Điện Biên: Sir jos chiê cungz 420 cxênhz ntâu đeiv căn cước reik chip điện tưv trâu tsôngv box

          Đros lưx lươngv công an tas nro tỉnh, hâur 10 ntâu hnuz đhâu lok no, ntâu cán bộ Phòng cảnh sát coar lik hành chính lok trật tự xã hội, Công an tỉnh Điện Biên thiêz cán bộ, chiến sĩ Công an têx xã, phường tưz tsuv uô hâux lưv yênhx hnuz hmo chiê ciêr chênhr uô tiêr hâux lưv jênhv ntâuz ntơưr, cungz hlôngr căn cước công dân yiêz reik chip điện tử trâu tsôngv box. Thượng úy Trần Thị Thanh Hiền, cán bộ Phòng cảnh sát coar lik hành chính lok trật tự xã hội, Công an tỉnh Điện Biên pheiz kênh:

          “Pêz tuêv uô căn cước tsênhv uô iz hnuz 3 ca, uô cxôngx 7 six sơưr nzor txos 12 six tas hmo. Zos tsôngv box muôx zoz qơưx pêz cux tror tos jênhv uô txos thâuv ntux pov cêr chiê uô tiêr hâux lưv Bộ công an choz zos cungz 400 cxênhz ntâu căn cước tas nro tỉnh Điện Biên. Chiê uô jông jênhv vưv, cur cux sir jos tôngv vênhx chuôz zis, pos zơưs pheiz kênh côngz xưv paz cur uô tiêr jông zuk li jênhv vưv”

          Trung tá Đinh Xuân Tuyên, Phưv tuêv tsar Tuêv heik kriê Chứng minh thu, căn cước công dân, Phòng cảnh sát coar lik hành chính lok trật tự xã hội, Công an tỉnh Điện Biên puz pâuz: ciês cxôngx thâuv uô hâux lưv cungz căn cước công dân, phongx tưz uô yênhx hnuz yênhx hmo. Uô hâux lưv thâuv hmo ntux cux njiz ntâu phêv liv, taz sik têx tuêv côngz xưv cux truôx siêz uô tsi chiê tsôngv box tuôx tos mak tsi tâu uô tsuv tror muk tsêr.

          “Hâux lưv niêk tês, tsov shav thâuv hmo ntux cux njiz ntâu phêv liv, tiv zix zos hâux lưv niêk đros nênhs muôx hnuz nhôngs siêz, đros têx lênhx nênhs lox tôngv txưv zơưx viv muôx lênhx coaz txos uô hóa chất, têx tâuz tês zeik têx caz tês plox tas, niêk tsi tâu. Taz sik đros têx siêz sir jos uô, têx tuêv côngz xưv cux truôx siêz uô tiêr ntâuz ntơưr chiê tsôngv box uô tâu hồ sơ”

          Lơưr thôngz sâu, tas nro tỉnh Điện Biên muôx nhos 420 cxênhz tsôngv box txâuk 14 shông hnuz nhôngs ndê muk tsuv tâu cungz, hlôngr căn cước yiêz reik chip điện tưv. Chiê tuôv zênhv tâu chor hâux lưv uô, Công an tỉnh Điện Biêntưz yênhx lix 22 tuêv côngz xưv muk txos têx sở, ban, nganhx, chiz coaz, taz viv, tsêr cơưv thiêz tuêv jênh phố, jêx jos chiê jênhv ntâuz ntơưr uô căn cước công dân yiêz. Thâuv uô, zuôr tsov cưv cungz trâu têx shux xênhz uô ntâuz ntơưr muk thik đại học, xeir zuôr shux xênhz cơưv lớp 10, shux xênhz thik THPT, nênhs muôx côngz đros cơưx mênhv. Shux xênhz Lường Thị Phương Linh, cơưv lớp 11B2, tsêr cơưv THPT huyện Điện Biên uô căn cước công dân jiês xuz thơưx cux tsi pâuz uô li chas. Taz sik tâu heik kriê jông, Linh tưz uô tiêr ntâuz ntơưr thiêz tos txos hnuz tâu cungz đeiv căn cước trâu zuk.

          “Uô ntêx thâuv muk uô mak cur lok six cxơưx, tsi pâuz uô li chas. Taz sik tâu têx txir nzơưv công an jông siêz paz heik kriê, cur cux uô tâu. Đeiv căn cước yiêz muôx ntâu số laov coaz tsôngv viv li lok six jông, tiv zix zos trâu jiês thik THPT zuôr txos pêz zuôr trâus zôngv txos”.

          Trung tá Đinh Thanh Sơn, Tsar phongx cảnh sát coar lik hành chính lok trật tự xã hội, Công an tỉnh Điện Biên puz pâuz: xav txos hnuz 21/3, tsi tâu nto 2 luz hlik, Công an tỉnh tưz cungz tâu zuôr xar 42 cxênhz đeiv căn cước công dân muôx chip điện tử trâu tsôngv box sâuv thax tsav. Nhiv no chungz fênhx iz hnuz taz viv tos jênhv 6 cxênhz 600 hồ sơ ntâuz ntơưr uô căn cước yiêz. Têx cán bộ, chiến sĩ hâur taz viv tsênhv sir jos chiê uô tiêr jông jênhv vưv tâu choz:

          “Công an tỉnh Điện Biên tưz huiz tôngv 400 cán bộ, chiến sĩ chiê tos jênhv, cungz căn cước công dân. Six hơưv uô hâux lưv zos iz hnuz 4 ca, têx cán bộ tâu choz jênhv vưv no thâuv tưs cux sir jos uô tsi chiê tsôngv pox nhuôs tos ntêr. Đrâuv co pêz cux taz por vênhv thix muôx lênhx coaz txos phax tar moz, tsôngv box tuôx uô ntơưr tsuv uô trơưk tsưr ziv phax tar moz Covid-19 lơưr Chính phuv cux xưk li tỉnh li chox kriê”./.

(Vũ Lợi-Txâur Vax cxeik nhênhv)

Kriê tsưr ziv phax tar moz ơưk su poz sâuv nhux tưv têx tơưr grêix

  Moz moz su poz sâuv nhux tưv têx tơưr grêix zos li chak?

  Moz su poz sâuv nhux tưv têx tơưr grêix zos nưk muôx nưk iz zav caz moz ơưk uô muôx yưv. Zav caz moz ơưk no tsi cik trâu lênhx nênhs. Moz siz cik phênhv ntâu zos đhâu zôngr, tur thiêz juôv tov; zav caz moz ơưk no muôx têx jiês cux siz cik tâu trâu lưv tus tsiêx tiv fax thâux nhux tưv muôx moz, sir zôngv uô cê đaz nox, đêx hâuk, qơư muôz jâuz krâur trâu nhux tưv nux đas nox thiêz đhâu têx tsiêx nhoz siz jê uô cê.....Moz khênhr huôv uô moz trơưk cheix, phênhv ntâu zos têx luz hlik ntux nông, muôx ntâu zôngr huôv xênhz.

  Moz su poz sâuv nhux tưv têx tơưr grêix li têx pâuz tâu thiêz huôv uô moz:

  Nhux tưv trâul moz khênhr pov muôx têx li đrav kaz: Uô cuz uô no, tsik nox jâuz, tus tsiêx nzâus thiêz zuôs; tsi yuô muôx mik puz mê nhuôv zos têx tus niêv nhux, niêv tưv tsênhv chox mê nhuôv mê; moz kror njưs, kror muôs thiêz lok ntâu kâuz ndâus; tơưv su uô têx luz poz sâuv đêiv tơưr grêix  tâuz hâu, chax đaz, tâuz mik..... thâuv tus nhux tưv ntơư trâul moz uô cuz uô no hâur iz hnuz iz hmo. Têx luz poz co khênhx, tơưr thiêz su sâuv têx tơưr grêix, muôx têx moz hâur têx grêix hur si. Chor poz lox muôx têx uô pâus, lưx, moz o vôngk hâur 2, 3 luz hlik; thâuv jông uô têx luz poz cxaz ntơưv têx tơưr grêix. Chor poz uô hlưr đêx, tơưs, o vôngk muôx têx pov muôx nhoz hâur nhux tưv kror ndâux, cêr nox hâuk cux li hâur têx siêz njưk.

  Têx tsưr ziv phax tar moz su poz sâuv nhux tưv têx tơưr grêix

  Thâuv tsi tâu pov nhux tưv trâul muôx têx moz li heik sâuv:

-Thôngz sâu hur si têx chuôz zis tu zus nhux tưv hâur thax tsav.

-Kriê lênhx nênhs tu zus bax tsưr ziv seiz kaz nhux tưv, zênhx max qênhz pov têx tus tsiêx tâu xav zos trâul moz, zôngx ziv trâul moz, heik trâu hâu nov, cơ quan kho moz tsiêx cxu pâuz.

-Tsuôk zuôr thiêz lênhk nhav chor tsiêx pâuz tsênhz qơư, tưz đhâu qênhz njuôk shuôs moz lơưr cui tinhv.

-Uô lơưr têx tsưr ziv phax tir thêir moz ơưk trơưk li cui tinhv, muôx hur si cơ quan kho moz tsiêx cxu cxax têx yuôx vắc xin  phax phôngz trâu nhux tưv.

Thax tsav tưz muôx nhux tưv tâu xav zos trâul moz, đhâu seiz njuôk shuôs pâuz tsênhz zos trâul moz li heik sâuv:

-Muôz têx tus nhux tưv tsi tâu muôx moz kuôk cêv, cơư tso trâu iz kro; lêis jâuz puz chor nhux tưv ntơưv têx thax tsav muôx moz, tâu xav zos trâul moz ntơư.

-Muôz hur si têx nhux tưv đhâu seiz njuôk shuôs pâuz tsênhz zos trâul moz têx poz li heik sâuv, lok sik chor nhux tưv hâur iz thax tsav xã muôx têx moz yưv jông xưk iz zav li co hlơưr por tsês.

-Qêz suô, tsuôs yuôx tuô lov caz moz, tuô zôngr, tuô têx juôv, tur ..... tsi so hâur 3 ciêz ntơưv têx chuôz zis tu zus muôx nhux tưv trâul moz, tâu xav zos zôngx ziv trâul moz; iz chas ntơư vêv xênhz, tsuôs yuôx tuô lov caz moz ơưk hur si trâu têx qơư zôngx ziv muôx moz, iz ndis chuôz zis tu zus muôx nhux tưv trâul moz.

-Kuôk cêv thax tsav, xã muôx moz thiêz uô qơư tax seiz jor têx cêr muk lol chiê qênhz yuôx tsi khênhr fax thâux têx nhux tưv muk lol đhâu trâu chor xã muôx moz ơưk.

Uô lơưr têx tsưr ziv hâur phax tir thêir moz ơưk trơưk cơ quan kho moz tsiêx cxu heik kriê.

-Seiz qênhz shênhx hâur thax tsav qơư, cxiv tsa thiêz uô trơưk tsưr ziv tsênhv tsênhz lok phax tar moz tơưv su têx luz poz lox sâuv nhux tưv têx tơưr grêix./.

(Bích Thủy KT-Riê Lâux cxeik, nhênhv)