Chuôz tsar đas jos ntâuk zênhx liv 30/4

Zos iz lênhx bộ đội lâuk cơưx mênhv nhoz TPHCM, zơưv Nguyễn Trọng Xuất, kuz Tổng thư ký côngz tsinhx lix xưv Nam bộ tsav txênhz heik: Zơưv nhoz thiêz huôx tôngv cơưx mênhv nhoz đrôngs no tưz tâu 50 shông, pov mênhx cxưx li cxuô phêv liv hâur cxiv tsav txênhz. Lơưr zơưv Nguyễn Trọng Xuất, pêz li jiês tsav txênhz tưz huiz tôngv tas nro đas jos tsôngv box cxaz chuôz:

          “Têx lênhx nênhs lênhs tov li tsưr ziv tir ntâus tros cux jông li têx cxênhx nênhs tov ntêx, thiêx li muôx tâu zênhx liv no. Đảng tưz kruôz kriê tiêk: Zos txơưx hu grus tsôngv box cxaz chuôz mak cơưx mênhv nhoz hâur tsôngv box tsi zos hâur cán bộ.Viv tsôngv box zos cơưx mênhv”.

          Tiv zix, zos tsôngv box Nam bộ li pưs txux lok six coaz tsôngv. Ciês hâur niêv đrôngs Sài Gòn, iz lênhx tsôngv box nhiêv têz nhiêv qơư cxôngx zuk li huôx tôngv tưz sik đros sơưr cêr mul tir ntâus tros châuz. Đại tướng Phạm Văn Trà, kuz Bộ trưởng Bộ côx phax khav tênhv tiêk: Hâur têx jiês sơưr tơưv txênhz nhoz faz Nam, bộ đội thiêz tsôngv box faz Nam li pưs txux lok six coaz tsôngv. Zos tsi muôx tsôngv box faz Nam mak pêz zuôr ntâus tsi tâu zênhx liv lix xưv hnuz 30/4. Tsôngv box Sài Gòn-Nam bộ tưz paz max trâu bộ đội faz Bắc, seiz têx chiến sĩ no li zuk tuz nhuôs hâur tsêr. Yuôr têx bộ đội zơưv Hloz Hôx thâuv tưs cux seiz tsôngv box Nam bộ zos cưr tix hâur iz chuôz zis, tir ntâus tros tsaz sik thâuv tưs cux muôz siêz siêz xar por vêv tsôngv box li txox siê thiêz chuôz zênhx chuôz tas. Chênhr zos li ntơưv mak tâu tsôngv box njênhs njôngr, tsôngv box hluz, tsôngv box por vêv bộ đội. Đại tướng Phạm Văn Trà heik mênhx:

          “Tsi muôx tsôngv box paz max mak pêz zuôr tsi muôx tâu yênhx côngz. Tsuôk muôx tsôngv box paz thiêx li uô tâu tas nro. Taz sik nhoz no cux tsuv heik txos chênhr zos tsôngv box Nam bộ li siêz nhiêv têz nhiêv qơư, iz siêz ndar txos têz qơưk ndar txos zơưv Hloz Hôx”.

          Thiếu tướng Phan Khắc Hy, Phưv tư lệnh Đoàn 559- Bộ đội Trường Sơn, taz viv jênhv mul coar lik Sài Gòn ciês hâur hnuz 30/4/1975 xar tiêk, khov sik côngv jông hâur tsôngv box thiêz bộ đội, tas nro tsôngv box cxaz chuôz sơưr tơưv txênhz por vêv têx qơư coaz tsôngv viv li đrôngs Sài Gòn tâu tuôr truôx. Tas nro cxix luôk tênhv tênhz, đêx tâu hôx phưx sei đrơưv. Ntâu lênhx nênhs pov tsir nhoz saz đrâuv têz qơưk xar tsi txos hâux lưv no. Khôngz qiv Sài Gòn ciês hâur hnuz faz Nam tâu tiêx tul lơưr xar tsi txos. Thiếu tướng Phan Khắc Hy heik:

          “Bộ đội ntâus tros, tsôngv box cux cxaz chuôz. Hâur cxaz chuôz co zos ngaz tul luz nênhx, ngaz tul cxuô huôx tôngv. Hnuz xiêz 1/5/1075 cur tưz mul car ciêz Sài Gòn, mul tâus cêr Sài Gòn uô si. Têx qơư muôv muôs hax huv lơưr cux muôs fênhx yax. Cur muôx 2,3 châuv cxênhz viv li zuôr tâu iz luz six hơưv mê trâu cur tul mê nhuôv”.

          Tưz ntâu shông đhâu, taz sik hnuz Sài Gòn tâu tiêx tul li khôngz qiv co tsênhv nhoz đreiv hâur ntâu lênhx tsôngv box nhoz niêv đrôngs no li siêz tsi plox. Sik côngv tas nro đas jos mênhx cxưx tưz uô tâu zênhx liv lix xưv hnuz 30/4/1975. Đhâu 44 shông faz Nam tâu tiêx tul, hla đhâu ntâu ntu huôv tsar, Sài Gòn- TPHCM tưz yênhx niêv đrôngs xar tơưv thiêz uô ntêx nyuôk hâur huôv tsar kinh têr nhoz pêz têz qơưk. Tsôngv box niêv đrôngs gra bê zơưv Hloz Hôx no tsênhv đros Đảng bộ thiêz chinhr quyênx thành phố sir jos chox TPHCM huôv tsar đuô, tsiv nhos zos niêv đrôngs jông chiê nhoz uô nênhx, huôv tsar li thax tsav thiêz sâuv ntiêx têz./.

(Cao Thoa-Txâur Vax cxeik nhênhv)

Lênhx hluôk nênhs hmôngz txơưx uô kinh têr

Tsôngv pox nhuôs sơưr đơưk hmor yuô! Txơưv nhiv kruôr muôx 25 shông, taz sik Bí thư Chi đoàn jok Khuổi Phầy, xar Hồng Thái, huyện Na Hang (Tuyên Quang), Lý Văn Tính, hêir nênhs Hmôngz, tưz yênhx côngz đros tsưr ziv tuz zus tưv cov tros maz thiêz sha mê nhuôs, tsiv gri xar muôx 1 tiv đêiv. Tix lâus zos nênhs uô ntêx hla hâur chor hluô nênhs mênhx cxưx uô kinh têr hênhr, sik paz chiê hla đhâu cêr pluôs. Phênhv hnuz no, zâuv sơưr đơưk đros nriêr pâuz lok tix lâus li tsưr ziv tu zus tưv cov tros no.

(Hlôngr suôz)

Xênhz zus hâur iz ziv chuôz zis muôx luz nênhx txov nhêv, Lý Văn Tính pâuz tâu txos cêr txov nhêv, viv li txix ciês thâuv tsênhv nhoz hâur tsêr cơưv ntơưr, tix lâus tưz tsik so sir jos cơưv ntơưr, chiê sir zôngv trâu huôv tsar kinh têr chuôz zis.

Đhâu thâuv zuôr pox niêv, tsik chưx yêiz pluôs, tix lâus sir jos uô nox ciês sâuv zuk thax tsav qơư nhoz. Tix lâus Lý Văn Tính hêik: Jênhv pâuz jok Khuổi Phầy zos thax tsav tox trôngz, ntâu thax tsav yar tiêx jâuz tâux, lok six huv đros chiê huôv tsar tu zus tsiêx cxu, tiv zix zos zus nhux tưv, viv li tix lâus tưz đros chuôz zis bax cxuô zav trâu tu zus tưv zos yênhx kror hâux lưv uô paz muôx phênhv sâu truôx trâu chuôz zis. Đros gruôs thiêz sir jos, tix lâus tưz sir jos nriêr pâuz, cơưv shâuv chênhz zênhv txix têx tsưr ziv thiêz sir zôngv khoa học kỹ thuật hâux lưv tsoz phưz zuk chuôz zis chor tưv. Txos nhiv no, tix lâus chuôz zis tưz muôx 27 tuk tưv. Nhiv no gri muôs tưv sâuv  ciêz đrôngs txix 20-35 triệu đêiv iz tuk. Tas nro tix lâus chuôz zis têx tsiv gri co njuôk xav muôx 1 tiv đêiv.

Tix lâus Lý Văn Tính puz pâuz: Xuz thơưx tix lâus cxiv uô tsêr guôx cov truôx jông, taz por “sor chêix ntux no, lax chêix ntux lax”, đhâu co piz zus paz tưv cov ntâu. Chiê muôx tâu paz tưv jông, tix lâus xêir tsov têx tuk lox, muôs jos chiê zus cov cxaz paz tưv. Đros co, tix lâus tsênhv chos tâux chiê muôx nzir zav nox trâu tưv, cxax yuôx phax moz cxix cxuô thiêz sêiz shuôk jông chor tưv li đas jos. Chênhr vi li, nhiv kruôr đhâu txơưv muôx ntux no chênhr, taz sik tix lâus chor tưv cux tsik njiz phiv liv li chak.

Nhạc cắt

Tưz tsik zos paz trâu chuôz zis, tix lâus Tính tsênhv sir jos paz trâu chor chuôz zis txơưr đuô muôx luz nênhx txov nhêv huôv tsar kinh têr. Đrâuv paz lok kỹ thuật tu zus, muôl muôs nhux tưv mak têx shông đhâu tix lâus tsênhv paz chor chuôz zis hâur jok uô tsưr ziv zus uô cê, lơưr tsưr ziv tix lâus paz nôngz trâu chor chuôz zis tsik muôx tsar tov zuôr tưv chiê zus cov tros. Đros tsưr ziv no mak tsik tsơưs chor ziv chuôz zis hâur jok muôx nzir phênhv sâu  paz truôx tuk luz nênhx, jux juk hla đhâu cêr pluôs.

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix TNVN iz suôv faz Bắc sik côngv đros tsênhv qơư cxơưz cxiz uô kôngz têz qơưk uô./.

(Lik Thox cxêik nhênhv)