Quảng Ninh: chuôz cxaz phax tar moz vưv hâur chêix ntux sor

Têx hnuz yar ntux cuz sor nhiv kruôr đhâu, lok six chôngz lênhx nênhs moz tuôx trâu tsênhv qơư qênhz shuôk caz moz Quảng Ninh chiê cxax yuôx vắc xin phax tar moz vưv đhâu thâuv trâus đêr tov. Pos Trần Thị Năm, nhoz ntơưv phường Giếng Đáy thành phố Hạ Long, puz pâuz:“Chôngz lênhx nênhs trâus đêr vưv tov trâus tuôs. Kuôk no oz pêz shông nhoz ntơưv iz saz tsêr cux muôx iz lênhx nênhs trâus tuôs viv li zuk phax trâu zuk xưz, txơưv tiêk cur vax tsêr cux cxax yuôx trâu đêr cxix cxuô lơưv taz sik zuk cux tuôx cxax thiêz”.

Lơưr thôngz sâu, yênhx shông Tsênhv qơư qênhz yuôx caz moz Quảng Ninh txêik jênhv txix 3000 txos 3.500 lênhx nênhs tuôx chơưv kho phax tar moz vưv đhâu trâus têx tsiêx tov. Nhiv no tas nro tỉnh Quảng Ninh muôx zuôr xar 130.000 tuk đêr hok qênhx shênhx tso đêr tsik chox tơưz lôngx kror ndâux mka muôx ntâu uô trâu chor nênhs trâus đêr tov tsuv chox tuôx cxax yuôx phax tar moz vưv chuôz ndê chôngz. Bác sỹ Nguyễn Thị Dung, Trưởng khoa qênhz yuôx moz sik cik Tsênhv qơư qênhz yuôx caz moz tỉnh Quảng Ninh hêik:“Chiê phax, tar moz vưv mak uô ntêx tsuv phax tar jông têx txiêx nanv trâus saz tiv đêr, mir lok sik têx tsiêx kuk tov. Iz hâur têx kror hêik sơưr đơưk pauz zos tu zus đêr mak tsuv taz por ngaz tuk trâu sơưr đơưk; zuôr zus tâu cơư hâur guôx, khi hluô lok sik thâuv tso đêr tơưv đrâuv jôngr mak tsuv chox tơưx lôngx kror ndâux…Pêx xênhv cxax yuôx phax taz caz moz trâu đêr lơưr cơ quan thú y hêik kriê”.

Yar ntux cuz sor chêix ntux sor zos tsar tov zôngx ziv trâu caz moz vưv huôv tsar. Thâuv chôngz lênhx nênhs zus đêr tsênhv tsik tâu moz siêz txos cxax yuôx phax tar moz vưv trâu tsiêx tu zus mak cxax yuôx phax tar moz vưv đhâu thâuv trâus đêr, mir tov zos kror hâux lưv tsuv uô chiê por vêv trâu zuk. Taz sik, lok six tsuv uô jông chêi xưv bluô chor tsưr tu zus đêr tsik uô jông lơưr têx cuiz tênhv lok taz por ngaz tuk trâu côngv thôngx, tiv zix zos ntơưv têx qơư du lịch, ciêz đrôngs muôx chôngz nênhs./.

                                                                    (TTĐB-Lik Thox cxêik nhênhv)

Sâu tâu yênhx puô tsov đeiv txix tu zus yis

Xênhz zus thiêz hloz lox nhoz thax tsav tox siêz, tix lâus Đinh Anh Tuấn nhoz jok Đồng Lỳ, xã Huy Hạ, huyện Phù Yên, tỉnh Sơn La, đrav ntêx phênhv ntâu zos đrol chuôz zis uô têx liêx têz, sâu tâu tsi siêz. Đhâu thâuv zuôr pox niêv, muôx chuôz muôx zis, pov uô liêx têz lok six khưr thiêz phênhv sâu tâu tsi truôx tuk, tix lâus tưz seiz lax đros chuôz zis muôz têx liêx têz hlôngr uô đuô lưv zav, zos tu zus yis. Txix têx pênhr tsơưs, cxênhx txuôs tâu iz kro mê njik, đros trâu kêr txeik nzir tsêr nhiêx 2 tsov đeiv, tix lâus tưz yưv pênhr zuôr 20 tuk nôngz yis lok zus.

Xuz thơưx, tix lâus njiz tsi tsơưs têx phiv liv, txix kho iz cxiê zav moz trâu yis, txos trâu tsưr ziv tu zus li chas cov muôx tâu têx paz yis hloz lox jông..... Taz sik, tsuôk đhâu 6 hli ntâu sir jos, cê uô cê cơưv shâuv tsưr ziv; ntơưv qơư ho muôx ntâu jâuz uz no fiv đros trâu tu zus yis, tix lâus Tuấn tưz thêv tas têx nux grik trâu tsêr nhiêx thiêz muôx ntâu tsưr ziv chiê huôv tsar zuk tsưr ziv uô nox. Txos nhiv no, xav kror đruôz đraz hâur tix lâus qơư tu zus co thâuv tưs tưz muôx 100 tuk yis. Tsi tiêk phưx vưv trâu ciêz đrôngs hâur huyện, hâur tỉnh, mak tix lâus têx yis tsênhv tâu muôs trâu têx tỉnh li: Hà Nội, Hưng Yên, Phú Thọ...., tâu liv muôx nhos 200-300 tsov đeiv iz shông. Tix lâus Tuấn heik pâuz:“Zuk seiz shuôs njôngr hâur niêx hnuz, tso chor yis muk nox jâuz, ndê trôngz, ndê poz jêz pov têx yis muôx jos, nox jâuz tâuk tsâu đuô, thâuv zar hnuz kêix, tsâuk ntux mak zul muôz mê njik njêr trâu nox, niêx hnuz qênhz shuôs njôngr, taz sik ntux lok nas mak tsi cxoz tso, yar ntux mav tso muk nox jâuz, têx yis zênhx hloz lox, trok jông xưz”.

Tsi tiêk yưv pênhr huôv tsar kinh tế trâu chuôz zis, tix lâus Tuấn tsênhv heik, zâuv têx cưr tix nênhx tsa, tsôngv box sđ hâur jok đros huôv tsar tu zus chiê muôx phênhv sâu tâu truôx tuk, paz tsaz yênhx cxiv tsa jêx jok yiêz heik paz thiêz huôv tsar kinh tế-XH ntơưv qơư heik cxuô.Ntâuk grê lok tix lâus Đinh Anh Tuấn trâur nuv huôv tsar uô nox, pos Đinh Thị Thoa, Chủ tịch Hội nôngx mênhx xã Huy Hạ, huyện Phù Yên heik:“Zơưv Tuấn tsưr ziv uô nox no zos iz tsưr ziv huôv tsar uô tâu jông hâur xã, hur tiz si têx hội viên nôngx mênhx hâur xã tsuv cơưv shâuv đôngx chir tsưr ziv uô chiê huôv tsar kinh tế chuôz zis. Tiv 2 zos chiê paz trâu tsaz yênhx cxiv tsa jêx jok yiêz lok sâuv cxiv tsa trâur nuv kinh tế uô tâu trơưl têk”.

Car xar, car uô, gra lok phênhv sâu tâu siêz, tix lâus Đinh Anh Tuấn tsênhv tsênhv zos tsov iêr chi cax, uô ntêx nyuôs hâur phôngz yaox cxuz cêr yeiz pluôs, uô bluô nux trâu chuôz zis thiêz ntơưv qơư hâur tỉnh tox siêz Sơn La./.

                                    (Đắc Thanh-Riê Lâux cxeik, nhênhv)