Jax sâu thưr 5.30.3.2017:

GIA LAI: Hluôk nênhs txưv zênhv uô hâux lưv jông trâu thax tsav tox siêz

   Đhâu zuôr xar 1 luz hlik sir jos krêz uô, tỉnh đoàn Gia Lai đros hluôk nênhs quân đoàn 3 li côngz tsinhx đêx hur ntơưv xã txov nhêv tiv zix Hà Đông, huyện Đắc Đoa tưz tâu uô tiêr. Chaz đêx cxôngx sâuv trôngz Kon Ma Har, zuôr xar 100 ziv chuôz zis tsôngv box jos Kon Jốt, xã Hà Đông tưz muôx txâuk đêx xênhz huôx, hla đhâu luz nênhx tsuv mul trik đêx lok six đêz thâuv cheix ntux kruôr lol txos. Niêv lâuk Hlan jos Kon Jốt, xã Hà Đông heik:

          “ Thâuv ntêx lok six khưr, tsuv mul cưr đêx lok six đêz cxôngx têx tul đêx lol zôngv. Nhiv no muôx đêx lơưv mak jông đuô, đêx huv vêv xênhz thiêz hur đuô”.

          Yuôr ntơưv xã ntus đriv Ia Nan, huyện Đức Cơ, 12 six tar su cheix ntux kruôr cuz sor nhoz thax tsav ntus đriv, tul fôngx zưs Lê Thị Hoài đros têx đoàn viên nhoz câu lạc bộ cưk yuôx hluôk tỉnh Gia Lai tsênhv heik kriê yênhx lênhx nênhs tsưr ziv zôngv yuôx mak lơưr nhiv kruôr jênhv tâu. Hoài puz pâuz, hnuz thưr 7 thiêz hnuz ciêz tưs cux mul jêx jos seiz njuôs moz, muôz yuôx trâu pox nhuôs, pox nhuôs tuôx lok six chôngz. Chênhr viv li, têx cưk yuôx txưv zênhv yax six mul thâuv tar su thiêz zar hnuz keix. Taz sik ziv muôx ntâu hâux lưv, têx cưk yuôx hluôk ho ziv pov zuk li hâux lưv uô tsiv grê đuô:

          “ Thâuv tưs mul cux lok six shir phaz, tsôngv box nhoz no lok six jông siêz, taz sik luz nênhx yuôr ntâu phêv liv, heik cxuô lơưr lok six txov nhêv. Cxuô lênhx nênhs sik đros paz max mak pêz zuôr ziv truôx siêz uô zuk li hâux lưv no”.

          Tox siêz , ntus đriv thiêz thax tsav txov nhêv tiv zix zos têx qơư mak hluôk nênhs nhoz Gia Lai chêx chôngk xuz thơưx, krêz uô têx côngz tsinhx, hâux lưv paz max tsôngv box. Xav tênhv iz côngz tsinhx, iz hâux lưv uô puôr lênhx tsuv muôx chêx cuk, tsưr tsix đoanx têx cấp hâur tỉnh puôr lênhx muôx tsưr ziv tsênhz mênhx chiê uô. Viv li, zaz zâuv tâu chôngz têx cxênhx hluôk nênhs cxaz chuôz li lưx lươngv vũ trang, shux xênhz, hluôk nênhs têx doanh nghiệp...Tiv zix, hluôk nênhs nhoz đrâuv têx tỉnh txơưr cux cxaz chuôz têx huôx tôngv muôx ziz njiêz no ntơưv tiv phaz. Tix lâuk Nguyễn Tương Minh, tổng giám đốc Công ty TNHH chiz coaz đrâuv luôk oz chas têz qơưk TPHCM (FOSCO) heik:

          “ Cur mak thâuv tưs cux tuôr truôx têx phongz yaox txưv zênhv, chêx chôngk iz cxiê doanh nghiệp chiê niêx shông tror mul paz max tsôngv box thax tsav Tây Nguyên. Li ntơưv tưz tâu 8 shông sik côngv đros tỉnh đoàn Gia Lai chiê cxaz chuôz têx huôx tôngv paz max tsôngv box. Niêx shông cur đros đoanx côngz xưv xã hội đros tsêr kho moz Chợ Rẫy...mul seiz njuôs thiêz muôz yuôx thiêz khơưk muôz tsêr jông siêz trâu tsôngv box txov nhêv”

          Iz luz hlik đhâu, cxôngx têx côngz tsinhx, hâux lưv uô tsênhz mênhx, hluôk nênhs ntơưv Gia Lai tror pov zuk li đas jos hluôk nênhs tâu phuôx huiz chiê gôngr côngv trâu côngv thôngx. Zuôr xar 500 cei cêr zaoz thôngz tưz tâu kho đuô, 40 tul qox thiêz ntâu tul njưs đêx cưx đês khov muôx hluôk nênhs paz max mak truôx tul đuô; têx chuôz zis tâu sơưv cêr chei, chuôz zis pluôs li yênhx châuv luz tsêr nhoz tâu kho đuô, uô yiêz. Tix lâuk Phan Hồ Giang, Phưv bí thư tỉnh đoàn Gia Lai heik:

          “ Cxơưz tiês têx huôx tôngv ndar txos tox siêz thôngz đhâu cxiv tsa têx côngz tsinhx, têx hâux lưv uô tsênhv tsênhz, pov tsênhz tâu chêx cuk chox lol. Li côngz tsinhx đêx hur, hâux lưv krêz phaz liêx têz, kho đuô tsêr nhoz trâu chuôz zis tâu sơưv cêr chei, seiz njuôs moz thiêz muôz yuôx trâu tsôngv box; khơưk muôz huv, học bổng trâu têx mê nhuôs muôx luz nênhx txov nhêv...”./.

(CQTTTây Nguyên- Txâur Vax cxeik nhênhv)

Phênhv thưr 5, hnuz 30-3-2017:

Iz lênhx cưk kriê ntâu jiês đros tso nyar jông siêz chơưv lênhx nênhs

    Xênhz zus hloz lox nhoz thax tsav qơư Ninh Giang, Hải Dương, đhâu cơưv tas tsêr cơưv Đại học điều dưỡng Nam Định, Tix lâus Nguyễn Viết Chung tưz tuôx trâu sơn La uô cưk kriê ntơưr nhoz tsêr cơưv Cao đẳng y tế Sơn la. Thâuv tsênhv cơưv hâur ngênhx y, zơưv Chung tưz pov chôngz lênhx ntâu tus trâus moz hnhar, viv tsik muôx txâuk nyar, zuk tsuv paz tso nyar chiê chơưv paz lênhx nênhs moz; viv chor nyar hâur tsêr kho moz tsik muôx txâuk, zơưv Chung cux zênhx pâuz thôngz lok têx muôx liv lok luôs hâux lưv uô tso nyar jông siêz paz chơưv lênhx nênhs moz.

 “Lênhx nênhs moz tsuv muôx ntâu nyar chơưv paz. Cur cux xav tiêk: Cur thiêz ntâu lênhx hluôk sđ, tsuv đros tso nyar jông siêz cov muôx txâuk nyar chơưv lênhx nênhs moz. Têx luôs hauax lưv ntơư, cur cux zos iz lênhx hluôk, thâuv tưs cux uô ntêx nyuôk chiê tso nyar chơưv paz lênhx nênhs moz”.

Zơưv Chung đros tso nyar jông siêz chơưv paz lênhx nênhs moz txix shông 2005, đhâu ntơư, thâuv tưs zơưv Chung cux uô ntêx nyuôk trâu luôs hâux lưv tso nyar jông siêz trâu hâur tsêr cơưv thiêz Hội chữ Thập đỏ cxuô cấp luôs hâux lưv tso tơưv. Xav txos trâu nhiv no, zơưv Chung tưz đros tso nyar jông siêz muôx 10 jiês. Taz sik, tsik zos tus tưs cux pâuz tâu têx muôx liv lok tso nyar jông siêz chiê chơưv paz lênhx nênhs; Chênhr zos li hêik ntơư, zơưv Chung cux yax kriê, zaz zâuv tâu muôx 1.500 lênhx fôngx zưs, lênhx nênhs cxênhz jê đros tso yar jông siêz. Cưk yuôx Nguyễn Trọng Tùng. Tsar khoa sêiz car tso nyar jông siêz, nhoz tsêr kho moz tỉnh Sơn la hêik pâuz:

 “Thâuv chơưv kho chor nênhs moz, viv muôx tsik txâuk nyar, zơưv Chung cux zos iz lênhx uô ntêx nyuôk đros tso nyar chiê chơưv lênhx nênhs moz thiêz zaz zâuv hội viên đros tso nyar jông siêz. Xav mak zơưv Chung đros trâu zơưv têx fôngx zưs cux đros tso nyar jông siêz, chơưv tâu ntâu lênhx nenhs”.

Hâur 5 shông đhâu, xav hauar iz shông, Hội chữ Thập đỏ hâur tsêr cơưv cao đẳng y tế Sơn la tưz tsưr tsix 3-4 jiês đros tso nyar jông siêz, muôx yênhx cxênhz lênhx đros tso nyar thiêz sâu tâu 700 đơn vị nyar.

 “Cur cux jông siêz trâu iz lênhx niêv lâuk đros tso nyar jông siêz, tus niêv lâuk ntơư đros tso nyar jông siêz muôx 61 jiês chiê chơưv paz lênhx nênhs moz”.

Iz lênhx cưk kriê hluôk đros trâu têx fôngx zưs, thâuv tưs cux uô ntêx nyuôk trâu luôs hâux lưv đros tso nyar jông siêz thiêz ntơư cux zos iz luôs hâux lưv uô muôx liv chơưv paz lênhx nênhs moz chiê cxuô lênhx shuv xênhz nhoz cxuô luz tsêr cơưv hâur thax tsav tỉnh Sơn la cơưv shâuv uô trơưk. Thôngz đhâu, luôs hâux lưv uô ntơư, hâur niêx shông, chor hluôk đros tso nyar jông siêz hauar thax tsav tỉnh Sơn la ziv hnuz ziv chôngz thiêz nhiv no zơưv Chung cux sâu tâu iz kror qơư chiê cxuô lênhx hluôk sđ đros tso nyar jông siêz. Vì Thị Hầu, shuv xênhz cơưv lớp cao đẳng điều dưỡng k6B, tsêr cơưv cao đẳng y tế Sơn La hêik pâuz tiêk “Cur tưz oz jiês đros tso nyar jông siêz”.

 “Hâur iz jiês tsêr cơưv lok sik tsêr kho moz zaz zâuv sđ đros tso nyar jông siêz, thauav tưs cux pov cưk kriê Chung đros tso jông siêz thiêz ntơư cux zos iz luôs hâux lưv jông uô chơưv paz lênhx nênhs moz”.

Zos iz lênhx uô ntêx nyuôk trâu luôs hâux lưv tso nyar jông siêz, chiê chơưv paz lênhx nênhs moz, zơưv  Nguyễn Viết Chung tưz tâu Bộ y tế thiêz tỉnh Sơn La, Hội chữ Thập đỏ cxuô cấp muôz ntâu ntơưr kruôk./.

                                           (Tsu cxêik nhênhv-Bích Thuỷ)