Jax tiv 2: Txu yeiz cxuôv pluôs trâu thax tsav tsôngv box mênhx cxưx Mảng tsuv yưv pênhr trơưk tsưr ziv

          Tsar công an xã Bum Nưa Vàng Văn Trung tâu pheiz côngz uô Bí thư chi bộ jos Nậm Củm. Chi bộ muôx 9 lênhx đảng viên, taz sik tsuôk muôx 4 lênhx đảng viên zos lênhx nênhs hâur jos, chor tsênhv yuôr zos cxôngx xã thiêz cưk kriê chuôz tsar tuôx đros xênhz huôx. Hâux lưv huôv tsar đảng viên thiêz xênhz huôx đangv cux lok six phêv liv viv tsôngv box li jênhv pâuz tsênhv kis. Lơưr zơưv Vàng Văn Trung, pox nhuôs ntâu shông no tsênhv six fênhx tos njôngr lok têz qơưk li têx paz txưv viv li têx dự án yưv pênhr trâu tsôngv box Mảng tsuv krez uô uô cê, thiêz tsênhz tsênhz uô hlôngr yiêz tsôngv box li siêz xar pôngz kaz. Hâux lưv paz txưv cxur chơưv yeiz mak têz qơưk cungz 15 cir iz lênhx nênhs iz luz hlik cux tsuv krêz uô cov huv đros:“Cxur chơưv yeiz trâu pox nhuôs thâuv ntêx tso ntơưv UB xã đhâu co pox nhuôs chiv chir tuôx gra. Tuôx gra mà đêz thiêz hnhar viv li tsôngv box pâuz chiê zuôr chơưk hâuk thiêz zuôr zav nox. Cxôngx co đảng ủy xã chox kriê cxur chơưv yeiz mak tsuv zôngv yêz thâux mul txos jêx jos. Viv li cur tưz vênhv tôngv têx doanh nghiệp lok sik heik yêz côngz tsinhx thâux cur mul txos qơư tsôngv box nhoz uô nênhx”.

          Zơưv Mai Văn Thạch chủ tịch UB huyện Mường Tè pheiz kênh: Tsôngv box Mảng khênhr nhoz têx qơư đêz tsênhv qơư xã, cêr lax mul lol, muôx têx qơư mak trâus cêv kuôk đros thiêz thax tsav saz đrâuv ciês. Viv li têz qơưk, tỉnh thiêz huyện tz yưv pênhr cxiv tsa cêr zaoz thôngz, tênhv tênhz, tsêr cơưv ntơưr, qơư y tế; yưv pênhr zuôr chuôz zênhx chuôz tas, zôngv khoa học kỹ thuật lol uô xênhz yar kôngz nuv, thox cxov cán bộ ntơưv qơư...phưx vưv côngz xưv txu yeiz cxuôv pluôs, côngz xưv seiz njuôs thiêz kho moz, tsoz phưz đas jos xênhz zus nhuôs trâu pox nhuôs. Chiê pox nhuôs tâu zôngv khoa học kỹ thuật, chox nôngz tsoz chos, tsiêx tu zus yiêz lol chos thiêz tu zus, hla đhâu cêr pluôs, moz gênhs, cấp ủy, chinhr quyênx cxôngx xã txos huyện tưz chuôz tsar cán bộ mul yênhx jêx jos, yênhx ziv chuôz zis chiê paz heik kriê. Taz sik, thâuv cán bộ tror lơưv mak cxuô hâux lưv tror jông li kuz: “Uô ntêx mak tror yax mông vênhv tôngv pox nhuôs, đhâu co nriêr tâu têx lênhx nênhs uô ntêx hlo hâur jos thiêz paz txưv trâu têx lênhx nênhs co têx trâur nuv uô nox uô hâuk chiê tov kaz no cxuô lênhx nênhs cơưv shâuv uô lơưr. Têx ziv chuôz zis tsi muôx pênhr, tsi muôx ar uô xênhz yar, tsi muôx chênhz zênhv zos chiê lơưr chiv chir uô mak lok six lax uô tâu”.

          Lơưr tiến sĩ Trần Hữu Sơn, Phưv chủ tịch Hội văn nghệ trâur lâus Việt Nam, nênhs tưz nhênhz chơưv lok tsôngv box Mảng nhoz Lai Châu puz pâuz: Đhâu nhênhz chơưv thax tsav tsôngv box Rục nhoz Quảng Bình; thax tsav tsôngv box Mảng thiêz La Hủ nhoz Lai Châu mak 3 mênhx cxưx no puôr lênhx tâu têz qơưk yưv pênhr paz txưv lok six ntâu taz sik tsênhv six fênhx tsi tâu hla đhâu cêr pluôs. Tas nro têx qơư mak thâuv ntêx tsuv mul tơư 2,3 hnuz thiêx li tuôx txos, nhiv no txuôk jâuv yêz ô tô tưz mul txos ntơưv qơư, pos nhuôs muôx kôngz lôngk chiê muôs taz sik six fênhx tsi tâu hla đhâu cêr pluôs, co pok zos yưv pênhr tsi tâu huv đros?:“Viv li chas tsôngv box Mảng ho huôv tsar tsi tâu. Co cux zos pêz li iz phênhv txơưx jênhv, co zos tsi nhênhz chơưv jông yênhx mênhx cxưx li cêr uô nênhx chiê muôx têx tsưr ziv huv đros. Ủy ban mênhx cxưx cux tưz muôx dự án,ntâu nganhx cux muôx dự án yưv pênhr trâu pox nhuôs taz sik ho tsi nhênhz chơưv đas jos ntơưv qơư, mênhx cxưx co li têx kror muôx jos mak tsuôk uô lơưr têx tsưr ziv cxuôv yeiz thiv pluôs mak tưz uô đros mênhx cxưx choz tsiz lok sik mênhx cxưx txơưr. Uô tsôngv box tsi chiv chir sir jos hla đhâu cêr pluôs mak tsuôk pâuz tos njôngr lok têx phênhv paz txưv, paz pox nhuôs xar, paz pox nhuôs uô”./.

(Thủy Kiên- Txâur Vax cxeik nhênhv)