Jax sâu thưr 4, hnuz 30/9/2015:

Lào Cai: Cxơưz tiês luôs hâux lưv yax kriê chei cheix  yêz trâu shuv xênhz hâur têx tsêr cơưv ntơưr

Nhiv no, hâur thax tsav TP Lào Cai muôx 25 cxênhz lênhx shux xênhz cxuô cxênhx cơưv, lơưr co, têx lênhx nênhs cheix yêz muk lok hâur TP Lào Cai zos shux xênhz cux muôx ntâu lênhx. Lar heik đuô, hâur têx lênhx nênhs ntơư muôx tsi tsơưs lênhx shux xênhz uô cxâuv têx chei, cui tinhv cheix yêz muk lok tâus cêr. Chênhr viv li, txix ciês hâur shông cơưv yiêz, Công an TP Lào Cai tưz đros têx tsêr cơưv hâur thax tsav tsưr tsix yax kriê lok ngaz tuk zoz thôngz chiê gra siêz têx shux xênhz txux chi, tsưr ziv jênhv pâuz txix ciês thâuv tsênhv cơưv ntơưr hâur têx tsêr cơưv.

Txix têx jiês xênhz huôx đros ntâu tsưr ziv li: Tsưr tsix têx jiês tưr thik nriêr pâuz lok chei ngaz tuk zoz thôngz, sik njiz sik thav đros cảnh sát zoz thôngz, uô reik đros chei ngaz tuk zoz thôngz têx chei, cui tinhv, lưv lươngv cảnh sát zoz thôngz Công an TP Lào Cai tưz fuô kriê tsênhz mênhx têx cui tinhv chei ngaz tuk zoz thôngz txos trâu cxuô lênhx shux xênhz, paz shux xênhz pâuz tâu lok têx riêz nênhs thiêz muôx liv trâu zuk thâuv cheix yêz muk lok tâus cêr li: ntông câuk mov yêz; cui tinhv thâuv zuôr hla muk lok đhâu cêr; yênhx têx tsưr ziv, siêz xar uô jông thâuv cheix yêz muk lok….. Vi Thị Dương, shux xênhz lớp 9A, tsêr cơưv cấp II Tả Phời, TP Lào Cai, tỉnh Lào Cai heik:

Băng: “ Thôngz đhâu jiês yax kriê no mak cur pâuz nzir tâu ntâu têx chei, cui tinhv thâuv cheix yêz muk lok tâus cêr thiêz cur zuôr uô lơưr jông têx chei, cui tinhv lok ngaz tuk zoz thôngz”.

Luôs hâux lưv fuô yax kriê chêi ngaz tuk zoz thôngz tsi tiêk tâu têx lênhx cảnh sát zoz thôngz Công an TP Lào Cai moz siêz uô trâu ntơưv têx tsêr cơưv tsênhv qơư, mak tsênhv muôx tsưr ziv fuô kriê txos trâu cxuô tsêr cơưv hâur thax tsav tox siêz đêz đrôngs, thax tsav txov nhêv hâur TP. Thôngz đhâu têx lênhx shux xênhz, hâux lưv yax kriê têx chei, cui tinhv cheix yêz muk lok ntơư, tsênhv zuôr tâu fuô uô, kriê txos trâu hur si têx lênhx cưk kriê ntơưr thiêz shux xênhz niêv txir, nênhs cxênhz jê, zos têx lênhx zuôr trâus gra siêz txux chi, tsưr ziv jênhv pâuz thâuv cheix yêz muk lok tâus cêr chiê têx shux xênhz, chor tuz nhuôs cơưv shâuv, uô trơưk. Trung tá Vũ Thị Hải Yến, Phưv tsar Công an TP Lào Cai heik pâuz:

Băng: “Pêz Công an TP tsênhv muôx tsưr ziv fuô uô txos trâu  têx tsêr cơưv, lar heik zos thax tsav tox siêz đêz đrôngs, thax tsav tsôngv box heir nênhs tsơưs. Tsưr ziv no zos yax mông, fuô kriê lok sâuv taz por txiv ngaz truôx tuk zoz thôngz. Tiv iz zos kriê lok vênhx huôv zoz thôngz txos trâu têx tsêr cơưv, chor uô niêv uô txir, shux xênhz sơưr đơưk pâuz thôngz, pâuz cxuô chiê uô li chas cov lơưr zos têx lênhx yax kriê têx chei, cui tinhv cheix yêz muk lok tâus cêr ntơư txos trâu hur si tsôngv box, cưr tix nênhx tsa sơưr đơưk đros pâuz”.

Hâux lưv sik đros tsưr tsix yax kriê nhoz lưv lươngv cảnh sát zoz thôngz Công an TP Lào Cai thiêz têx tsêr cơưv hâur thax tsav tưz paz gra siêz trâu têx lênhx canr bôv, cưk kriê, chor uô niêv uô txir thiêz shux xênhz txux chi, tsưr ziv jênhv pâuz, cux li txo grêk tsơưs têx txuz uô yêz siz yar siz đrâus tâus cêr thâuv cheix yêz muk lok./.

( An Kiên-Riê Lâux cxeik-nhênhv) 

Phênhv “Đas jos thiêz siv nênhx” Hnuz 30/9/2015:

Yax kriê côngv thôngx sđ đros tsưx phưv hâur đêx

Zươv Hoàng Dương Tùng, phó Tổng cục trưởng, Tổng cục tênhx qơư, Bộ tênhx qơư hêik pâuz, uô vuôz tsuôz kiêk nênhs hâur đêx nhoz thax tsav jêx jos tox siêz, qir tiv zos: huôv tsar tu zus tsiêx cxu, tsêz chos kôngz lôngk, tso têx đêx vuôz tsuôz kiêk nênhs hâur thax tsav ciêz đrôngl  ntưk muk trâu hâur đêx, uô đêx vuôz tsuôz kiêk nênhs. Đêx vuôz tsuôz kiêk nênhs zos qir tiv uô ruôr hiêv txos lênhx nênhs đas jos-ruôr hiêv txos luôs hâux lưv huôv tsar kinh tế-xã hội; chênhr zos li hêik ntơư, luôs hâux lưv cxiv uô qơư tok đêx hur trâu tsôngv px sir zôngv zos luôs hâux lưv zov chênhr, tsuv tâu uô.

Trơưk li tsênhv qơư têz qơưs đêx xênhz huôv thiêz đêx hur thax tsav jêx jos tox siêz, nhiv no luôs hauax lưv cxiv uô qơư tok đêx hur trâu thax tsav jêx jos tox siêz tsênhv uô tsik tâu truôx trơưk li siêz xar. Chênhr zos li hêik ntơư, chiê iz thênhv jux juk hlôngr yiêz tsưr ziv sir zôngv đêx hur trâu thax tsav jêx jos tox siêz; tsuv fuô yax kriê tsôngv px sđ pâuz tsênhz lok têx kror muôx liv sir zôngv đêx hur. Cxươz cxiz hauax lưv fuô yax kriê hur si côngv thôngx, xã hội sir zôngv đêx hur thiêz đros tsưx phưv tênhx qơư, côngv thôngx, xã hội tsuv uô trơưk têz qơưs têx quy tênhyv tsưx phưv tênhx qơư.

Cxuô lênhx nênhs nhênhz chơưv lok tsưx phưv tênhx qơư cux xav tiêk: Têz qơưs luôs hâux lưv cxiv uô qơư tok đêx hur trâu thax tsav jêx jos tox siêz txos shông 2020 cux xav tâu tsênhz mênhx cxuô luôs hâux lưv uô: “Hur si tsôngv px thax tsav jêx jos tox tâu sir zôngv đêx hur”. Phênh ntâu, tsôngv px nhoz thax tsav jêx jos tox siêz pâuz tsưx phưv truôx vệ xênhz tênhx qơư, chênhr zos uô tâu jông luôs hâux lưv yax kriê trâu thax tsav tox siêz đêz đrôngl. Luôs haux lưv cxiv tsa jêx jos yiêz, chênhr zos  cxiv uô qơư tok đêx cov muôx txâuk đêx hur trâu tsôngv px thiêz cxuô luz tsêr cơưv, tsêr kho njuôk moz sir zôngv.

Chênhr zos li hêik ntơư, hâur ntu zuôr txos no, đros trâu luôs hâux lưv uô truôx cxuô qơư tok đêx lok trâu tsôngv px sir zôngv; hur siátôngv px thiêz côngv thôngx xã hội tsuv sik đros paz pênhr nhiêx, paz côngk đas jos chiê tror cxiv uô nzir thiêz kho đuô têx qơư tok đêx cov truôx đrênhk thiêx muôx txâuk đêx hur trâu côngv thôngx sđ sir zôngv hauar yênhx hnuz. Ntơư cux chênhr zos cxươz cxiz cxuô tsênhv qơư uô cov tiêr luôs hâux lưv cxiv tsa jêx jos yiêz trâu thax tsav jêx jos tox siêz đễ đrôngl./.

                                                              (Tuyết Lan)