Jax sâu  thưr 7, hnuz 30/7/2016:

Têx xaz txoz nox kaz Tây Bắc

“ Txix thâuv pâuz muk trâur tơưk, niêv kriê shâuv uô jâuz uô mor nox, cur tưz pov chor pos thiêz têx lênhx niêv muôz xaz txoz lok uô shơư têx grêix, jâuz nox. Hâur nênhs Thêir qơư uô jâuz uô mor nox thâuv tưs tưz zuôr tsuv xaz txoz chiê shơư têx jâuz”. Pos Lò Thị Chăm, nhoz jok Nà Cóng, TP Sơn la heik: Txir xaz txoz khênhr siêr trâu hli 10, hli 11. Chor txir nhôngk njuôz mak muôx iz tsok lok six tsư ha thiêz nox kaz đuô hur si, taz sik chiê por hưv tâu ntêr, lơưr khênhr muôz jiêz kruôr lok sik đei sâuv têx kaz nthaz, tsês chiê nox hâur yênhx shông. Tsi njiv, cxơưz cxi li hưx txoz, xaz txoz muôx iz tsok tsư ha nưk txơưr nưk. Nox siv iz luz xaz txoz mak mê njik njiv thiêz muôx iz tsok mê njik iêz đros, taz sik jux juk uô muôx iz tsok mê njik kaz jiz, tsư kaz trâu hâur kror ndâux.

Têx txir xaz txoz tưz tâu jiêz kruôr, gra lok ciz siêr, tsês txiêk, li muôz tuôr cov mok. Nênhs Thêir Tây Bắc zôngv xaz txoz chiê shơư trâu têx grêix cxiêz li: njêl cxiêz, grêix keiz cxiêz, grêix caz puôz kra kruôr….cê chiê uô trâu têx grêix tsi tsư nhôngk cê uô trâu grêix tsư kaz. Nênhs Thêir têx zav nox kaz thâuv tưs tưz zuôr tsuv muôx xaz txoz shơư, hâur pluôk nox tsi muôx xaz txoz mak hnuz ntơư tưz nox tsi kaz. Pos Lò Thị Chăm heik:

“ Hâur pêz nênhs Thêir têx zav nox thâuv tưs tưz tsuv muôx xaz txoz, lar heik zos hâur têik cuô txoz njư jâuz mak tsuv muôx xaz txoz. Tsi muôx xaz txoz mak têx zav nox chuôs li nox tsi kaz”.

Têx lênhx kruô nhoz luôs 2 chas tuôx nox tsuv tsôngv box Thêir têx zav nox muôx xaz txoz heik co lơưr cux kruôs tiêk, chas tsư ha thiêz nox kaz luôx li ntơư. Muôx iz tsok mê njik njiv, mê njik hoz, tsư ha nziês. Têx xaz txoz mak jông đuô hur si zos huv trâu têx grêix cxiêz, lar heik zos njêl cxiêz, muôz xaz txoz plênhr trâu saz đrâuv tuk njêl, chiê njêr, xaz txoz têx thơưv tas trâu chor grêix njêl ,li muôz cxiêz. Njêl cxiêz nhiv kruôr siêr, tsư grêix njêl shơư xaz txoz, lok six tsư ha. Iz chas ntơư têx grêix keiz, grêix tưv, grêix nhux cxiêz, lar heik zos grêix caz puôz nhux, caz puôz tưv, đrâuv muôz têx tâux đuz, kriêr, cuô txoz, kix lok đo shơư mak cux tsuv muôx xaz txoz li tsư ha thiêz nox kaz. Lênhx kruô tưs nox tsuv tsôngv box Thêir Sơn La têx zav nox muôx cxix cxuô têx txuôx lov li heik sâuv shơư trâu mak tưz kruôs nxiês. Niêv lâuk nguyễn Ngọc Anh, iz lênhx kruô nhoz Đông Anh, Hà Nội tuôx heik:

“ Jiês xuz thơưx tâu nox zav nox muôx xaz txoz shơư. Zav nox no lok six kaz, uô trâu pêz ndo njôngr. Thâuv tror muk tsêr, pêz zuôr, zuôr iz kro xaz txoz chiê muk uô nox siv đrav tsêr”.

Lênhx tiz nênhs tưs tưz tâu nox têx zav nox muôx xaz txoz shơư, muôx têx thâuv tưs tưz ndo njôngr txos, tsi tiêk nhoz suôv qơư tưs cux zok nriêr tâu thiêz muôx. No cux zos iz kror jông thiêz kaz hâur nênhs Thêir têx zav nox mak tsôngv kruô tuôx ndis shuôs têz qơưs trâu thax tsav tox siêz Tây Bắc tsuv tâu nox siv, pâuz txos./.

                                     ( Thủy-Việt-Riê Lâux cxeik, nhênhv)

Phênhv thưr 7, hnuz 30/7/2016:

Jâuz njuôz ntus hâur pâuk kruôr Đầm Hà-Đông Bắc

          Zos uô cov tâu zav jâuz njuôz ntus hâur pâuk kruôr, nox kaz, tsôngv px nhoz huyện Đầm Hà, tưz xêir têx thax tsav ar nxênhr shơư suôz jêz chiê chos. Viv thax tsav ar ntơư nziv chos zav  jâuz njuôz ntus hâur pâuk, tsik yuô muôx caz hmoz ruôr hiêv, tsuôk zos đhâu 3 luz hli tsêz chos, jâuz tưz jông sâu muôs.

          Tsôngv px nhoz huyện Đầm Hà muôz zauv jâuz njuôz nhôngk ntus hâur pâuk chox lok uô jâuz kâuz lok sik chox lok jiêz kruôr. Pos Hoàng Thị Quang, zos iz lênhx uô jâuz njuôz kruôr, uô jâuz kâuz muôs trâu hâur ciêz Đầm Hà hêik pâuz:

           “Zav jâuz njuôz ntus hâur pâuk chos trâu ntơưv huyện Đầm Hà mak nox kaz; luz hâur pâuk ntêr, jông gâux. Thâuv chox lok uô, tsuv tâu jiêz 2-3 hnuz cov đax nox thiêx kaz”.

          Jâuz njuôz kruôr ntus hâur pâuk, zos zav nox uô zôngx ziv. Thâuv sâu tâu lok tsuv muôz luz jâuz ntus hâur pâuk ntơư nzuôr cov hur thiêz muôz cxôngr cov nhiêk njêik li chox muk jiêz cov kruôr mav li chox muk muôs trâu ciêz đrôngl. Jâuz njuôz ntus hâur pâuk, zôngx ziv uô shơư grêix ndu; shơư cuô grêix lok sik ciz shơư grêix nox cux kaz. Taz sik, phênhv ntâu zos muôz uô jâuz kâuz tsâu njêr chiê muôs thiêz tsês nox hâur yênhx shông, jâuz cux tsik puôk tsuôx thiêz zav jâuz ntơư, tâu tsôngv kruô sđ nhiêv zuôr nox. Chos 1 ha jâuz njuôz ntus hâur pâuk, sâu tâu 9 tấn jâuz nhôngk. Zơưv Đinh Dựng Nghiệp, zos iz lênhx chos jâuz ntus hâur pâuz muôs hêik pâuz:

           “Hâur ntu đrav ntêx mak muôs trau Trung Quốc xưz, sâu tâu nhiêx txiêx tsơưs; taz sik nhiv no hâur pêz têz qơưs muôx qơư muôs, cux sâu tau nhiêx txiêx yax oz pêz bâus pir li ntu đrav ntêx”.

          Đhâu oz shông muôz têx têz blêx hlôngr tsêz chos jâuz njuôz ntus hâur pâuk, pos Hầu Thị Ty tưz muôx phênhv sâu tâu nhiêx txiêx mê njik.

           “Tsêz chos jâuz njuôz ntus haur pâuk, sâu tâu nhiêx txiêx ntâu đuô pir li tsêz chos blêx thiêz tsêz chos poz cưk thiêz thâuv sâu cux zôngx ziv sâu đuô”.

          Chênhr zos li hêik ntơư, luôs hâux lưv huôv tsar tsêz chos jâuz njuôz ntus hâur pâuk ntơưv huyện Đầm Hà, chox lok uô jâuz kruôr thiêz jâuz kâuz muôs, cux paz phênhv sâu tâu nhiêx txiêx trâu tsôngv px sđ txo grêk yêiz pluôs thiêz zos huyện Đầm Hà iz luôs hâux lưv uô yiêz. Zơưv Phạm Văn Kha, phó chủ tịch uỷ ban huyện Đầm Hà hêik pâuz:

           “Zav jâuz njuôz ntus hâur pâuk cux tâu sđ nhiêv zuôr nox thiêz pêz tsênhv yax kriê tsôngv px sđ kriz đar têz tsêz chos thiêz muôz qir paz trâu px huôv tsar uô”.

          Tsôngv px huyện Đầm hà tsênhv taz tov sir jos huôv tsar tsêz chos jâuz njuôz ntus hâur pâuk chiê uô jâuz kruôr, jâuz kâuz muôs trâu ciêz đrôngl thiêz tsôngv kruô tuôx ndis shuôk têz qơư txos./.

                                        (Tsu cxêik nhênhv-VOV4 Đông Bắc)