr. Trôngx tos jâuv, qơư cơưv ntơưr pov cêr li chak, shux xênhz li hnaz ntơưr gra, êr yênhx hnuz zos têx qir tiv uô trâu poz cxaz chax đraz kâuv trâus khrâuk jix.

Chiê taz por qơư jâuv cơưv ntơưr cov zos, tsêr cơưv, chuôz zis tsuv xêir zav trôngx tos jâuv cov huv trâu shux xênhz jâuv lơưr Bộ zoz zux thiêz thox cxov, Bộ Khoa học thiêz Công nghệ thiêz Bộ y tế li Thông tư liên tịch số 26/2011/TTLT-BGDĐT-BKHCN-BYT lok kruôz kriê ploz tsênhr trôngx tos jâuv trâu shux xênhz.

Qơư jâuv cơưv ntơưr ntơưv tsêr cơưv tsuv txâuk pov cêr xav tas nro kriz têx kror trôngx lok sik tơưl tênhz. Nhoz tsêr, đrâuv kror uô pov cêr cxuô, chuôz zis cux tsuv bax tênhz tơưl pov cêr ntơưv qơư mê nhuôs jâuv cơưv ntơưr chiê taz por muôx txâuk pov cêr jông đuô.

Shux xênhz cux tsik tsuv êr têx hnaz ntơưr hnhar hênhr, hnaz ntơưr tsik hnhar bâuv 15% luz chêr. Hnaz ntơưr tsuv muôx oz txox hluô, thâuv êr mak tsuv êr tas nro oz saz xuz pưs chiê tsik hnhar trâu iz saz.

Cơưv ntơưr thiêz xênhz huôx tsuv huv đros

Tsêr cơưv ntơưr thiêz chuôz zis tsuv sik đros paz trâu shux xênhz cơưv ntơưr thiêz xênhz huôx huv đros.

Taz por tsơưr pưr shưz huv đros, muôx ntâu zav tsơưr pưr nhoz yênhx pluôs nox tiv zix zos chor pluôs nox chênhr. Tiv zix tsuv tsov cưv txos chor zav nox muôx ntâu can xi thiêz vitamin D, No zos têx zav paz trâu poz cxa hâur ntu huôv tsar.

Taz por six hơưv pư tsâus jos lơưr yênhx fâuv hnuz nhôngs.

Njuôk shuôk cov pâuz pov tâu poz cxa chax đraz kâuv trâus khrâuk, jix tsik so

Njuôk shuôk tsik so zuôr paz trâu pov nzor trâus khrâuk jix poz cxa chax đraz kâuv chiê muôx tâu tsưr ziv phax tar ndar six hơưv. Đuô li, hâux lưv njuôk shuôk tsik so tsênhv paz trâu tsêr cơưv tơưr, chuôz zis thiêz shux xênhz tsov cưv txos đas jos, sir jos cxaz chuôz phax tar trâus moz khrâuk jix poz cxa chax đraz kâuv hâur tsêr cơưv ntơưr./.

                                          (Thanh Thủy-Lik Thox cxêik nhênhv)