Xar tsưr ziv uô têx zav phax tir thêir nas chuô-Faz Bắc txo grêk tsơưs trâul ruôr hiêv

Tưz 4 shông đhâu xav txix thâuv coz nas chuô lox hmo xiêz 2, têis cik sơưr nzor hnuz xiêz 3/8 uô ruôr hiêv, tror ndo txos thâuv đêx nas lox cuôr yôngz têx ar, poz jêz đror đrông ntưk pêv trôngz lok, ntâu lênhx px nhoz jok Huổi Nặm, xã Nậm Păm, huyện Mường La, Sơn La hmôngr cux jông tâu khiêr điv.

Tix lâus Cà Văn Biên, tsar jok Huổi Nặm-zos lênhx gra luz loa nta suôz ntơưv têk hu tsôngv cưr tix nênhx tsa sđ cov zok nriêr qơư khiêr gâuv tưz chơưv paz tâu tas nro tsôngv px sđ hâur jok tsuôk iz njêik muôs xưz đhâu coz nas lox cuôr yôngz, tox xưz poz thâuv shông co tror ndo txos: Thâuv ntơư tưz xar tsi txos têx riêz nênhs, thâuv hmo tsâuk ntux nti, tix lâus tsuôk pâuz gra loa nta suôz đhiê pur jok ntiê trâu uz trâu no hu sđ cov zênhx max khiêr muk trâu têx qơư truôx tuk xưz:

“Thâuv co tsuôk xar tâu tiêk, tsuv uô li chas hu tâu zênhx max sđ sik đros khiêr cov điv ziv sei ziv jông xưz, tưz xar tsi txos đaz tsi li. Đhâu thâuv cur hu heik sđ mak tsôngv px qir hu siz zâuv đhiê khiêr, sđ cê đhiê cê kuôx, thâuv co đêx nas cux ngaz txos hâur txâus lơưv. Txos 5 six sơưr nzor, cur đros chor công an viên thiêz jênh quân muk qênhz shuôs iz ndis hâur jok chiê nus seiz pok muôx lênhx tưs trâul uô li chas, trâul plox mông chiê zok nriêr, mak tâu sđ heik tiêk, tsi muôx lênhx tưs uô li chas hlo, puôr lênhx nhoz cxix cxuô”.

Trơưk li zơưv Nguyễn Văn Tâm, Phưv Chủ tịch Ủy ban huyện Mường La, tỉnh Sơn La, têx tsênhz tiês ntơưv Nậm Păm tso pov, loa nta suôz gra ntơưv têk li no hâur phax tar ntux uô ruôr hiêv fiv đros ntâu xã, jok nhoz cxuô thax tsav Tây Bắc thiêz lok six jông chiê nthuôr uô đar trâu cxuô luz jêx jok, xã cơưv shâuv, uô trơưk:

“Thâuv muôx ntux nas lox, đêx hloz mak tas nro cxuô tsar zav li: Xor tôngx, tênhv tênhz uz no....trâul hu tsi tâu thiêz tu tas, thâuv ntơư tsuôk yuôr loa nta suôz gra ntơưv têk thiêx zos kror zov chênhr đuô hur si chiê tsôngv box muôx têx siz hu, siz heik tâu trâu cxuô lênhx sđ pâuz chiê zok nriêr qơư gâuv, cêr khiêr. Đhâu coz nas lox ntơưv Nậm Păm, tỉnh thiêz T.Ư cux tưz pov tâu loa nta suôz li heik sâuv têx jông thiêz co muôx têx zos tsưr ziv jông chiê uô lơưr hâur tsênhv tsênhz lok phax tar ntux uô ruôr hiêv nhoz tox siêz”.

Traz trâux tix lâus Vù A Chả-tsar jok Nà Lặc, xã Trịnh Tường, huyện Bát Xát, Lào Cai tuôr khoz luz tsưz hlâu (kẻng sắt) zos khoz hâur jiês cơưv shâuv têx tsưr ziv yuôr trâul lok phax tar ntux uô ruôr hiêv hâur cheix ntux nas shông 2021. No zos luz tsưz tâu đei chiê khoz heik trâu tsôngv cưr tix nênhx tsa sđ pâuz thâuv muôx ntux nas lox, đêx hloz thiêz hâux lưv uô no zuôr tâu uô đreiv xưk li iz tsưr ziv jông thâuv muôx yưv têx li heik sâuv:

“Khoz iz tês ntêr zos heik pâuz lok ntux nas, sđ tsuv chênhr phax; yuôr đuô li iz zav: Muôx tuz saz tuz nhiês mak khoz 2 tês. Thâuv zuôr muôx ntux nas lox mak pêz khoz heik trâu sđ pâuz, chuôz zis tưs muôx nênhs muk uô liêx têz tsi tâu lok tsêr mak cux heik trâu pêz pâuz chiê muôx tsưr ziv paz zênhx max”.

Trơưk li zơưv Vũ Khắc Trọng, Chỉ huy trưởng Quân sự xã Trịnh Tường, uô lênhx thơưx seiz car chor nênhs uô luôs hâux lưv phax tar ntux uô ruôr hiêv xã, txix têx tsi jông, trâul ruôr hiêv đhâu coz nas lox shông 2008 txos nhiv no, tsôngv px Trịnh Tường tưz  chênhr phax lok six ntâu lok têx li heik sâuv. Taz sik chiê uô tâu jông, cxix cxuô thiêz bax tâu têx tsưr ziv phax txar jav li nhiv no, tsuv khov lok côngv thôngx sđ têx cêr sik thôngx siêz, sik đros bax uô lơưr têx tsưr ziv phax tar iz zav li uô ntơưv thax tsav no lok shông 2019:

“Thâuv ntêx têx lênhx uô luôs hâux lưv phax tar ntux uô ruôr hiêv xã phênhv ntâu zos jênh quân. Hok thâuv muôx tsưr ziv uô li heik sâuv mak ntâu lênhx cux đros cxaz chuôz, txix tsar jok, công an viên, jênh quân, tsar ban côngz xưv mặt trận..... Niêx shông puôr lênhx cơưv shâuv têx tsưr ziv yuôr trâul li: Kriê xav tinhv têx thax tsav, suôv qơư tưs zôngx ziv trâul ntux uô ruôr hiêv, tox xưz poz, đêx nas cuôr yôngz, kriê tsưr ziv uô têx tsêr fênhz suôz nhoz gâuv, tsưr ziv chơưv paz lênhx nênhs....”.

Muôx têx pov, pir li ntâu côngz trênhx phax tar ntux uô ruôr hiêv tsuv zuôr trâul txos ntâu pênhr, uô têx lênhx nênhs seiz car cxơưx, mak hâux lưv xar thiêz uô têx tsưr ziv li heik sâuv txix côngv thôngx sđ sik thôngx siêz, sik paz, sik đros tsưx phưv zuôr cxênhx txuôs thiêz jông đuô. Đhâu têx luôs hâux lưv uô siv nhoz Trịnh Tường, xuz thơưx Lào Cai zuôr nthuôr uô đar trâu 5 xã txơưr đuô cơưv shâuv, uô trơưk hâur shông 2021.

Ntơưv Yên Bái, nưk muôx nưk iz tsưr ziv uô thiêz xuz thơưx tưz uô tâu jông-co zos yax kriê uô ntêx trâu tsôngv box sđ pâuz chiê sik đros chênhr phax, txar jav, lar heik zos yax kriê lok đêx nas ngaz, cuôr yôngz, tox xưz poz.

Trơưk li zơưv Trần Anh Văn, Phưv chi cục tsar Chi cục đêx liv tỉnh Yên Bái: Txix têx tsênhv tsênhz tso pov, zos uô jông hâux lưv njuôk ntux têx txơưr txar, heik trâu tsôngv px sđ pâuz uô ntêx thâuv zuôr muôx ntux nas chuô, đêx hloz, tox xưz poz mak têx trâul ruôr hiêv tiv ntux uô zuôr txo grêk tsơưs. Ntêr lok no, tsưr ziv co cux tâu taz viv fuô uô đreiv đhâu têx ntơưr pov tsir, loa nta suôz, đeix lok sik siz heik kriê iz tus đhâu iz tus....chiê sđ pâuz. Txix thâuv yax kriê, tso têx mông hâur mạng XH taz por tâu zênhx max thiêz sei đuô, 2, 3 shông lok no, taz viv cux tưz nzaz nzơưv nzir faz tsưr ziv co chiê yax xa mông txos trâu tsôngv px cov tâu sei, viv trơưk li njuôk xav, iz xor xưv tsuôk muôx 300 lênhx nênhs sox seiz, krêz shuôs xưz, đhâu ntơư zuôr zênhx max muk txos tâu trâu yênh châuv cxênhz lênhx txơưr đuô....:

“Thâuv txeik tâu Ban seiz car phax tar ntux uô ruôr hiêv tỉnh têx mông heik pâuz lok ntux têx txơưr txar, đhâu hlo co huyện, xã tưz pâuz thiêz pov tâu thôngz đhâu zalo chiê yax kriê txos hâur xã, hâur jok pâuz. Iz chas ntơư muôz têx mông thiêz đuôz heik lol luz jok trâul ntux uô ruôr hiêv ntơư xa tror trâu xã, huyện thiêz tỉnh chiê chor hloz pâuz, zênhx max muôx tsưr ziv paz, đros khưx phưv têx tsi jông, trâul ruôr hiêv...”./.

VOVTB-Riê Lâux cxeik, nhênhv)