“Tsêr sor siêz Công đoanx” paz cêr shir phaz trâu nênhs lox tôngv pluôs

 2, 3 shông đrav ntêx, tix lâus Nguyễn Viết Hồng, công nhân qêz suô têx vuôz tsuôz, kiêk nênhs ntơưv ciêz Hòa Cường, nhoz Công ty tênhx qơư ciêz đrôngs TP Đà Nẵng luz nênhx lok six txov nhêv. Đrâux pox niêv tas, tix lâus Hồng lok đros niêv thiêz txir hnuz nhôngs tưz lâuk nhoz hâur luz tsêr cấp 4, ntơưv xã Hòa Tiến, huyện Hòa Vang. Têx nhiêx hli uô luôs hâux lưv heik sâuv iz hlik tưz tsi tâu tâu 5 tsov đeiv, tix lâus chuôz zis luz nênhx muôx tsi txâuk nox, tsi txâuk hnar. Nhiv kruôr no, Liên đoanx lox tôngv TP Đà Nẵng tưz paz tix lâus Hồng cxiv uô tâu vax tsêr jông nhoz:

“Xuz thơưx cux uô tsâus txos Công đoanx  paz trâu cur muôx tâu luz tsêr nhoz. Nhiv no lok trâu zar tov kaz, cur cux muôx vax tsêr nhoz lơưv, tsi trâus cxơưx thâuv ntux yar ntux nas. Thâuv tsiêz, têx hnuz ntênhs, huv paz heik cxuô cux muôx cxix. Cxuô cấp hâu nov  lok six moz siêz txos pêz nênhs txov nhêv”.

Tix lâus Lê Văn Bình, uô hâux lưv nhoz Sở Tư pháp TP cux muôx luz nênhx txov nhêv xưk li heik sâuv. Tix lâus Bình heik, tix lâus 2 niêv txir siz zuôr tâu 7 shông lok no, tsuv ntiêr tsêr nhoz xưz. Luz nênhx ziv txov nhêv đuô thâuv chuôz zis muôx nzir 2 lênhx nênhs. Tix lâus 2 niêv txir vav thiêz xar njôngr, cov cxiv uô tâu iz luz tsêr muôx vax tsêr đros luôs nhoz, taz sik zos tok têx nhiêx hli mak tsi pâuz shor thâuv tưs thiêx cxiv uô tâu tsêr lok nhoz. Lok six shir phaz, Công đoanx TP Đà Nẵng tưz paz tix lâus cxiv uô tâu luz tsêr yiêz. Tix lâus Lê Văn Bình heik pâuz:

“Cur chuôz zis nhiv no lok six txov nhêv, tâu Công đoanx paz cxiv uô tsêr , cur lok six shir phaz thiêz jông siêz thâuv muôx tâu têx nhiêx paz uô tsêr. Iz chas paz nhiêx txiêx mak Công đoanx TP cux paz têx huv uz no chiê cur chuôz zis hla đhâu cêr txov”.

Ntâu shông lok no, tưz muôx yênhx cxênhz lênhx lox tôngv muôx luz nênhx txov nhêv tâu Công đoanx cxuô cấp paz cxiv uô tsêr nhoz. Zơưv Hoàng Hữu Nghị, Phưv Chủ tịch Liên đoanx Lox tôngv TP Đà Nẵng heik pâuz: Iz cxênhz ntâu lênhx công nhân, lox tôngv pluôs nhoz TP tâu paz uô tsêr nhoz thôngz đhâu tsaz yênhx “Tsêr sor siêz công đoanx”. Têx nhiêx txiêx no zos đoanx hluôk nênhs thiêz nênhs lox tôngv TP siz chos gôngr paz. Xav kror đruôz đraz iz shông, TP Đà Nẵng cxiv uô thiêz choz 50 luz tsêr “Sor siêz công đoanx”, paz nênhs lox tôngv truôx tuk qơư nhoz, sir jos hla đhâu têx cêr txov thiêz phiv liv hâur luz nênhx. Trơưk li zơưv Hoàng Hữu Nghị, tsưr tsix Công đoanx tsênhv tsênhv zos qơư khov vav jông, tsi so tsoz phưz luz nênhx nox nhoz, paz nênhs lox tôngv, tso siêz huôv tsar uô nox uô hnar:

“Nênhs lox tôngv li phênhv sâu tâu nhiv no lok six phiv liv. Chênhr hâux lưv zênhx max paz trâu công nhân muôx luz nênhx txov nhêv thâuv cxiv uô, kho têx vax tsêr, tưz paz phênhv tưs nênhs lox tôngv muôx luz nênhx hlôngr yiêz chiê lơưr tso siêz lês uô têx hâux lưv zok muôz. Tsêr sor siêz công đoanx no trơưk li Liên đoanx Lox tôngv,  tror tuôr truôx, uô đreiv thiêz choz tsêr  sor siêz no pêz uô hâur niêx shông, fuô kriê txos trâu cxuô cấp công đoanx zok nriêr têx lênhx lox tôngv muôx luz nênhx txov nhêv xar cxiv uô, kho đuô têx vax tsêr, zuôr paz lơưr uô”./.

                             (VOVMT-Riê Lâux cxeik, nhênhv)

Lênhx pox niêv Hmôngz sir jos uô nox nhoz Sáng Pao

Niêv lâuk Chớ Thị Bliêk, 44 shông, heir nênhs Hmôngz nhoz jok Sáng Pao, xã xà Hồ, huyện Trạm Tấu, tỉnh Yên Bái zos lênhx pox niêv car xar car uô chiê hla đhâu yeiz pluôs. Thâuv hla đhâu cêr pluôs ho paz têx lênhx nhoz iz ndis thiêz sir jos đros uô têx nuv, phôngz yaox ntơưv qơư

Kuôk no muôx 10 shông, niêv tix Bliêk zos chuôz zis pluôs, luz nênhx txov nhêv, tuk txir ho muk cơưv đêz, iz lênhx tsuv tu zus 3 tuk mê nhuôv zâu. Thâuv uô tâu blêx, poz cưk mak tsênhv muôx nox, têx shông kôngz lôngk tsik jông mak luz nênhx njiz lok six ntâu phiv liv.

Shông 2010, niêv tix Bliêk tâu canr bôv Hôiv gâux muôv vir ndâuk xar Xà Hồ yax kriê, hêik cxaz chuôz xênhz huôx Hôiv thiêz tâu dự án paz uô nox paz iz tuk niêv buô zus sha mê nhuôv. Txix no, niêv tix Bliêk sir jos cxaz chuôz trâu chor lớp kruôz kriê tu zus, chos kôngz lôngk trâu lox tôngv jêx jok chiê pâuz nzir chênhz zênhv huôv tsar tu zus tsiêx cxu…

Txix iz tuk niêv buô xuz thơưx, nhiv no niêv tix Bliêk ziv chuôz zis muôx 8 tuk nhux, tưv, 50 tuk yik, 2 tuk niêv buô sha mê nhuôv. Iz jas cux muôs muôx 20 tuk buô grêix. Xav kror đruôz đraz iz shông niêv tix Bliêk ziv chuôz zis sâu tâu lok muôx 70 triệu đêiv ntâu, zos iz phênhv sâu tsik tsơưs trâu iz ziv chuôz zis tsôngv box Hmôngz nhoz tox siêz. Đrâuv tu zus tsiêx cxu, niêv tix Bliêk tsênhv khơưz pak njêl zus njêl thiêz uô 6.000 ntâu yiv ndis blêx liêx. Khov pâuz cxênhx txuôs niêv tix chuôz zis tưz uô tâu vax tsêr jông, zuôr tâu cxix cxuô têx chuôz zênhx sir zôngv thiêz phưx vưv uô xênhz yar kôngz nuv li mêir luôv blêx, mêir lêix têz, lêix liêx…

Nhạc cắt

Niêv tix Bliêk lok six sir jos cxaz chuôz chor phongz yaox ntơưv tiv phaz, tiv zix zos phongz yaox sik tưr huôv tsar uô kinh têr, cxuôv yêiz thiv pluôs, cxiv tsa jêx jok yiêz…Đrâuv tsik so sik phêiz kênh chênhz zênhv tu zus, iz shông niêv tix tsênhv paz trâu iz lênhx hôiv viên pox niêv iz tuk mâuv buô zus sha mê nhuôs. Niêv tix cux tsik so hêik sơưr đơưk sir jos uô xênhz yar, gra siêz phênhv sâu. Pos Lưu Thị Quế, Chủ tịch Hôiv Liên hiệp gâux muôv vir ndâuk huyện Trạm Tấu hêik:“Niêv tix Bla zos iz hâur chor pox niêv uô tâu hâux lưv jông hâur phongz yaox paz pox niêv pluôs huôv tsar uô nox, cxuôv yêiz thiv pluôs”.

Nhiv no, pêx xênhv nhoz jok Sáng Pao thiêz tas nro hâur xar Xà Hồ tsik so hêik txos niêv tix Bliêk li tsưr ziv, sir jos khưr uô nox chiê kruôz kriê, hêik têx tuz nhuôs cơưv shâuv huôv tsar kinh têr ziv chuôz zis, sir jos uô bluô nux

Tsôngv ....! Phênhv “Nôngx mênhx zuôr tsuv pâuz” ciêz no tsuôk muôx li no xưz. Phênhv no zos Đeix TNVN nhoz iz suôv thax tsav Tây Bắc đros Tsênhv qơư cxiz kôngz têz qơưk uô./.

(Đinh Tuấn-Lik Thox cxêik nhênhv)