Tsuv muôx têx tsưr ziv truôx jông chiê đơưk tu têx tsik jông uô vuôz tsuôz, kiêk nênhs hâur tsêr meir jov kok ntông

          Tsôngv px nhoz xã Mường Bon thiêz xã Mường Bằng huyện Mai Sơn, tỉnh Sơn La têx lul heik tsi jông siêz, pêz tưz muôx jiês uô hâux lưv đros chor sêiz car tsêr meir jov kok ntông BHL. Tsêr meir cux tsênhv uô hâux lưv li cxiê hnuz thiêz tsênhv nhoz hâur six hơưv uô siv. Qơư trâu têx vuôz tsuôz, kiêk nênhs muôx iz luz kror chiê têx đêx kiêk nênhs co ntưl, nưk cxênhv nưk trâu hâur ar tưz tâu công ty muôz têx poz jêz cxuz tas trâu. Zơưv Trần Trung Dũng, Tsar phongx Hành chính, uô hâux lưv hâur tsêr meir jov hmôngr kok ntông BHL Sơn La heik pâuz:

“Thâuv pêz qênhz pov kror qơư trâu têx đêx vuôz tsuôz, kiêk nênhs co trâus xưz tơưs hâur kaz, ntêr muôx iz đok ntâu mak lênhx sơưr thơưx seiz car tsêr meir tưz chox kriê tas nro têx lênhx lês uô luôs hâux lưv tênhx qơư zôngv têx poz jêz muôx  30 yiv đuôz nquôr thêir hur si caz tơưs xưz thiêz lâuz xi măng, xuôz jêz, muôz tax thêir trâu chiê taz por têx đêx kiêk nênhs tsi ntưk thiêz cxênhv trâu saz đrâuv”.

Txix tsôngv box sđ li têx lul heik tsi jông siêz lok tsêr meir jov hmôngr kok ntông têx uô vuôz tsuôz, kiêk nênhs tênhx qơư hâur ntâu luz hli đhâu, uô tsik jông txos trâu tsôngv box cêr xênhz huôx, nox nhoz mul lok, lưv lươngv muôx vax huôv tưz tuôx sêiz shuôk, qênhz yuôx thiêz uô ntơưr xưv bluô têx li heik sâuv. Zơưv Nguyễn Thanh An, Tsar phongx tênhx qơư huyện Mai Sơn, tỉnh Sơn La heik:

“Lok sâuv tsêr meir tsuv uô jông lơưr têx cui tinhv, tsik uô ruôr hiêv txos tênhx qơư mak tưz tâu cơ quan muôx vax huôv thôngz đhâu. Lok sâuv cơ quan car uô đreiv têx hâux lưv co tsuv tsi so qênhz yuôx shuôs, đơưk uô li chas cov hur trâu tênhx qơư hâur six hơưv tsêr meir jov têx hmôngr kok ntông”.

Trơưk li lênhx thơưx seiz car tsêr meir, Vũ Hưng Bình khav tinhv, tsêr meir tsênhv uô siv luôs hâux lưv jov têx hmôngr kok ntông thiêz zuôr tror uô tiêr têx qơư trâu, liv têx vuôz tsuôz, kiêk nênhs cov tâu jông yax trơưk li têx tsưr ziv yiêz nhiv no:

“Sơn La tsênhv muôx iz tsêr meir jov hmôngr kok ntông jông  nhiv no, txix Thụy Điển tsưr ziv uô liv têx đêx kiêk nênhs vuôz tsuôz. Têx tsi jông muôx yưv ntơư zos lênhx tưs cux tsi xar cov uô li co. Tsênhz đuô zos têx đêx kiêk nênhs no lok six ntâu, thâuv ntâu li ntơư zuôr uô tơưs xưz, uô ntuôs têx ntâuz tax puô hâur kaz”.

Nhoz iz saz tsêr meir zos têx chuôz zis tsôngv box. Chiê khav tinhv têx vuôz tsuôz hâur têx qơư trâu têx kiêk nênhs ntơư pok uô hiêv li chas txos tsôngv box đas jos lok tsi uô, no lok six zuôr trâus txos têx cơ quan muôx vax huôv iz lo luk têz. Ban seiz car têx thax tsav công nghiệp Sơn La cux tsuv muôx têx faz tsưr ziv truôx vênhk chiê xưv lik tênhx qơư ntơưv thax tsav công nghiệp no. Zơưv Nguyễn Sỹ Minh, Phưv Tsar ban seiz car têx thax tsav công nghiệp tỉnh Sơn La heik:

“Uô ntêx thiêz hâur ntu ntêr tov kaz no zos Ban thor Ủy ban thiêz tỉnh ủy tsưr ziv lok sâuv yeik txar têx chuôz zis tsôngv box nhoz jê iz ndis têx tsêr meir, thax tsav công nghiệp  cov đêz iz cêik. Tsi tiêk têx qơư no mak qênhz shuôs hur si iz ndis thax tsav công nghiệp chiê yeik txar tsongv box sđ muk nhoz đêz tsêr meir đuô. Uô ntêx cux heik cov tiz jông uô lơưr têx cui tinhv lok sâuv Công ty BHL li hâux lưv seiz car tênhx qơư hâur six hơưv tsênhv siv uô thiêz jov têx hmôngr kok ntông hâur 6 luz hlik”.

Tsêr meir jov hmôngr kok ntông zos Công ty tsiv uô têx kôngz nuv BHL Sơn La uô tsưr yưv pênhr, iz hnuz jov tâu 200 tênhr hmôngr kok ntông, tsiv uô têx krâur tu zus tsiêx cxu 70 tênhr iz hnuz thiêz jov têx fuôs kok ntông 100 tênhr iz hnuz. Trơưk li njuôk xav, côngz trênhx uô tiêr zuôr sâu zuôr tâu tas hur si tsôngv px têx kok ntông hâur thax tsav tỉnh, muôx hâux lưv uô trâu nênhs lox tôngv, paz txo grêk tâu cêr yeiz pluôs, jux juk hlôngr yiêz uô kôngz nuv trâu thax tsav tox siêz. Taz sik, nhiv kruôr uô siv hâux lưv, tưz uô tsi hur tênhx qơư thiêz tsêr meir têx đêx kiêk nênhs, vuôz tsuôz ntơư tưz uô trâu tsôngv px sđ tâu cêr cxơưx./.

(Thanh Thủy-Tuyết Lan-Riê Lâux cxeik, nhênhv)

PHÊNHV YAX MÔNG LOK ZAOZ ZUX CÊR CHEI TÊZ QƠƯS

Grê 21:

          1. Cxuô lênhx nênhs sđ, muôx qênhx tsi chiê đuô tus heik ruôr hiêv  tsik jông txos zuk luz nênhx thiêz chuôz zis; muôx qênhx por vêv zuk li luz côngz bê.

          Xor mông lok luz nênhx, chuôz zis tâu chei taz por

          2. Cxuô lênhx nênhs, txơưv lênhx tưs cux muôx qênhx por vêv zuk li ntâuz ntơưr, điện thoại thiêz têx tsưr ziv thôngz xor mông txơưr hâur zuk luz nênhx.

Grê 22

          1. Tsôngv box muôx qênhx muôx qơư nhoz huv cêr chei

          2. Cxuô lênhx nênhs, muôx qênhx tsi uô phêv liv txos têx qơư nhoz. Tsi muôx lênhx tưs tâu mul hâur lênhx nênhs txơưr li qơư nhoz, zos lênhx nênhs co tsi khênhr tsik tso luk.

          3. Hâux lưv seiz car qơư nhoz zos chêi têz qơưs cui tênhv.

Grê 23

          Tsôngv box muôx qênhx txưv zơưx mul lol thiêz nhoz uô nênhx hâur têz qơưk, muôx qênhx mul đrâuv luôs oz chas têz qơưk thiêz cxôngx đrâuv luôk oz chas têz qơưk tror lol zuk têz qơưk. Hâux lưv uô têx qênhx no zos chêi têz qơưs cui tênhv.

Grê 24

          1. Cxuô lênhx nênhs, txơưv lênhx tưs cux muôx qênhx tín ngưỡng, tôn giáo, lơưr lok sik tsi lơưr iz tôn giáo tưs. Tôn giáo tsuv uô huv đros chêi têz qơưs.

          2. Têz qơưk seiz car jông thiêz por vêv qênhx txưv zơưx tín ngưỡng, tôn giáo.

          3. Tsi muôx lênhx tưs muôx qênhx uô ruôr hiêv txos hâux lưv txưv zơưx tín ngưỡng, tôn giáo lok sik liv zôngv tín ngưỡng, tôn giáo chiê uô cxâuv cêr chei têz qơưs.

Grê 25

          Tsôngv box muôx qênhx txưv zơưx tâu thav lul, txưv zơưx uô pov tsir, pâuz txos xor mông, khiêz phêv, tsưr tsix têx paz sơưr mul tâus cêr zos tsi thôngx ziv đros hâux lưv tul tsi. Hâux lưv uô têx qênhx no zos chêi têz qơưs cui tênhv.

          Grê 26

          1. Tsôngv box zos txir nênhx, pox niêv fênhx zav lok cxuô zav. Têz qơưk muôx cêr chei taz por qênhx thiêz fênhx zav nênhs.

          2. Têz qơưk, xã hội thiêz chuôz zis muôz theox chênhv chiê pox niêv huôv tsar tas nro, phuôx huiz zuk li pưs txux hâur xã hội.

          Grê 27

          Tsôngv box cxôngx 18 shông tror sâu, muôx qênhx tâu bo xeir thiêz txâuk 21 shông tror sâu, muôx qênhx ứng cử lol Côx hôiv, HĐPX. Hâux lưv uô têx qênhx no zos chêi cui tênhv.

          Grê 28

          1. Tsôngv box muôx qênhx cxaz chuôz coar lik têz qơưk thiêz xã hôiv, cxaz chuôz sik seiz lax thiêz thix ziv đros chiz coaz têz qơưk lok têx vênhv thix nhoz cơ sở, tiv phaz thiêz tas nro têz qơưk.

          2. Têz qơưk muôz theox chênhv chiê tsôngv box cxaz chuôz coar lik têz qơưk thiêz xã hội; tsênhz mênhx hâur hâux lưv tos jênhv, têz tsôngv box li ziv chênhv.

          Grê 29

          Tsôngv box txưv 18 shông tror sâu, muôx qênhx tsa tês thôngx ziv zos têz qơưk tsưr tsix sâu zuôr tsôngv box li ziv chênhv./.

( Tuyết Lan-Txâur Vax cxeik nhênhv