Thủ tướng chox kriê txưr txiêr chor txir đuôx kuk: Tsuv pâuz li chak cov zos?

Thủ tướng Chính phủ Nguyễn Xuân Phúc chox kriê lok txưr tsik khênhr txiêr chor txir đuôx kuk thiêz cxuô zav ntông txơưr đuô hâur têx trôngz jôngr ntông Tây Bắc chox lok muos trâu ciêz đrôngl-Hà Nội hâur luz tsiêz, zơưv Tô Mạnh Tiến, Phưv Giám đốc Sở Kôngz nuv thiêz huôv tsar jêx jok tox siêz tỉnh Lào Cai, hlôngr njêx muôs Sở Kôngz nuv thiêz Huôv tsar jêx jok tox siêz tỉnh Lào Cai-zos iz luz tỉnh nhoz thax tsav Tây Bắc đros ntâu qơư muôx txir đuôx li Sa Pa, Y Tý tưz hêik tsênhv mênhx đuô lok tsênhv njiêz no:

“Lào Cai tsik muôx txir đuôx kuk, nhiv no tas nro puôr lênhx zos chor txir đuôx tâu pox nhuôs sơưr đơưk chos hâur têx shông đhâu thiêz tưz cxơưz cxiz hêik cov chos nzir têx zav ntông chiê paz muôx nzir phênhv sâu. Viv li pox nhuôs cux zuôr txiêr tâu chês chor txir đuôx zuk chos co chiê chox muk muôs. Pox nhuôs cux pâuz tâu tiêk tsuv txiêr li chak chiê shông tov kaz lok sik chor shông lơưr co cux muôx chês chiê txiêr muôs paz muôx tâu phênhv sâu, tsik khơưz tas nro tsoz txir đuôx chox muk muôs”.

Lơưr zơưv Tiến, cxuô lênhx nênhs xar tiêk txir đuôx chos zos chor txir đuôx kuz tiv têx hâur pâuk cux tuôx nxuôz viv thax tsav no txiêk, uô trâu chor nxuôz co tuôx trâu têx hâur pâuk txir đuô zik ntâu thiêz tuôz đuô xưz. Fênhx six mak ntơưv Lào Cai, pêx xênhv chos txir đuô txix nôngz txir, txir đuôx thâuv tuôx mak hâur pâuk thiêz têx chas zuôr khor đuô, chos tâu muôx 4 shông tror sâur mak thiêx jông sâu, zuôr txiêr tâu chês chiê muôs. Zơưv Tô Mạnh Tiến hêik:

“Txir đuôx nhiv no phênhv ntâu zos chos sâuv têx ar kôngz nuv, hâur têx vax têz, hok pêv har jôngr mak chuôs li tsik pov muôx. Cux hêik pêx xênhv chos txir đuôx trâu pêv har jôngr taz sik pêx xênhv cux tsênhv chos tsik tâu tâu viv muk lok đêz thiêz phiv liv, txiêr tâu iz chês txir đuôx chox lok cux lax viv cêr muk lok đaz tuôs, tsuv uô jông muôz par mak thiêx cưr lok tâu, zos tsik li mak zuôr lor chês tas thiêz muôs tsik tâu lơưv”.

Cux lơưr zơưv Tiến, nhoz Lào Cai hâur têx har jôngr mak tsik muôx chor txir đuôx nưk tuôx nưk, taz sik cux muôx ntâu zav ntông zuôr zôngv tâu uô cov vax tsêr jông jav li vân sam, đỗ quyên, txir khơưz kuk…chor ntông no cux tơưs pax liêz, muôx trêr, muôx njil jông li pax Anh Đào (Nhật Bản) zuôr trâus txiêr thiêz tu nôngz, viv li nganhx kôngz nuv Lào Cai tưz muôx chox kriê tiêk tsuv sir jos yax kriê, paz trâu pêx xênhv pâuz jông đuô tsik txiêr chor ntông li co; đros co zos sir jos sêiz car, tir tar, xưv lik chor nênhs zok txiêr tsik zos chêi. Zơưv Tiến puz pâuz:

“Thủ tướng chox kriê li co, taz sik nhiv no pêz tsuv pâuz tiêk đros chor zav tsoz ntông zuôr paz uô jông jav mak tsuv sir jos sêiz car. Tiv oz pêz cux tsuv cxơưz cxiz pêx xênhv li siêz nhiêv txos têx kror jông; viv li muôx ntâu zav tsoz chos li txir đuôx tsuv tâu chos yênhx têx thax tsav qơư uô hax huv, zuôr chos tâu trơưk ntus cêr, hâur vax ar têz, cê paz muôx ntông njuôz, cê paz muôx nzir phênhv sâu trâu pox nhuôs sơưr đơưk”./.

(An Kiên-Lik Thox cxêik nhênhv)

Tuôr tsês tsôngv box mênhx cxưx tsơưs nênhs li tsôngs yo chax chês

          Lơưr Côx hôiv li Hội đồng mênhx cxưx li pov cov, hâux lưv tsi zôngv mênhx cxưx li tsôngs yo chax chês tưz pov muôx ntâu nhoz iz cxiê mênhx cxưx tsơưs nênhs. Nhoz ntâu qơư, tsôngv box mênhx cxưx tsơưs nênhs tsuôk hnhar tsôngs yo chax chês hâur têx hnuz ntênhs, hnuz tsiêz. Hâux lưv no uô tsôngs yo mênhx cxưx chax chês ziv tsi tâu zôngv ntâu hâur luz nênhx xênhz huôx. Muôx ntâu lênhx hluôk nênhs mênhx cxưx tsơưs nênhs tsênhv txax muôs thâuv hnhar zuk li tsôngs yo mênhx cxưx. Chênhr viv li, têx chêr tsôngs yo mênhx cxưx tsi pov muôx ntâu hâur luz nênhx nhiv no thiêz. Hlôngr co zos têx chêr tsôngs yo yiêz nhiv no. Heik lok hâux lưv no, pos Pờ Chin Dín nênhs Pa Dí nhoz huyện Mường Khương, tỉnh Lào Cai pheiz kênh:

          “Nhiv no tsi muôx lênhx tưs hnhar thiêz, tsuôk thâuv piêr kriê, uô tul tsi theiex li hnhar, tsi li mak tsi muôx lênhx tưs xar hnhar. Lok sik têx hnuz ntênhs hnuz tsiêz xar hnhar muk tsov shav lok sik muk uô si xưz. Ziv hnuz ziv trâus pôngz plox”.

          Cxôngx têx njuôs xav tsôngs yo chax chês trâus pôngz plox hâur luz nênhx tsôngv box mênhx cxưx tsơưs nênhs, hnuz 18/1/2019, Bộ vênhx huôv, thiv thao thiêz ju lix tưz tso tơưv Cuiz tênhv số 209 lok “Tuôr tsês, phuôx huiz tsôngs yo chax chês têx mênhx cxưx tsơưs nênhs Việt Nam hâur ntu nhiv no” đros tas nro pênhr zos zuôr xar 223 tỷ đeiv, tâu uô cxôngx shông 2019 txos shông 2030. Đề án no li qơư tsov txos zos chiê tsôngv box têx mênhx cxưx tsơưs nênhs hnhar ntâu zuk mênhx cxưx li tsôngs yo chax chês. Đhâu co, muôz siêz siêz xar tuôr tsês, phuôx huiz tsôngs yo chax chês têx mênhx cxưx.

          Jông siêz lok đề án no, đros têz qơưk li tsov cưv txos vênhv thix mênhx cxưx, zơưv Lò Văn Liên nhoz xã Pa Thơm, huyện Điện Biên, tỉnh Điện Biên puz pâuz:

          “Hâur ntu nhiv kruôr đhâu têz qơưk paz txưv nhiêx txiêx chiê tsôngv box xơưk tsôngs yo mênhx cxưx. Viv tsôngs yo trâus pôngz plox ntâu lơưv, yuôr tsi ntâu thiêz. Tsuôk muôx 2,3 chêr xưz. Têz qơưk, côx hôiv pov thiêz tsôngv box thix ziv tiv tsi muôx nhiêx txiêx chiê xơưk viv li iz chuôz zis tâu têz qơưk paz chiê xơưk tsôngs yo trâu pox niêv”.

          Nhiv no, hâux lưv tuôr tsês thiêz phuôx huiz tsiv grê vênhx huôv tsôngs yo chax chês uô ntêx zos tsuv cxôngx tsôngv box mênhx cxưx li zoz qơưx. Viv vênhx huôv muôx cxôngx lênhx nênhs li zoz qơưx, zos lênhx nênhs thiêz viv lênhx nênhs. Chênhr viv li, tuôr tsês, phuôx huiz têx mênhx cxưx tsơưs nênhs li tsôngs yo chax chês tsuv uô cxôngx chênhr zoz qơưx xar tuôr tsês, tos jênhv thiêz sơưv têx tsiv grê vênhx huôv co. Viv li, tsuv muôz siêz côngv thôngx tsôngv box cxaz chuôz li pưs txux hâur hâux lưv tuôr tsês.

          Lơưr Bộ vênhx huôv, thiv thao thiêz ju lix, ntu đhâu, Bộ tưz đros têx taz viv, têx lênhx nênhs nhênhz chơưv vênhx huôv thiêz têx tiv phaz krêz uô ntâu njiêz luv, tsaz yênhx chiê tuôr tsês, phuôx huiz tsôngv box chax chês đros ntâu tsưr ziv uô txơưr. Taz sik, chiêz tuôr tsês truôx vênhs tsôngs yo chax chês lok six zuôr trâus iz đề án chiê krêz uô côngz xưv tuôr tsês, phuôx huiz tsôngs to lơưr tsưr ziv thiêz lêx ntêr. Chênhr viv li, đề án “Tuôr tsês, phuôx huiz tsôngs yo chax chês têx mênhx cxưx tsơưs nênhs Việt Nam hâur ntu nhiv no” tâu krêz uô zuôr paz cán bộ têx cấp thiêz tsôngv box pov tsôngs yo mênhx cxưx li têx kror jông, cxôngx co xar tuôr tsês zuk mênhx cxưx li tsôngs yo hâur luz nênhx hlôngr yiêz nhiv no.

          Pos Lồ Lài Sửu mênhx cxưx Bố Y nhoz tỉnh Lào Cai puz pâuz, iz hâur têx tsưr ziv chiê tuôr tsês thiêz phuôx huiz tsôngs yo chax chês zos chox tsôngs yo co lok uô tsôngs yo tsuv hnhar hâur têx tsêr cơưv mênhx cxưx nội trú. Viv hâux lưv uô no zuôr gôngr phênhv muôz siêz siêz nhiêv txos zuk mênhx cxưx li tsôngs yo chax chês cxôngx ciês thâuv tsênhv zâu. Taz sik, pos Sửu xar tiêk, hlôngr viv paz nhiêx txiêx, chính quyênx tiv phaz cux xưk li tsêr cơưv tsuv paz txưv cxôngx têx tsưr ziv uô tsênhv tsênhz li paz têx tsôngs yo trâu shux xênhz mênhx cxưx tsơưs nênhs:

          “Nhoz no têz qơưk paz txưv lok six ntâu, iz lênhx shux xênhz iz kỳ cơưv txos 2-3 tsov đeiv. Muôx iz cxiê chuôz zis mak lơưr chiv chir zuôr tsôngs yo trâu zuk tuz nhuôs. Taz sik cux muôx chuôzz is tsi zuôr, tsuôk thâuv tsêr cơưv tsưr tsix mak lơưr thiêx muk kir hnhar đhâu hnuz. Lơưr cur nhiêx paz shux xênhz mak tsêr cơưv tsuv zuôr tsôngs yo trâu shux xênhz, mênhx cxưx tưs zuôr tsôngs yo mênhx cxưx co. Cur thix ziv txos Đảng thiêz têz qơưk nhiêx txiêx paz shux xênhz mênhx cxưx tsơưs nênhs mak tsuv zuôr tsôngs yo chax chês, tsi paz nhiêx viv paz nhiêx mak lơưr zuôr muk zuôr têx chuôz zênhx txơưr”.

          Tsôngs yo têx mênhx cxưx tsơưs nênhs tưz gôngr phênhv uô Việt Nam li vênhx huôv ziv jông đuô thiêz nganhx vênhx huôv li sir jos tuôr tsês vênhx huôv co zos iz vênhx huôv lok six jông. Chênhr viv li, zos tsi ciêr chênhr tuôr tsês thiêz phuôx huiz, hâur ntu zuôr txos, têx chêr tsôngs yo mênhx cxưx tsơưs nênhs zuôr trâus pôngz plox./.

(VOV4-Txâur Vax cxeik nhênhv)