Tsôngv box Lao Khô ( Sơn La) shir phaz tos tênhv tênhz tâu tik tuôx txos jêx jos

          Uô côngz tsinhx “Tơưk tênhv tênhz pov cêr sâuv jêx jos” ntơưv jos Lao Khô, xã Phiêng Khoài, huyện Yên Châu, Đoàn hluôk nênhs Tổng công ty tênhv jos faz Bắc thiêz Công ty tênhv jos Sơn La cxok zuôr xar 30 tul ndêx tênhv, 50 ntâu luz kê tênhv Led, Bulb hâur 30W; 2 cxênhz yiv xor tênhv lox đros ntâu chuôz zênhx txơưr, tas nro tsiv grê 150 cxênhz tsov đeiv. Côngz tsinhx tưz tơưk pov cêr tas nro cêr nôngx cxênhz jos Lao Khô, xã Phiêng Khoài. No zos iz hâux lưv muôx ziz njiêz paz 120 ntâu ziv chuôz zis nhoz no tos iz shông yiêz sor si đuô.Tix lâuk Tráng Lao Khai, tsar jos Lao Khô 1 shir phaz heik:“Pox nhuôs pov muôx tsaz yênhx “tơưk tênhv tênhz pov cêr sâuv jêx jos” mak lok six jông siêz. Shông no, pox nhuôs nhoz jos Lao Khô zuôr muôx tâu iz luz tsiêz lov jêv, sor si đuô, mul seiz cưr tix nênhx tsa cux zôngx ziv đuô. Muôx tênhv tênhz cux zuôr paz txiv ngaz jêx jos ngaz tul đuô”.

          Cxôngx shông 2015, hli 12 niêx shông tâu Tập đoàn tênhv jos Việt Nam xeir zos luz hlik uô tsâus txos tsôngv kruô sir zôngv, đros ntâu huôx tôngv ndar txos côngv thôngx thiêz nox nhoz xã hội krêz uô sâuv têx tiv phaz hâur tas nro têz qơưk li: Đhok cxix luôk tênhv tênhz, chaz tênhv tênhz mul txos têx jêx jos; kho đuô, hlôngr yiêz cêr tênhv, công tơ, kê tênhv trâus liêv nhoz têx ziv chuôz zis hâur tsaz yênhx jông siêz. Cux đros co zos yênhx cxênhz taz viv nyar zos cán bộ công nhân viên Nganhx tênhv tênhz tso thiêz khơưk muôz trâu tsaz yênhx “Ciêz EVN tso nyar jông siêz” thiêz lok six ntau huôx tôngv tưz gôngr phênhv cxiv tsa luz nênhx tsâu sor, jông đuô ntơưv têx jêx jos tox siêz, thax tsav txov nhêv sâuv tas nro têz qơưk. Zơưv Lê Quang Thái, Phưv tổng giám đốc Tổng công ty tênhv jos faz Bắc puz pâuz:“Tsaz yênhx “tơưk tênhv tênhz pov cêr sâuv jêx jos” têx shông zuôr txos pêz cux tror xeir têx jêx jos đros thiêz phênhv yưv pênhr huv đros chiê tror paz txưv pox nhuôs têx jêx jos txov nhêv nhoz tox siêz, cov lơưr muôx luz nênhx xênhz huôx jông đuô”.

          Nhoz hâur “ jông siêz”, Tổng công ty tênhv jos faz Bắc, Công y tênhv jos SƠn La tưz khơưk muôz zuôr xar 50 phênhv huv trâu têx ziv chuôz zis tâu sơưv cêr chei, ziv chuôz zis pluôs nhoz jos Lao Khô, xã PHiêng Khoài, huyện Yên Châu./.