Chiê chuôz zis pluôs nhoz Điện Biên Đông “nhoz truôx têz, truôx qơư”

Hâur luz tsêr yiêz nhiv kruôr tâu khơưk muôz paz, tix lâus Nênhz Xênhv Hơưx, iz ziv chuôz zis pluôs nhoz jok Tìa Ghênh C, xar Keo Lôm, huyện Điện Biên Đông tsênhv sir jos lôngx thiêz chaz têx hluô tênhv tơưl pov cêr hâur luz tsêr đros jêik tsik tâu têx cêr shir phaz. Txix no, tix lâus chuôz zis tưz tsik cxơưx trâus ntux nas chuô uô ruôr hiêv txos li thâuv ntêx lơưv, mak tso siêz sir jos khưr uô nox chiê hla đhâu cêr pluôs:

“Thâuv ntêx tsik tâu muôx tsêr yiêz, nhoz hâur luz tsêr đaz tuôs, chêix ntux no mak no hênhr, chêix ntux nas mak nas xâuk chuôs tsi xưz. Tâu Bôv Công an paz uô tsêr trâu chor chuôz zis pluôs mak cur chuôz zis lok six shir phaz”.

Tâu choz uô xar muôx 60 luz tsêr yiêz ntơưv 2 xar Keo Lôm thiêz Noong U, Phòng Cảnh sát Cơ động, Công an tỉnh Điện Biên tưz tso 30 lênhx cán bộ, chiến sĩ đros pox nhuôs sơưr đơưk kriz uô hâux lưv no.

Thiếu tá Vũ Văn Tuấn, Đại đôiv trưởng Phòng Cảnh sát Cơ động, Công an tỉnh Điện Biên puz pâuz: Tsôngv box Hmôngz mak cor cav uô nênhx nhoz ntơưv têx ntar trôngz, vax tsêr siz kuôk đêz 1-2 luz trôngz, viv li hâux lưv thâux xa têx chuôz lov txix tsênhv qơư muk trâu têx qơư co lok six phiv liv. Taz sik, cxuô lênhx cán bộ, chiến sĩ puôr lênhx sir jos uô hâux lưv, chiê paz trâu pox nhuôs sơưr đơưk muôx tâu tsêr yiêz nhoz uô ntêx jiês tsiêz zuôr txos no.

“Muôx têx luz tsêr mak tsuv êr, xuôk yêz mêir thâux xa muôx nhos 2-3 cêik cêr thiêx chox tâu têx chuôz lov muk txos trâu kror qơư uô. Iz chas co sâuv thax tsav huyện Điện Biên Đông hêik cxuô thiêz chor xar Keo Lôm, Noong U mak muôx đêx tsơưs, kror pox nhuôs muôx tâu đêx xênhz huôx xưz tưz lax lơưv, chiê muôx tâu đêx trâu cxiv uô vax tsêr mak hax zav lax nriêr đuô”.

Lơưr tsưr ziv, huyện Điện Biên Đông tâu paz kriz uô 1.027 luz tsêr nhoz trâu chor chuôz zis pluôs. Hâur co, chor lưx lươngv kriz uô 375 luz tsêr trơưk Bôv Công an li tsưr ziv uô; chor tsênhv yuôr mak zos chor chuôz zis tâu paz chiv chir cxiv uô trơưk li têx vax tsêr cxôngx nzor, chính quyền ntơưv qơư muôx txơưx jênhv qênhz yuôx, sêiz shuôk, hêik cov kriz uô tiêr huv li tsưr ziv tưz tso tơưv.

Nhiv no, cấp ủy, chính quyền thiêz pêx xênhv ntơưv thax tsav qơư tsênhv sir jos kriz uô, hâur co sir jos cov txos hnuz 15/1 zuôr txos no uô cov tiêr tas nro têx vax tsêr trâu chor chuôz zis pluôs. Pos Dua Xênhv Vax, Phưv Chủ tịch Ủy ban xar Keo Lôm, huyện Điện Biên Đông puz pâuz:

“Đros chor tsêr pêx xênhv chiv chir uô lơưr tsưr ziv cxôngx nzor, muôx tsêr cấp 4 thiêz tsêr lơưx, xar cux tưz phêiz côngz trâu chor cán bộ xar muk sêiz shuôk thiêz hêik chor ziv chuôz zis sir jos uô cov uô tiêr tâu trơưk tsưr ziv tưz tso tơưv”./.

(TTTB-Lik Thox cxêik nhênhv)

“Cxênhx txuôk nhiêx txiêx -viv luz nênhx tov kaz jông đuô”

Trâur nuv “Cxênhx txuôk nhiêx txiêx -viv luz nênhx tov kaz jông đuô” tâu tỉnh đoàn Sơn La krêz uô txix hli 3/2021. Iz đoàn viên hluôk nênhs cxaz chuôz txix tsưr ziv uô ntơưr cxênhx txuôk lơưr six hơưv 12 luz hlik lok sik gra nhiêx tsês chiê ntơưv zênhx hangx chính sách xã hội nhoz tiv phaz. Phênhv tsơưs tiv zix txix 1 txos 2 tsov đeiv đros iz lênhx nênhs hâur Ban chấp hành huyện đoàn, thành đoàn thiêz tỉnh đoàn. Đoàn viên hluôk nênhs, lênhx nênhs, taz viv, doanh nghiệp tsov lơưr zuk têx muôx tsênhv tsênhz chiê gra nhiêx txiêx tsês chiê cxênhx txuôk huv đros. Pheiz kênh lok tsưr ziv xar tơưv trâur nuv no, tix lâuk Nguyễn Duy Dũng, Phưv Bí thư Tỉnh đoàn Sơn La puz pâuz:

          “Ban thường vụ Tỉnh đoàn tưz krêz uô ntâu trâur nuv paz txưv đoàn viên hluôk nênhs nhoz tiv phaz, taz sik phênhv pênhr paz txưv huôv tsar cêr uô nox trâu hluôk nênhs mak tsênhv tsơưs, hâux lưv txeik pênhr njiz ntâu phêv liv. Đros tsưr ziv huiz tôngv nhiêx txiêx cxênhx txuôk txix đoàn viên hluôk nênhs, Ban thường vụ tỉnh đoàn tưz đros Zênhx hangx chính sách xã hội nhoz Sơn La tsưr tsix hnuz ntênhs “Cxênhx txuôk nhiêx txiêx -viv luz nênhx tov kaz jông đuô””.

          Iz fâu ntơưr cxênhx txuôk tâu krêz uô tsi taz zos iz hâux lưv uô muôx ziz njiêz hâur phongz yaox cxênhx txuôk, mak tsênhv tso pov cxênhx hluôk nênhs Sơn La li siêz jông, cêr pheiz kênh thiêz sik côngv siêz. Tix lâuk Trần Minh Khánh, Bí thư Đoàn phường Quyết Tâm, TP Sơn La pheiz kênh, ciês thâuv pâuz txos trâur nuv, tix lâuk tưz sir jos hu grus, vênhv tôngv đoàn viên hluôk nênhs sâuv thax tsav cxaz chuôz cxênhx txuôk:

          “Cur tưz gôngr côngv iz phênhv mê chiê cxênhx txuôk co zos 1 tsov 500 cxênhz đeiv. Cur xar njôngr chor nhiêx txiêx no zuôr paz tâu trâu têx hluôk nênhs tsênhv huôv tsar cêr uô nox uô hâuk, uô bluô nux txix zuk li pênhr xưv trâu tiv phaz thiêz têz qơưk”.

          Đhâ 9 luz hlik krêz uô trâur nuv, txos nhiv no tưz muôx 700 ntâu fâu ntơưr cxênhx txuôk tâu krêz, đros tas nro chor nhiêx txiêx muôs nhos 2,6 tỷ đeiv. Tỉnh đoàn thiêz zênhx hangx chính sách xã hội Sơn La tưz thôngx ziv muôz trâu 12 dự án jông nhoz têx huyện, thành đoàn chiê paz cxiv tsa, huôv tsar trâur nuv hluôk nênhs huôv tsar cêr uô nox, huôv tsar kinh têr, đros phênhv paz iz dự án zos 100 tsov đeiv.

          Pâuz txos pênhr paz txưv txix trâur nuv, đoàn viên Cà Văn Long, nhoz xã Hát Lót, huyện Mai Sơn tưz truôx siêz sâu bê txeik thiêz tâu thôngz đhâu txeik pênhr uô dự án huôv tsar chos ntông nox txir thiêz tu zus. Txix vax txir trâuv nhux tsuôk đar 4 cxênhz yiv ndis, nhiv no tix lâuk Long tưz muôx 1 hecta txir trâuv nhux chos sâuv ar nxaz thiêz tu zus muôx nhos 10 tul buô nôngz. Tix lâuk Cà Văn Long pheiz kênh:

          “Txix thâuv tâu paz txưv txeik pênhr txix đoàn hluôk nênhs, cur chuôz zis krêz đar qơư tu zus, tsêz chos, zuôr cxaz nôngz tsoz chos chox lok chos. Hluôk nênhs li phênhv pênhr paz cur uô tâu cur li siêz xar njôngr zos krêz đar trâur nuv huôv tsar kinh têr chuôz zis, muôz siêz phênhv sâu , hlôngr yiêz luz nênhx”.

          Muôx cxaz ntâu trâur nuv kinh têr yiêz, hluôk nênhs Sơn La huôv tsar cêr uô nox tưz qir khav tênhv tâu chêx cuk jông tsênhv tsênhz txix trâur nuv “Cxênhx txuôk nhiêx txiêx -viv luz nênhx tov kaz jông đuô”./.

(Lê Hạnh- Txâur Vax cxeik nhênhv)