Hli 7 ndo txiêx njis txos chor tuz lênhv tâu tas siv nênhx viv tir ntâuk trol châuz tsưx phưv têz qơưk ntơưv Điện Biên

  Hâur têx hnuz hli 7 no, txơưv zuôr max cxuô zav hâux lưv, taz sik ntâu lênhx px hâur thax tsav cux huôk njôngr six hơưv chiê tuôx hlơưr shoaz hơưv shov têx tuz lênhv tâu tas siv nênhx thâuv ntu tir ntâuk trol châuz li têx kuô nda, ndo txiêx njis txos têx tuz lênhv tưz sir đas jos, trox nyar tir ntâuk trol châuz viv tsưx phưv têz qơưk, chiê cxuô lênhx cxuô tus muôx luz nênhx vav mênhx, tsâu sor li nhiv no. Pos Vũ thị Thu, nhoz phường Mường Thanh, Tp Điện Biên Phủ heik:

“Cur tuôx no, hlơưr shaz hơưv shov iz lênhx cxênhz jê vax tsêr nhoz Hải Phòng tâu tas siv nênhx thâuv ntu tir ntâuk trol châuz tsưx phưv têz qơưk. Lênhx nhuôv heik trâu cur tiêk, nưk xar chox nưk txir muk Hải Phòng, taz sik pov chor tuz lênhv tâu tas siv nênhx têx kuô nda nhoz no tâu qêz suô, tu lok six jông viv li lênhx nhuôv nor quyết tinhv chiê nưk txir nhoz ntơưv no, tsi chox muk Hải Phòng. Cur seiz co cux zos iz kro jông trâu Điện Biên thiêz cur mak têx hnuz no lok six zov chênhr thiêz jông siêz cơưk”.

Đros têx lênhx nênhs uô hâux lưv seiz car, tu chor tuz lênhv tâu tas siv nênhx thâuv ntu tir ntâuk trol châuz li têx kuô nda ntơưv têz qơưk qơư nda A1, TP Điện Biên Phủ, tỉnh Điện Biên, 365 hnuz uô hâux lưv zos 365 hnuz txơưx jênhv, cêr shir phaz. Txix ntêx lok, lơưr tưz seiz chor tuz lênhv tâu tas siv nênhx tsênhv muôx kuô nda nhoz no xưk iz zav li zuk têx nênhs hâur tsêr. Niêv lâul Lò Thị Lịch, uô hâux lưv qêz suô, tu chor tuz lênhv têx kuô nda ntơưv têz qơưk qơư nda A1 heik pâuz:

“Zuk muôx luz nênhx jông iz zav li niêx hnuz nhiv no zos khov muôx chor tuz lênhv tâu tas siv nênhx sir đas jos trox nyar tir ntâuk trol châuz tsưx phưv têz qơưk thiêz zuk cux seiz têx tuz lênhv tâu tas siv nênhx ntơư zos nênhs hâur zuk chuôz zis. Chênhr viv li zuk sir jos uô hâux lưv qêz suô, tu chor tuz lênhv têx kuô nda jông bâuv li chas mak ziv muôx cêr jông siêz, shir phaz bâuv li co. Cur lok six shir phaz thâuv tâu xênhz thiêz hloz lox nhoz Điện Biên Phủ zênhz shôngx-suôv qơư muôx to bê lus sâuv ntiêx têz tir ntâuk zênhx trol châuz, thiêz thax tsav no muôx chor lâuk li: Lênhx txir, nênhs cxênhz jê hâur zuk chuôz zis tâu tas siv nênhx tsênhv nhoz pư đreiv ntơưv co”.

Tỉnh Điện Biên nhiv no tsênhv seiz car chor tuz lênhv tâu tas siv nênhx thâuv têx ntu tir ntâuk trol châuz tsưx phưv têz qơưk li 8 qơư nda, xav hur si muôx nhos 6.600 luz kuô nda. Nhiv no nhiv kruôr muôx 700 ntâu luz kuô nda pâuz mênhx cxix cxuô bê hu, xênhv nênhs, qơư nhoz xưz, 650 ntâu luz pâuz tsi tas, tsi cxuô, yuôr đuô li zos tsi pâuz shor bê hu li chas, xênhv nênhs đaz tsi, vax tsêr nhoz kror tưs….. Têx li heik no tsênhv tsênhv zos iz phiv liv, heik ntâu txos zos sđ, thâuv lênhx tưs tưz muôx jiês tâu hlơưr shaz hơưv chor tuz lênhv tâu tas siv nênhx nhoz nor. Niêv lâul Hoàng Hoài  Thương, nhoz TP Điện Biên Phủ heik:

“Shông tưs hnuz no cur cux tuôx hlơưr shaz hơưv shov chor tuz lênhv tâu tas siv nênhx thiêz cur puôr lênhx lok six jông siêz, uô tsâus ntâu txos têx tuz lênhv tưz sir đas jos, trox nyar tir ntâuk trol châuz tsưx phưv têz qơưk chiê muôx tâu iz Điện Biên truôx tuk, vav mênhx li nhiv no. Iz jiês tuôx hlơưr shaz hơưv têx tuz lênhv tâu tas siv nênhx, cur pov ntâu lênhx tuz lênhv tsi tâu pâuz mênhx bê hu, xênhv nênhs, hnuz nhôngs xênhz zus, qơư nhoz…. Cur vav chiê siêz tiêk, muôx iz hnuz tưs, têx lênhx tuz lênhv no zuôr tâu pâuz cxix cxuô lok sâuv bê hu, hnuz zus, xênhv hmôngz, qơư nhoz thiêz zuôr tâu chor nênhs hâur tsêr, cxênhz jê, têz qơưk tok mul nhoz trâu zuk thax tsav qơư, cur xar co zos iz kro cxuô lênhx sđ lênhx tưs cux xar li ntơư”.

Tâu pâuz, luôs hâux lưk zok nriêr chor tuz lênhv tâu tas siv nênhx thâuv ntu tir ntâuk trol châuz li têx poz cxax, cux iz zav li zok nriêr, xav tinhv chiê pâuz tsênhz mênhx têx tuz lênhv ntơư bê hu, hnuz nhôngs xênhz zus, vax tsêr….thâuv tưs tưz tâu tỉnh Điện Biên moz siêz sik đrosn uô, taz sik hâux lưv co nhiv no cux tsênhv njiz trâul ntâu phiv liv. Đros thiêz tsôngv px, chor nênhs cxênhz jê, tsôngv kruô sđ, iz jiês hlơưr shaz hơưv chor tuz lênhv têx kuô nda zos iz jiês uô trâu lơưr jông siêz, shir phaz lok têz qơưk, suôv qơư zênhz shôngx thiêz chor lâul, têx tuz lênhv tir ntâuk trol châuz đrav ntêx li côngz lox, txiêx njis thiêz seiz co zos đas jos chiê cxơưz sđ cxiv tsa têz qơưk ziv hnuz ziv huôv tsar, vav mênhx đuô./.

                                              (Vũ Lợi-Riê Lâux cxeik, nhênhv)

Lâul jos, nênhs muôx côngz bê nhoz qơư tuk đêx  ntưk lok hâur têz qơưk Việt

  15 shông đrav ntêx, 40 ntâu ziv chuôz zis tsôngv box Hmôngz nhoz chor jêx jok tox siêz, đêz đrôngs, thax tsav txov nhêv tiv zix oz xar Dìn Chin thiêz Pha Long, huyện Mường Khương tưz txar lok nhoz ntơưv jok Lũng Pô, xar A Mú Sung, huyện Bát Xát. Thiêz iz  hâur chor nênhs txar lok nhoz ntơưv no trơưk Đảng, Chinhr phuv chox kriê txar pêx xênhv muk nhoz trâu ntus đriv zos zơưv Ma Seo Páo:

“Txar lok nhoz ntơưv no mak zênhx pâuz tiêk thax tsav ntus đriv no lok six phiv liv, taz sik cux tsuv sir jos xưz. Thâuv ntêx cur cux tuôx ndis shuôk ntơưv no lơưv, zênhx phiv liv tiês, ntơưv no mak tsik zôngx ziv uô hlo. Tsênhv cik txos ntâu kror thiêz, iz mak zos pêx xênhv sơưr đơưk tsuv sik côngv siêz, sik paz thiêz tsuv mnôngs lơưr Đảng, por vêv jông ntus đriv”.

Tâu huyện Bát Xát, Đảng ủy, chinhr quyền xar A Mú Sung thiêz  tiv zix zos Zênhx Pênhz phax A Mú Sung, Đoanx kinh têr Côx phax 345 moz siêz txos paz, pox nhuôs sơưr đơưk tưz sik côngv iz siêz cxiv tsa luz nênhx ntơưv qơư nhoz yiêz Lũng Pô. Txix thax tsav har phaz tưz tâu tsôngv box Hmôngz nhoz Lũng Pô sik đros chos poz cưk, kok ntông, txir pôngr lux thiêz tsơưz, huôv tsar kinh têr, truôx tuk luz nênhx. Txix 10 ha xuz thơưx, txos nhiv no, jok Lũng Pô tưz muôx 80 ntâu ha tsơưz thiêz xưk li chuôz zis tưs cux chos tau tsơưz. Iz zav li tix lâus Ma Seo Làn chuôz zis (zos zơưv Páo tuk tuz tiv oz nhiv no zos Bí thư Chi bộ jok) chos 4 ha tsơưz, 3 ha poz cưk, kok ntông thiêz 1 ha txir thênhx caz, xav tas cxuô kror, iz shông tix lâus chuôz zis sâu tâu lok txix 200 txos 300 triệu đêiv:

“Nhoz ntơưv jok mak tưz yênhx lix chor đôiv chiv chir uô, txiêr tsơưz, paz muôx phênhv sâu trâu pêx xênhv sơưr đơưk. Txiêr ntiv hâur têx thôngr ntơưr, iz lênhx nênhs uô iz hnuz mak cux sâu tâu txix 1 triệu txos 1 triệu 500 cxênhz đêiv. Nhiv no, sâuv thax tsav A Mú Sung mak cur tsênhv sơưr lok sâu zuôr trâu pox nhuôs chiê muôs muk  trâu saz Trung Quốc, đhâu trôngx đriv Kim Thành Lào Cai. Nhoz ntơưv no, chor chuôz zis li zơưv Lù Seo Páo cxiv uô tâu tsêr xar muôx 1 tiv. Zơưv Lù Seo Lử chuôz zis zuôr tâu yêz ô tô nhiv no tsênhv zôngv chiê thâux xa hax huv trâu pêx xênhv hâur jok, Ly Seo Vư cux zuôr tâu yêz lox chiê chêix muk lok”.

Tix lâus Lù Seo Nhà ziv chuôz zis, muôx 3 lênhx nênhs, thâuv ntêx cux zos chuôz zis muôx luz nênhx txov nhêv. Pov tâu zơưv Páo oz txir tuz chos tsơưz, kok ntông paz muôx tâu kinh têr siêz tưz cơưv shâuv thiêz uô trơưk. Nhiv no tix lâus Nhà chuôz zis tưz muôx luz nênhx truôx tuk lơưv:

“Tâu Đảng, Têz qơưk moz siêz txos chiê pêz lok nhoz ntơưv no mak txos nhiv no pêz tưz muôx tâu luz nênhx yiêz jông đuô lơưv. Pêz tưz chos tâu kok ntông, chos tâu tsơưz, cur chuôz zis chos tâu muôx 3000 tsoz tsơưz, hok kok ntông mak ntâu hênhr. Xav mak iz shông chuôz zis sâu tâu muôx 60 triệu đêiv”.

Côngv siêz, côngv njưl, njênhs njôngr trâu Đảng, txos nhiv no, jok Lũng Pô tưz zos yênhx qơư chi cax lok huôv tsar kinh têr, vênhx huôv, đros tuôr truôx ngaz tuk-Côx phax sâuv thax tsav ntus đriv Lào Cai. Txix iz jok muôx ntâu ziv chuôz zis yêiz pluôs, txos nhiv no, Lũng Pô tưz zos yênhx luz jok muôx thiêz bluô nux. Phênhv sâu xav lênhx nênhs tâu muôx 60 triệu đêiv iz shông. Trung tá Lý Sín Sẩu, Chính trị viên Zênhx Pênhz phax A Mú Sung puz pâuz:

“Jok Lũng Pô txos nhiv no mak tsik yuôr chuôz zis pluôs lơưv. No zos iz luz jok sir jos huôv tsar uô kinh têr, hâur co muôx chos tsơưz, kok ntông paz muôx tâu phênhv sâu siêz, zos iz  haur chor jok uô tâu nox tiv zix xar A Mú Sung”.

Txix thâuv lok nhoz ntơưv Lung Pô txos nhiv no tưz xar muôx 15 shông, zơưv Ma Seo Páo cux iz siêz njênhs lơưr Đảng, hêik pox nhuôs sơưr đơưk por vêv truôx jông thax tsav ntus đriv têz qơưk. Txơưv tiêk ntu thâuv ntêx no uô tsar jok thiêz nhiv no zos iz lênhx lâul jok, nênhs muôx côngz be, zơưv cux zos iz lênhx đảng viên jông, uô ntêx hlo thiêz zos nênhs chiê chor jêx jok nhoz A Mú Sung-qơư tuk đêx đuz ntưk lok trâu têz qơưk Việt cơưv shâuv uô trơưk:

“Uô nênhx nhoz trâu kror tưs zos tsik muôx Đảng paz mak cux zuôr uô nênhx nhoz tsik tâu. Zuk uô nênhx nhoz mak tsuv muôx Đảng, muôx Têz qơưk, tsuv muôx iz tsưr tsix, ngaz tuk, muôx pênhz phax, pêz uô huv zos trơưk cêr chêi, zos iz qơư chi cax chiê A Mú Sung por vêv truôx jông ntus đriv, huôv tsar kinh têr truôx đrênhk”.

Phuôx huiz tsưr tsix Đảng li pưk txux, tiv zix zos chor đảng viên li zơưv Ma Seo Páo, jok Lũng Pô nhiv no tưz muôx chôngz lênhx đảng viên hluôk iz siêz njênhs lơưr Đảng, sir jos cơưv shâuv, huôv tsar kinh têr, txo grêk cêr yêiz pluôs chiê jêx jok muôx tâu iz luz nênhx jông, tsâu sor đuô./.

(Giàng Seo Pùa-Lik Thox cxêik nhênhv)