Lai Châu paz cxiv uô tsêr nhoz trâu chor nênhs muôx côngz têz qơưk

Tir ntâuk trol châuz nhoz đriv têz shông 1979 txơưv tiêk tưz đhâu lơưv ntêr, taz sik zơưv Vũ Đức Thuận, nhoz jok 24, thị trấn Tân Uyên, huyện Tân Uyên, tỉnh Lai Châu cux tsênhv ndo njôngr lok têx hnuz nhôngs thâuv tir ntâuk trol co hâur đruôz siêz tsi plox. Đhâu tir ntâuk trol châuz, zơưv hmôngr jông tâu tror lok đros chuôz zis nhoz uô nênhx, tsênhv thâuv zơưv ntâu lênhx fôngx zưs đros tir ntâuk trol ntơư tưz tâu tas siv nênhx, tsês têx cêr pôngz siêz trâu chor nênhs hâur tsêr nhoz tov kaz.

Zơưv Thuận heik: Đhâu muk uô tuz lênhv tror lok, zơưv muk Ninh Bình tok pox niêv mê nhuôv tuôx trâu faz Bắc cxiv uô luz nênhx yiêz thiêz nhoz đreiv ntơưv huyện Tân Uyên txix thâuv co tax txos nhiv no. Txơưv tưz sir jos, taz sik đros thiêz têx kuz moz thâuv ntu tir ntâuk trol châuz ntơư trâul, viv li têx hâux lưv uz no phênhv ntâu zos khov trâu pox niêv, mê nhuôv. Hâur shôngk shông 2020, zơưv chuôz zis tâu paz max 50 tsov đeiv txix huyện li cuiv nhiêx ndo côngz pâux txiêx njis chiê cxiv kho đuô vax tsêr nhoz: “Iz chas têx chei paz trâu chor nênhs tâu sơưv têz qơưk têx chei paz heik taz thiêz nênhs muôx côngz trâu têz qơưk heik cxuô, chor txir hloz tâu hâu nov cxuô cấp moz siêz txos, lar heik zos tsaz yênhx paz cxiv uô, kho đuô têx vax tsêr nhoz trâu chor nênhs muôx côngz têz qơưk. Đhâu thâuv muôx heik pâuz lok paz cxiv kho têx vax tsêr, mak cux tâu ban ngênhx tuôx qênhz shuôs, pov tsênhz têx nênhs muôx côngz têz qơưk ntơư têx cêr txov, lơưr cux zênhx max muôx chei paz, uô trâu chor nênhs muôx côngz lok six shir phaz”.

Chiê sik pheiz kênh têx cêr txov thiêz phiv liv đros chor chuôz zis muôx lênhx nênhs trâul moz thiêz trâul tuôs thâuv ntu tir ntâuk trol châuz, nênhs muôx côngz têz qơưk, shông 2020, huyện Tân Uyên tưz paz cxiv uoo, kho đuô 22 luz tsêr trâu nênhs muôx côngz têz qơưk, têx lênhx đros tir ntâuk trol châuz hâur thax tsav. Txơưv tiêk hâur thax tsav qơư tsênhv yuôr ntâu txov nhêv, taz sik huyện tưz muôz 700 tsov đeiv ntâu, hâur co  500 tsov đeiv ntâu zos  nhiêx txiêx ntơưv qơư chiê uô têx hâux lưv li heik sâuv.  Txos nhiv no, 100% chuôz zis muôx lênhx nênhs trâul moz, tâu tas siv nênhx thâuv ntu tir ntâuk trol châuz, nênhs muôx côngz têz qơưk tưz muôx luz nênhx jông xưk luôs lưv tus hâur thax tsav huyện.

Pos Lê Thị Tình, Tsar phongx Lox tôngv, xaz pênhz thiêz XH huyện Tân Uyên, tỉnh Lai Châu heik pâuz: “Pêz cux xav têx tsênhv njiêz, tsưr ziv chiê fuô kriê Đảng, têz qơưk têx chei paz tsês trâu chor nênhs muôx côngz têz qơưk hâur thax tsav. Uô luôs hâux lưv muôz têx nhiêx paz ntơư zênhx max txos trâu chor nênhs muôx côngz thiêz fuô uô têx tsaz yênhx paz max li: paz lok sâuv hâux lưv uô, kriê tsưr ziv uô nuv trâu chor nênhs muôx côngz têz qơưk thiêz lơưr têx tuz nhuôs, chei paz lok sâuv tsoz phưz đas jos, y tế, choz kriê chor nênhs muôx côngz hâur thax tsav têx mê tuz mê nhuôv lok sâuv cêr uô nênhx, cơưv txux chi.... Iz chas co yax kriê, heik sđ sik đros paz têx lênhx nênhs muôx côngz hâur thax tsav cov muôx luz nênhx tsâu sor xưv luôs lưv tus”.

Nhiv no, tỉnh Lai Châu tsênhv seiz car, tuôr chiê zuôr xar 7.800 lênhx nênhs muôx côngz têz qơưk têx ntâuz ntơưr uz no trơưk li chei têz qơưk lol paz chor nênhs muôx côngz. Đhâu zuôr xar 7 shông uô lơưr tsênhv chei paz max cxiv uô tsêr nhoz trâu nênhs muôx côngz têz qơưk trơưk Thủ tướng Chính phủ quyết tinhv, ntơưv qơư tưz paz cxiv uô yiêz, kho đuô tsêr nhoz trâu 600 ntâu chuôz zis, paz têx chuôz zis muôx côngz tso siêz huôv tsar uô nox, truôx tuk luz nênhx./.

(Khắc Kiên-Riê Lâux cxeik, nhênhv)

Hợp tác xã saz pênhz 27/7: Siêz sir jos jông

HTX saz pênhz 27/7 tâu yênhx lix shông 1989, đros siêz xar chêx chôngk têx lênhx bộ đội lâuk thâuv ntêx trâus saz tiv cxaz chuôz tir ntâus tros châuz nhoz huyện Mai Sơn sik đros hla đhâu têx hpêv liv, cxuôv yeiz thiv pluôs, huôv tsar kinh têr.

          Saz pênhz hov 1/4 Lò Văn Sức, shông no tưz muôx 74 shông, zos iz hâur têx lênhx nênhs xuz thơưx yênhx lix HTX puz pâuz: Ntu co, ntâu lênhx saz pênhz cxôngx qơư tsav txênhz tror lok, tsi muôx hâux lưv uô, ntâu ziv chuôz zis lok six txov nhêv, zơưv thiêz 9 lênhx saz pênhz tưz truôx siêz cxiv tsa HTX chiê sik paz max cxuôv yeiz thiv pluôs: “Cxôngx têx phêv liv, têx lênhx saz pênhz tưz sir jos cxiv tsa, sik zâuv huôv tsar kinh têr, muôv muôs; tas nro têx ziv chuôz zis puôr lênhx ndaz txos hâux lưv tsi yuôr ziv chuôz zis tưs zos chuôz zis pluôs thiêz”.

          Đhâu 30 shông yênhx lix thiêz huôv tsar, HTX tưz hla đhâu cxuô phêv liv, tiv zix zis ntu hlôngr cxôngx têz qơưk paz txưv trâu ntu kinh têr niêv ciêz, muôx têx ntu HTX njuôs xav zuôr tsi tror huôx tôngv tâu thiêz, têx lênhx nênhs hâur HTX lok six txov nhêv, mê nhuôs tsi muôx hâux lưv uô, ntâu lênhx mê nhuôs trâus têx tiv nanv xã hội.

          Taz sik chênhr thâuv phêv liv co, têx lênhx bộ đội lâuk ho ziv truôx siêz sir jos đuô. Têx cxênhx nênhs hâur HTX tsi tos njôngr txos têz qơưk li paz txưv thiêz mak thâuv tưs cux sik côngv siêz paz max, phuôx huiz cêr chax chês bộ đội zơưv Côngz Hôx sir jos hla đhâu cxuô phêv liv, hla đhâu cêr pluôs, sir jos uô bluô nux. Bộ đội lâuk Nguyễn Ánh Đăng, lênhx nênhs hâur HTX heik: “Cur lok six jông siêz viv zos iz lênhx bộ đội tror lok thiêz muôz hâux lưv uô trâu têx mê nhuôs chuôz zis tâu sơưv cêr chei, paz lơưr hla đhâu cêr pluôs, viv li cur pov lok six txưv haox lok pêz li HTX”.

          Txos nhiv no, HTX muôx zuôr xar 40 lênhx nênhs, chêx chôngk tsiv uô têx zav đêx kaz jiz, chos kôngz lôngk, tsoz chos công nghiệp, ntông nox txir, tsiv uô xiv huv kôngz nuv, tu zus tsiêx cxu, keiz ok, shuôz njês, muôv muôs cxuô zav....tso lok phênhv sâu fênhx pheiz 10 tỷ đeiv iz shông; thôngx cxix muôz hâux lưv uô yax six trâu 30 lênhx nênhs lox tôngv thiêz 70 nênhs lox tôngv lơưr chiv cheix, đros phênhv nhiêx shar zos 3-4 tsov đeiv iz luz hlik. Saz pênhz Lò Văn Sức puz pâuz cxaz: “Zos lênhs tov HTX saz pênhz 32 shông no, cur pov lok six jông siêz viv têx bộ đội nhoz Mai Sơn puôr lênhx muôx hâux lưv uô, muôx jông đas jos, tsi yuôr ziv chuôz zis pluôs. Cur lok six jông siêz”.

          Đros co, HTX thâuv tưs cux uô jông hâux lưv tsoz phưz trâu têx lênhx nênhs hâur HTX, yax six chox kriê têx đoanx thêv tsưr tsix muk seiz nus tôngv vênhx têx lênhx nênhs hâur HTX thâuv muôx moz gênhs, njiz phêv liv; paz yênhx châuv chuôzz is njiz trâus ntux nas đros chor nhiêx txiêx zos yênhx puôk tsov đeiv.

          Bộ đội lâuk Đỗ Hòng Phương, Giám đốc HTX saz pênhz 27/7 puz pâuz: HTX đros công đoàn yax six tsưr tsix 2-3 shông iz jiês trâu têx lênhx nênhs muk ndis seiz qơư tsav txênhz thâuv ntêx, têx qơư ndis shuôk ju lix hâur tas nro têz qơưk: “Lok têx hnuz ntênhs, hnuz tsiêz, tiv zix zos chiv nhênhv 27/7 mak HTX puôr lênhx muk tôngv vênhx, seiz nus thiêz muôx huv khơưk muôz trâu têx đồng chí saz pênhz, paz lơưr tso siêz tsiv uô tâu xiv huv chuôz cxaz phênhv sâu trâu chuôz zis”.

          Đros têx hâux lưv uô tsênhv tsênhz, muôx ziz njiêz paz têx lênhx saz pênhz, têx bộ đội lâuk, chuôz zis tâu sơưv cêr chei, txu grês cêr yeiz pluôs, uô bluô nux truôx vênhs sâuv tiv phaz, HTX saz pênhz 27/7 tưz jênhv tâu bê zos tập thể lox tôngv jông ntâu shông tsi so, đros co zos ntâu ntơưr kruôk cxôngx Ub tỉnh Sơn La, Liên minh HTX Việt Nam./.

(Trấn Long- Txâur Vax cxeik nhênhv)